chusaijahi's Profile

🍲城寨煲皇天氣終於開始轉涼，即刻又想打邊爐🤤決定朋友嚟呢間充滿懷舊氣息嘅餐廳試一試🥳裝修主要用霓虹燈，懷舊feel，打卡一流••••••••••••••••••••🍲龍鳳雞煲翅 $428千祈唔好比個價錢嚇親，入面係超級足料嫁！海量雞絲、花膠同魚翅，湯底味道好濃郁清甜，可以當湯飲，飲完唔會覺得口渴，一啲味精都冇👍🏻飲完湯之後會加清湯嚟打邊爐🤤🥢麻辣涼拌花甲 $148平時都係食花甲粉絲多，涼拌花甲又幾特別份量多，麻香好重，配上濃濃嘅花椒味，超級開胃👍🏻🥢手切滑牛肉 牛肉夠大片，非常軟滑又夠肉汁，牛味夠濃郁🥢水魷鬚鮮甜嫩滑，口感爽脆🥢田園雙拼餃 雙拼有韮菜餃同椰菜餃，每款有4件睇樣以為好厚皮，食落先知知有驚喜皮薄餡靚，滿滿餡料，隻隻都好夠味🥢龍口粉絲揀得呢個湯底一定要揀粉絲，比起其他麵類更加吸收到雞湯嘅精華🤤🥢火鍋醬料 $18/位••••••••••••••••••••餐廳食物質素高，絕對對得住呢個價錢店員服務態度好，裝修靚，環境坐得舒服，仲有好多打卡位依加星期日至四去仲有8折優惠，記得快啲去訂枱啦🥳••••••••••••••••••••📍尖沙咀亞士厘道24-38號天星大廈地庫A號舖••••••••••••••••••••…Read More

☕️ GRIND SIZE經過門口見到個句子好有霸氣’窮撚賣咖啡’咁我哋一定係’窮撚買咖啡’••••••••••••••••••••••••🥢澳洲牛面頰沙嗲煎腸粉 $138（可惜太遲去得返手卷粉）牛肉好淋,可以話係入口即溶嘅感覺🤤仲要好入味 第一次食手卷粉,係偏厚身嘅腸粉感覺 醬汁少少辣,唔似平時認知嘅沙嗲,但係出奇地好食👍🏻未食過嘅一定要試吓🥢蟹肉明太子蛋餅 $98成個感覺係偏日式嘅蛋餅 一切開中間留心明太子醬,睇到都流口水,食落仲juice 🥢Nutella Oreo Croffle $72Croffle加雪糕唔邪惡嘅嘢都唔知邊個諗出嚟點解可以咁好食🥹仲要加Nutella醬,邪惡感+200分 🥤鹽漬櫻花soda $48🥤抹茶菠蘿soda $46因為dinner關係 冇試下咖啡,下次一定會去試吓2個都係非常夏天嘅飲品配返食物係好fresh返個人 個人比較喜歡抹茶菠蘿多啲,有係日本嘅感覺••••••••••••••••••••••••2個人埋單$442食物質素高質，係一間鬧市中嘅抖氣cafe放假去chill吓係一個唔錯嘅選擇🤤••••••••••••••••••••••••📍 旺角通菜街10號地舖••••••••••••••••••••••••…Read More

🥢公子茶座•••••••••••••••••生煎肉餅真係唔係度度都有 梗係要黎朝聖一下一入到去 成個裝修就已經feel到懷舊茶座冰室feel 好乾淨好舒服 招牌都好搶眼•••••••••••••••••🥢招牌生煎肉餅飯 $58見肉餅煎得好靚 表面煎到脆卜卜 但都冇話成塊肉餅油淋淋(加分）入邊好Juice好嫩滑 配上醃菜(甜甜地) 鍾意生煎肉餅嘅朋友真係要去試吓🥤龍鳳檸七 +$6只係茶記先見到嘅飲品 當然要叫黎飲下黃檸檬加鹹檸 鹹檸好夠味 就算未督已經飲到浸味•••••••••••••••••見到呢間茶座竟然有cold brew 不過一個人就飲唔到咁多 唯有下次先再去嘆下見到好多人都話一口西多士唔錯 可惜胃得一個 下次再試埋你先🤤•••••••••••••••••📍 九龍灣牛頭角道3號得寶商場地下H號舖•••••••••••••••••…Read More

🥢見見面因為好想食烤魚嘅緣故 發現一間天后食辣嘢都幾正嘅鋪頭要推介下 佢每道辣嘅菜都有得選擇辣道烤海鱸魚(泡椒味) $288鱸魚有炸過先再擺上烤煮 食得出魚邊炸到有少少脆 但魚身啲肉仲係keep到好嫩滑有少量配菜跟-芽菜 木耳 萵筍 海帶 等等如果覺得唔夠都可以額外再加餸辣度都有得揀 今次揀咗中辣 食得出偏辣但唔會好鹹👍🏻值得加分條魚應該有40到50cm咁大條 2個人食都好飽香辣蝦 $158見到賣相都覺得好惹味 睇都會隻蝦都痴滿香料 蝦殼炸到好脆 可以食埋同埋食得出啲蝦都好新鮮清炒萵筍 $62食辣嘢點可以唔食萵筍 唔知點解覺得食辣嘢嘅舖頭佢哋炒萵筍好出色吵到啱啱好 食得出萵筍嘅鮮甜 仲要勁大份 真係好抵食炸饅頭 $38點可以唔叫炸饅頭 一定係必嗌嘅嘢食饅頭偏細個 真係滿足到想食炸饅頭又驚食到好飽食唔到其他嘢嘅感覺青椒皮蛋 $40呢個都有驚喜 個汁幾好味 入到皮蛋度一樣係有得揀辣度架📍 天后琉璃街9號地下…Read More

🍲大將難得行開將軍澳，見到呢間餐廳好多人排隊，就試吓佢😙•••••••••••••••••••••••澳洲和牛局肉放題（成人）$298包咗75種食材，肉類有雞、牛、豬澳洲和牛肩肉、美國 SRF和牛、美國嚴選極上牛、美國特上牛、五花肉、山原島阿古豬五花、山原島阿古豬梅花、特選雞腿肉自助區有熟食、蔬菜、丸類、粉麵飯湯、飲品同甜品，肉就要搵職員order味噌泡菜湯 +$10泡菜分量好多，勁濃味唔會太鹹完熟蕃茄海老濃湯人氣no1湯底，蕃茄同海老嘅味都好濃好岀•••••••••••••••••••••••必食推介:澳洲和牛肩肉:肉味濃，油脂分布平均，入口唔會話好油膩🌟五花肉:睇樣好似好肥咁，入口係爽口唔油膩👍🏻特選雞腿肉:一般火鍋嘅雞肉都會好柴，但呢到好岀色，入口係嫩滑有肉汁嘅，好食到停唔到🌟💯大蟹棒（晚市加配）$32有4大條，好抵食自制窩夫有得玩又有得食，自己甜品自己整👍🏻製作過程好簡單，整完仲可以加雪糕同勁多唔同嘅配料😋•••••••••••••••••••••••2個人埋單$701.590分鐘任食，時間都幾足夠，上肉嘅速度都好快自助區keep住有refill 👍🏻餐廳好大，座位夠闊，落得舒服•••••••••••••••••••••••📍 將軍澳唐賢街9號PopCorn商場1樓F10號舖•••••••••••••••••••••••…Read More

Couple’s kitchen 復古味古典綠餐廳 勁靚裝修情侶閨蜜生日紀念日不妨考慮吓😀😀好有儀式感😀😀是日餐湯紅湯-偏少少牛湯嘅羅宋湯 唔會偏感或偏甜 開胃一流香煎鵝肝牛肉漢堡鵝肝都算大舊 好重油香味牛肉大過手板 仲好厚身 做記150g以上 不過少少偏乾 可有進步空間仲有2塊煙肉、蕃茄、菜 配芝士&沙律醬賣相已經好吸引 完全啱哂食肉獸嘅你哋紅蝦海鮮意粉配龍蝦汁擺盤勁靚👍🏻上面啲蝦都放得好整齊👍🏻每一啖麵都滿滿龍蝦汁🤤 其他海鮮係蝦同麵中間 儀式感真係好正甜品 - 馬卡龍 加 窩夫馬卡龍有紅莓同杏仁味窩夫整到好脆 食完主菜有個甜品 好滿足嘅一餐…Read More

🌶麻辣香鍋旺角又有新餐廳開，梗係要試吓，仲係辣嘢，正正正！•••••••••••••••••••••••••••🥢籐香雞 $66雖然聽個名唔知咩黎，但就好想試吓好驚喜，好好食，用湯底去浸到啲雞肉好滑有少少滕椒嘅味，食到隱約嘅麻辣味，但係有好鮮甜🥢泡椒炒鯛魚片 $108鯛魚片好爽脆，泡椒同平時食有少少分別 成個餸偏橙色，勁驚以為伏但係個醬都好好味送飯一流 推薦👍🏻👍🏻👍🏻🥢手撕包菜 $72食咁多辣嘢當然要叫返個菜平衡下有冇人同小編一樣好鍾意食手撕包菜好鍾意呢個菜嘅口感，尤其是係食辣嘢嘅舖頭叫呢個菜特別好食🥢香鍋 $206今次叫咗六個餸 豬頸肉$48,牛肚$46,蓮藕$28,娃娃菜$26,油豆卜$26,鴨血$32基本上每個食材都係炸完 再擺落個香鍋一齊炒 所以個鍋都比較乾身 同唔會好油浸咁推薦三個好出色嘅俾大家 必點牛肚:癡滿晒香料 好入味娃娃菜:有食串燒嘅味道油豆卜:原來炸到乾身嘅豆卜係咁好食🥤凍檸茶 $16•••••••••••••••••••••••••••2個人埋單$529舖頭新裝修，好乾淨好舒服鐘意食辣嘅朋友千祈唔好錯過，要嚟試吓🥵•••••••••••••••••••••••••📍旺角砵蘭街198號地舖…Read More

🥩牛極勁有返日本感覺－自助售票形式嘅石燒牛自選牛扒的不同部位和重量半助既bar包沙律，湯，白飯，性價比好高每張檯都有岩鹽同黑椒比自己調味•••••••••••••••••••••🐂牛肩排 180g $85取自牛的膊頭部位, 肉味十分濃郁一上檯滋滋聲，記得去自助bar拎圍裙，如果唔係白色衫就GG🫢加蒜蓉係鐵板上燒，呢個食法唔知有幾多人會咁做🤔最正係食道一半，如果鐵板唔夠熱，可以問職員去換，咁就可以keep住熱食🐓日式雞排 $90食完牛當然都要試試其他，睇下整體食物如何雞排差唔多有2隻手板咁大，滿滿嘅燒汁，又係一上檯滋滋聲基本上雞肉上台已經熟 ，但係都好嫩滑用鐵板燒到雞皮脆卜卜咁食，你又試過未？🥣日式牛肉湯很清甜，勁重牛肉味，紅蘿蔔洋蔥煮到腍晒，好好飲🥗椰菜沙律有芝麻醬同黑醋揀，小編就揀黑醋，酸酸地先夠開胃每人$100都唔洗，就可以食到扒，仲要有沙律、湯同飯任食，真係好勁抵🤙🏻•••••••••••••••••••••📍 灣仔皇后大道東238-240號地舖•••••••••••••••••••••…Read More

🍝Woft鬧市中嘅酒吧餐廳，地點勁就腳放工後過黎chill下飲返杯又得，朋友聚會食餐飯都得🤙🏻呢到提供超過60款手工啤酒 pizza menu都好吸引😍•••••••••••••••••••••🍝藍青口配香蒜白酒汁 $119份量都多，擺到成座山咁高藍青口配大量洋葱同小小酒味，送酒一流🍝辣汁蕃茄醬橄欖油蒜片蝦炒扁意粉 $124最有驚喜係蝦，炒得幾入味味道唔洗擔心會太辣，反而有少少甜甜意粉口感軟硬適中🍕BBQ濃醬海鮮pizza 8” $97Pizza餅底夠薄好脆，材料都豐富，啖啖都好滿足🍝惹味一口蜜糖腸 $53蜜糖腸切片後，好似貝殼粉 好重蜜糖浸滿每一片腸，送啤酒一流 🍺手工啤 － [第三者] $75Made in HongKong 當然要支持下 入口酸酸地，係話梅味，真係香港先有味道再配埋個蜜糖腸真係好正🤙🏻•••••••••••••••••••••2個人埋單$515野食唔錯，價錢都唔係貴仲要可以試到好多手工啤酒，啱哂同朋友一齊嚟👍🏻•••••••••••••••••••••📍旺角染布房街7-8D地下…Read More

🇻🇳PRIME PHO行開中環先知原來呢個位置有咁多食肆，就揀咗呢間越南菜試吓☺️••••••••••••••••••🥢軟殼蟹青木瓜芒果沙律 $98 呢個沙律好有驚喜，同岀面食嘅好唔同用咗越南香草配桂花薑醋蒜蓉汁，唔係淨係得酸同辣味，香草同桂花味好岀店員話我知佢地仲加咗酸蘿蔔係入面軟殼蟹炸得好脆，芒果勁鮮甜成個沙律勁開胃🥢醬燒茄子 $68用越式沙爹醬烤原條茄子，面頭配埋炸濱海、櫻花蝦、昆布魚子醬口感層次豐富，個醬勁惹味，茄子烤得啱啱好🥢虎蝦米紙卷 $98虎蝦、酸菜、米粉、青瓜、生菜、紫菜、配自制花生醬越南菜必食嘅米紙卷，一改傳統唔用魚露汁，用自家制嘅花生醬花生醬係成道菜嘅精髓，估唔到可以咁夾💯虎蝦炸到外脆內軟，配菜爽口開胃🥢Prime Pho Ga 雞湯河 $138 🌟🌟🌟火燒三黃雞肉叉燒、雞絲、慢煮雞胸、香茅雞翼珍寶珠、自家製油條、溏心蛋、青蔥、紅洋蔥、芽菜用三黃雞做成雞叉燒，再用火槍燒燒個皮，外層焦香，肉質嫩滑🤙🏻雞絲同慢煮雞胸都勁滑勁juicy 自家製油條有啲似油炸鬼，不過就冇咁油膩重點係佢個湯底好濃雞味，飲得岀係用好多雞去煮，冇味精，最後我連湯都飲哂😂呢個係一定要嗌嘅🌟🌟☕️蜂蜜牛奶越南咖啡 $48咖啡味香醇，除左牛奶仲加左椰奶，口感豐富濃滑☕️冰搖越南咖啡特調 $48未飲已經聞到好香菠蘿桂花味，口感偏酸，都幾特別，非常開胃••••••••••••••••••2個人埋單$548食物勁高質，好有驚喜👍🏻店員服務態度好，主動介紹食物，收碟餐廳環境舒服，坐位闊落絕對推介大家要去試下🌟🌟🌟••••••••••••••••••📍中環嘉咸街23號My Central1樓10號舖••••••••••••••••••…Read More

🍝Flagship 環境勁chill餐廳，門口望落好似啲海邊小屋，入面裝修都好舒服餐廳主打fusion 菜，將中式口味融入去西餐••••••••••••••••••••🥗八珍甜醋羽衣甘藍沙律 $158脆口既羽衣甘藍，仲有車厘茄同腰果醬汁用八珍甜醋，酸酸甜甜好開胃，原來可以咁好食😋唔錯唔錯🐖避風塘伊比利亞黑毛豬扒 $338避風塘炸蒜均勻係肉上，成個豬扒每一啖都有避風塘口味肉質好軟熟，容易切開，好似切緊燒牛肉咁雖然係豬扒，但食落好似牛肉咁嫩，一定要試試👍🏻🍝中式卡邦尼意粉 $238金華火腿加埋本地臘肉，唔會好鹹，比一般卡邦尼多咗陣鹹香味幾特別意粉口感有彈性，醬汁掛到每條意粉 ••••••••••••••••••••2個人埋單 $807食物高質，又好特別，值得一試👍🏻環境又一流，夠chill推介大家可以一試🌟••••••••••••••••••••📍灣仔船街35號地舖••••••••••••••••••••…Read More

🌝J.moonBookmark 咗好耐終於都得閒去🥳••••••••••••••••••••••••••••••以月球為主題，室内勁浪漫，成個天花都係波波吊燈室外露天花園環境好chill，outdoor感覺但室內氣溫 就算7月咁熱天氣都唔驚 注意：室內可以食煙 如果好驚煙味嘅朋友記得選擇室內座位••••••••••••••••••••••••••••••🥢All day breakfast $98都幾豐富，烤到好脆嘅酸種麵包配煙三文魚、腸仔、菇、滑蛋完美組合💯加埋個酸酸甜甜嘅黑醋沙律同香脆薯餅，正👍🏻🥢Parma Ham with Balsmic Vinegar Dressing $68火腿同火箭菜份量都好多，ham唔會好乾好鹹配啤酒啱啱好🥢Chicken Wings with Teriyaki Mayo $72單骨雞翼食落去好方便，細心位值得加分雞翼炸到脆卜卜，雞翼少少辣配埋蛋黃醬又幾正🍻生啤 1664 $78🍻生啤 Guinness $78••••••••••••••••••••••••••••••輕輕鬆鬆chill返日，情侶拍拖一流，朋友聚會等prefect食又得飲又得shi又得 職員都好勤力check熱度同換碳，吸2個鐘仲係夠味…Read More

🇻🇳Fûhn🥢順化湯粉（辣）$128見到個粉乜都有啲,梗係要試下材料豐富，粉都好多雖然話係辣,但辣醬分開上,試咗下原味個湯,都幾鮮味 辣醬就自己辣度再加(少少提示:個醬都幾辣,建議逐少逐少加)🥢特上小食拼盤 $198蒜蓉雞翼、春卷、牛油雞翼、蝦餅、扎肉、軟殼蟹雖然係三個拼盤之中對貴嗰個,齋睇食物名都已經覺得吸引同值得啦整體炸物都唔會有好重油味,呢個要勁讚👍🏻軟殼蟹夠哂大隻,炸得啱啱好,夾埋個醬💯🥢蒜蓉油炒小椰菜 $88好少見到出面有小椰菜食,當然要點來試試真係普通一個椰菜嘅縮小版好得意🤣菜都炒得夠淋🍺越南西貢啤酒配鹹檸 $50啤酒配青檸/檸檬就飲得多,鹹檸檬真係第一次 原來都幾夾（個人口味）🤤2個人埋單$510…Read More

🍢喜膳燒突然好想食串燒，因為見到餐廳好有隱世日本居酒屋feel😂就決定試吓佢😃••••••••••••••••••🥢蒜蓉燒貴妃蚌 $78貴妃蚌好厚肉，食落爽彈鮮甜🥢蒜蓉燒聖子皇 $78聖子皇好大隻，唔韌🥢蒜蓉燒扇貝 $78蒜蓉味好夠，扇貝大隻鮮甜，燒到啱啱好面頭仲有啲粉絲，索哂啲汁，勁好味🥢燒白鱔 $68🌟呢個好有驚喜，外層燒到脆卜卜，魚肉係勁爽脆嘅🥢沙嗲燒厚魚肚 $48魚肚吸哂沙嗲汁，好惹味🥢燒流心鵪鶉蛋 $28燒到外層焦香，咬落去隻蛋仲係流心🤤🥢霜降和牛串 $59重牛味，肉質唔韌，juicy🥢鹽燒燒雞腎串 $28🥢黑松露焗金菇包 $58正常發揮，抵讚嘅係黑松露份量比好多👍🏻🥢菠蘿 $38🌟菠蘿本身好甜，加埋表面嘅焦糖無得輸💯🥢蒜蓉燒茄子 $29🥢燒日本一口甜薯 $24••••••••••••••••••2個人埋單$675食物質素ok，燒海鮮好岀色環境清潔，坐得舒服，店員服務幾好••••••••••••••••••…Read More

🍲云手工火鍋店一年四季都要打邊爐就梗㗎喇！今日搵到間勁高質湯底嘅火鍋店•••••••••••••••••••••••🥢松茸雞翅冬瓜魚鍋 $368成個鍋足料到癲，應該有半隻雞咁多，翅嘅份量都唔少 如果人少啲，建議配菜唔使點咁多記得一定一定要飲返碗湯再打邊爐🤤超好味🥢招牌酥炸惹味茄子 $68炸到啱啱好，份量都多，茄子唔會好油所以唔使驚食完會好滯🥢招牌牛肉拼盤 (中） $388齋睇個賣相都已經攞滿分💯全部牛肉都好新鮮，好多牛嘅特別部位都有得食👍🏻🥢自家製黑松露蟹肉餃（半份4隻）$68🌟🌟🌟手掌咁大隻嘅餃，黑松露味極重 鍾意食餃子嘅朋友一定要點 小編覺得好食過出面啲餃子店🥢調味料都有9款咁多俾人揀有個好特別嘅要介紹比大家，竟然有椒麻油，喺台灣拌麵啲味道，鍾意食辣嘅朋友一定要加 •••••••••••••••••••••••餐廳環境乾淨，座位闊落，店員服務都OK價錢唔算平，但絕對值得一試！•••••••••••••••••••••••📍 尖沙咀加連威老道20號瑞生尖沙咀酒店3樓•••••••••••••••••••••••…Read More