猿渡久美子's Profile

20051231 8pm在openrice 最後一個食評, 好彩, 真係食到間好o野, what a good sign.除夕夜, 11大人1小童gathering. 我身負重任, 負責搞食.知道要訂位時只剩2日, budget 又有限, 好o既一定貴, 唔好o既亦無謂委屈自己肚皮, 何況亦唔輪到你揀, 因為心目中可揀o既大部份餐廳都已全full.轉為訂到會, 在九龍區友人家開派對. 我無咩到會經驗, 記憶中apple 於她食評中曾提及呢間o野到會得手, 大讚. 於是call call 無妨. budget 食物ok. 於是二話不說就落order. 電話幾回作double confirm, 外籍接線生非常helpful 兼且極有禮貌, 絕對值得一讚.有1個大沙律, 兩個自選on menu 大pizza, 兩個大pasta, 2個大BBQ combo ribs (呢味真係無得頂!), 原隻燒春雞, 蒜蓉包, 雞翼, 春卷, 雞沙嗲.逐樣講, 真係難到我. 我只可以話你聽, 真係樣樣都好食. 除o左雞沙嗲唔得因為太o鞋. 其他全部都得! 擺o左響度成粒幾兩粒鐘凍晒計都仲好食喎!!!咁多o野食, 加埋幾銀? $799!!!!!! 除開每人$80唔洗, 平到癲! 仲要無收送貨費, 過海喎大佬! 真係隧道錢都蝕埋比我o地. 唔上o黎讚一讚佢o地對唔住自己良心.間o野咁正, 大家記住多多幫襯啦.Everybody! Happy 2006!~ Bye Bye!…Read More

20051231 1pm除夕日跟男友午餐, 男友suggest 到信德的安琪兒餐廳(因為某次佢路經呢度之後想試下), 也好, 因為忽然有點想吃豬扒包, 兼且這一家還未幫襯過.你見我比得喊面佢, 就知呢間o野真係好唔掂, 因我呢期比面比得十分疏爽, 久未出動過喊面啦~先彈食, 因為我唔算餓, 是故叫o左一個餐($88) share, 再搭個豬扒包.* 豬扒包($22) - 得個大字, 任何一間茶餐廳都一定整得好食過佢. 已經係全部o野食之中最正常的了.* 餐- 沙律, 煎鵝肝沙律(原價$55) - 睇餐牌, 有幾款呢的前菜揀, 呢個最貴, $55, 諗住有so 喎, $88 個餐有$55 沙率食! 咪叫o黎食下lor. 嘩我頂!!! 難聽o的講, 比乞兒都唔只比咁少啦!!! 個so-called 鵝肝都唔知有無3cm x 3cm 咁多. 仲要係好難食. 咁鵝肝貴, 你比得少, 情有可原. 咁菜呢??? 都唔係得幾條毛咁樣連沙律醋都無滴呀???!* 餐- 三文魚海鮮錫紙包焗菠菜寬條麵, 好難食. 無味. 仲要整o左勁耐. * 餐- 甜品, 芒果布甸, 羅X臣粉開, 都唔知點解可以整到咁甜到嘔.再彈服務, 我地share o野食, 你唔自動自覺拎o的碟比我, fine, 咁我問你要隻碟, 你都唔係要我擰轉個頭叫你仲要一句說話講三次呀? 你聽得唔清楚唔識行埋o黎, 要我叫? 係咪有病??上菜超慢, 所有侍應都好似唔想撈咁款. 連廚房都係咁, 親眼見一四眼o靚仔(約17-8 歲) 廚房仔申晒個頭出舖面同o的waitress 調笑. 咁你估到佢煮o野有幾好食啦!~環境, 咪靚少少o既茶記lor. 見佢o的咩元旦大餐都賣$128. 搵笨到唔恨.無加一, total $110, 比$120佢, 夠膽打散晒做o的一兩蚊, 好, 比$1貼士你, 新年流流咪豪比你囉.我諗阿四太最好就睇實o的間o野lor, 話晒用自己個名做招牌, 搞臭晒, 就無謂啦!…Read More

20051228 12.45pm假期後第一日開工, 同事D 話有帶我同同事P 去食新o野, 即管試下啦.餐廳環境OK, 橙色牆身夠sharp 感覺又幾warm, 但係檯木凳擺位頗逼, 但以太古坊一帶的食店o黎計, 呢度(已經)係算大.lunch set $40-$60, 貴喎, 坐呢o的無得"i" 木凳仔都夠膽死收咁貴, 就睇下你有幾好食.menu 選擇就係一個"送"+一個汁+一個粉任揀配搭, 即係西式車仔麵? 送一杯普通飲品, 要湯要甜品價錢另計. 我見個咩洋肉醬寫住係「店自慢」食品, 要o黎試下.搭個三色螺絲粉.老實講, 螺絲粉煮得比較淋, 雖然過o左冷河但都係淋. 肉醬嘛......肉粒算係多同感覺到佢係頗新鮮o既, 但味道就平平無奇. 餐飲要了熱啡, 普通o野lor.唯一讚, 唔...o的田原風杯碟都幾靚o既.…Read More

20051227 7.15pm約了友人A 先生在旺角吃飯, 他早6.30pm 已在旺角, 電話中問我吃什麼好, 兩個choice, 一是北京涮羊肉, 另一則是吃壽司. 羊肉? no way!!! 我可有allergy, 吃不得! 壽司好了, A 早去霸好位等我.我遲到, A 說我到達時他已早吃了四碟. (=_=" oh sorry~)坐下來, 看menu 又揀一輪. A 又再剔了一些.選了醋鯖魚板壓壽司(6件), 麻麻地, 魚不太靚. A 不好此道(醃魚), 我一人鯨吞5件, 罪過罪過~ 蠔情卷名玩食字, 賣相一般, 食味不俗. 其餘的都十分麻麻. 另埋門的蕃薯雪糕居然味道不俗, 可這是來貨, 不能count 作此店之食品質素. 無論裝修, 食物, 服務和人流(類型) 都比尖咀分店差.埋單$28X. 多謝A 先生請食飯. 再多謝另一A 先生送我的聖誕禮物! 新手機拍出來的照片果然係靚得多! 真好呢! ^_^ XXX~…Read More

20051226 8pm跟家住新界的好友A小姐在新城市內shopping, 吃晚飯. 四圍逼滿人, 這家不用等, A 說想吃肉, 更好, 不作他選.坐下, 看menu, 沒有set, 要點單品, 真煩. Teppan 看外表大概是日式西餐廳, 但看menu, 又唔西得晒, 所以都唔知count 佢做咩好. (fusion??? yaccck!)2人share-* 日式香蒜鐵板燒牛柳- 粒上, 要了八成熟. 牛柳粒味道OK. 唔韌唔鞋口. 不過好寡lor. 真係得幾粒肉咁樣, 點gravy 同吃. * 日式鐵板燒雞扒- 切好條狀上碟, 皮脆肉嫩, 不錯, 可惜是雪雞, 無雞味. 點的那個芝麻汁味道有趣, 雞點了後像中式燒鵝! 哈哈哈哈~* 蒜香鐵板雜菜炒飯- 典型日式炒飯. 好油. 味道OK, 除油味外就是無味lor.吃燒肉熱氣, 我要了支Asahi, A要了Stella.店內服務OK, 但上菜頗慢, 另門口receptionist 相當不禮貌.環境較暗, 裝修一般. 位與位之間很逼, 無計, 香港食店通病.埋單total $250, 比我想像中便宜.本來只想grade 平平, 但是計埋價錢其實又不算是很貴, 唔, 聖誕普天同慶, 豪個笑臉比你啦!p.s. 全7/F 都不設吸煙區, 吸煙人士請留意.…Read More

20051226 3.30pm去完文化博物館, 又返回新城市, 好像一段時間無去和民, 就去幫襯下.和男友2人, 我要了個白桃汁梳打, 男友要了個荔枝乳酸特飲.另外要了每次都必吃的炸雞軟骨和南瓜燒餅, 是冬季限定, 味道OK, 但賣相就頗肉酸.服務也一般, 另一不方便是店內沒有洗手間, 要到商場人逼逼.埋單好像約$140, 都忘了…Read More

20051226 11.30am10am，抵達，拿飛仔等位，半小時後入座。跟男友，男友的媽媽和我三人。早上胃口不大好，有點胃痛，沒有特別吃些什麼，都是普普通通的蝦餃燒賣鳳爪什麼的數碟點心，味道也只一般，叉燒腸粉算是很不俗，皮很滑。男友說新城市只"執"剩這一酒家，怪不得人多得那麼誇張啦！大概吃了5碟點心，$160，但此刻無價，呵呵呵呵呵呵呵呵呵~…Read More

20051225 4pm聖誕節正日，吃了個brunch，4pm 肚子餓，去工展會"襯"之前先來這裡填填肚。跟男友2人要了個2 person tasting set，6個dipping，一人三款包，都好吃。其中一個有提子乾的，特好！！！set 要另叫飲料，要了兩個regular coffee，上桌時見沒有了常用的那款「泥」－泥當然是暱稱，真相是黃糖粉，問waitress，waitress 說因天冷泥都變硬了。是美中不足呢~埋單約$130。…Read More

20051221 7.30pm公司包了場搞X'mas Party, 人多位少, 慘得甚至沒位子坐, 整晚都是站著.buffet 形式, 我只主打煙三文, 另愛有一個茄汁海鮮粉甚麼的也不錯, 甜品食品都OK 啦, 不是好差又不是很好. 一向都不太喜歡buffet.最讚, 是它的house white, 喝了一整瓶, 爆晒!…Read More

20051219 8.30pm約了友人A 睇《無極》, 睇前吃飯. A 想食平o野~ 話不如去foodcourt, 唔, 即係呢, 其實我係唔鐘意食foodcourt, 不過算啦~ 當就下朋友, 同埋慳錢啦.行勻成個foodcourt, 似乎呢間韓o野最唔會難食.於是要o左個韓燒雞肉飯餐, $45, 連o野飲或者湯. 我要o左杯coke light, 送一個沙律仔. 沙律仔就普普通通, 不過有的奇怪點解唔係送kimchi lor.個飯呢, 味道都唔錯, 汁唔會好鹹好濃, 不過就...唔多似正宗風味喎... 最好係, 有好多菜, 同埋佢好夠熱, 用石透飯果的兜裝住.但係$45你問我呢, 我就覺得唔抵lor.foodcourt咋喎, 豪裝都係咁話.要不然都會比個笑面佢o既.…Read More

20051218 4pm港島區不好行, 過海來到朗豪坊, 男友肚餓, 找個地方吃tea, food court 層吃tea 又較像樣的地方, 已只得italian tomato 了.2人order* 栗子朱古力蛋糕夾餅($24) - cake 櫃裡9成10都是cheese cake 的天下, cream cake 又太膩, 所以挑了這個夾餅. 不俗. 我最欣賞佢唔算太甜.* 香腸肉醬意粉- 食左一啖, OK 啦, 唔好食又唔難食lor.* 熱檸茶x 1total 不知道幾錢, 男友買的.…Read More

20051217 6pm能夠在離開openrice 前, 再寫一寫這裡, 真好!上年冬天吃過, 念念不忘. 今年再來. 星期五晚7時許來到, 門前排了約3檯人. 肚餓, 放棄. 死心不息, 星期六, 又來!6pm 來到, 已有3-4 檯客, 坐下約15 mins 後, 已全場爆滿. 心想真是好彩!2人order 了-* 臘味排骨煲仔飯- 無o野好講, 我一路食, 一路忍唔住猛講: "好正呀~好正呀~" 臘味靚! 排骨入味肥瘦適中. 最緊要, 飯焦! 脆卜卜!! 沒一點焦味! 靚到不得了!* 沙嗲粉絲肥牛煲- 肥牛絕不欺場, 有約一磅! 真係唔好講笑! 肥牛仲多過粉絲! 不過味道則稍嫌不夠惹味~* 蒜蓉炒芥蘭- 等位時有個女人看到我桌上的芥蘭, 尖叫道: "嘩~~碟菜好靚呀~碟菜好靚呀~" 的確! 爽甜! 新鮮! 香! 有鑊氣! 而且才$25!老闆娘的態度我覺得還可, 但我聽到鄰桌的客人用粗口破口大罵她黑口黑面. 其他的侍仔態度不錯.環境這一次我選擇坐到街上去, 因為坐店內衣服會吸滿炭味. 作為排檔來說這裡我覺得算相當乾淨.Total around $120.p.s. 星期五晚湊巧碰到飲食雜誌採訪, 希望報導出街後, quality 不會變質吧!…Read More

20051215 11pm跟女友M 聚舊, 吃完壽司(元氣, 無什可寫), shopping 完. 我帶了她來這家cafe, 貪其靚裝有型有款.2人order 了兩杯smoothie, 我的是橙+ 菠蘿, 味道一般. M 的我已經忘了. 不過全都是鮮果打的. M 嘴饞, 又再order 了一件cheese cake. 味道也是一般, 明顯是來貨.想寫的是服務雖然還是麻麻地, 但已比上一次來進步, 不用等的太久.梳化位非常舒服, 人流也沒其他的雜. 不過最近天氣冷, 這裡是開放式無窗門, 緊記多穿衣服.Total $140.…Read More

20051215 8.30pm跟女友A 的晚飯, 友人想吃越南菜, 又來到這條街. 燕萍與清亭之間挑了這家, 原因是- 因為不用等位囉~2人order-* 茄汁牛腩河- A 竟然是第一次吃這種越式茄汁牛腩河, 對此讚口不絕! 腩鬆軟得很! 茄汁不會太酸, 很讚!* 鹹魚醬(?)炒芥蘭- 其實我已經忘記了用什麼炒的了, 但是我還記得是好吃的.* 炸蟹餅- 味道不俗, 但炸的太乾身, 比較遜色.* 炒金邊粉- 比較油, 但很惹味, 忍不住吃了大半碟!* 凍鹹擰水* 熱鹹檸水環境比較差, 位逼得很. 服務一般.埋單約$190. overall 來說食物比隔鄰的燕萍出色, 不過環境就燕萍好一點.…Read More

20051213 1pm又是另一家公司附近長龍食店。是日與同事共3人黎幫襯，12.45pm等位等到1pm先能內進。我要了個香菇肉燥飯餐($38)，轉做菜飯(+$2)，餐飲要了熱檸茶。飯很大碗，肉燥汁太多，汁頗鹹。有半件鹵蛋，無味的。但菜飯本身OK，是我喜歡的較乾身那種。環境非常擠逼，而且在這裡吃飯壓力好大，阿姐們會極速抹檯和不停看著你何時吃完。total $40，貴，如要order 那些台式特飲再要加$5。吃完原全不明所以為何這些食店也會有人等位排長龍！…Read More