楚楚's Profile

部長扮睇你唔到 友愛海霸酒家，話說早市特價點心係至到上午11:45，我11:40左右舉手遞點心紙，女部長扮睇我唔到，之後一直無人來接order,最後我自己走去個女部長到親自遞紙，個女部長話已經過左早市時間，唔收我張早市點心紙。未夠鐘就呃人話已經過鐘無早市特價點心！大話精！ 我返埋位睇下個手機，時間係11:43，之後我搵返個女部長理論，擾攘左一輪，佢就敷衍我話去試下入唔入到機，跟著返黎話入唔到機，部機時間已經係12:00，跟機時間所以佢都無辦法，我火都黎 咁擺明係呃人! 未夠鐘話已經過左鐘，我直接走去入機位找個經理理論，佢部機當時係11：47！個女部長分明係講大話啦！想拖時間唔落早市特價點心！好心呢間酒樓既然唔想俾早市優惠點心，就索性取消左佢啦，唔好用埋d咁低裝手法！上菜速度慢同個經理理論之後，個經理話兩個點心其中一個已賣晒，幫我落單剩下的一個點心。上菜速度慢，這個點心半個鐘頭後即12：20才上菜。點心味道無晒心情食點心，只叫了牛肉球、鴨腳扎、點心拼盤包括蝦蛟、燒賣、千層糕、粉果等，至於點心味道，平心而論，中規中矩，一般酒樓水準。 自己拎個茶壼走去加水想搵人加水，部長都唔知去左邊，等極都無人，最後我自己拎個茶壼走去加水，呢間咁既酒樓都唔知憑咩收加一服務費。可能因為獨市生意，所以有持無恐。 總結貼錢買難受，茶客們自己考慮下幫唔幫襯得過呢間咁既酒樓吧。…Read More

重陽假期下午到Shakey's pizza食lunch, 餐廳週邊的卡位坐滿了，但中間的檯則空空如也，似乎生意麻麻。 我想坐卡位，服務員很好告訴我有卡位在埋單了，請我先坐坐等一下。我ordered了是日set lunch, 餐湯加$10轉龍蝦湯，湯略鹹，不值得加錢轉。主菜話說我ordered了一個辣肉腸芝士pizza,但ordered完之後我忘記了ordered 了什麼pizza 哈哈! 之後上菜時端來了另一款pizza, 我有點猶豫， 但照食可也，又出奇地好食喎！魚香又溫熱，不錯喔。連餐飲和加一，埋單$95. 埋完單走時在門口再看一次menu, 可以肯定是落單阿姐落錯order了，價錢也是收貴的，我原本ordered 的辣肉腸芝士pizza 是平宜一點的，埋單應該$90有找，不過無所謂啦，好食就物有所值。…Read More

話說用openrice的 coupons 在cafe on the park食buffet有discount,價錢吸引所以一試。1. 平日lunch buffet 人客不多，如訂位安排的位置不滿意可要求餐廳調檯。2. 來這裡食lunch buffet其中一個原因是有中式點心，很少酒店buffet提供點心，誰知原來只有四款，而且燒賣只是牛肉燒賣，不夠熱也不夠淋，令人失望。3. 至於熱葷則選擇不多，其中賽螃蟹和泰式海鮮炒飯挺不錯，算香口，炒飯帶點辣。串燒則over了，肉質變靱。4. 每次食buffet最主要是為食三文魚,今次就食到一肚氣，話說走埋去魚生counter同師傅講要三文魚，本來應該有一兩碟切定，但當時無晒，跟著個師傅就叫另一個師傅切俾我，係度等緊的同時，我拎定醬油washabi啦，此時有兩個女人走埋去，無講要咩，個師傅就將岩岩切好的三文魚俾左佢！嘩！唔駛排隊架？？我話我要三文魚架喎，個師傅當咩事都無發生過，切過另一碟俾我，望都無望過我，一句唔好意思都無講過……酒店魚生師傅服務態度竟是如此？咩酒店質素…… 劣！5. 雪糕有dreyers 和雀巢杯裝，味道有vanila, chocolate, red bean 三款，後來無聲無色多了strawberry, 至於cake則是大路甜點沒什驚喜。…Read More

在這間starbucks食過2次，2次都唔駛等位。呢間有提供中文報紙(在其它分店唔覺)，最鐘意一邊睇報紙一邊嘆杯熱朱古力，再加件藍莓芝士蛋糕或者檸檬撻，寫意的下午茶。服務比起其它分店就差d, 在其它分店，如果先取飲品，食物要等的話，服務員會著你先回坐位，之後會主動把食物拿到坐位給你。但這間分店試過兩次，都係有食物先，飲品要等，但服務員都不會請你先回坐位等，更不會幫你拎回坐位，但一個人時把飲品拿回坐位，之後又要孭著手袋出返去拎食物，又要回頭留意飲品沒被錯誤收走，其實是挺不方便的。服務水準有待改善。…Read More

之前睇OpenRice 呢間西貢星評語唔錯，所有就選了呢間。星期六晚上7點來到，已經要等位，大概10分鐘就有位，不過不是卡位，可聽得見隔離檯食客聊什麼。炸春卷︰在沒什麼期望下出奇地好食 鮑片粉絲雜菜煲︰鮑片有咬口，不過粉絲份量較少法包咖喱牛腩︰牛腩一般，但法包蘸咖喱汁很香口，當然也很熱氣越式菠蘿炒飯︰水準還可以可能因為食客多，每次叫侍應加茶都要等一下。…Read More

之前在OpenRice見到屯門Riso評語幾好，於是決定來試一下。中午12點來到屯門Riso，沒什麼客人，不用等位。點了意式烤雞燴意大利飯$37和一個餐$52包括帶子白汁闊條麵、莓子集薈和焗薯角半份。上菜挺快，個意大利飯幾好食，有點香辣，惜份量稍少，烤雞粒更是寥寥無幾。:(至於帶子白汁闊條麵，有點腥味! 麵身也較硬。焗薯角夠熱唔錯，最好味係杯莓子集薈。…Read More

在Open Rice 見到呢間韓屋食評唔錯，於是和媽咪一起去韓屋吃lunch。中午12時左右到達，人客稀少，不用等位。我點了個烤牛內飯套餐，有前菜+餐湯(合掌瓜湯)+凍蜂蜜紅棗茶，媽咪點了個石頭鍋雞肉飯餐，前菜和餐湯都是一樣的。前菜一般，餐湯不夠熱，凍蜂蜜紅棗茶面頭是冰，喝杯底的紅棗茶是暖的，這杯不冷不熱的，古古怪怪。主菜烤牛內飯出奇地好食，牛肉很香口又不會韌，雖然唔夠熱，用鐵板上但無咩煙，後來見其他檯上的鐵板餐都是熱騰騰出晒煙的，值得一試。相比之下，另一主菜石頭鍋雞肉飯就失色了，鍋底全是飯焦，米飯份量不足，夠熱就是了。吃到一半停下來休息一下，侍應前來問是否不要了打算把東西收起，我表示尚未吃完。再過一會，主菜吃完了，但前菜尚未吃完，他又想一併收走，其實那時餐廳尚未滿座，還有吉位，犯不著趕著收東西吧，想趕客乎?…Read More

一向喜歡食炒丁的我見這咖啡室有薑蔥炒丁，雖然已是下午茶時段，但幾經掙扎後，還是選擇試試炒丁，既然瑞士雞翼是招牌菜，就來個瑞士雞翼薑蔥炒丁吧。炒丁一來，首先聞一聞，可惜沒有炒丁的那種香味，十分失望，然後吃一口，果然不怎麼香口，只帶點薑蔥味，至於份量，倒是十分足夠的。比較有趣的是雖然是下午三時多，但人客不多，可能是星期六的關係吧，樓面一共有五六個侍應在聊天，且聲浪非常高。…Read More

在這茶餐廳通常我會食黑椒牛扖意粉，快餐仲有一杯飲品+餐湯，只是廿二三蚊，真是便宜。至於食物質素，黑椒牛扖意粉尚可，但餐湯(粟米忌廉湯)味道就很淡了，外賣的話就沒有餐湯。整體來說，以這個價錢來說算不錯。…Read More

一行三人到森美餐廳吃晚飯，從華都商場和荃昌商場中間的樓梯走下去就可找到森美餐廳，其實並不難找。Book 了晚上七點鐘，到達時全店一個客人也沒有，心想早知就不用這麼趕。這餐廳地方小小，格局尚可，但其後隨著愈來愈多客人入座，似乎這不算是朋友聊天的好地方。之後，發現其中一個食客是無線藝員司徒瑞祈呢~食物方面，我們點了兩個套餐。餐湯我們點了龍蝦湯，很鹹呢，不過拉花挺美~ 蒜蓉包脆脆的，味道還可~我們在兩個套餐外，另外點了一個忌廉湯。前菜是煙三文魚露筍卷，煙三文魚幾好食喎~主菜我們分別選了鵝肝牛柳和藍莓汁雞胸，一個跟飯一個跟薯菜，挺介藍莓汁雞胸和薯菜!之後，我們多點了一個蟹籽炒飯，+$15可以轉餐有餐湯、蒜蓉包和飲品，我們問侍應可否將之前點的忌廉湯當作是這個轉餐的一部份，侍應本說可以，但後來老板娘說忌廉湯已落單，因此不可以改...... 一點都不靈活!所以我們決定不轉餐~相比起味濃的鵝肝牛柳和雞胸，蟹籽炒飯顯得味道比較淡。最後上甜品藍莓芝士蛋糕，雪得有點硬呢!…Read More

荃灣新天地的 Pasta de Waraku 環境不錯，是個不錯的聚會地點。試了:皇牌的牡蠣煙肉奶油麵 Oyster Carbonara: 本身不喜歡牡蠣，不過個麵好香奶油好味!蕃茄pizza: 雖然係好薄但幾好味三文魚帆立貝: 一般草莓牛奶巴菲: 呢個甜品先後換了兩次，第一次拎來發覺比show 出來的 sample 細好多，叫佢換過，等了好耐再拎來一杯，同之次那杯一樣size，只係在杯邊加插幾塊strawberries，於是再叫佢換過，又等了好耐最終才換來一杯與 sample 的差不多，個waitress 話係之前的高身杯唔夠用，所以用了個矮身杯喎。…Read More

假期前夕前往，所以雖然黃昏一早到來還是要等位。試了甜蝦壽司、三文魚壽司、吞拿魚壽司、帆立貝壽司、帶子壽司等等，甜蝦壽司和帶子壽司都很有鮮味! :) ，帆立貝壽司卻有腥味。朋友想吃海膽，不過侍應說已售罄!最正竟然是芝士薯蓉球，夠熱，一口咬下的話要小心燙。…Read More

週末和朋友去勝香園試下，有茄牛通、檸蜜脆脆、混醬麥多、熱奶茶和凍奶茶。茄牛通︰沒有其他人說的那麼濃蕃茄味，一般﹔檸蜜脆脆︰夠脆，檸蜜酸酸甜甜的，好味，值得一試﹔混醬麥多︰一般﹔熱奶茶︰略嫌茶味不足，不過味道還不錯﹔凍奶茶︰朋友試的，反映不俗…Read More

Lunch time 圓方內其他餐廳很多人不想等太久所以選擇這間餐廳價錢貴, 食物味道一般實在不怎麼樣…Read More

Dan Ryan tea set 的Tiramisu 真的很好吃!…Read More