Kayly Chung's Profile

上次半年前黎左食豬潤肉片米 好想食多次 但今次黎到豬潤賣晒 老闆話因為佢地用新鮮豬潤 唔用急凍豬潤 賣晒就無🥲唯有食其他咁今次佢有新花款 多左雞蛋仔 鯛魚燒 最後走個陣仲發現到佢有炒雪糕 無試到 但佢話可以家庭樂 自己炒又得 佢地炒都得 仲有唔同味凍鴛鴦唔洗講嫁啦 必叫紅豆冰今次老闆推介加左海鹽味雪糕 我家姐話好正我試左少少 又真係幾好味 牛奶味好濃郁 加少少海鹽嘅咸 更加突出奶香味朱古力雪糕+朱古力鯛魚燒整係睇個賣相都可以打晒卡啦 上面有爆炸糖棉花糖配脆脆嘅鯛魚燒 口感豐富 好夾 上面朵花都係糖黎 食得嫁 唔係藥水味 食晒👍🏻唔中意朱古力味都可以轉味 我家姐叫左 曲奇味+吉士鯛魚燒咸牛蛋包嘩 呢個都入左我嘅必食推介咸牛蛋入口即溶  麵包外脆內軟  真係無得輸班蘭雞蛋仔我貪心叫人地加雪糕 食落去好now搞😂一滅就跌雪糕 建議加落鯛魚燒到或另叫雪糕食比較好 整係評價班蘭雞蛋仔 好香班蘭味唔太甜 食多幾粒都唔怕大澳蝦醬/蝦膏炒飯（唔記得名）超香咸香得黎又唔會過咸 材料豐富 飯粒軟身得黎又乾身  仲粒粒分明又入左我必食推介奶油豬外脆內軟 牛油即化 上次食過 keep到水準👍🏻下次入大澳一定再幫襯要試埋炒雪糕先…Read More

今日難得唔落雨 4人行帶埋狗仔入大澳買花膠食下野 意外發現一家人開 好好味又用心既小店 我地有狗就坐左出面 入面係有冷氣位 小店唔多選擇 但d野食正+出色 我地有同老闆 老闆娘 囡囡 吹下水咁 之後叫左3個包 3麵碗 4杯飲品 佢無餐叫 都係散叫 全單$282 好抵食紅豆冰：呢到係花奶紅豆冰  帶有少少練奶味  偏甜少少  喜愛甜品既女士一定中意（我唔中意食甜品 但我家姐非常中意杯紅豆冰 我同佢換左凍鴛）凍鴛：👍🏻👍🏻👍🏻咖啡味濃而不酸 一飲就知唔係雀記咖啡粉 再帶有少少茶香味奶又岩岩好唔過甜（老闆話佢地係煲咖啡 出面好多人特登黎飲） 轉頭一入黎個呀叔就叫凍啡 睇黎堅嫁wo凍奶茶：我無試 但我姐夫話好飲 茶味濃 奶又岩岩好豬扒包：豬扒唔會好似出面咁韌係諗  一咬就斷一食就知唔係用鬆肉粉    係人手揼    醬有d似蛋黃醬+芝士    麵包外脆內軟  唔似出面乾爭爭 好食過澳門出名個d好多脆脆奶油豬：麵包一樣外脆內軟    牛油練奶合到好處  唔會過甜  牛油入口即溶菠蘿油：No.1推介👍🏻👍🏻👍🏻必食菠蘿脆面  係每一個位都有  上面脆皮非常脆  熱度岩岩令牛油溶一半  一樣外脆內軟招牌牛腩一丁：牛腩牛筋諗得黎又唔會散  同出前一丁麻油麵非常夾新鮮豬潤肉片米粉：No.1推介👍🏻👍🏻👍🏻必食食得出真係用新鮮豬潤厚度岩岩好  唔鞋無過熟  用心啤晒d血水 真係功夫野 肉片係諗都無用鬆肉粉拿過  湯底甜  飲晒  飲完無口渴 澄清：我絕對唔係打手 真係覺得好食😋先post 暫時係呢間小店到無食到伏野 再入大澳一定會再食 老闆 老闆娘 囡囡都好nice👍🏻👍🏻…Read More

打去問過話最好預約先 黎到首先要除鞋用酒精Gel消毒 估唔到好多貓貓😳好彩咁岩去到個時派每個客一人一粒雞肉乾餵佢地 訓教個d都醒晒😂之後叫左黑椒汁牛扒炸帶子配薯菜同蒜蓉汁豬扒司華力腸配飯 包埋飲野 薄荷朱古力同荔枝特飲 講真牛扒都算林同juicy 唔會好似出面咁拿到無晒牛味 但有d筋 炸帶子就似麵粉但炸得幾脆 個黑椒汁都幾正 薯皇夠香口夠脆份量都幾多 飽既..豬扒就可能香草問題 唔算太夾 司華力腸好大條 唔似出面個d咁 蒜蓉汁都好味 薄荷朱古力就偏薄荷d..荔枝特飲 聞落去幾香唔算太甜或淡 不過不失.. 職員服務態度好好..地方都幾乾淨 不過有d貓貓似唔舒服..希望店主留意一下 會再去既 特色貓貓cafe👍🏻希望會有更多新菜式…Read More

開頭諗住搵間貓貓cafe試下 但後來大家都贊成試下私房菜 呢間私房菜事先wtapps佢book 佢會問你每人budget 我就話$200 除左問你有咩唔食之外 餐單會由佢地set 黎個頭盤沙律先 酸酸地幾開胃之後黎左個平時我唔會食既好邪惡之物體 紅黃椒釀飯 平時覺得有陣味所以唔食 但係食呢個無左個陣仲帶點甜配炒飯一流👍🏻👍🏻 之後黎左燒雞釀好似係蕃茄炒飯 雞唔油仲暖肉質林唔痴牙 入面既飯熱辣辣都幾好味嫁 之後黎個炸茄子同薯片上面有d茄汁同芝士 平時茄子好索油 呢個唔油仲好juicy👍🏻👍🏻到串燒雞 雞肉唔辣幾香香草味 炸魚柳👍🏻👍🏻👍🏻超正 開頭諗住係龍利柳 但私房菜真係無咁流😂佢用既魚 有口感又唔腥有魚味 呢個係成個set最好食最後到甜品 有雀巢芒果同椰子味雪糕下面係火龍果偏酸 有個好似棉花糖定龍蘇糖既幾好味 似威化餅/瑪利餅味 仲有土耳其軟糖 口感幾好 但都幾甜下 總體黎講 4星會再去 好味👏🏻👏🏻👏🏻…Read More

見團購咁hit就搵左朋友陪我試．$129+$75服務費，佢分時段3小時，我地就8:30去，去到要係個商場到登記之後排隊到8:15先比我地排隊個d人行樓梯上去，一坐低就話冇北寄貝無咩無咩咁啦，但剔左第2次刺身又有北寄貝，之後佢話無個ｄ都有黎，好神奇好懷疑佢係咪記錯左上一段5-8點個d野可能售罄，10點就放低張單問我地有無人生日，有就一件cheese cake會全場熄燈之後同2月份既人慶祝..咁講食啦..刺身: 三文魚 ，北寄貝 ，有頭甜蝦 ，帶子 ，螺，玻璃蝦普通壽司: 火灸三文魚(賣相好靚，但油脂唔夠唔太香)，火灸芝士蝦(冇芝士味)，火灸比目魚幾香 ，火灸墨魚（可以唔食），辣味三文魚 ，鳥貝幾好 卷物: 海膽冇黎，花之戀ok，其他（櫻之戀，蝦卷）我唔會再叫小食拼盤: 非一般既中華沙律(好粗未切)，八爪魚同螺都ok炸物: 蠔（係蠔仔＋d粉唔熟)，帶子同街市買既無分別  串燒: 牛舌 ，雞翼凍+乾搞到好硬，雞軟骨  天婦羅: 蝦，蟹柳  鍋: 牛肉鍋 湯底幾好，菜好甜(但有d爛)，無豆腐有d失望，牛肉好un..但整係食菜幾好味小食: 鐵板牛油栗米 :like :( 食左3板)，金菇牛肉卷 ，牛油帶子(好味，　但冇牛油味） ，地獄炒蜆同清酒煮蜆都好食 （地獄炒蜆好多放題唔辣,呢間起碼食到少少辣幾惹味，清酒蜆比出面放題有清酒味，兩者再選擇會揀地獄炒蜆)，羊架(ok，冇特別）下次會再去3月12日朋友生日..…Read More

去之前都有少少擔心 因為係open rice 食評都麻麻地 但我朋友話唔信 個人口味唔同 去試下啦 去到情調好好 傾心事一流 佢又係酒吧有得掉飛鏢 佢d cocktail 好吸引 出面係可以bbq 今個月會去多次 我同朋友都好滿意食物方面唔係食評寫得咁差…Read More