cici441's Profile

今次叫咗鮮茄菠菜牛肉米線、鮮茄肉碎勝瓜鱸魚片米線，同埋8隻雙拼湯餃，全部用魚湯底。原本諗住跟平時食譚仔咁，要加餃加小食先夠飽，點知呢度單食米線都已經飽到夠晒，份量比想像中多。- 蕃茄菠菜牛肉米線（魚湯）：蕃茄清甜，菠菜落得多；牛肉用鮮牛，口感順，湯底走清爽路線，飲落無味精感。- 鮮茄肉碎勝瓜鱸魚片米線（魚湯）：勝瓜爽甜吸湯，鱸魚片嫩滑；肉碎唔油，問過老闆娘先知係每日去街市買梅頭返嚟自己手剁，食落有肉香。- 雙拼湯餃（8隻，魚湯）：餃子脹卜卜、大大隻，皮薄有咬口；以份量嚟講幾抵食。整體口味比較清淡無味精，湯底有啲似媽媽煲既湯，有生菜、紅蘿蔔、粉葛等等；如果鍾意濃味可以考慮自己加枱面既辣菜譜。服務幾有印象：家庭式經營，老闆一家人都好有禮貌，老闆娘仲會主動傾兩句；就算係掛8號風球前夕，都冇趕客，等我哋慢慢食完先收舖。而家經濟唔好，肯用心經營，食物足料有質素嘅食肆已經買少見少，之後都會繼續幫襯，希望支持吓呢啲小店。由於太肚餓冇影低食物，淨係影咗餐牌🤣…Read More

聽說這間大名已久，行完山慕名而來，買了鮮奶撻、菠蘿包、片裝包裝蛋糕、腸仔包及麥包各一。價錢來說真的比外面貴太多，鮮奶撻15元、包裝蛋糕一片20元...如果好味的話，價錢貴一些也不算甚麼，點知...相信大家屋企樓下求其一間麵包舖都好食過佢...唔明點解有成200個好評，原來其他劣評講既野都係真最令人氣忿係店員語氣，明明她問要點裝埋d麵包，我們回覆：其中那個腸仔包分開裝，其他麵包裝都在一齊。這麼簡單的話，只換來店員冷冷一句，即係全部分開裝🤷🏻‍♀️但此舉太浪費膠袋了，我們之後拎返去，同佢講只係需要一個膠袋裝麵包，唔係要咁多個獨立裝起來，點知佢同事，將我們的包大大力逐個倒入膠袋中，就好似大家平日倒垃圾咁，菠蘿包上面的脆皮都碎左...另外，買完野時我們想企過dd,俾後面排隊既人下單，個阿姐又語氣好差咁叫我們企返去原位，明明條路無人行，好心讓路你唔洗咁吖嘛我只想說，明買明賣，無人奉旨要受你氣，加上味道真係一般，好失望，成肚氣都飽…Read More

在日本吃過同名的shabu shabu，雖然知道不是同一集團，但也懷著一絲期望來打邊爐，不過感覺有點失望。雖然是假日光顧，但六點未到繁忙時間，所以基本上不用等位，六點後等枱的人開始湧現。店內的空間不算大，或能容納約60人，由於是APM這種大商場，所以可以用The Gulu 訂座，也是很方便。這裏是任食九十分鐘，由入座起計，而且晚上很多人等位，所以一夠時間會不斷催人走。不過一人一鍋做賣點都頗吸引。我們選了最便宜的餐，每位179加一，其實牛肉肉質已經很好，不像其他任食火鍋般，肥牛以肥膏佔多數，無太多肉食。由於我們有六個人，人數太多及位置所限，不能一人一鍋，只能用兩個大鍋。我對湯底都較失望，千夜鍋和甘露鍋，其實是醬油湯底及鰹魚湯底。醬油湯味太濃和甜，所有食物放下去都是同一種甜味，而鰹魚湯就太清淡，跟普通清湯沒分別。美人鍋是雞湯，相對味道新奇一點，但不算太大驚喜。比之前食過的火鍋店，如劉一手、養心殿的美人鍋，這湯底只有3粒星。麻辣鍋辣味不大，貫徹台式麻辣鍋應有風味，但也不太有驚喜。講一講食物，牛肉不是外面任取，但只要向店員order就會送來，牛肉味道尚算不錯，雖然只是最便宜的那款，但油脂分怖平均，涮十秒內已很好吃。醬料區有不少選擇旁邊是蔬菜、丸類、雞肉、魚肉、麵食等區域，也是任取的。後面有員工用機器不斷切牛肉，密密切無停手。食物都算新鮮，而且員工不段refill食物區內的菜式。不過整體來說，食物無驚喜，想不出哪一款食物味道令我驚歎，可能因為湯底平平。最開心是有Haagen Daz雪糕可以任取，是回本食物之一。可能近來打邊爐打得多。對火鍋要求亦提高。但馬屋性價比不算高。整體評分只有3，牛肉最值得encore，但其他菜式或飲品，跟一般任食火鍋或酒樓分別不大，最後埋單每人約200蚊，這個價錢來說不過不失，但下次未必選這間。…Read More

下午跟朋友路經大圍，口癢癢想吃車仔麵，見下午茶時間比較少人，不需要等位於是就衝入去試一試。坐下後點餐要剔點菜紙，小店來說菜式選擇也算不少，連粉腸都有><很多東西都想吃，但只有兩個人，十分苦惱揀咩食。可能大多做街坊生意，價錢都算平民，35蚊有三餸+飲品門口牆身全是餐牌，要花些眼力才行。看走了眼可能就錯過了很多美食。聽街坊說咖喱辣汁好惹味，於是挑戰特辣咖喱肥牛撈粗，再另加魚蛋及雲吞。咖喱辣汁真係好香濃，有兒時街邊咖喱魚蛋辣醬，那種回億的味道，不過這個撈麵偏辣，不能看輕它的辣度。程度大約是譚仔中辣，嗜辣者必點!!!幸好有點豆漿解解辣。另外是朋友點的車仔麵::豬頸肉+蘿白+魚皮餃粗麵(加腩汁)喝一口湯底，偏濃郁但不鹹，感覺沒有味精。粗麵也彈牙滑溜。吃了一塊秘製豬頸肉，不知甚麼醬汁醃製，炆得很入味，肉質爽脆但又軟糯，咬下去D油脂及肉汁在口腔內盪漾，有種濃濃的邪惡感。必點即炸魷魚鬚!!!!上枱時熱騰騰，咬下去皮很薄但香脆，魷魚面頭有椒鹽香而且多汁，而且都很大條，忍唔住食多好多。香口野真是忍不住口。另外都叫了一個皮蛋，份量不算多，麻辣香氣後勁較強，入口幾秒才散發在口腔中。給這間車仔麵整體分數:4.5分，食物味道不錯，必點炸魷魚鬚及秘製辣醬撈麵。員工都頗友善，廚房姨姨仲主動問我們，會否不夠辣要加辣。店內裝修都算企理，不過店舖位置唔算方便，距離東鐵大圍站要坐一程小巴，如果唔係路經個邊，都難D發現呢間隱世小店。下次會再來!!!!…Read More