myfavorite_fs's Profile

食雪糕對我黎講係一年365日既事，銅鑼灣新開的Tai-Parfait 就係我既新歡。Order左士多啤梨+原味乳酪（$38）, 士多啤梨新鮮好甜，加埋朱古力醬，第一啖就成粒成晒lu. 。士多啤梨一定要快食，事關我見到好多人掛住影相，成粒跌左落地，浪費晒......不過見到D店員好好，即刻補返粒俾個位客人，真好。Foryo 不會太冰，帶微酸，正好中和返成隻件事，而主角鯛魚燒魚第真係好正，外脆內軟，QQ口感好特別，熱辣辣真係好好食。Size方面，有D人覺得隻魚比較細，我就覺得岩岩好，因為食呢D都唔會希望食飽，過下口隱或者下午茶就一流。…Read More

同食每月聚會，佢地又係韓迷，所以就試試新野。牛肉卷 - 好食，紫菜帶麻油香，包得夠實唔會一夾就散，一陣就掃晒。甜辣醬炒年糕 - 比想像中冇咁辣，年糕煙韌，但size就長左DD，細舊D比較好。牛舌 - 呢款係薄切，所以一落爐好快就食得，肉質爽口嫩滑，建議包生菜蒜片，仲惹味。骨付牛助條 - 呢個勁，攤開我估有兩尺長，影相呃like最岩，肉質都比較軟滑，但近骨位就有少少筋。蒜蓉牛油帶子 - 錫紙兜上，因為唔係正接燒，所以要花D時間煮，不過帶子size幾大，而且新鮮，雖然好似貴貴地，不過都可以trytry. 生果雪條 + 梨汁 - 非常聰明既做法，咁樣我就keep住有凍梨汁飲，又唔會淡左，而且賣相都好特別。 …Read More

話說有日睇睇下openrice 見到呢間餐廳，其實平日都會經過，不過冇留意到佢既存在，所以約埋同學試試。去到唔洗等就安排到坐位俾我地，雖然坐左出去通道，不過間間都係咁ga la, 所以冇所謂啦。睇餐牌選擇都幾多，我就order 左個all day breakfast. 以呢個價錢有呢個份量ok ga la, 多士搽上蜜糖，香脆惹味唔𠝹口，有D似BBQ燒多士，好食。沙律菜新鮮，陪芝麻沙律汁，入口比較清新，都好食。但其他腸仔同菇就麻麻地，好可能佢地要逐樣煮，所以大部分食物都只係停留係暖既溫度。眾所周知，食物只要夠熱，點都會加返少少分。所以腸仔同菇我就覺得好一般。:(:(:(加上上菜速度比較慢，我等左超過20分鐘......但佢地D咖啡"望"落幾ok, 下次有機會都可能會試下既。…Read More

情人節前訂左兩位係呢度預祝，可能因為出面太full，被安排入座vip房，呢度整體裝修簡潔，座位間有足夠距離，坐得舒服而且有更多私人空間，抵讚。前菜order味醂雞泡魚干$39，雞泡魚干上面塗左類似蜜糖既野，成片放上網燒，燒至兩邊金黃色就可以夾起剪開進食即可，呢個食落非常香口，佐酒一流，其實好食到可以一個人食幾片。飲品放面叫左海鹽焦糖薄荷青檸特飲$29:)，酸酸甜甜不錯，有D似泰式青檸梳打，但薄荷味就冇乜，食燒肉點都要配碳酸飲品的。溫玉野菜沙律$45:)，半熟溫泉蛋蛋味夠濃，野菜亦都新鮮，但可能沙律醬太多，再加上半熟溫泉蛋，成件事比較粘口及水份過多，要改。燒肉揀左燒肉5品盛合$169，內容有牛肋肉，雞肉，豬頸肉，牛舌同埋肩脊肉。整體肉類都新鮮，特別推介牛肋肉同牛舌，牛肋肉肉質嫩滑，而牛舌就非常爽口，不過雞就太碎，好難燒。壓軸係石鍋年糕伴乳酪$29，賣相非常精緻，收視率奇高，石鍋應該係之前雪定的，可以保持雪糕既溫度，而且雪糕中既乳酪同雜莓中和雪糕甜味，對剛剛食完燒肉既我岩岩好清左之前既油膩感覺。…Read More

第三次黎食勝香園，幸好今日係閒日lunch少D人，等15分鐘就有位。其實我一向mama地番茄，但黎到唔叫又好on居，order左番茄牛肉腸麵，咸檸七，奶油脆脆。番茄牛肉腸麵，番茄湯超濃而且不酸，個麵先勁，係我最like既七成熟麵，麵身其實已經熟，中間就剩返一絲既白，食到尾個麵岩岩好熟晒，識食既，知我講乜gar la! 牛肉嫩身，份量亦不少，一啖湯，一啖麵真係好正。唔知點解呢度既奶油脆脆係好食D，size適中易入口，煉奶又唔會太多太甜，麵包烘成金黃色脆而不𠝹口。為左咸檸七我放棄左奶茶，就係想飲佢個種又酸又甜既味道，而且佢加多兩片鮮檸，檸味更加突出。…Read More

過黎中環做野，見到Hero裝潢不錯，而且貼滿magazine clipping，於是就入去試下。被相片吸引，叫左個招牌Ribeye Steak Sandwich + 薯條 + 熱咖啡。第一眼外觀不錯，麵包烘到金黃色，未食之前期望太大，咬第一口就覺得麻麻，肉眼片（應該咁叫，唔明點解叫steak!?）太碎，成到一檯都係，而且非常淡味，好似冇落調味咁，而且汁太多，令到個飽淋晒⋯⋯食到一半我已經唔想食:(:(:(。薯條係粗身個種，炸得外脆內軟，算是點安慰。最後杯熱咖啡......又出事，完全冇咖啡香同味，應該係太大杯，水份量太多所致:(:(，一半都飲唔到......…Read More

一向好少黎西環，高街更加係第一次，今日就黎試試呢間店既brunch。早兩日訂座，被安排坐門口半露天位置，雖然對馬路但因為車少都唔會覺得嘈。Order 左個 Ham omelette, 配兩塊多士及一串4粒薯仔，多士普通，沒有配牛油或jam可，薯粒不錯，size 一口一粒，配香草黑椒焗都幾香口，但油左少少。:(Omelette 份量很足，蛋不是全熟，入口香滑，火腿粒不太咸，與蛋比例亦都適中，不過就冇咩亮點，有少少似高級版快餐。最後oder一杯cappuccino作總結，presentation非常good, 配一件小甜點，已經吸引晒其他唔係ordercappuccino朋友既目光。…Read More

之前一路都未有機會係香港食到一蘭，今日見人少少試下排，點知都要排40分鐘，不過冇計，食好野要付出少少。其實係大阪已經食過，真係幾好食，所以都幾期待香港一蘭既水準。Order 左少辣，硬麵，濃味，飲湯先，夠晒熱，味道同大阪幾乎一樣，豬骨味濃，再加少少一蘭醬，成個人暖晒。一向都prefer硬麵，食到尾都唔會浸得太淋，麵既質地挺身有咬口，但片肉就唔ok......:(太細片，而且完全零脂肪...:(唔好食lor. 主要的扣分位！…Read More

又係人去我又去既精神，見咁岩係銅鑼灣食完飯，又同班friend走過去目及目及。未去到已經門口已經見人龍，雖然已經成10點都仲有10幾人排。Order左個抺茶雪糕餡蜜，第一口食雪糕先，抺茶味濃雪糕挺身足料，唔會輕飄飄，不過portion可以大多少少，紅豆有咬口唔會熔晒咁，不過就偏甜，我要讚個柑肉，好少係香港可以食到，感覺幾特別。不過個寒天好累事，事關我一𢳂開D雪糕，一大灘寒天水係下面浸住D雪糕，即時食肉大減，而且D寒天太散，不太好味。如果唔係應該俾到哈哈笑。…Read More

聖誕節期間食得太多熱氣野，諗住節日過後食返清少少，所以走左去食粥。order 左一個牛脷酥同一碗菜乾排骨粥。牛脷酥炸得剛好香口唔大油，脹卜卜都幾好趙頭，而且非常貼心地cut開幾小片，放便進食。菜乾排骨粥portion非常大，粥就覺得比較稀，但味道很好，排骨不太咸，不過食完都有D口渴。:(CWB鋪租貴，而家食碗粥都要三十蚊，真係搵唔返以前小本家庭式粥店了。…Read More

兩點幾黎到，差D咩賣晒，見有個蒸飯加點心set幾抵，就試試。 點心5件 ok la，唔會蒸到“林”晒，但唔夠熱。反而個蒸飯不錯，飯蒸得岩岩好，每粒都爽口分明，應該係即叫即蒸，排骨又唔肥，鳳瓜都好入味，但整個飯份量就差少少。…Read More

係正公司樓下，今次竟然係第一次食佢既茶餐，$22蚊有三樣野真係幾抵，蛋撻就唔洗講，撻皮鬆脆，溫度又夠，而且蛋都好滑，不錯。但沙律就好唔掂，出晒水，好似隔夜咁，料又唔足，俾0分都得。:(:(西多就一般般la，比較吸油。平就平la, 不過下都係食返蛋撻算。…Read More

女人街一向多野食，今次走去試甜品，西班牙油炸鬼chuuros.都係因為雜誌既介紹先識黎，要試就梗係試最original的，Chuuros with Nutella。即叫即做夠新鮮，熱辣辣既chuuros非常香脆，上碟前灑上糖霜，賣相不錯還帶幾分浪漫，而且配上百撘的nutella，都算唔會死錯人的。…Read More

知道中環開左間新拉麵店，開工經過就過黎潮聖一番。食個早lunch，12點左右黎到，好彩早左少少黎，一過1230人潮就到，要食既朋友最好避lunch hour，唔係有排等。入正題，Order左個濃厚原味$62（聽講係招牌），未飲湯先聞一聞，非常重的魚堅魚香，飲落亦都很重的魚介味，而且不太salty，你知喇湯好緊要ga ma，不過唯一要彈既就係湯可以再熱DD，麵身不會太淋，仲幾有咬口，自家製叉燒肥瘦一半very good，又唔會一夾即散不錯，不過得兩片，一陣就食晒......:(我見menu 有個豚肉野郎新味好似好正好多肉咁，下次要再試呢個。…Read More

開係觀塘區叫自己做 factory 99都算改岩名，次次黎都好多人，今次都唔例外，lunch set order 左豬扒配飯（仲有薯菜/意粉選擇），豬扒是厚切的，有兩大塊，開頭見到鬼咁開心，點知骨大肉少，唔怪得知有兩塊la......:(:( 雖然係厚切，但都煮得幾好，唔會太乾太老。個飯就一黎到就跌晒落黎，減賣相分，另外溫度都唔太夠，只可以叫暖。加埋湯，凍飲都係$55，兩點後仲有9折。算ok la.…Read More