Cookiepuppy的个人专页

今日同friend喺沙田搵食，行到好運中心見到呢間 📍鐵板大師睇佢哋門口menu價錢好似幾抵食，就即刻決定入去試下水😋主打鐵板套餐，可以加錢升級配 意粉/飯/薯條+飲品或餐湯，啱晒大胃王啦～🤣【香煎美國牛柳🥩】一上枱就聽到鐵板滋滋聲，牛柳就叫咗五成熟嘅，一刀落去滴肉汁biu曬出嚟！！😱外層煎到微焦脆口入邊仲係粉紅色嘅，蘸少少海鹽已經鮮味十足！再加埋黑椒汁簡直就係雙重暴擊，鹹香惹味~😍洋蔥清湯🧅 胡椒味超濃郁，洋蔥絲多到瀉晒出嚟飲完成個人都暖笠笠☀ 開胃到想encore！【香煎羊鞍🐑 】朋友嗌嘅 香煎羊鞍 一份就有兩件，羊架表面煎到金黃，肉質嫩滑又多汁完全冇羶味👅搭埋薄荷醬同芥末醬，少少就可以帶出羊肉鮮甜，尤其薄荷醬清新解膩中和咗油脂感，正啊！👍意粉就正常發揮，但勝在夠熱同有牛油香，撈埋鐵板剩低嘅肉汁食邪惡但好滿足~👌即炸嘅 粗薯條🍟熱辣辣上枱仲有少少鹽提味，蘸茄汁或黑椒汁都掂💯…查看更多

今日係大圍公幹同事就帶我來左呢間隱藏嘅小店食飯🍴鋪頭細細但人氣爆燈！晏晝飯點嚟到，門口已經排咗條龍，不過好彩翻枱速度夠快等咗15分鐘左右就有位⏰【金牌鹽焗雞飯🐔】飯可以揀 炒底或白飯底🍚 仲可以自選雞肉部位，鍾意啖啖肉嘅揀雞髀🍗驚肥就揀雞胸炒底 即係雞油蛋炒飯，用雞蛋同雞油爆香，飯粒炒得乾身香口夠鑊氣🔥雞肉鹽焗味濃郁得嚟唔會過鹹，雞皮焗到金黃微脆，咬落去肉質滑嫩得嚟帶少少彈牙，嗰層豐腴雞油滴落炒飯底度即刻昇華👏蘸埋佢哋嘅沙薑汁夠哂惹味😍超滿足👍…查看更多

一入到餐廳，第一印象係整體環境乾淨企理✨檯面同地板都唔會油淋淋👏不過座位就真係有啲窄，午市人多到打蛇餅🐍想靜雞雞食碗米線可能都要睇運氣🤣佢哋嘅湯底選擇多到眼花撩亂，仲可以自選辣度（小辣、中辣、大辣）🌶️啱晒唔同口味嘅食客👥【酸辣米線🍲】上枱就聞到酸香撲鼻🤤酸辣比例啱啱好，酸豆角醃得入味，肉碎炒到焦香仲有啲芽菜🌱增加口感米線煮得爽滑唔會過淋吸晒湯汁精華，飲多兩啖湯都唔會口渴👍加咗份 魚肉春卷🐟做配菜，外層係炸到金黃脆身嘅腐竹，咬落咔吱聲超治癒😍內餡係手打嘅魚肉，彈牙又鮮甜完全冇腥味🌊力推 香辣墨魚頭🦑墨魚頭切得細細粒，醃得夠入味口感爽脆，辣得嚟帶少少麻香🌶️送啤酒一流🍻…查看更多

今日同大家分享一間主打平價韓料 超適合「獨食男女」嘅人氣韓式餐廳 📍Hungry Korean🍴【豆腐海鮮湯🍲】湯底用咗韓式辣醬熬煮，辣度溫和帶甜，仲有淡淡嘅海鮮甜味🦐豆腐滑到似布甸🍮一夾就散開，入口即化😍配料好足料，有彈牙蝦仁、鮮甜海虹、仲有半熟雞蛋🥚撈埋熱辣辣嘅湯飯一齊食，一人份啱啱好👌暖胃又滿足💖喺香港韓餐可以話「平靚正」嘅首選👍分店多、出餐快、味道穩陣，係打工仔同學生嘅福音📚…查看更多

旺角分店嘅裝修簡約又有文青feel，坐低即刻有種慵懶chill感~食物同飲品都超有驚喜💯【豪華英式全日早餐🌞】窩夫🧇真係超！級！鬆！軟！咬落去有微微蛋香，仲可以揀太陽蛋或炒蛋🍳煙三文魚卷🌯鹹香惹味夾埋沙律菜好fresh～肉腸🌭皮脆肉嫩咬落juicy；香煎培根🥓煎到微微焦脆，鹹香得嚟唔會過油份量夠兩個女仔share👯【法式吐司🍞】吐司表面煎到金黃酥脆，淋上加拿大楓糖漿🍯，甜度perfect match~面頭兩條煙燻培根🥓嘅鹹味平衡返甜膩感旁邊嘅水果杯🍈清新解膩，完美balance～✨【3D玫瑰拿鐵☕】拉花唔係普通心形，而係立體小狗頭🐶Q到唔捨得飲！入口先係玫瑰花香🌹，跟住榛子糖漿🌰嘅堅果味慢慢滲出，濃郁得嚟唔會膩咖啡底偏nutty唔苦澀，仲有十字奶嘅濃滑加持🥛，奶泡綿密到掛杯☁️【椰汁紫米露慕斯🍰】面層係晶瑩嘅啫喱🍮，切開見到層次分明嘅慕斯、椰奶凍🥥同蛋糕底🍰甜度控制得啱啱好💜椰香濃郁但唔會漏喉，煙韌嘅紫米香混搭椰香，食完完全唔覺滯🎉…查看更多

📍藏身旺角舊樓嘅「Lamlam脷 😋」係甜品控嘅秘密基地💫雪櫃入邊有十幾款口味排隊等你翻牌👀花多眼亂到揀唔落手啊！😆【抹茶流心千層🍵】未切開就見到啲抹茶漿湧曬出嚟💚濃郁茶香帶住日式嗰種甘苦完美中和忌廉嘅甜膩，層皮薄到透光但勁有咬口😌食晒成件都唔會喉嚨滯，抹茶控必encore！🍃【開心果千層🌰】😍表面灑左脆卜卜嘅開心果碎，堅果香氣同滑溜忌廉瘋狂mix&match千層皮夠晒韌性又唔會乾爭爭，食完成個嘴都係開心果嘅餘香🤤 •「平靚正」三個字當之無愧！街坊價可以食到五星級質素簡直就抵到爛啦💯…查看更多

今次竟然俾我挖到一間平價性價比超高嘅和牛🍚開放式廚房睇住廚師即叫即燒👀，鐵板滋滋聲伴住肉香轟炸即刻就餓到肚打鼓！🤤【火山丼🌋】俾呢座「和牛火山」嚇親！鐵板即燒嘅澳洲和牛🥩鋪到滿瀉，肉眼睇得出油花均勻似雪花❄戳破隻溫泉蛋🥚將蛋漿包住珍珠米再淋埋秘製燒肉汁每啖都係 牛脂香+蛋滑+飯甜 嘅三重暴擊！💥【▪️ 和牛串 ▪️ 牛肉丸串🍢】鐵板快鎖肉汁💦咬落外脆內軟，肉味濃到似喺口腔放煙花🎇惹味到想舔竹籤🐮手打牛丸彈牙到可以乒乓波式反彈🥢…查看更多

📍今次同班朋友喺中環呢間新開嘅泰餐掃勻佢哋Menu招牌菜~推開門就見到木系裝潢掛滿復古泰文燈牌，啱晒打卡之餘瞬間覺得穿越到咗曼谷夜市！食到舔舔脷😋想即刻book機票飛曼谷🛫【虎蝦炒金邊粉🍤】虎蝦大過手掌心🖐️蝦殼煎到脆卜卜，蝦肉咬落彈牙到震仲吸曬秘製醬汁嘅甜辣精髓～金邊粉炒得乾身唔油膩，每條粉都掛滿調製嘅醬汁，酸甜比例神準⚖️撈埋花生碎🥜同芽菜一齊入口，口感層次大爆發💥【牛肉串燒🍢】牛肩肉真係嫩到犯規，一咬開肉汁就直接喺口腔爆開💦串燒靈魂絕對係嗰碟特製醬料每蘸一次都好似切換緊味覺頻道📡【芒果糯米飯🥭】糯米軟綿到入口即化，淋上香濃椰漿🥥芒果甜度爆燈唔澀口💛最驚喜係面頭嗰層泰式炸米🌟脆卜卜令口感即刻昇華【原支烤魷魚🦑】成條手臂長嘅魷魚筒，炭火香逼出魷魚鮮味🌊肉質厚實唔韌配埋秘製蘸醬，甜辣交纏辣到頭頂冒汗又停唔到口🌶️【冬蔭功湯🍲】湯底用蝦頭熬到橙紅色辣度夠哂泰國原裝🌶️裡面仲有大蝦同草菇🍄飲完成個人都暖笠笠~越飲越上癮🔥⚠️不過驚香料嘅朋友可能會頂唔順🥵【泰式飛天炒通菜🥬】黃豆醬鹹香惹味，通菜炒到翠綠爽脆簡單得來超送飯🍚▫️泰奶🧉茶香濃但偏甜🍬建議叫少甜▫️椰青🥥椰水清甜無渣，飲完刮埋啲椰肉滑嫩到似食緊啫喱🤤‼️每枱都會有罐 泰式酸辣汁🌶️🍋，試過蘸乜都好加分！臨走我直頭想偷運罐返屋企🤫…查看更多

今次帶大家去 📍 鴨脷洲大街，搵返碗由艇仔做到而家有固定舖位嘅 艇仔粉 ！鋪頭雖然冇豪華裝修，但滴味道就三十年如一日，仲係當年碼頭嗰種樸實鮮味，保留住傳統漁港風味，食完即刻想encore 🔥【招牌艇仔粉 🛶】呢碗艇仔粉，材料豐富到不得了！有叉燒、燒鴨、魚蛋、魚豆腐、紅腸、魚皮同生菜鋪到滿瀉✨湯底🥣 絕對係靈魂！！！用大地魚骨熬足數粒鐘，呈現濃郁嘅奶白色，入口鮮甜到黐脷🤤最難得係飲完完全唔口渴，證明無落味精真材實料～再加翻少少胡椒粉，瞬間將海洋嘅鮮味提升到另一個層次🌊叉燒🍖 每片都係精瘦靚肉，厚切咬落啖啖肉香，完全唔似坊間嘅柴皮貨👍燒鴨🦆 肉質嫩滑得嚟仲帶微微煙燻香，最驚喜係鴨皮泛住一層翡翠綠光，師傅話係秘製滷水嘅功勞🤣魚皮🐟 雖然泡軟咗但吸曬湯底嘅鮮甜，仲帶微微脆口超惹味，正到拍檯！👏【炸雞翼 🍗】雖然係常規炸物選手，但現炸出嚟嘅又點會失手？外皮香脆，內裡多汁，簡單調味已夠晒香口😋…查看更多

今日喺中環搵到呢間主打 秘魯菜🇵🇪嘅餐廳餐廳嘅裝修好有民族風有種瞬間飛咗去南美嘅錯覺！啱晒同朋友chill住食～👫【招牌秘魯烤雞🍗】半隻烤雞份量十足，一上枱就聞到濃郁嘅香料味，據講係用咗秘魯傳統醃料，混合咗小茴香、蒜末、紅辣椒等，醃足十幾個鐘先炭烤，香到入骨！😋🐔雞皮烤到薄脆焦香完全唔油膩，咬落咔嚓咔嚓聲，正啊！不過雞胸位就有啲柴，但係可以蘸佢哋嘅Aji醬補救翻配菜可以自選兩款，地瓜🍠 絕對係MVP！甜到似蜜糖，外層微焦內裡軟糯，同烤雞係絕配！蒜香飯🧄就有滴食唔慣😅【牛肉餡餅🐮】外型似巨型煎餃🥟，酥皮香脆到掉渣，一咬開，免治牛肉混合半熟蛋汁爆出嚟🍳，Juicy到漏！💥面頭撒咗紫洋蔥碎同阿根廷青醬🌿，酸辣清新中和咗油膩感，一個人食晒成隻都唔覺滯！【海鱸魚塔塔配薯蓉🐟】驚喜位係佢個薯蓉‼️ 綿滑到似食緊雲呢拿雪糕🍦，上面鋪滿用青檸汁醃過嘅生鱸魚粒，口感似Cevich，帶微微辣勁🌶️但怕腥嘅朋友可能要pass～🧐…查看更多

今次嚟到尖沙咀嘅 珍珠皇宮，試吓地道嘅印度菜！🤩餐廳環境充滿異國風情，燈光偏暗，牆身掛滿印度傳統圖案🏯仲有陣陣香料香氣飄過，未食已經覺得好有feel～✨【印度卷餅🌮】薄脆嘅餅邊咬落「咔嚓」聲，入面嘅土豆咖喱餡軟糯香濃，仲有微微辣勁，一啖入口冰火交融！最正係配埋三款蘸醬——薄荷乳酪醬🌿、酸甜羅望子醬🍯同埋秘製辣醬🌶️每款都帶出唔同層次嘅風味，真係「一餅三食」超滿足！👏【牛油烤雞🐔】用鐵板滋滋響上枱嘅 牛油烤雞 絕對係視覺同味覺雙重享受🔥！雞肉醃得超入味，牛油同香料滲透到每一絲肉裡邊，外皮微焦帶炭香，咬落嫩滑多汁點埋清涼嘅酸奶薄荷醬🌿，酸甜解膩，平衡得啱啱好～【瑪莎拉羊肉🐏】瑪莎拉嘅香濃真係無得頂💥羊肉燉到軟腍，完全冇羶味，醬汁濃郁帶微微嘅辣🌶️一定要點埋熱辣辣嘅 馕餅 ，蘸滿醬汁一啖咬落去，麵香同香料完美融合，食到停唔到口～【乳酪脆米球🧆】外殼脆卜卜但唔油膩，一咬開就係微冷嘅酸甜乳酪🥛，混合住綿密嘅薯蓉同鷹嘴豆，面頭撒咗識爆汁嘅石榴粒瞬間提升整體口感🎉仲有香料嘅加持，口感同味道都俾佢玩晒😂【芒果奶昔🥭】濃郁嘅芒果香質地creamy又唔會過甜，酸甜開胃，啱啱好中和返啲濃味主菜😋…查看更多

鋪頭環境雖唔算豪華，但勝在乾淨企理價錢親民！☺️【肥牛炒烏冬🍜】烏冬炒得乾身又彈牙，唔會油淋淋，啖啖都充滿日式醬油嘅鹹香！肥牛份量夠多，肉質嫩滑仲帶少少焦邊，夾埋洋蔥同椰菜絲一齊食，口感豐富又惹味～😋【木糠布甸🍮】入口就似食緊軟滑嘅雪糕🍦，忌廉打得超綿密，甜度適中唔會膩！面頭灑滿咗細碎嘅餅乾糠（木糠），脆脆哋嘅口感同滑溜嘅布甸形成強烈對比😍趁凍食凍冰冰嘅口感好過癮❄️…查看更多

呢間主打娘惹風味嘅灣仔隱世寶藏小店💎真係令人一試難忘！😋【娘惹濃厚叻沙🍲 】第一啖湯直頭係靈魂暴擊！🔥 湯底用咗檸檬草、辣椒、蝦頭蝦殼熬足N個鐘，椰漿味濃到黐線仲帶微微辛辣🌶️ 飲落喉嚨暖笠笠又唔會膩～配料仲有彈牙魚餅、爽脆鮮蝦、吸湯嘅豆腐卜同豆芽，每啖都掛滿濃湯，真係鮮、香、辣嘅三重夾擊🦐好食到連最尾一滴湯都唔捨得放過😍【斑斕吐司 🥪】麵包烤到外表酥脆，入邊夾住厚厚嘅斑蘭椰香醬，外皮熱辣辣，內餡冰冰涼 一啖就可以享受到雙重口感💚 斑蘭嘅清香同椰香完美融合，甜度啱啱好唔會漏～食完即刻想encore多份，但驚肥嘅朋友仔就要準備好食完跑多兩圈啦！ 🤣【青檸冰茶 🍹】食完濃郁嘅叻沙同香甜嘅吐司，嚟翻杯檸茶就啱晒🍋青檸嘅酸爽同茶香完美平衡冰涼清爽，瞬間令人覺得refresh咗！❄️…查看更多

呢間📍十三姨 真係不得了啊 晚晚都排長龍！朋友仔話佢哋將港式風味玩到出神入化，今日就來試下水啦~👀【鵝肝煎蛋撈飯🦢】厚切鵝肝煎到外脆內軟，入口即溶嘅油脂爆發💥香脆金蒜、酸爽酸菜、靈魂香蔥配埋流心太陽蛋🍳再加上自製 XO醬 嘅微辣鮮香🌶️口感層次瘋狂疊加👏撈埋飯一齊食，每一啖嘅罪惡感+幸福感都直線飆升！邪惡得嚟又忍唔住清碟 😈【西多雞翼🍗】呢個名改得貼切！雞翼皮煎到金黃脆身，入面肉汁多到滴出嚟～💦🍯面頭嗰層秘製蜂蜜醬唔係死甜 帶少少鹹香吊味，反差感令人上癮食多兩件都唔膩！🤤 朋友仲搞笑 話：甜過初戀，脆過薯片！😂…查看更多

今次試咗呢間街坊狂推嘅📍村爺爺 佢哋一向以足料靚湯俘虜街坊嘅胃，果真係餓虎藏龍✨呢餐海陸空豪華盛宴 食完就即刻想Encore～👏【鮑魚花膠蟲草花雞煲翅🦪】蟲草花🍄嘅甘甜混合住老雞嘅濃郁，雞湯底用老火熬足6粒鐘，金黃到反光🥘！重點係👉🏻原隻溏心鮑魚🦪，咬落彈牙又juicy花膠仲厚過我塊面皮啊，膠質滿滿黏嘴魚翅絲毫不手軟，撈一啖仲有驚喜——半隻走地雞🐓肉質嫩滑到識跳舞飲完成碗都感覺自己嘅皮膚即刻嘭嘭聲😍【極上海鮮龍蝦湯泡飯🦞】用原隻澳洲龍蝦頭熬製嘅湯汁🦞橙紅色澤鮮甜到爆燈💡！泡飯配料多到瀉：帶子、青口、鮮蝦、蜆肉🦐🐚，每啖都係海洋嘅精華🌊！最正係加入脆米🍘，索曬龍蝦湯精華又keep住脆口，雙重嘅口感正到拍枱👐…查看更多