humann's Profile

餐廳係一間有特色嘅日本餐廳，裝修咗30年，唔知有冇改過，不過係好有風味。都係做普通街坊生意，一人套餐一百蚊多啲，兩款嘢食，一個主菜，加一個粉麵飯，款式多，唔錯。環境舒服，價錢中等。價錢唔係超級平嗰種餐廳，喜歡嘅食物都應該會有，例如魚生，壽司，串燒，拉麵，烏冬，天婦羅。當然唔可以同高級的日本餐廳相比較。自家製個杯蜜桃茶好飲。正常平日唔訂位都會有位；如果星期五六日，早兩三日訂位都應該有位，10人應該係極限，否則要分開坐。…Read More

非常好的地方，兒童見到會好開心，食物質素亦都有一定水平，除咗地方細啲，要早啲嚟之外，其他野都係無懈可擊，餐廳姐姐友善，服務非常之好，飲品都好多種類可以揀，又有軟雪糕食。今天係阿囡同契爺契媽出嚟活動，五個人，地方都好歡送，我哋都冇叫套餐，散叫多啲花款揀，如果有興趣來的話，最好11點半鐘早啲過嚟，唔好太遲，如果嚟到太多人冇得入去，咁就好掃興啦，哈哈。配飲品仲會發光㗎 ，非常得意，記得影相，仲有偷偷地講，啲姐姐好靚女。…Read More

今晚我阿妹同我氣衝衝分享了一個在apple green晚飯的經驗，非常唔似香港人的水平，所以都要同大家準備去食飯的人分享，希望你們見到個總經理就同佢講聲，"劉德華叫你睇下佢個宣傳廣告"！話說阿妹同一班朋友，訂了桌子今晚十八人食飯，叫左菜；但多來了兩個朋友，問伙計加張桌子，但伙計話無桌子了，因 fully booked，跟住大家叫伙計加兩張椅子，伙計問完總經理之後，回答話"無得加"，朋友們見有椅子可以加，經一番理論，答案都係"無得加"。那麼，兩個多來的朋友點算呢？站立食飯嗎？一個醒目的朋友，問另外一個伙計要張BB椅，伙計隨即送上，朋友們就叫回之前的一個伙計，問佢可以加BB椅，為何不可以加椅子呢？BB椅比椅子還要大呢。答唔倒！總經理來了，說："我已經cut左你地單，無野可以服務倒你地，請你地離開" 就這樣，他們被趕走了！To Applegreen 的老板：你可以容計你的總經理(旺角)，這樣對客人嗎？朋友們對答禮貌，沒有一點火氣，真不知你的總經理為何大動干火，希望你去問下你的總經理做乜咁做呢？加兩張椅子，有問題嗎？…Read More