露露lulu's Profile

是日老細請食飯, 唔理其他同事意願自把自為揀咗哩到, 因為上次有同事帶我嚟食過, 覺得非常好味. 是日揀咗刺身定食, 好彩果日唔多人, 點解? 因為哩到得一個師傅做嘢, 所以上菜超慢, 慢嘅程度係可以由好肚餓等到非常肚餓之後去到餓過頭已經唔再肚餓啦就有得食啦, 不過因為佢d嘢真係好好味, 所以間唔時等吓都ok. 有味飯上面鋪上滿滿嘅刺身, 淨係睇到d咁靚顏色食物都好開心, 至於味道就一定好到不得了, 蝦爽口彈牙, 三文魚肥美可口, 海膽鮮甜無腥味(覺得香港好難搵到好食嘅海膽), 最後食埋個QQ嘅冷烏冬為哩餐飯畫上完美嘅句號.…Read More

聽人講人環開咗一間日本正宗拉麵, 是日星期六與損友一齊比返工仲早起身梳妝出口諗住去食第一輪, 本身以為自己十點半到已經好早, 點知已經有6個人係到排緊隊, 不過計過應該都食到第一輪. 是日叫咗兩個豚王, 一上嚟我就已經嚇親, 果層油多到唔知點講, 本人覺得湯嘅味道太濃(我指太咸), 總之一句唔好食, 同埋唔值得為咗佢排咁耐隊.…Read More

先前已經從朋友口中得知係銅鑼灣豚王對面有間日本人開嘅拉麵店, 一直都好想試下, 是日叫咗一個原味豬骨湯拉麵同新出品舞心涼麵. 可能係因為本身唔鍾意太重口味嘅關係覺得舞心嘅拉麵食起上嚟比豚王嘅要好味, 至於涼麵大至上都ok, 如果可以再凍d就仲好. 仲有就係店內環境都幾寬敞. 總括嚟講舞心係一間我會想再一次幫襯嘅拉麵店.…Read More

是日公司同事請食飯, 由於本人不良於行所以揀咗公司對面哩間日本嘢lunch. 因為唔洗錢關係當然叫嘢食就唔洗睇價錢啦(哈哈), 於是叫咗個魚生飯, 其他唔講, 個主食真係好食到...唔知點講, 所有魚生都好新鮮, 特別係隻蝦鮮甜又彈牙, 一個字"正".…Read More

是日為慶祝部門兩哥牛一(費用當然係公司比啦), 經本小姐精心挑選揀咗與本公司一條馬路之隔嘅花盃食鐵板燒, 由於太遲(花盃個姐姐話)訂座嘅關係要waiting, 姐姐話當日再confirm有無得食, 心諗唔係ar, 已經早咗兩日book都無枱, 有無咁好生意ar? 好彩當日姐姐打嚟話有位. 是日準時1點到達, 各人揀好食乜之後就係一輪嘅等待, 好彩有前菜食吓, 因為由落order到師傅埋位等咗差唔多半個鐘. 先嚟當然係我至愛鵝肝啦, 味到一般無驚喜, 跟住就係魚(不過唔記得咩魚), 燒得好香好脆同埋一d都唔腥, 再嚟美國牛厚切, 好香, 好多汁, 由於同行有同事唔食牛師傅改咗用煙肉炒飯, 好好味, 至愛佢炒到粒粒分明, 最後上埋飲品為哩餐飯劃上句號. …Read More

友人介紹話最近新開同埋好好味, 是日專程過海試新嘢, 店舖位於港鐵上蓋之商埸十分方便. 是日揀咗黑朱古力口味, 朱古力味非常濃, 食落有d似雪糕, 之後加咗提子, 菠蘿(個人最愛, 因為佢地係用新鮮生果, 最驚果d比糖水浸過嘅生果), 朱古力粉同脆脆, 值得一讚嘅就係糯米糍, 非常煙韌又唔太甜(聽講係店主親手做, 唔係買現盛), 比咗先發現可以一杯試晒所有味到, 唉, 蠢咗, 下次一定要試埋其他味道.…Read More

兩星期已經book好位, 今日嚟到唔知係咪因為係星期日所以大家都book得比較晏(我地book咗6:00pm). 早咗15分鐘到, 好彩姐姐比我地早d入座(佢地開6:00pm), 入到去二話不說是日特價$10蠔每款一人一隻, 等咗一陣蠔到, 姐姐細心介紹完同教我地食蠔嘅次序後開動. 雖然d蠔唔算好肥, 但勝在夠新鮮, 因此是日同損友兩人共同消灭咗32隻. 其實可以再食, 但因為驚食得太多肚仔唔受得, 所以唯有留待下次再戰.…Read More

是日因為要去新世紀睇preview, 所以去到平時非必要都唔會踏足嘅旺角(因為本身為香港人). 因為時間充裕, 所以嚟咗哩間友人大力介紹嘅金華食嘢, 本身想食佢至出名嘅菠蘿油同蛋撻, 但因為胃容量有限, 相較之下更想試吓佢個咖哩. 友人食咗咖哩牛腩, 我就食咖哩牛肉. 等咗一陣嘢食就嚟啦, 只見食物一放低友人嘅面色開始唔好, 因為d嘢食睇落唔多得, d咖哩望落去稀到有d過份, 友人叫我試食先, 如果唔好食就即刻埋單走, 好試就試, 用匙羹"畢"咗一d落口, 噢! 真係估佢唔到, 咪睇佢個樣咁, 食落好香咖哩味, 辣味, d牛肉好嫩, 薯仔都好好味, 總括有種不往此行. 有機會再去旺角一定會再嚟食嘢.…Read More

是日本身約咗友人共晉午餐, 點知友人竟然唔知醒落得最後只有我自己一個人食, 不過算數, 自己食就自己食. 是日依然點咗我至愛午餐鵝肝加美國牛厚燒. 首先一嚟就有一個蔬菜沙律.無幾耐師傅就攞住我d主食嚟啦, 先嚟上鵝肝, 唔跳係因為試多咗其他地方嘅鵝肝定真係佢d鵝肝問題, 無咗當年入口即溶嘅感覺:(, 再嚟美國牛, 哩個就keep住水準. 跟住就係炒飯, 白飯粒粒都肥嘟嘟, 炒嘅時候仲係塊鐵板上面跳吓跳吓, 炒起後粒粒分明. 最後再上埋芽菜全部熱食就完成啦. 最最後再住個無敵靚景食埋個好好味嘅芝麻雪糕為今日嘅一個人的午餐劃上一個完美嘅句號.…Read More

舊年已經話要去食ga la, 但就一拖再拖, 終於食到la. 果然...掂! 當日book咗7點, 朋友先到, 我就因為塞車遲到, 去到嘅時間餐廳幾乎已經坐滿, 搵到朋友放低行裝即刻去攞嘢食. 出到去第一時間梗係去海鮮區, 見到d蠔好新鮮都幾大隻, 諗都唔洗諗攞咗4隻(好好食, 之後又攞咗幾轉, but因為食得太多, 果日番到屋企痾咗幾次), 之後仲有大頭蝦, 青口, 長腳蟹, 不過魚生款就唔多得d基本嘢, 好似三文魚, 吞那魚, 八爪魚果d, 味到麻麻. 至於熱食就都係一d平時係一般buffet都會有嘅嘢, 無咩特別, 但味道ok. 甜品我本人就覺得甜咗d, 款唔夠多. 但總體嚟講二個字"抵食", 有時間會再去.…Read More

先前聽朋友講哩到d宵夜buffet都幾好, 咁咪諗住同朋友去試吓囉. 一個星期前已經book好位, 當日去到可能因為我地早到, 咁佢比咗張近窗嘅台比我, 個位幾靜, 可以同朋友靜靜傾吓偈. 坐底咗之後就去攞嘢食, 點知唔攞由自何, 出到去一睇...唉!失望到極點, 嘢食款少到極點, 又唔好食, 都唔知佢想點, 咁大間酒店入面嘅buffet d嘢食仲衰過我去茶餐廳, 仲收我成2百一位. 以後都唔會再去.…Read More