iamlkw's Profile

見上網咁好平諗住嚟試吓呢一間打咗好多次電話上book位book唔到每次都直飛留言信箱 話留言信箱已滿膽粗粗嚟Walk in 竟然有位 好開心環境乾淨企理 開始叫嘢食叫咗個軟殼蟹沙律 大蝦炒金邊粉 小食拼盤仲叫咗兩杯嘢飲 一杯芒果熱情果沙冰 一杯椰汁開心果沙冰 本身諗住叫杯菠蘿泡盛 點知冇晒 好快啲嘢食嚟已經到晒 味道唔錯 都幾大份 差唔多食晒啲嘢嘅時候 我哋叫嘅兩杯沙冰仲未到 咪問吓侍應 叫佢追吓單 佢答 沙冰要耐啲 咁好啦我哋咪繼續等 等咗好一陣精彩嘅事情發生 對面枱遲過我地落單 竟然上咗杯芒果沙冰 呆咗 我地㩒住自己道氣 繼續等 等咗陣 杯芒果沙冰終於到我哋繼續等杯椰汁開心果沙冰 等到啲嘢食得返啲碎屑 眼見對面枱 上咗杯椰汁開心果沙冰我地仲未有 內心幾折騰 多謝間餐廳教曉我一個道理: 遲來先上岸我地諗住索性同佢地講唔要 埋單走人 覺得佢哋可能漏單 點知佢地話整緊 多謝晒喎 對面枱再一次遲落單 又早過我地有 又再等咗陣 碎屑都食埋咁滯 杯椰汁開心果沙冰終於到咗 杯嘢飲變咗飯後甜品好彩間餐廳冇用餐時間話食幾耐如果有 我同佢理論到底 嗰陣唔出聲唔代表啞忍 點解兩杯野飲 我要等食餐飯先到 一喺你就喺餐牌寫明製作需時 (*建議可標明: 製作時間1小時) 同埋喺呢度俾個小道消息俾啲客: 望定附近幾枱落咗單先好落 遲啲落單 啲野食會快啲到呢間餐廳咁多好評 我一篇差評唔算喺啲乜嘢只係希望可以餐廳改善下 …Read More

諗住落黃埔是但搵間餐廳醫肚算 經過呢間新開嘅潮州鋪 有個姨姨好熱情咁介紹啲餸菜俾我哋聽 俾佢熱情打動 入去試試啦就我地一行兩人叫咗三個餸:)首先講下走地雞飯雞嘅肉質普通 冇特別 小菜有加咗話梅粉嘅蘋果條 同埋幾塊肉片(憑我肉眼同味覺結論所得) 肉片好香芋頭味 幾特別 個湯喺南瓜湯 超特別 喺酸嘅 有違我對南瓜湯甜甜的印象 我就不了 但我媽就覺得酸酸地幾開胃 $108一個餐 小貴再嚟講蠔烙 呢個真心推 超級驚喜 好好食 啲蠔粒粒都好大 每粒都差哈唔多一個五蚊銀咁大 仲要喺新鮮 好肥 好有蠔味 好滑 以為大粒俾貴野量會少 點知 好足料 喺啖蠔仲$88呢個價 喺值的 雖則今次冇叫佢個蠔仔飯 如果佢個飯啲蠔都咁靚 認真超值最後 講個粽 好特別 整體佢分咗三層 頂層微甜嘅飯 中間紅豆 低層喺鹹的飯 入面個涵冇記錯有啲肉碎(隔咗個幾星期先寫 唔太記得) 整體嚟講 味道喺不錯 新奇 鹹甜鹹甜 好好食 本身見佢有紅豆會驚唔夾 點知意外地出色 如果平返少少就更好 可以返兜服務方面 可能始終新開 個阿姨知我地未食過 超熱情 勁到我覺得有啲chur住我地咁款 喺咁介紹啲野食過我地聽 (雖則呢款sale客方式我不太好) 總結: 蠔烙好好食 會返兜 下次試下個蠔飯睇下啲蠔喺咪都咁大咁鮮咁多先🤓…Read More

首先 叫咩冇咩 想食個貴價頹飯 午餐肉雙蛋飯冇 高山茶香葵花雞半隻都嘔唔到出嚟 叫燒鵝飯啲staff都唔肯定仲有冇落單個下 環境唔太嘈 不解個阿姐點解咁大聲講野 我用正常音量落單 明明落咗兩個小菜 佢同我變咗三個 淨喺一個跟餐聽成全部跟餐 明明叫跟餐我落埋野飲 去到最後 佢又再問多次 你飯咩話 我挑 魚香茄子冇魚香 但就食到啖啖薑絲 可能我口味較為小朋友 最憎食薑 仲要同我切都細細粒 勁難分返開 事旦搵間酒樓食都好食過佢個胡椒魚肚雞煲 肉肉質正常偏肥 味道鹹到我覺得我個腎爛得 胡椒味程到應該成支胡椒粉倒咗落去 佢啖湯喺有一絲苦味 仲要個火撻著好耐煲野先滾個燒鵝飯 啲肉薄到少到一個點 水尾貨色 唔值佢個價平時食太興都喺食早餐居多 同埋喺喺黃埔間分店 佢地態度好好多 而且唔會話樣樣都冇咁…Read More

同老母慶生 就梗喺要食豪啲🤑今次嚟晏就十二點幾walk-in 入嚟呢間小貴嘅日本餐廳 首先講環境 裝潢喺唔錯 但枱與枱之間實在太窄 同隔離枱只有一隻手指位 感覺有少許尷尬一開頭落order 叫咗個雞泡魚乾 份量小 偏肉質唔韌 味道偏甜 個蟹肉漢堡 份量都偏小 個飯一個字硬 我都仲算後生 但我都好難咬開舊飯 何況我老母 個蟹肉偏乾身個蟹蓋蒸蛋 個蛋份量小到我可以一啖食哂 上枱個下喺微溫 我嘗試去合理化點解佢個蛋何解唔熱 可能喺因唔想影響蛋上面啲海膽同蟹肉 個蛋喺滑 味道算清淡同老母每次食日本嘢 都會叫我地至愛嘅左口魚壽司 呢次唔例外 油脂重 肥美 好滿足 美中不足喺有啲韌個size大到唔可以一喺擺入口 講食材先 充滿層次感 頂頭微量魚子撈金箔 加幾條不知名綠色植物 然後有一啲都唔腥嘅三文魚子 鮮甜唔腥嘅大大pat海膽 同我唔太好嘅吞拿魚蓉 拎開哂上面啲嘢 以為得返舊飯 點知仲有片帶子 個太卷入面仲有吞拿魚蓉 好足料 同老母每人食咗兩舊 飽到上心口 好滯仲叫咗個雞肉串燒拼盤 總共五款 全部都有好香嘅雞肉味 好鮮 唔乾 尤其喺個雞皮 又香又脆 唔會油淋淋…Read More

本身冇諗住食 喺隔離道頓堀大板燒間嘢太多人 頂唔住肚餓 就入咗呢間鰻魚鋪 冇人等 座位唔滿 坐唔多過十個人成間淨食鰻魚 我地兩個人食 叫咗兩個飯 一個小食 鰻魚飯 三食 ($88)個女店員一上菜 就用機關槍嘅語速同我老媽介紹應該點三食個飯 以我同我我老母嘅聆聽能力 我一個字都聽唔入耳🤡個女店員嘅語氣亦都附帶一種不耐煩嘅感覺 我同老母靠我地眼見嘅食材 推斷出應如何進食 首先 就咁食原味嘅飯 乜都唔加 然後將部份飯放落另一個碗 撈wasabi食 食哂撈好個部份飯 就加茶壺入面嘅湯落剩低未郁過嘅飯首先講原味 正常表現 鰻魚份量極少 目測一隻豉油碟平鋪咁嘅份量 鰻魚質感味道一般 冇特別 加咗wasabi個個就 似食緊鰻魚壽司 冇驚喜 加咗湯個個 湯浸飯冇特別 個湯算幾好飲 另一個飯喺溫玉鰻魚丼 ($78)鰻魚份量同上 極少 個蛋正常冇特別 蔥多度可以遮蓋哂啲鰻魚 汁可以再多啲 飯我個人覺偏硬小食叫咗個鰻平燒 ($58)一上台 視覺嘅衝擊 嚴重圖文不符 size我一隻手掌一定遮得到 蔥多到好似唔洗錢咁 打開個蛋睇睇內膽得一條仔鰻魚塊 🤷🏻‍♀️比我中指長啲啲咁 闊度約1.5至2cm 啲芽菜好似啲蔥咁好似唔洗錢咁 塞咗好多 成啖擺入口 得芽菜同沙津醬 臨尾俾錢埋單 餐廳指示唔清楚 唔知出去埋定啖喺位埋 離座個下 客人多咗 差唔多坐滿 但就咁聽現場嘅聲音 好多都喺因為隔離鋪(道頓堀)等太耐先過嚟 🙂整體嚟講 價錢小貴 款式少 鰻魚量極少 如果隔離鋪等太耐又見餓 可以入嚟一試 唔洗專登嚟食🤨…Read More

年幾前嚟同朋友誤打誤撞 行行下街見肚餓 見鋪面幾好就入咗嚟呢間拉面店 食咗個類似蝦湯底嘅拉面(一年前唔太記得個menu) 湯底濃稠 而且堅有好蝦味 最難忘喺件叉燒 厚道適中 好有肉味 極其嫩滑 雖然價錢少貴 但喺值🤤今日難得得閒🤪就帶老母嚟試下 順便自己都回味下 同上次一樣叫咗個🦐特濃蝦味噌面($95) 再叫咗個味噌粟米拉面 ($85)點知大失所望🤨 雖則個蝦湯底都保持都九成水準 但個叉燒已經食唔返個質感 三個質講哂 👵🏻「硬、乾、老」老母食到川字額出哂嚟 諗住散叫份叉燒($15) 睇下喺咪真喺咁差 不出我所料 嚟咗兩塊豬肉乾🐷個味噌粟米拉面就普通貨色啦 個湯底喺唔錯都喺比較稠身 其他配料都正常表現 但個叉燒一樣都喺大失水準🤷🏻‍♀️小結: 價錢小貴 未試過嘅可以試下 個湯底真喺不錯 但個叉燒認真要改善下🤨…Read More