*JaGaBBB*'s Profile

Komeda Coffee好多人都識，但應該冇乜人知原來佢喺青衣地鐵站一個人流不多的舖位開了間茶飲店！我和朋友經過，看見menu上的飲品有很多cream，頗為幾吸睛，就仔細看看。原來可以自選配搭方式，例如我就揀朱古力cream+焙茶牛奶+紅茶啫喱，$36。另外好似仲有其他配料，同埋仲有水果奶昔，之後都會想試試🫐🍓🥥。大大杯，好好味，大滿足，但唔記得影相因為暫時唔見有分店，所以我應該次次去青衣都會飲吓😂…Read More

知道小店快要暫停營業，所以專程提早45分鐘去排隊食午飯。原本吃不到第一輪，但很好彩地我只是一位，最後有一個空位俾我坐到入去😄因為知道可能有一段長時間吃不到，所以特意點了大份的慢煮肉眼牛丼（$138）。雖然在烈日當空下等了很久，入座後亦等出餐等了很久，但到食的時候還是心甘情願地覺得值得，因為牛肉的質素實在太好了，而且以這價錢來說份量很慷慨，老闆亦有很俾心機地有熟度煮得剛剛好。本人覺得就算去日本，也未必找到那麼好味和相宜的牛丼店但大家前去的話必須要有心理準備，可能要等1-2個鐘🥲經營食店很不容易，多謝兩個老闆咁俾心機做。健康最緊要，好好休息、慢慢放個長假才再決定下一步點走吧…Read More

第一次試這間在深水埗長沙灣道的拉麵，其實之前已經經過很多次。到訪的時間是平日的中午，進去時不算很多客人。揀了蟹肉拉麵，平日午市可多配一份小食或一杯飲品，咁我揀咗炸雞。🍜蟹肉拉麵+小食炸雞 $93：配菜可揀洋葱或椰菜。蟹湯很香蟹味，面頭配的蟹肉很多👍🏻👍🏻另外還附了少許蟹膏醬挺有心思。可是叉燒和炸雞也是凍的，熱些較好。以這價錢來說整體不錯，而且在香港蟹拉麵選擇不多，所以都會推介和想再去食。👍🏻…Read More

因成人$298（長者$268）免加一這價錢吸引，所以便和家人來試試部分紅肉非常柴，但因為海鮮和甜品類不錯，而且進食時間充裕（有三個鐘）、環境不擠迫，所以大家也認為可encore當晚好吃的：凍長腳蟹（飽滿不死鹹）、熱青口、熱白灼蝦、酸菜魚、白切雞、三文魚刺身、豬腳薑、中式燉蛋、焦糖燉蛋、榴槤pancake 、朱古力panna cotta、士多啤梨蛋糕、栗子蛋糕、HD雪糕不推介:(： 豬牛羊（很乾很柴）、沙律（有少許怪味）、糖水（很稀很甜）、macaroon侍應有禮，不時主動加水和收碟本身buffet去到21:30，但那晚經理在20分鐘前已告訴客人「今晚時間差不多了」、「出面會開始執嘢」，提前20分鐘好像太早了。…Read More

餐廳老闆娘是泰國人，雖然店面很小，但提供的菜式不少，大路的泰菜也有，例如海南雞飯、冬蔭功粉、生菜包、香葉肉碎飯、鳯爪沙律、芒果糯米飯等。飲品亦有泰式奶茶、奶綠、龍眼水、椰青等。今次叫了$40雙拼海南雞炸雞飯+$6跟餐價凍奶綠，以及$48冬蔭功湯+$6跟餐價飯。海南雞皮薄，肉算滑，不錯。冬蔭功湯有不少海鮮如蝦、青口、蛤仔、小魷魚，但味道偏鹹。飯是薑黃飯。奶綠奶味茶味都明顯，甜度和冰量與某泰奶集團的「少甜少冰」相約。應該會再買，尤其是雞飯和泰奶。…Read More

今次係第三次黎德美壽司，前兩次正正常常，但今次食到一肚氣！我和朋友分別點了壽司餐和什錦海鮮丼。朋友的壽司餐先到，點知我哋見到平時靚靚仔仔印住「德美」嘅蛋，竟然係蛋磚切剩嘅尾尾，仲要被格硬一分為二，細到連字都印唔到！嗰時已經覺得企喺店面整嘢食嘅廚師，連整一份新嘅蛋都懶，格硬將唔應該攞黎奉客嘅嘢擺上碟，當個客死嘅！之後什錦海鮮丼上埋，menu相有嘅連頭蝦刺身變咗熟蝦。☹️ok其實蛋同蝦都只係小事，個海膽先係戲肉。我分咗啲海膽俾朋友，點知佢試完竟然即刻要飲茶洗口！我小心翼翼試咗少少，原來個海膽嘅屎味真係災難級，試少少都已經成口屎味！我好好奇呢啲巨量屎味海膽，究竟係邊度黎，韓國？智利？定深圳大小梅沙？實在食唔落啲海膽，唯有放棄（見圖）😞己所不欲，勿施於人，更莫講話奉客。我唔信店主食得落啲海膽。今次真係中大伏。…Read More

叫了大杯裝雜莓海鹽芝士奶蓋，返屋企打開蓋飲，斟到滿晒都只係$36👍👍 芝士奶蓋加咗少少海鹽已經香咗好多，雜莓呢款裏面真係加咗少少莓肉。佢仲有其他味例如紫薯、士多啤梨，我自己就覺得紫薯最好（係真。紫薯來的），雜莓始終有啲藥水感。呢間飲品店由開舖睇住佢做到而家，記得一開始班年輕人逐款飲品調校啲味，調到嘔心瀝血咁（所以就算同樣都係海鹽芝士奶蓋，唔同味都有啲有得少甜、有啲冇）。希望小店可以繼續做落去啦～…Read More

放工經過發現這間新開的外賣壽司刺身，裏面冇人買緊，但我都照入去試吓好唔好。隨意叫咗個蔥拖羅蓉手卷，原價$32，外賣有9折，折後$29，不知是否新張優惠。初時心諗唔知會唔會得好少料，以前食過有啲手卷係剩係得頂頂有料，紫菜包著的部分只有飯。點知打開之後發覺好大堆拖羅蓉，作為一個著重性價比嘅中女實在感到喜出望外😂 拖羅蓉食落品質都係唔錯嘅。等嗰時望過個凍櫃嘅刺身，覺得啲赤海蝦望落好似都唔錯，下次有機會都想試吓。…Read More

住喺附近，路過見到新開，$13一隻炸雞脾，就買黎試吓。佢有唔同餐，配埋飲品、薯條等等，諗住今次試過好食先再買多啲。但返屋企攞出黎食，發現呢隻唔係「雞脾」，根本係雞上翼！全香港人都有共識「雞脾」係指雞腿，雞上翼冇可能叫「雞脾」。喺openrice睇清楚佢menu，menu上的相竟是真雞脾！呢間嘢做生意手法唔老實，好失望。即使$13一隻雞脾好難做生意，但這亦不能構成以假亂真的藉口，咪堂堂正正寫返話係雞上翼囉！…Read More

When my boyfriend and I kept searching for macaron on White Valentine's Day, we came across a pop-up stall by Sweet Fashion House at K11 Musea.We were very delighted to find macaron eventually we hv bought four pieces, $25each: Earl grey tea, pistachio, sesames and berry yoghurt. Im not particularly fond of macaron becoz i used to think they are too sweet. But the macarons here, esp the Earl Grey one, are really impressive! The amount of filling is generous, not too sweet, and the taste of Earl Grey tea lingered in my mouth afterwards. And secondly comes the berry yoghurt one. The berry and yoghurt flavor are well balanced!The macarons look as good as they taste. I like the gradient colour on some of the macarons. Too bad that i only remember to take photo after finishing themA big thumb up for the Earl Grey macaron!…Read More

因為白色情人節，二人一起於疫情期間的星期日來ATUM吃午飯。以前有到訪過這裏，覺得食物質素佳，值得推薦。可惜似乎是因疫情，餐廳在週日午市也非滿座。今次首嚐海鮮拼盤（$598 二人份）。雖驟眼看價錢甚高，但原來合乎性價比，值得再吃！裏面的海鮮，尤其是帶子非常鮮味，配搭的墨魚脆片和乳酪醬新穎可口，而且擺盤精美。我個人喜歡將不同食物mix and match, 例如把三文魚配搭青瓜和蟹肉一起吃，或把帶子沾上少許海鹽同吃，過程不失為一種樂趣二人吃了海鮮拼盤已挺飽，我們另叫了一個帶子墨魚汁飯（$198）, 同樣地是別出心裁的美食。最後侍應突然拿來了甜品，才發現原來海鮮拼盤附送甜品！ 好像叫黑加侖子雪葩配白朱古力，是個配搭得宜的驚喜。在這兒吃了滿足的一餐。在百物騰貴的香港，能夠一直保持質素算是難得。希望餐廳能繼續keep up the effort!…Read More

很久沒寫食評但這次真想share一下。本身想去西九文化區，便book了這餐廳，共2人午飯堂食。2人合共$420埋單，叫了2個吞拿魚丼和一份托托蜆。可能經濟不景，唔知係咪錯覺，招牌托托蜆好像份量很少（$138，sake，這次是5隻如圖，menu註12oz），同op以前的相比較就真係幾失望。。。同一價錢在某些西班牙菜餐廳，有更好海鮮菜式選擇。另外大家也點了吞拿魚丼（$108, 忘了影相），吞拿魚蓉味道不錯，挺新鮮~ 加$28有miso soup, 飲品和前菜。前菜原來是旺角撈冷麵的那種凍螺肉和椰菜絲，飲品是普通soft drink。是廉價港式日本餐廳質素，很有趣，但不建議加。:( 覺得不太值，有其他更好選擇。…Read More

在朗豪坊i.t.前發現這間雪糕店。揀了最招牌的爆谷雪糕，而且是特別的芝士/焦糖味，貪一次過可以試到兩種味道的爆谷。😋結果沒有令人失望，特別是芝士味！而且想不到牛奶雪糕的牛奶味也挺濃～份量不少的，兩人分也ok。但那兒只有兩張企枱，若多些枱和櫈就好了。…Read More

行得太累了，就到這兒吃甜品做下午茶😊第一次來，時間未夠6點，所以有很多空位。oreo冰：好像大約60元？這個冰是主要牛奶雪花，中間再間住啲朱古力雪花。但無論是什麼雪花，其實雪花本身也沒什麼味道。只是，它加了雪糕，oreo和朱古力醬，雪花冰的味道便變得很好了。怎麼會覺得oreo從來未如此好吃過？😊乳酪沙冰：要$50好貴啊～但原來原味乳酪能令沙冰味道很濃，很不錯！吃的時候看見鄰座叫了一個外星人xxx鍋，那些炸魷魚鬚很香！很想下次再來試試😭…Read More

晚飯時間到了outback，等了不久就入座了。outback的份量都很大，又有黑糖麪包送，所以兩人都吃剩了東西。小食拼盤：貪可以試晒炸雞，燒肋骨和薯條而叫的。但原來每樣也只算一般，炸雞有點乾，燒肋骨也有點咸和乾，薯條沒什麼特別。如果每樣單點就不好了。意粉：已經忘了叫什麼意粉，但總之很好味！因為本人偏好忌廉，而呢個意粉好重牛油和忌廉。但好快就食滯咗。chocolate thunder:其實來outback主要是為了這個甜品，本來已吃得很飽，但還是能把這個甜品吃完！凍冰冰既雪糕加埋暖暖既brownie，再加忌廉，真係好好味，一定要點！最後吃得超飽，下次兩人叫一個意粉+甜品應該都夠了。…Read More