meow_couple's Profile

今日過嚟荃灣做貓奴，買貓糧貓砂😮‍💨咁啱見到隔離川菜店嘅烤魚好吸引🤩 食埋晚餐走都係唔錯選擇佢哋有烤魚、雞煲、串燒仲有啲鑊氣乾鍋，見到個二人烤魚餐都幾抵食就試吓🤥脆皮烤魚二人餐$498有番茄濃湯、金湯酸菜、青藤椒湯、牛油麻辣，我哋揀咗青藤椒湯，同加咗$18海鮮烤魚。海鮮分別有鮑魚、蜆、海蝦 呢個價錢比嘅份量幾多吓。 青藤椒湯麻麻痺痺，幾好食。江團魚大大條，肉質嫩滑肥美😛乾鍋農家小炒肉，好多青色尖椒，質感爽脆，帶少少辣再配豬頸肉一齊炒，好好食。整體調味啱啱好，又夠鑊氣👍🏻至尊紅柳羊肉串 羊肉重孜然香味，令羊膻味無咁強烈。黑椒牛柳串 濃郁黑椒香，牛柳燒得有啲乾身，整體都正常金銀蒜烤生蠔 生蠔大大隻，蠔肚夠晒肥美 再配埋大量金銀蒜，重口味之一🫶🏻百香果多多+ $18百香果加益力多，酸酸甜甜，夏天開胃飲品。至尊水果茶+$24呢杯真係好大杯，有800ml而且水果都足料，有西瓜、橙、蘋果、百香果、提子🍇食完辣嘢再飲返啖果茶，簡直快活過人 又解辣👍🏻👍🏻…Read More

小時候係元朗生活，好鐘意去舊式扒房，價錢又平，份量又大份。人大了，已經離開了小區，就無再食過呢間餐廳了。最近聽朋友提起餐廳都已經重新裝修，食物款式都改變了，仲話幾再驚喜。 今次帶埋媽咪一齊重遊舊地..餐廳佈置了花花、閃爍燈光，很有浪漫氣氛，好適合大時節日過來慶祝。我哋揀咗晚市套餐，係有餐包、是日餐湯、茶飲、甜品…-紅湯 羅宋湯羅宋湯很足料，有多蔬菜、牛肉去煲。味道濃郁，酸酸味味，幾開胃。-龍蝦酥皮湯+$68酥皮湯要等10-15mins，龍蝦湯蝦味十足，而且仲有4粒蝦肉，都足料🤭仲要無蝦嘅苦澀味，大驚喜🥰炭燒美國頂級極黑西冷扒$288黑西冷扒很香炭火，我哋叫咗五成熟，肉質剛好帶少少粉紅，十分嫩滑👅再配黑椒汁，幾啖食晒🥶輕煎北海道帶子香辣蒜片扁意粉$188注意注意‼️雖然係香辣，但佢辣度都有中辣程度。帶子有3大粒，嫩滑嫩滑！意粉炒得香口，帶有少少汁，好好味😋辣到我火辣辣🔥有驚喜-檸檬佛手柑鐵觀音-凍啡+$8佛手柑鐵觀音茶香醇柑香，入口十分清新，唔甜。最啱食完濃味食物，作最後的一杯茶清清味蕾再食甜品🤣🤣-紅豆牛乳布甸🍮喜歡食紅豆嘅人會好鐘意，紅豆味濃郁，布甸都係濃郁嘅奶香🥰-奇異果醬乳酪凍相比之下，呢個有啲比下去…😢果醬味道不是我喜歡的口味，乳酪凍就幾好食。 跟餐甜品來講都算做得唔錯，又唔hea👏🏻👏🏻很有心的小店❤️…Read More

近排天氣又凍返，係時候出動打邊爐，暖一暖身🤭友人講呢間冰室唔錯，可惜上次去撞正佢裝修，今晚就再去撞個靚彩先～裝修後，餐廳座位舒適，空間感大。見到好多人食小菜，份份都好大碟，好靚仔😍一絲心動想嗌小菜。但友人果斷否決我念頭…佢哋好多款特色鍋底，雞煲、海鮮煲、豬骨煲…最後我哋揀原生椰子雞鍋（半隻）$208 +醬油費$20（位）肉眼可見真係一個新鮮椰子作湯底，有齊椰子、椰肉、椰水再加埋半隻🐔 店員教落先放雞大火滾個半鐘再熄火蓋住焗多5鐘 就可獲得美味鮮嫩雞肉👅 雞肉係剛剛好熟，好滑。新鮮騸古吊龍伴（細）$248香港很少見有賣騸古牛嘅餐廳，騸古牛係經閹割過的牛隻，肉質會較為腍滑、甘香，油花分相對細緻。我哋灼咗5秒，肉質入口清甜嫩滑，油份很重，而且肉味好濃郁。十分推薦牛魔王人士🤙🏻自家手打墨魚滑$48墨魚的鮮味十足，再加埋蟹籽，增添了層次感。墨魚滑口感嫩滑，且十分彈牙。野生竹笙$68竹笙配椰子雞係個組合嚟，竹笙吸收晒椰子湯， 好正。火鍋嗦湯之選。椒鹽鮮魷$88身為小食嘅佢份量都唔少，鮮魷外表炸到金黃色，很酥脆。魷魚啖啖都有汁，好食到停唔到口🤣爆打檸檬茶$32落完order，立即聽到職員爆打檸檬嘅聲音🤣拳而有力，檸檬茶茶味、檸檬味都夠，略嫌有啲細杯唔夠喉🥹…Read More

今日老友又帶我入九龍城搵食，嚟得一定係食泰菜。今次我哋就揀最多人入席嘅餐廳，試吓係咪真係咁好食！！室內位置已經坐滿，要坐室外😖睇睇餐牌先，餐廳串燒種類比較多，咁啱有個優惠菜式 可以試吓😛-泰式冬陰公魚片湯$38（優惠菜式）冬陰公湯味道酸辣，令我食慾大增。鮮魚片數量幾多，肉質滑又無骨😛 呢個價錢估唔到幾足料，好抵食。-串燒拼盤B$188心念念乜都想食，就嗌咗個拼盤唔洗諗🤭入面有雞全翼、豬肉串、牛肉串、雞肉串、雞腎、地道燒臘腸… 串燒燒得好香，燒到啱啱好，肉質嫩滑🤭配埋沙嗲醬食一流，香濃花生味又甜甜哋！最特別係臘腸，比平時港版個隻再甜啲多汁啲，不錯嘅體驗。-香葉辣椒海鮮炒米粉$108海鮮鮮有蝦仁、魷魚🦑香葉的清香同辣椒的辛辣結合，令整體香氣濃郁。炒米粉火侯掌握得啱啱好，保持米粉的彈性，而且很夠鑊氣。 一定要叫！！-鐵板豬頸肉炒通菜（馬拉盞）$118雖則價錢唔吸引，但勝在份量夠多。通菜好幼嫩，口感好爽。豬頸肉份量都多，煎得香脆，連埋馬拉盞醬一齊食，好開胃🤤-泰式青檸梳打$42-珍多冰$42飲品正正常常，珍多冰好多粉條，口感豐富…Read More

快到情人節，友人求生意志好強，立即book好餐廳話提早慶祝🤭今次揀咗呢間位置於尖沙咀嘅鐵板燒🍽️餐廳有塊大玻璃，可以飽覽尖沙咀的夜景。-秋冬前菜兩點穴子昆布—酸汁鮟鱇魚肝穴子肉質鮮嫩，帶有自然的甘甜。與昆布的鮮咸味道結合，形成豐富層次感。鮟鱇魚肝質地柔滑，入口即化，具獨特的鮮香。-秋冬精選刺身油甘魚—赤身—甜蝦刺身肉質細膩，富有彈性，口感滑嫩。魚肉中油脂愈咀嚼愈香，吃起來唔會乾柴。而甜蝦就有獨特的甜味。-松葉蟹大根煮物松葉蟹肉質鮮甜，令人一口接一口。中間層係炸豆腐，十分香濃嫩滑。最底層係大根，軟嫩的大根吸收了蟹肉鮮味，很香甜-甘鯛立鱗燒芒果蛋黃醬甘鯛的肉質鮮嫩，把外皮燒製成微脆，令內部魚肉保持多汁。芒果蛋黃醬滑順，魚肉鮮味與芒果甜香，味道消新又不膩，令整體風味提升了。-鐵板燒帆立貝松茸清湯經鐵板燒後的帆立貝外表微焦，入面保持嫩滑，口感鮮美。松茸香氣濃郁，與帆立貝的鮮味互相交織，形成獨特風味。清湯口感清淡，更提升松茸同帆立貝的鮮。山椒汁-鐵板燒大蝦蜜糖山葵醬大蝦外焦內嫩，肉質彈牙，鮮甜可口。醬料蜜糖的甜味與山葵的辛辣結合，令味道更加豐富。再附上脆多士，可以一啖蝦肉一啖多士，口感更有層次。-鐵板燒美國牛肉眼薄燒薄片牛肉煎烤後，很嫩滑多汁，咬下去微微焦香。配埋辣根Wasabi，更加清新，牛肉油膩感大大減低。覺得食完個口仲好油，可以食埋意大利蕃茄仔，解油膩更佳👏🏻-三十六個月風乾伊比利亞火腿炒飯炒飯色彩豐富，米飯金黃透亮，每一啖能食到粒粒分明。伊比利亞火腿的香氣及鹹香味道，令人不停食晒一碗飯🤭…Read More

聽講最近新開間以貓為主題的烤肉店，身為貓奴的我當然要去試味😋一入門口已經有隻大大招財貓坐鎮，餐廳環境好大，座位十分廣闊，坐得好c服。佢哋價錢都好抵食，大概$200中就有間烤肉拼盤，肉類種類+份量都多。小食都係$50樓下就有，窮有窮食🤭每張枱上都有調味料同油，自由調配。有烤肉汁、柚子醬油、雪米餅乾料（辣椒粉）柚子醬油酸酸甜甜，十分開胃🤤再配埋雪米餅乾料，更加惹火貓抓全明星拼盤$248有7款肉類🥩，藤椒牛舌、蒜香五花肉、炭燒梅花肉、藤椒雞、秘製牛五花、牛板腱、果味肩里脊 款款肉都好味😋肉類肥瘦均勻，係晒呢到。個人最鐘意食果味肩里脊 同藤椒雞果味肩里脊 係加入咗菠蘿去醃製，有甜甜果香味，十分滋味。而藤椒雞就加入新鮮青花椒同四川糊辣椒，少少辣同麻香味重，燒完好香口，十分上癮。咔吧雞脆骨$58藤椒雞$58藤椒雞太正，忍唔住要再encore多碟🤣🤣咔吧雞脆骨姐係雞軟骨，份量幾多，加咗燒汁同芝麻調味，十分香。貓抓烤茄子$38有蒜蓉同辣椒🌶️去烤，味道正常，可以再咸少少仲惹味。用鐵板上菜，可以保存到熱辣辣嘅溫度。烤雞翅（6隻）$48雞翅大大隻厚肉，烤得啱啱好熟，保留到雞肉肉汁係到。調味方面都係咸少少會正啲貓檸茶$22檸檬百香果茶$28飲品方面無得調教甜度同少冰，幸好貓檸茶都唔會好甜😮‍💨而檸檬百香果茶有啲可惜，太甜了…落太多百香果醬 令到檸檬味淡了。如果甜度可調就會唔錯…Read More

今日係銅鑼灣收工，朋友話要帶我happy friday去咗間新開的日式居酒屋🏮簡約日式風格為主，淺木色風裝修，帶給人感覺好舒適。最適合與朋友悠閒地聚餐日本雞胸軟骨唐揚$68佢係雞胸三角軟骨，外觀呈金黃色，炸得十分香脆。軟骨肉質好嫩滑，帶微微彈性，與外質口感形成對比。帆立貝刺身$56帆立貝好新鮮，味道鮮甜，質感厚實鹽燒原件雞皮2片$38雞皮燒得呈金黃色，外層燒得乾身既又香脆，成塊餅乾咁大。雞皮加了鹽去醃製，令雞皮味道很突出，讓人一口接一口。白鱔金山寺味噌串$88白鱔肉質鮮嫩滑口，經過烤制後外皮很香脆而且仍保持到鮮嫩口感。金寺味噌甘甜帶有獨特的發酵香氣，同白鱔串十分夾。呢道簡直係海鮮加味噌嘅結合，喜愛海鮮一定要試。牛油果松葉蟹肉軟殼蟹卷（6件）138成碟外貌上好靚仔🤭佈滿滿蟹肉，流晒口水。軟殼蟹炸到香脆金黃，與滑嫩牛油果🥑加埋鮮甜的蟹肉，完美地與其他食材融合，增加了層次感。地雞白湯鍋$288地雞煮出的白湯味道清淡而不寡淡，湯頭醇厚滑順，入口柔和，感受到雞肉的鮮甜。地雞肉質鮮嫩，一口雞肉一口湯，很感受到雞肉的原汁原味，食到食材的純粹。加埋各種蔬菜🥬豆腐煮，更吸收了湯汁的精華，很舒服的感覺。自家製浸酒$38呢杯係話梅酒，身為梅愛好者一定要試🤩第一次見用話梅浸酒，睇上去個顏色好濃郁，應該浸了好長時間。第一啖超強烈酒勁，慢慢就散發了話梅香甜味 好好飲😳建議食串燒時再飲 感覺再正…Read More

朋友又帶我覓食了，聽講餐廳係泰越fushion菜。餐廳位於海傍，天花佈滿波波燈，配上開放式酒吧區，富有異國風情。很可惜朋友唔食牛，我哋只點咗魚同雞類-Crispy fried green papaya salad$138平常食係青木瓜絲沙律，今次係炸木瓜絲沙律，比較少見。木瓜炸得酥脆香口，仲有豆角、花生、香葉等加埋酸酸辣辣汁，好開胃。重點係份量都好多🫢-Baby gai lan$58佢係唔辣版嘅泰式馬拉醬，炒得好香口。芥蘭bb很新鮮，十分嫩滑。-Bun thit nuong(grilled chicken)$148烤雞撈檬，雞件烤得香，但有啲過熟所以肉質較硬🫣 仲有啲紅蘿蔔絲、青瓜、芽菜撈埋酸汁，感覺十分清新。-Tom yum steam red snapper$298明爐配紅鯛魚冬陰公，紅鯛魚真係好大條。魚肉質嫩滑，啖啖肉🙀餐廳用咗唔同香料去烹調條魚，所以無乜魚腥味👏🏻魚底下仲放埋粉絲，粉絲更加吸湯汁，好好食😋 -Watermelon smoothie$98見到佢哋用咗好多西瓜肉打汁，好正呀，又好甜👍🏻-Fried banana&coconunt ice cream$118炸原條香蕉配椰子雪糕，又係好地道嘅甜品。香蕉表面應該加咗少少焦糖一齊炸，所以脆口又好甜，做到外冷內熱嘅口感。椰子雪糕食到少少椰肉，證明真材實料。…Read More

友人話旺角有間出色壽喜燒專門店，一定要帶我去食。店舖仲以高質的鹿兒島A5和牛做主角，聽到都流晒口水💦入到門口有大大個武侍企係到👺加埋日式燈籠裝飾，幾和風感覺。二話不說立即點個黑毛和牛二人餐先係等待同時店員先奉上前菜比我哋食住等，再慢慢介紹呢個套餐。前菜南瓜同蘿蔔好清甜、清新，好好食。素拼串（秋葵、南瓜、冬菇）$68牛舌$58雞橫膈膜肉$42蔬菜十分新鮮，秋葵咬下去有輕微脆感和滑口的口感。南瓜燒熟後變得軟糯，略帶甜味和香氣，令整體更加豐富。牛舌外表燒得微脆，肉質柔軟多汁，十分美味。雞橫膈膜肉質非常嫩滑，就算燒熟後都仍保留了肉汁，加上適當調味更加提升雞鮮味。鹿兒島黑毛和牛A5壽喜燒$898餐廳嘅黑毛牛好靚仔😍 色澤紅潤，油脂分布平均，仲攞埋證書🫣睇到都餓店員落手幫我哋烹煮，今舖真係食殘廢餐🤣店員先攞棉花糖煮溶，再用京蔥爆香鍋🤭真係甚少見棉花糖作廚🤣🤣 然後放入香黑毛和牛在棉花糖上慢慢煎香，再加入壽喜燒醬汁。黑毛和牛肉質柔嫩，入口即化，加埋壽喜燒醬汁，更加襯托了和牛肉香味。食完牛後再加埋蔬菜拼盆🥬，與牛的肉汁一起烹煮，令蔬菜、豆腐、烏冬更加吸收了肉鮮味。Aoi Umi$58由菠蘿汁、藍莓汁、藍橙糖漿、梳打水味道酸酸甜甜，女仔都會鐘意嘅一杯🥃 Netsui Ringo$58蘋果汁、薑汁，熱情果汁、梳打水味道較上一杯甜，薑汁味比熱情果覆蓋，唔鐘意薑嘅我都飲到🤣椰子雪糕口感順滑，帶有濃郁的椰子香味…Read More

今日去南昌同朋友聚會，咁啱經過V Walk順便搵食見到呢間日式餐廳就入去了。餐廳裝修幾精緻，成間居酒屋，坐位都幾闊落，舒服。天氣凍凍，最適合飲熱湯，我哋立即嗌個鍋物。韓醬八爪魚粒沙津$88八爪魚肉質爽彈，嚼勁十足。沙律醬酸酸辣辣，好開胃。每一啖感受蔬菜清脆與海鮮的鮮美。松葉蟹海鮮鍋$178松葉蟹肉質嫩滑、鮮甜，與蠔鮮味互相融合，形成了豐富的海洋風味。鍋中的湯底清澈，配埋蔬菜🥬同豆腐，吸收了湯底的精華，增加口感的層次感。特盛醬油濃雞白湯拉麵特盛豚腩叉燒$108濃雞白湯的湯頭滑順，雞肉的鮮香和醬油的風味混合得恰好。湯底濃郁感讓人一接一口。拉麵的彈性適中，吸附了豐富湯汁，啖啖充滿香氣。豚腩叉燒的肉質柔嫩，肥瘦均勻配搭溏心蛋，令整體風味更上一層。花魚一夜干$99一夜干烤得金黃帶點焦香，配搭檸檬汁或蘿蔔蓉酸汁，增添了清新的酸味，平衡了魚肉的油膩感。一夜干肉質緊實，經風乾後表層很酥脆，內部卻保留了魚肉鮮嫩。每一啖能感受到魚肉鮮香與微微的鹹味。…Read More

原來旺角洗衣街都好多cafe,友人投訴 話太耐無食cafe就帶我來餐廳裝修以space age作靈感，橙色白色為主，帶比人一種很溫暖感覺🍁既舒服又充滿玩味感呢到除咗有美式漢堡、意粉仲有日式定食，多選擇🍱我哋就揀咗2good 2chill 套餐$528白桃芒果冰茶桂花烏龍茶-餐湯 南瓜湯南瓜湯打得很綿密，淡淡煙肉香味，令整體更有提升。-柚子蜜糖雞翼單骨雞翼炸到微脆，有肉汁。再加酸甜酸甜的柚子，好美味好開胃-蕃茄香草肉丸粗管通粉外觀色彩鮮艷，見到都流口水。粗管通粉幾好食😋咬勁剛好。蕃茄醬酸甜適中，粒粒蕃茄加埋粒粒洋蔥的香氣🧅提升整體風味。-香煎美國prime頂級牛小排牛小排色澤誘人，表面焦黃色，肉質鮮紅😍咬落去肉汁四溢，淡淡肉香氣。 配埋紅酒汁仲好味😋-宇治抹茶牛角窩夫牛角窩夫外層香脆，入面好柔軟，好香牛油味🐮 抹茶的清香與甜味配合很夾，令人難以抗拒。不過製作需時，要等10分鐘左右，建議早點order…Read More

好開心友人今日帶我來到中環食好西🫶🏻餐廳透過形、念、事、物四個面向，以煥然一新方式演繹中菜，創造充滿驚喜的玩味菜式。裝修十分高貴，先由大門一道古色典雅的長廊，慢慢走進深綠色的草園大堂。餐廳可以欣賞到維港優美景色，好浪漫🌹坐低服務員會問你飲咩茶，為你沖炮熱騰騰嘅中國茶，邊品茶邊欣賞景色🩷我哋點咗世味人生 Menu$1388（位）-滕椒蔥油蟶子皇作為前菜真係十分驚喜，由外觀到味道上真係震驚。一上菜有一道仙氣慢慢散開，再聞到好香滕椒油嘅味道👅感覺會好辣 不過食起上嚟係完全唔辣，只是重好香嘅滕椒味。蟶子皇好大隻，肉質厚而嫩滑，食到我好驚嘆🫢-20年古越龍山花雕鮮鮑魚·梅子蕃茄·海蜇銀花鮑魚肉質鮮嫩，口感滑潤，咀嚼時感受到鮮甜海味。花雕酒香氣獨特，帶點甜味，提升了整道菜層次感。-綿綿川貝杏汁花膠螺頭燉蜜瓜湯首先有嚿綿綿 係由帶子加蛋白打成一球，質感很綿密，微微帶子香味。湯色水燉到奶白色，杏汁為湯品帶來果香，提升風味。花膠厚而滑嫩，富有彈性，吸收晒湯汁精華。 蜜瓜的清甜，增添了清新感，令整體口味更加平衡。一直都唔食杏汁嘅我，今日甘拜下風飲晒成碗湯🙂‍↕️ -脆皮海參 麒麟魚輕輕香炸的海參配上鮑魚汁，海參炸過後唔會好乾。魚肉以立磷燒方式去烹調，魚肉的麟被滾油炸得十分香脆，估唔到麟片都可以食得🤣 魚肉質嫩又多汁，咬下去感受到肉鮮香。這道菜真係色香味俱全，再配濃郁鮑魚汁，簡直食到我好興奮😹-珍寶珠以桂圓紅棗製成雪葩，底層係紅棗糖水桃膠。味道好清新，有作清一清味蕾，再去品嚐下道美食。-太子玉枕香煎帶子 配 蟹皇醬豆腐，豆腐外滑嫩，內柔軟，係極佳嘅口感。蟹皇醬香濃,仲食到絲絲蟹肉。調味適中，不會過咸都不失蟹肉鮮味，完美提升豆腐的風味。菜色上嘅黑醋珠仲中和蟹皇嘅油膩感👍🏻-茅台鮮蠔屈雞煲鮮蠔新鮮肥美，雞件香煎得好香口，仲好吸汁，加埋茅台酒，更提升雞鮮味。-甘栗珍菌炆飯白飯煮得剛好，粒粒分明，吸收了甘栗🌰同珍菌的鮮味。整體味道鮮美，甘栗的甜味為炆飯添了種獨特風味。-萬壽薑茶鴛鴦湯圓萬壽薑香氣濃郁，辛辣又不過於刺激，食落十分暖心。湯圓外皮Q彈，餡料香甜（芝麻同斑斕？）整體好啱依加冬天食，好暖心又滋潤…Read More

香港有好多各式各樣的串燒店，今日朋友又帶我去尖沙咀食街之稱嘅厚福街，食佢近期至愛。餐廳主打日式燒鳥，有供應唔同部位。餐廳裝修簡約時尚，設有vip房榻榻米，吧枱…佢哋做緊優惠，生啤買一送一 only happy hour(6-9pm)脆炸白蝦$68十分少見的白蝦，擔心串燒要等好耐，所以叫份小食止癮。白蝦份量都幾多，小蝦炸得咸咸香香，十分香脆。配生啤一流🦐三色雞頸肉$38見個名幾得意，就嗌嚟試。三色為竹絲雞、走地雞、老雞 聽講係師傅每日買呢三款雞返嚟，逐塊逐塊手切，十分稀有。雞頸肉雞味濃郁，肉質軟熟帶點嚼勁，口感十分豐富。雞腎$32雞腎質感嫩，唔會燒得過柴。師傅處理得當，完全唔會有腥味😚燒雞皮蝦$48雞皮蝦外皮脆嫩多汁，蝦肉十分彈牙，食得出食材好新鮮。想像唔到兩者都幾夾雞皮$32雞肉棒$38記住記住！汁燒雞肉棒先有蛋汁，其餘兩款口味是無的。雞肉捧多汁啖啖肉😋一口牛舌芯$78明太子雞腿肉$36大葉梅醬雞腿肉$32牛舌芯肉質嫩滑，味道十分濃郁。雞腿肉燒得好滑，明太子醬同雞都幾夾😻 推薦而梅醬個口味幾特別，咸得制😢愛梅人士都覺得試一次就夠了🤣🤣原隻燒魷魚筒$188魷魚筒大大隻，肉質好嫩滑，火喉控制得好我哋揀咗辛辣口味，佢係日式個款辣，入口唔會覺得辣，慢慢係你咀嚼中散發強勁嘅辣😳 雖然佢係今餐最貴，但性價比高🫶🏻原條蒜蓉茄子$68蒜蓉茄子好大條，肉質好厚，再加一隻太陽蛋，估唔到幾好味。太陽蛋半熟質感，提升整體口感，如果有碗飯拌埋一齊食，肯定好正🫣和牛稻庭烏冬$88上枱時和牛半生熟，可自行控制牛溫度🔥和牛油脂豐富，入口都好嫩滑，牛味重😛 湯底係昆布清湯，再加滑滑的烏冬。外表上佢係一碗好普通烏冬，入口就有股魔力令我狂食狂吸烏冬🤣🤣…Read More

前日講咗幾次想食烤鴨，今日友人就帶我去海港城品嚐間挺出名北京菜。餐廳裝修好靚，具特色宮庭雅苑，座位闊落舒服，很高私隱度一坐低，服務員就遞上一壺桂花烏龍茶，香濃桂花味，感覺好清新，邊飲靚茶邊品嚐鴨子🦆 茶芥$40 馳名烤鴨（半隻）$388廚師推咗整隻鴨出嚟係我哋面前切，鴨子一邊出煙邊流口水🤤鴨切成了三小碟及各有不同食法：鴨胸皮-全隻鴨最香酥地方 建議蘸藍莓醬+爆炸糖 甜甜嘅味道配鴨皮 幾創新食法，咀嚼同時爆炸糖會郁動 好搞笑😂 味道上就個人喜歡就咁食多啲鴨胸肉-皮脆肉嫩 建議蘸秘製黃芥末佢哋秘製嘅醬真係與眾不同，完全無刺鼻嘅感覺，入口少少酸中帶甜，仲幾解膩 鴨腿肉-係全隻鴨嘅精華所在，建議包薄餅食平時一般人食法都係包青瓜、京蔥絲、甜麵醬依到有個創新食法係包山楂條、紫洋蔥、藍莓醬山楂條酸甜酸甜幾特別，鐘意甜食嘅朋友會喜歡但個人喜歡守舊派✌🏻😳大讚呢到薄餅皮夠熱幾薄，煙靭 份量仲好多黃扒魚肚$168（位）南瓜湯底，質地很很稠，好濃郁雞湯味唔講唔知係南瓜湯🎃 魚肚好厚好大塊 啖啖肉 滿足😳喜歡飲湯嘅朋友必嗌🤞🏼芥末沙律蝦球$178大大隻蝦蝦球已去殼，外皮炸到乾身脆口，蝦肉彈牙食落仲有少少蝦汁。加埋芥末沙律醬 &底部有塊脆脆的米片 簡直係口感代表😛青梅小排骨$148一嚟到 真係哇一聲…份量幾多 排骨炸到好脆😚炸完能夠包住肉汁，但幾多碎骨 食個陣要小心😟青梅醬真係第一次食，甜甜的醬青梅帶少少酸 降低油炸嘅油膩感 整體都幾夾京式小籠包$68熱辣辣嘅小籠包到～小籠包皮薄有湯汁個款，味道正正常常～椰汁燕窩$128（位）一碗小小的熱甜品，燕窩絲份量如圖，正常的味道，性價唔高……Read More

最近追緊套法國🇫🇷電影，睇上腦🫢諗諗吓咁大個女都無食過法國菜，決定搵間法餐！！朋友話呢間食物質素同價錢都親民，月中貧窮豬的我可以一試。餐廳位置蘭桂坊附近的樓上舖，位置都易搵。餐廳裝修簡約、舒適給人一種好暖心嘅感覺，可能用咗黃燈😂 環境都安靜，好適合情侶👫燭光晚餐 /姊妹談心嘅地方服務員哥哥好熱情，知道我哋第一次食法菜，就介紹我哋有咩係必試🫶🏻依加晚市指定酒類/汽水做緊買一送一🌟龍蝦湯$92平時飲嘅龍蝦湯會帶少少苦澀味，呢個原全無。濃郁嘅蝦湯味，好creamy法式焗蝸牛$108好怕蝸牛嘅我，今日要豁出第一步 。外觀上似田螺，唔恐怖嘅。蝸牛肉質比較淋，都無咩特別嘅腥咩/奇怪味道🤣 再配埋底下薯蓉又幾好食。廚師用重蒜油去焗，更加香口。香草燒黑毛豬鞍架配焗薯$268呢道菜真心驚豔，烹調豬鞍嘅時間係啱啱好，肉質好嫩滑，仲保留到肉汁。配埋燒汁食係一流😳而且豬鞍好厚肉 必order香蒜牛肝菌意粉$158香濃嘅菇菌味道👅原來牛肝菌煮熟後質感係好淋，幾特別。意粉煙韌，慢慢咀嚼時可以享受肝菌嘅香氣。牛肝菌係素食，所以口味偏清淡。重口味人士可以向廚師order咸啲都得。是日甜品$88麵包布甸配朱古力雪糕，麵包布甸剛剛焗好，仲熱辣辣，配上凍冰冰雪糕，冰火二重奏，兩種唔同嘅口感。麵包布甸蛋香味濃，好好食😋White wine-House$88味道清香，帶少少苦澀。酒精濃度唔高，好少飲酒嘅人可試…Read More