Leungkkhk's Profile

每逢星期六都會同朋友去中環上YOGA堂不過最近疫情嚴重, YOGA堂都要暫停唔上住但我同朋友都傻更更地唔記得左, 照舊出左黎中環橫掂都出左黎, 大家都有點肚餓, 就去左Uncle pizza食少少野傾下計我地就叫左個名為Uncle Ken既pizza,同埋白松露蟹肉虎蝦意粉Uncle Ken餡料唔花巧, 但幾特別餡料包括有無花果、Parma ham同埋芝麻菜估唔到無花果用黎做pizza餡料又幾夾架喎~加上parma ham既咸香, 呢個pizza味道層次幾豐富, 唔錯白松露蟹肉虎蝦意粉配搭夠哂矜貴白松露油香氣逼人, 比起黑松露多一份貴氣虎蝦好大隻, 肉質爽甜, 蝦肉唔會霉哂, 蟹肉份量夠多, 每一口意粉都食到蟹肉夾雜其中…Read More

依家好多火鍋專門店都會提供火鍋以外既選擇例如刺身、小菜之類呢間松山都唔例外, 佢地都有好多款刺身俾你揀, 包你食得滿足刺身太多款式唔知點揀好? 佢地仲有刺身拼盤俾你揀, 有選擇困難症既朋友都唔洗怕老老實實, 佢地既刺身CP值都相當高, 價錢唔貴, 但刺身夠哂新鮮, 亦都唔會係切到溶溶爛爛或者薄到透光個種我覺得呢個價錢都算係咁~~當然, 呢度既火鍋專門店, 火鍋料都當然唔可以睇小既角色啦淨係湯底都有十幾款選擇我地就揀左比較少見既胡椒海魚湯底夠哂香濃惹味, 個湯一滾起即刻聞到好濃既胡椒香味我地叫左個海鮮拼盤、頂級手切肥牛、牛舌心、黑柏葉同其他丸類牛肉方面質素非常掂!! 特別係牛舌心, 爽口得黎唔會韌到咬唔開, 真係唔錯而其他手打丸類都非常足料, 彈牙爽口, 正!…Read More

由於今日多嘢做，所以我遲咗食Lunch，於是叫埋仲未食飯嘅同事出去食飯。就到糧尾，都唔知啲錢洗咗係邊，唔知點解啲錢咁快用完。我地嚟咗呢間快餐店，近我地公司。平時我就鐘意食菜飯，今日我就試下個日式燒汁雞扒飯，同事就揀咗日式燒汁肥牛飯。呢個鐘數先33蚊，上枱就大大碟，真係抵食。日式燒汁雞扒飯，雞扒燒得雞皮香脆，雞肉入味又嫩滑，配上燒汁撈飯，美味。同事個燒汁肥牛飯，肥牛都有好多，唔係淨係得一兩塊。食得快餐店，就對環境無咩要求，但佢地方幾大，枱同枱之間都算隔得開，都坐得舒服嘅。…Read More

今日Happy Friday，同事話食外賣都要食好D。今日外賣餐廳係「好燒味」，我地之前都食過，佢嘅燒味係整得唔錯，尤其係叉燒，真係好淋，唔會硬到咬唔入嘅。講到明食好D，所以選擇咗六寶飯，真係超級豐富，燒味仲多過白飯。叉燒 - 一向都好食，有肉汁又唔會太肥，繼續保持水準燻蹄 - 處理得幾好，豬肉唔會太韌，加上煙靭嘅外皮，唔錯燒肉 - 呢個真係好食，塊皮脆卜卜，正貴妃雞 - 味道都幾好，雞肉都滑，正正常常，無太大驚喜燒鴨 - 醃得幾入味，肉質嫩，不過如果外皮再燒脆D會仲好味咸蛋 - 無乜特別啦…Read More

We came to this local diner for a breakfast before going to church. We know that this place serves regular breakfast as well as all day breakfast, so anyone can enjoy a breakfast throughout the day.My friend ordered the all day breakfast and I ordered the satay beef noodles with toast and scramble egg.The satay beef tasted quite good. I like the texture of the noodle as it wasn’t overcooked at all. I liked my noodle to be a bit chewy and not too soft. I just hate soggy noodle. The satay beef was seasoned well, I prefer a little more satay sauce added to the bowl but that’s just me liking a stronger flavour.The egg cooked ok, not as runny as I like but still that’s bad at all. The toast was ok and I was happily filled before heading to our next stop.…Read More

中午係呢頭附近做完義工，正好肚餓同朋友行下搵下見到呢間小籠家族，橫掂都好耐無食過上海菜，就決定食呢間啦餐廳座位唔算太舒服，主要坐板凳同圓凳好彩有冷氣搭救，大熱天時冷氣唔夠都幾辛苦家族海鮮炒飯評分: ★★★★我自己就一向都幾鐘意食海鮮炒飯。呢個炒飯夠乾身，有好多我鐘意食既蝦仁，都幾爽口。不過略嫌咸左少少，濃醬油落得重手左少少。不完美，可接受，要改善。干煸四季豆評分: ★★★★★干煸四季豆要炒得夠乾身先好食，但四季豆呢類蔬菜比較容易出水，所以師父既功夫要有返咁上下先整得好。呢度師父手勢幾好，夠哂乾身~四季豆好鮮色，夠哂肥美飽滿，完全無炒燶到，唔錯唔錯~小籠包評分: ★★★小籠包做到飽滿湯汁既效果，外表有發揮應有既作用，唔容易爛~可惜入面既肉餡肥豬肉比較多左少少。流沙煎堆評分: ★★★★煎堆係芝麻流沙餡，新鮮即炸熱辣辣~食既時候要小心啲，唔好太心急芝麻味又香又濃，唔會過甜，作為甜品佢好到位…Read More

餐廳入面都幾多食客係叫水煮菜式，幾受歡迎咁我地就梗係唔執輸都叫左個水煮桂花魚鍋啦另外仲叫左椒鹽鮮魷同美極煎海中蝦水煮桂花魚鍋真係做得幾好桂花魚起左一片片，無骨，啖啖肉師父手勢都幾好，厚薄好平均，如果太厚會實左少少，但太薄又會無口感桂花魚索哂辣味，真係超好食!!鍋底仲有好多薯粉係度，質感煙煙韌韌，配合水煮個種辣味真係越食越過癮枝鹽鮮魷就炸得啱啱好，夠乾身，之前試過係其他餐廳食呢味菜，d油多到呢....好彩佢無呢個情況，魷魚大大件，好爽脆，一咬就咬得開，唔會食橡膠咁美極煎海中蝦都一上枱勁香!!!美極個種香味係令人無法抗拒，呢碟餸簡直係無得輸…Read More

朋友早幾日係加拿大返黎香港~佢話勁掛住港式火鍋喎~咁梗係帶佢去食飽啦原來餐廳係加拿芬道恆生銀行對面，好易就搵到火鍋生料有成四五十種揀....朋友見到真係勁開心，佢話係加拿大打邊爐根本無啖好食點下點下都叫左十幾碟野...即刻撳住朋友叫佢停一停手，廢事浪費食物，唔想做大嘥鬼首先餐廳會送上一盤主打既火鍋料先，入面有生蝦、鮑魚、黑毛豬肉、手切肥牛、脆鯇片、桶蠔、沙白蜆D海鮮望落都幾靚仔~~另外仲叫左長蟹柳、粟米、手打丸、水餃等等...等到個湯底一滾起，朋友已經急不及待夾幾片手切牛落去滾，佢仲一路食一路話正仲有d鮑魚、手打丸、蟹柳....蟹柳真係勁長，我都好少見黑毛豬肉都好好食，肉質鬆軟，真心覺得好正其他手打丸、水餃都好好食！真係食得勁開心…Read More