yee儀's Profile

已經食過至少五、六次嘅雞煲，佢嘅招牌麻甩雞煲真係好好食😋本身唔係太食得辣嘅我都接受到，每隻雞都好入味，而且最重要‼️係可以不停再加雞，出面有好多任食鋪都淨係可以食一轉雞之後就打邊爐（仲要轉打邊爐其他地方係直接加水，而唔係湯）呢度嘅雞係可以不停加之外，佢係加湯俾你打邊爐的，打邊爐嘅配料選擇都多，有菜、丸、炸物、肉類。食到最尾仲有個甜品，有時係燉蛋、有時係蛋白燉鮮奶都好好味😋…Read More

接近父親節，所以就買咗好多款味嘅Tiramisu同屋企人開心share🥳其實之前行過都已經想試，但太多款味好難揀定要試咗邊個先，咁啱屋企人都放假，所以今次一次過買多幾個味試吓。我最鍾意就係芋泥同埋楊枝甘露😝其實每一個都好多料係入面，個人口味最鍾意呢兩款，不過大部份味道都偏甜，芝麻同豆乳丸子味就冇咁甜。…Read More

最近見到蕃茄師兄出咗新嘅小食，就係雞子🤣🤣本身打邊爐就好鍾意食，呢間鋪仲要出四隻口味，有酸辣、沙嗲、威士忌麻香瑞士汁同埋芫荽雞子炒滑蛋。其實全部都想試🥲但係一個人又食唔晒咁多，最後淨係試咗酸辣味。酸酸辣辣好開胃，仲要有埋芫荽😋雞子多汁同脹卜卜會有口爆嘅效果🤣一貝子，蜆份量都算多同埋大大隻、帶子都有兩大粒，不過覺得個湯有啲鹹。檸檬雪梨露，樽底勁多雪梨蓉同檸檬碎，好足料同埋都幾解渴，又唔會太甜。不過希望下次去會有四人枱，今次同朋友三個人去，都係兩張二人枱同埋中間有隔板隔住，變咗坐斜對面嘅人係聽唔到大家講咩😂…Read More

上環終於開咗間迷客夏了！！🤤之前都係飲開佢嘅芋頭鮮奶，今日熱熱地想試吓啲酸酸甜甜嘅飲品，但係又想飲奶🤣最後就叫咗杯法式草莓🍓鮮奶加珍珠。鮮奶好香滑😋再加埋士多啤梨果蓉，酸酸甜甜好開胃，另外加錢要左珍珠想有啲嘢咬下，珍珠好彈牙同粒粒分明，而且係冇加焦糖色素同防腐劑嘅白玉珍珠，感覺健康啲。…Read More

每次食譚仔三哥，一定會加蒜泥白肉同尖椒皮蛋呢兩個小食，冇辦法因為實在太鍾意食蒜🧄蒜泥大量咁放喺中間，方便用薄薄嘅肉包埋啲蒜泥一齊食超正，每次食完都一定成口蒜味，好臭但好滿足🤣另外叫咗個新出嘅螺片滑雞白木耳米線加酸菜，俾咗好多酸菜，然後個湯底幾香藥材味。…Read More

收工返到大埔都成12點幾，呢個時間已經冇乜嘢食可以揀，咁啱見到麥當勞附近仲有間壽司店開緊，即刻試吓先🤤三文魚$7蚊一件都唔錯，最鍾意就係燒鰻魚，好香好好味😋…Read More

收工突然之間好想食葡撻，咁啱見到佢出咗新口味，所以買返屋企試吓🤣「椰絲雞尾包葡撻」，面層灑咗啲糖霜，入面仲有椰絲餡料，好似真係食緊雞尾包咁🤣味道係想象得到嘅，但食多隻就開始膩了，都係原味啱我多啲。…Read More

放假🏖最啱約埋朋友一齊high tea🍰🍵呢度嘅食物精緻、放上個摩天輪度又靚😍仲要鹹點同甜品兩樣都有，滿足晒我😚一個set跟兩杯飲品鹹點同甜點各五款，加埋有成10樣唔同嘅嘢食，款式好多，淨係諗食邊個先都諗咗一段時間😂吉列炸蠔🦪送到過嚟嗰陣仲係熱辣辣，外脆內軟。迷你和牛漢堡包🍔一咬就噴咗啲肉汁出嚟，濃郁嘅牛肉香味，夾埋其他配料食好正。我最鍾意嘅就係迷你鬆餅，左邊個個入面有肉桂蘋果蓉，而右邊嗰個就有朱古力醬，差唔多去到最後先食，但佢入面依然係暖笠笠…Read More

同朋友係厚福街附近食飽飯想搵地方食下糖水傾吓計，咁啱見到附近有間糖水舖，呢間有比較多傳統糖水，有芝麻糊、合桃露、腰果露呢啲，同時都有比較少見嘅開心果露。今次同朋友試吓開心果豆腐花同埋芒果西米露，開心果豆腐花一般般，因為豆腐花太多溝淡咗開心果嘅味道，但係同時開心果亦都蓋過咗豆腐花嘅味😂變咗食緊淡咗嘅開心果露同冇咩味嘅豆腐花🤣所以下次都係分開呢兩樣嘢食比較好。芒果西米露都ok嘅唔會太甜，中間有堆芒果俾你食嗰陣再撈勻。值得一讚嘅就係，落完單之後糖水好快就送到。…Read More

十分抵食嘅牛舌片定食👅$88就已經有漬物、茶碗蒸、味噌湯、白飯同埋沙律。牛舌多汁嫩滑，仲有8片咁多😋😋用嚟送飯一流，沙律同黃蘿蔔酸酸甜甜好開胃🤤味噌湯唔會太鹹，飲完一碗好滿足。…Read More