ieatalott's Profile

Weekend既日子一定要Chill下～🥰最好就係食住brunch飲住咖啡，然後望住出邊嘅路人😌 再睇住本書，放鬆下～今個星期揀左去Soho區，呢間cafe既出面就係平時打卡勝地🤣Rose latte拉花好靚！見到既時候嘩左出聲🙈 同埋呢度既咖啡真心好好，我影左勁耐相，佢都唔會化開🥰🥰Everything egg benny 我揀既All day Breakfast 一定要有egg benedict 同avocado🥑 呢度滿足哂我兩個要求，要仲個avocado花靚到呢～❤️❤️ 塊Toast同sauce Match埋，真係好幸福！Handcrafted gelato pistachio好貪心咁食埋Gelato~🍨 我估唔到可以又靚又好食，打卡100分！味道100分！😍=====================Barista by Givrés 地址: 中環士丹頓街7號地舖電話: 96590816=====================…Read More

喺葵芳搵好嘢食，咁啱望上去就見到有一間店有一大隻豬🐖 上到去見到係一間德國菜嘅餐廳，咁就即刻試一試！Nachos $158呢碟前菜係似墨西哥野！下面全部都係脆脆嘅Nachos,然後上邊係配左牛油果醬、蕃茄、洋蔥、芝士、橄欖同埋肉碎！👍🏿👍🏿呢味係估唔到咁好食😋 仲要分量都好大！食完個前菜已經有少少飽飽地🤭Piggy Platter $528因為三個人所以就諗住嗌一個大碟嘅share，上到嚟估唔到係真係好大份！我諗呢個size可以夠四五個人一齊食👌🏿入面有豬手、乳豬、豬肋骨、脆皮豬腩🐖🐖🐖🐖同埋芝士腸！係最鍾意嘅德國菜😋賣相一流，味道都唔錯！比起德國既就會冇咁重口味，岩番香港人食🥰…Read More

前菜係超級正嘅啤酒配菜，又辣又過癮！🥰辣子排骨成碟餸好靚，影相一流！👍🏿味道亦都好滿意，如果食唔到辣嘅朋友仔可以叫小小辣！咁就會辣得好香口～排骨係超級鬆脆，入面嘅肉質都依然鎖得住！而且入面仲有蒜蓉，仲都爆得好香🥰土匪雞煲估唔到土匪雞煲味道係又鮮又香！入面成個湯都係自己熬製既，完全食唔到味精嘅味道，係超有心機嘅住家熬製既味！搞到我係咁飲！🤪呢一間餐廳仲可以直接送上屋企，下次要加送可以搵佢👍🏿…Read More

🌟⁡係之前既印度旅行，最深刻印象既莫過於當地既咖哩同naan bread，成日係香港都會回味果種味道，所以今次特登搵左間係尖沙咀新開，裝修又唔錯既印度餐試🥰⁡一上枱就比左份胡椒餅我地，一咬就feel到好脆，好重既胡椒辣味，連埋甜酸醬同薄荷醬一齊食，係個好開始🥰⁡——————⁡🐽 Lamb Seekh Kebab平時街邊既kebab唔係牛就係雞，讓羊真係比較小見，所以今次叫左黎試下，果然有驚喜，佢既羊肉好juicy一d都唔臭，淡淡既印度香料味令到羊肉味道更突出⁡🐽 butter chicken + truffle naan印度餐廳必食既牛油雞，濃濃既牛油香加上番茄汁令到整碟菜唔會太油膩，配埋第一次見既truffle naan一齊食簡直係味蕾大爆發⁡———————🫓 Tagline Restaurant and Bar (尖沙咀)📍 尖沙咀寶勒巷10號10 PRAT 4樓⁡🐖好味指數：5/5 👅💦🤙🏻🐖抵食指數：4/5 👅💦🤙🏻🐖環境服務：5/5 👅💦🤙🏻⁡…Read More

之前經過大圍已經想食呢一間，上次同朋友一齊黎試下佢😌估唔到又真係好驚喜！壽司拼盤（十件）等候時間有少少耐，不過當佢上枱嗰一刻就知道值喇！面前嘅壽司都超級新鮮！😋師傅將刺身嘅厚度切得啱啱好，手握出黎既大細都讚得一讚！另外要讚下壽司拼盤嘅賣相都好靚！完全可以見到每一件壽司上面都有唔同既配料🤩海膽壽司嘅新鮮程度真係令人讚嘆！估唔到可以處理得咁好！三文魚上邊配左三文魚籽🥰口感一流！呢個價錢食到簡直係超值！蛋包鰻魚飯蛋包飯嘅蛋完全係要用嫩滑黎形容！入邊嘅鰻魚啱啱好，唔會太老～😚睇落去好似好細碗但係入面嘅飯係裝得滿滿嘅！好有誠意！餐廳嘅價錢可能比一般貴！但食物既新鮮程度係值得呢一個價，食完就好似去左轉日本咁🇯🇵…Read More

荃灣不嬲都係美食天堂，今次真係專登去咗四坡坊搵好野食！呢一間係有小菜同任食雞煲，出面睇到人地食既好正就決定試一試！🤣🤣前菜嗌完嘢食就已經有前菜！係花生配麻辣菜脯～味道一流！🤤真係未食主菜就已經好滿意！超期待我既雞煲！🤤🤤椒鹽三寶三寶喺鮮魷、蝦同埋腰果🤩 呢碟菜真係令我超級驚喜，普通喺小菜館食到嘅蝦都係細細隻，呢一隻係竟然係勁大隻，仲超級新鮮🤩🤩 真係冇叫錯！一定要叫黎食！涼拌皮蛋賣相好好！食落去都好滋味🤤份量絕對唔少，好配得上呢一個價錢！先$45炸😍😍 鍾意食皮蛋嘅一定唔好錯過！雞煲呢度嘅雞煲係任食任飲2小時！價錢都係$138位！超級抵食！一上嚟個雞煲已經令我哋好開心！絕對係一大隻雞，仲要有蓮藕！！真係令我好意外😍😍 全部雞都入晒味，就算係小辣都好香濃，味道好豐富！另外呢度嘢飲有好多種選擇～ 全部嘢食都好滿意！喺呢度同一班朋友飲飲食食真係好正又好抵！👍🏿👍🏿👍🏿 強烈推薦！真心覺得自己搵到寶😍😍…Read More

大圍食店林立，絕對係兵家相爭之地，出色既食店一街都係，但一問朋友佢竟然推介我去村屋果頭既一間望落平平無奇既小店🤔——————🐽 蒜醋黃瓜配貓耳朵入座後先試試小食，份量黎講算好大碗，比譚仔既拍青瓜份量足足多一倍！味道亦唔錯，蒜味突出🐽 煉奶金磚咖央西多西多真係好邪惡，而黎間既粒粒西多亦十分出色，每粒size岩岩好，炸到外面扑扑脆，襯番煉奶一齊食好夾🥰🐽 卜卜脆油渣麵一上枱即試湯底，蝦米香味好重亦好濃厚，感覺真材實料！油渣亦如奇名真係好卜卜脆，炸得好乾身😆🐽 鮮蠔仔肉碎番茄蓉湯麵蠔仔粥就見得多，但用蠔仔黎煮麵就真係非常小見，中要用埋番茄蓉做湯底真係小之有小！陣係飲個湯底已經好出色，有濃香番茄味，亦有蠔仔既鮮味，夾埋肉碎令到整碗麵一d都唔單調！…Read More

越南嘢不嬲都係我既comfy food🤭 今次就去咗大圍搵好嘢食，見到呢一間餐廳門口幾靚仔，入邊又多人，就諗住去試一試喇😋越式生牛肉河望落去賣相一流！上邊嘅蔥同洋蔥都超級足料！食生牛肉河第一件事就係試下佢啖湯先，香味濃郁，又夠牛肉味！正！😋炸春卷睇相已經睇得出春卷有幾脆卜卜🤭 無得唔讚下佢！其實兩舊唔係幾夠我回味！😚炸蝦餅呢個買相好似一半，不過食落去就好有驚喜！就好似食到幸福嘅感覺咁～ 🥰🥰唔腥但依然都有蝦味👍🏿…Read More

今日咁岩喺葵涌，然後突然之間就想食韓國嘢，咁就拎起OpenRice去搵，唔俾我呢發現到呢一間新既小店喎！咁梗係去試試佢啦！泡菜牛肉湯配飯近排天氣咁凍梗係要食返啲熱辣辣嘅嘢啦！所以就叫咗個泡菜牛肉湯飯🤤🤤 味道唔會太鹹，入邊都有好多泡菜同埋牛肉！真係令我好懷念韓國呀！😱😱泡菜煎餅呢個超級好味！必食啊！平時出邊嗰啲煎餅都好少泡菜，但呢度嘅份量好足，上邊仲鋪滿勁多白芝麻🥰 🥰真係冇得頂啊！惹味.甜辣炸雞食韓國嘢一定要嗌炸雞，今次就試咗一個甜辣炸雞！賣相本身已經好出色，見到佢上邊個表面真係炸到脆卜卜！😍😍仲要食落去入面嘅肉質依然鎖住喺度嘅，真係超級幸福啊！中間嘅醃蘿蔔真係好好食，配埋落去啱啱好！👍🏿👍🏿👍🏿整體上全部都好好！下次有機會會再帶朋友過嚟食🥰🥰🥰…Read More

平時行開荃灣都知好多好嘢食，近排發掘到一間新開嘅黃店，仲要標榜賣即炸雞髀，望落好似好吸引，二話不說買來試吓。入到去見到有唔同嘅味粉比客人自己選擇，夠晒自由夠晒多元化😝——————爸爸生炸爆汁大雞髀 $28$28黎講一隻生炸雞髀價錢非常合理，而嚟到嘅賣相都好正，生炸雞髀老闆建議我哋落辣粉，咬嘅時候要連埋皮一齊食。食落果然冇介紹錯，雞皮炸到好趣，入邊嘅雞肉好嫩滑好多汁😋爸爸脆炸爆汁大雞髀 $28同樣係$28 一隻炸雞髀，今次雞髀外面包住一層薄薄嘅脆漿，有咬口得來更加保留到雞肉入邊嘅肉汁，又係另外一種感覺😝咯咯聲雞軟骨 （一堆） $22雞軟骨炸到啱啱好，外皮同樣唔會太厚，雞軟骨醃得好入味，唔使落任何醬汁都好夠，如果有杯啤酒送埋就一流🤓薄粉爆趣魷魚手多多 $26炸魷魚出奇地嫩口，一啲都唔會炸到好老，而出邊嘅脆漿真係如其名好薄，完全唔會蓋過魷魚嘅鮮味同突出個咬口，十分推薦…Read More

今日去咗尖沙咀，諗起附近有間超推介嘅石燒牛，就即刻衝左去食。去到餐廳都幾多人，等咗一陣間就入得去喇。日式蕃茄湯烏冬拼香煎厚切牛舌蕃茄味湯味道極濃，超級好食🤤 配埋烏冬真係一流，可以一路食一路飲晒啲湯佢！牛舌味道好好👅煎得啱啱好，牛味好重好正石燒A3和牛西冷定食一睇到個樣已經知道呢一個係和牛！脂肪同肉嘅比例啱啱好，顏色係頂級和牛嘅粉紅色😻真係冇黎錯，配上呢一個石燒，令到成個定食加分！👍🏿👍🏿蜂蜜柚子 橘子乳酸叫咗呢兩個特飲，望落去已經好精緻，飲落去都冇令我失望😽好鍾意蜂蜜味嘅柚子飲品！超級推介！成間餐廳服務都好好，嘢食亦都好評，一定會再嚟多一次😍…Read More

呢一間之前係旺角見過，今次咁岩喺荃灣又好肚餓，就決定試一試！😋招牌香菇豬肉燒賣真係充料既燒賣，本身賣相已經好大粒🙈食落去每一啖都食到香菇同豬肉，個價好抵！😻自製白魚蛋超級彈牙，同埋好鮮好有魚肉味！之後再食左幾次，食哂三次味！每一款都好有特式，如果食得辣，個人推廣香辣！👍🏿如果唔辣，沙嗲都好正🤤最後見到有人買炸燒賣魚蛋🙈太邪惡啦！！望住佢新鮮炸出黎，下次真係要試一試佢！感覺應該會好好食😆…Read More

今日為左特別周年紀念，所以專登揀咗呢間係尖沙咀嘅高級日本餐廳食🥰呢間餐廳嘅主廚係由福崗黎既大師傅，而食材絕大部份都係日本空運嚟香港嘅，所以非常新鮮❤️前菜嘅部份有六小碟，有幾味係蔬菜，味道非常日式，而比較特別嘅就係中間我未見過嘅鬼爪螺！形狀好趣怪，但食落去就別有一番風味！非常值得一試！另外燒蔬菜部份有秋葵、甜白粟米、燒白蘆筍🤤 的確材料新鮮已經勝人一籌！福岡惠比須燒蠔本身唔係特別鍾意食生蠔，因為怕會腥🙈但呢一個竟然令到我食到有海水嘅味道😍 真係太好食了！蠑螺又係另一款未食過既螺！燒完加上調味，令成個層次增加，味道好豐富呀😚銀帶鯡魚干魚仔燒到脆卜卜，入面依然係有咬口既！好正啊🥰五花腩肉類梗係唔少得最邪惡又有脂肪又肥既五花腩喇！睇到張相已經知道佢有幾好食！博多雞翼日本每個地方嘅雞翼都會有唔同做法，呢一個就係用法多嘅手法嚟烹調！外脆內軟，肉汁鎖住喺雞翼入邊🤤燒牛肉日本牛肉肉味濃郁，脂肪均勻，咬落去亦都有油脂出黎🥰嚟到呢度一定要嗌呀！梅子燒飯團 辛味噌燒飯團呢兩個燒飯糰🍙係最令人驚訝！賣相好靚，仲估唔到可以整好咁好食！星野村布甸好滑好香，而且一啲都唔會過甜，上面既紅豆襯埋落去，真係食得好幸福！😍天神布甸係我掛住好耐既日本特式布甸🍮 形狀超perfect,食落去係完全冇得彈🤤 可以再食過個！…Read More

行銅鑼灣經過黎間四寶食堂，見甘多人排隊，心諗入邊嘅嘢食應該都唔錯，所以同朋友一齊試吓。見隔離枱叫咗一個金磚咁大嘅焗豬扒飯，我自己都唔執輸，叫左一個試下好唔好食。等左大概十分鐘之後焗豬扒飯就上台，果然同相一樣咁震撼。叉起塊豬扒諗住切，有啲surprise估唔到佢嘅豬扒比平時坊間茶餐廳嘅豬扒都要厚，絕對可以叫做厚切焗豬扒飯，飯底都炒得唔錯。朋友就叫咗個燒春雞配意粉。燒春雞其實內有乾坤，餐廳特登讓左啲雜菇入去一齊焗，令到啲菇晒雞汁嘅精華，雞肉食落口好鬼亂滑，值得一試。…Read More

今日一班朋友一齊食，黎到呢個好多女仔都中意食既Morokok,去到第一件事就發現成間餐廳都好靚，個個位置都可以係打卡位🤩 真係見到就覺得正啊🤣🤣 可惜咁岩我地坐既位置係中間d,所以冇得影人哋靚靚嘅背景🙈 生肉菜包肉碎都幾辣下，大約係中立嘅程度，不過加埋生菜包落去好滋味越食越正😆炒通菜炒通菜好好食同出邊泰國菜食到嗰啲一樣咁好食，鑊氣好好👍🏿 泰式西冷薄片芥蘭炒粉皮同平時其他泰國菜嘅炒河粉唔同，佢係用咗闊少少嘅粉皮，質感唔錯！👍🏿素菜漢堡配炸薯條呢個比較可惜，因為漢堡餡料唔夠好食，醬汁小有個大蘑菇，不過整體加埋一齊食落去口感唔係太特別。可能呢一間叫泰國菜會好啲🥰…Read More