haze0001's Profile

🤸🏼‍♀️🤸🏼‍♀️🤸🏼‍♀️做完運動走到新蒲崗，發掘到一間隱世餐廳！呢間舖頭真係低調到極點，門口連個名都冇，得塊餐牌默默守候，唔留心真係會錯過㗎～餐廳裝修走優雅路線，同外面工廠區嘅環境形成有趣對比。😚坐低後點咗個幾特別嘅「牛肉面意粉」同「是日沙律」，再加杯凍蜜桃茶。先講個是日沙律，新鮮度滿分！羅馬生菜脆卜卜，加埋爆汁番茄仔，配搭芝麻醬汁竟然出奇地夾，清爽開胃。☺️主角牛肉麵意粉有驚喜～牛肉燉得軟腍入味，帶住啲肥美脂肪，入口即化，鍾意食肥肉嘅我真心滿足！🤣意粉硬度煮得剛好，可惜個汁掛粉能力稍嫌不足，感覺似用豆粉水開，味道同質感有少少分離。飲品方面，蜜桃茶揀咗少冰少甜，甜度輕盈，正好解咗牛肉嘅膩感。最後埋單$158，以新蒲崗嚟講算係中上價位💲💲，不過考慮到環境同食物質素，都算合理。如果汁醬方面再改良一下，絕對會再encore！整體評分:🌟🌟🌟　(正常發揮! 價錢調節下，可能會再吸引d) …Read More

今日到咗下晝三點，老公帶我去尖沙咀食好嘢，鐵板燒。係天文台圍秋田，可能落場時間，餐廳近乎得我同老公兩個人二人世界。🥰🥰叫咗個平靚正套餐$350一個人，食過之後覺得性價比好高。有前菜，海鮮，肉類，炒飯，湯，甜品我地另外加左兩杯野飲：柚子梳打& 啤酒。如果唔加嘢飲，餐廳都有提供茶，是免費的餐廳環境都好日式，最緊要好寧靜，清潔衛生，睇得出廚師嘅工架十足，每煮一道菜都好細心，每一個步驟都好細緻。埋單$9xx ，是性價比好高的鐵板燒😘…Read More

平時行開旺角，都見到午飯時間同晚飯時間， 有人喺門口排隊，感覺應該好似好好食😋今日下午茶時間⏰，見門口冇乜人坐入去嘆吓下午茶。入到去見到餐廳主色係Tiffany blue, 又有大幅花牆💐🌺🌸🌷🌺🌺🌷，幾靚。侍應好好招呼，做晒入門三寶，就坐低叫個下午茶先。下午茶選擇都幾多嘢食，叫咗個吉列豬扒蔥油撈麵，凍檸水走甜。等咗幾分鐘就有得食，速度真心快。原塊吉列豬扒有手掌咁大，切開睇吓都有足夠厚度大約半cm，唔乾身，都幾Juice。不過如果佢切開埋就更加方便😂😂😂😂（BTW, 我可能比較懶呀，哈哈哈) 蔥油撈麵d 蔥油再加豉油， 都夠香，但係有少少鹹😜，可以接受整體份量都好大， 下午茶咁大份量，但係價錢平都係滿意自選，不過就有少少鹹。間餐廳裝修都好靚㗎，隨便影幅相都靚野。💐🌸茶記價錢但就有Cafe嘅場景，下次可以試吓個dinner先。…Read More

真係好少寫食評，今日遇到呢間糖水舖，真心推介！今日同家人去石籬附近工作，見下午茶時間，想食個甜品🍮。喺網上搵搵吓，搵到呢間台灣手工芋圓糖水舖😝呢間糖水舖喺和宜合道熟食市場，個場始終比較舊式，而且下午茶時間，冇乜人，所以諗住都係外賣買返屋企食。見佢新裝修，海報又幾吸引，就買咗兩碗試吓。有A B C D E款，仲可以另外有自選，唔使局限咁死😩😩買咗C款，轉淡奶底另外買咗D款, 轉椰汁彈性好大，啲糖水汁可以轉自己鍾意口味(或者係我本身比較麻煩😂😂)無聊等候期間，同老闆娘傾偈，佢哋嘅芋圓，係自己親手整，而且係每日新鮮製作👍🏻👍🏻，搞到我好想快啲買返屋企試吓C 款: 裏面有好多料, 可以睇圖片海報，最推介嘅係桂花烏龍jelly ，因為我不喜歡太甜的甜品，呢個桂花jelly 啱啱好，超級超級推介!!🥰🥰清新嘅桂花香加烏龍茶，甜到啱啱好D 款: 裏面依然係好多料👇🏻👇🏻👇🏻😂😂👌🏻， 裏面個奶茶凍，係我第一次食，因為我本身好鍾意飲奶茶，佢本身個茶香，有茶餐廳奶茶優質風味，裏面嘅芋圓，煙韌度，啱啱好，唔會好似出面嗰啲食到成口都係粉❤️❤️呢間良心糖水舖，誠意推介，下次再食佢其他款，超級推介佢嘅桂花烏龍凍喎奶茶凍‼️‼️而且價錢合理為同抵食🥰🥰🥰…Read More

今日口痕想試吓泰式芒果糯米飯，行開鑽石山荷里活，見呢間新新地，佢門口個芒果糯米飯的圖片上有；紫色糯米飯、白色糯米飯、同埋芒果，賣相都好似好吸引😀咁就入收銀俾錢，等咗大概10分鐘，攞外賣是只見到白色糯米飯，我就問店員紫色糯米飯呢？！我擔心佢一時唔記得冇俾我，店員就話冇㗎🤨我繼續追問，出面個圖片上面係有個喎👆🏻有雙色糯米飯㗎喎。個店員仲一面神態自若地說：「張相好多年前㗎啦，而家冇㗎啦，成幾年前㗎啦張相。」下！你間野都開左無幾耐🥴我都無謂坳就返屋企啦。返屋企一打開盒糯米飯，見到芒果是淺黃色，我心裏面都會覺得佢好酸，事實證明我是對的🤦🏽‍♂️一句到尾，呢個糯米飯係唔好食嘅，芒果是酸的，椰汁不夠，糯米飯也比較硬，唯一可取之處就係個糯米飯是暖的🤷🏻‍♀️呢$59糯米飯，我覺得係跌左，覺得如果係呢間野嗰度食甜品，大家都係唔需要考慮㗎啦。🙅🏻‍♀️🙅🏼🙅🏼‍♂️🙅🏻‍♀️🙅🏼‍♂️🙅🏻‍♀️🙅🏼‍♂️…Read More