miffyeats's Profile

係灣仔呢間越南🇻🇳粉店門面都幾大間，雖然位於橫街，都幾搶眼，所以今日放工散下步去到個度就決定食埋個晚餐。雖然而家淡市，但都坐左一半客人，而且店入面都好光猛同乾淨，感覺良好。因應而家疫情😷，仲每個客人派紙袋同消毒濕紙巾，既衛生又貼心👍🏼👍🏼!!我揀左生牛肉牛丸🐮湯河，男友就要椰青腩肉🐷飯。冇幾耐就黎左啦，廚房一來都好快手，而且湯河一睇都知好新鮮! 生牛肉切既厚度剛好，平時就係鍾意佢生生地咁食，而家感覺上食熟D會安全D，所以浸湯浸多一陣先食，但都無損佢既新鮮肉香，而且冇筋。湯底清甜，落唔落青檸或辣都可以。配菜都一樣夠新鮮，芽菜都好爽甜。牛丸也好彈，高分合格!🍜 加上價錢大眾化，真係值得一試。腩肉飯🍛都好有驚喜，首先份量真係冇得輸，成個大椰青🥥都塞滿肉，幾大食既男人都一定夠呀! 而且腩汁香甜，肉都炆到好入味，再加上淡淡椰香，好食! 🤩椰青既水都會畀埋你當餐飲，同個飯當然夾啦。如果再有多條菜就會更加好，唔駛只有肉同飯。除左飯麵我都一定會食軟殼蟹🦀米紙卷，呢個係我必食既飛佛! 呢度都係大路款配芒果什菜絲，基本路線亦好有水準，芒果🥭超鮮甜，軟殼蟹當然好香脆而不太油膩，襯埋D新鮮什菜🥒🥕絲當然好食。米卷皮都好香米味，如果想再改善既話就可以嘗試再整多薄少少加強口感。不過而家咁食都好好味，四舊兩個人食都唔太夠喉…😅😆…Read More

星期六出黎旺角食中午，去TOP行街之餘就黎左726呢棟食肆既大廈搵食。今日就揀去2樓既泰屋，貪佢啲lunch set 平平地😂上到去地方都還好，雖然唔係好大但座位都闊落，大窗邊所以好光猛，令人感覺精神啲。難得佢星期六都有set lunch🍱仲要唔駛加一，普遍既餐都係50-60蚊，好抵呀揀左炒金邊粉同炒公仔麵，落左單好快就先上例湯🍲估唔到唔駛加一既套餐仲有埋湯！奶白色既椰汁🥥雞湯，飲落又幾重酸甜味，又有香茅味，雞味就唔係好重，你可以幻想係唔辣既冬蔭功，仲有啲菇同香茅，夏天飲好適宜，又開胃醒胃！餐飲叫左凍檸茶，加3蚊好合理。炒金邊粉好多海鮮🦐🦑🐟，而且份量都好夠，有埋基本配料好似香茅同花生🥜碎咁，食落有鑊氣又唔太油，大大碟又好食，唔怪得我地見每一枱都叫😂炒公仔麵同樣份量巨大，配菜十足，有粟米仔、椰菜蘿蔔等🥕🌽🥬我揀左豬扒🐷，幾碗好煎好既豬扒一齊炒好惹味！不過由於佢落左辣椒🌶️，所以個公仔麵都有啲辣😚🤪怕辣既就要小心由於咁抵食，所以加多個馬拉盞炒通菜，足料又好味，賣單都係160兩個人，抵食又舒適😋性價比高👍🏼…Read More

今日阿妹正日生日！所以同佢食餐好！佢鍾意食麻辣火鍋，所以我喺OR搵到呢間重慶紅鼎火鍋🍲，應該啱佢食啦掛☺️入到去係中式既裝修，同而家返深圳極高級中式食肆冇咩分別。入邊環境闊落，座位都好四正，枱與枱之間都幾闊同埋係半卡位式，每張枱都預咗有個小假用嚟放火鍋配料。而且一行到入去餐廳入邊就有好香嘅麻辣味～睇返餐牌都有好多選擇，不過好明顯要拼盤就抵食好多；而且拼盤嘅設計都幾體貼，有細分適合二人份量或者去到大份適合五至六人分都有。我地兩個都好鍾意食海鮮，所以揀左個細既海鮮🦐🐟拼盤就啱哂🥰落左單冇幾耐，店員好快就送上湯底，另外原來仲有送蔥🥬、豬紅、同埋芽菜呢一啲伴菜，早知道我哋唔使叫個青菜拼盤🥗因為怕食唔晒😂叫咗個魚皮做小食，估唔到佢個魚皮都好出色👏🏼唔使放湯食就好鬆脆，又唔會太鹹，仲有好淡淡嘅蛋黃香，可能落咗少量嘅鹹蛋黃調一調味，但又唔濃，就咁食或者放湯食都得😋主角出場啦！當個海鮮拼盤上枱嘅時候我真係大叫左一下，因為份量好多，好大，最令人驚訝嘅係所有海鮮都仲郁緊! 天啊！新鮮程度爆燈！魚🐟頭魚尾仲郁緊，店員就介紹魚刺身可以就咁食或者放湯都得，如果放湯就預10秒左右就得，魚肉一變白就要食、唔係就會鞋！而且佢真係即劏，魚肉晶瑩剔透！除咗條活石蚌魚之外，其他海鮮都仲係郁緊，啲海蝦🦐又好大隻，鮑魚又係！天啊！😱😱😱😍海蝦除咗大隻之外，啲肉食落真係好彈牙好爽脆，佢唔單只係海蝦、而且亦都唔係樣嘅海蝦，因為一食就知運動量好足夠，生前一定好生猛！鮑魚肉質亦都好肥美好鮮甜，不過記得要拆咗學先放落湯食就衛生啲，始終個殻唔會刷洗得好乾淨！貴妃旁一樣大隻鮮甜，食呢個海鮮令到個皮蛋芫茜湯底越食越香甜，因為充滿晒海鮮味😍兩個人食呢個拼盤真係有啲多，早知叫迷你size都夠，不過慶祝生日冇所謂，今次亦都未試佢啲肉類，但係經過今次體驗，呢間野絕對可以再去食，而且佢仲送左張coupon，抵食又好食！…Read More

喺K11行下街，阿妹突然問我今晚食咩好，我就諗起喺對面加拿分道嗰間新泰東南亞泰國菜。之前都食過呢間泰國嘢，你試過就覺得佢嘅質素唔差不過九龍城嘅泰國餐廳，而且喺鬧市地點又方便，覺得真係唔錯。今日見天色麻麻地，又喺附近，就順便趁早早地應該未係好爆滿嘅時候就去咗食晚飯。可能係週末嘅關係，今日星期六夜晚六點鐘到餐廳，已經幾乎坐滿、難得間野咁大都已組咁多人！😅😱不過呢間餐廳真係好大，雖然喺地庫冇景睇，但都係坐得好舒服🤗我地兩姐妹👭，食唔到幾多，所以揀個飯加個菜都差不多。先來左個鐵板蠔仔炒蛋🥚一上枱嘅時候真係出晒煙，個鐵板支支聲，真係夠哂熱夠哂新鮮出爐！對二人份黎講呢個菜都唔細，而且好多蠔、細細都好大隻又乾淨👍🏼鐵板底墊左好多大豆芽菜都好新鮮爽脆，多個bonus! 個蠔仔炒蛋配個泰式辣醬真係絕配😍蒜蓉炒貴妃苗 🥬 - 呢個濕炒真係唔錯，清清地但個蒜蓉味串一串味都好香，最緊要啲菜夠新鮮👍🏼阿妹揀既蝦🦐醬炒飯黎啦！上次黎既時候揀左pad thai佢炒得好香鑊氣好足，今次個炒飯🍚一樣高水準之作😋飯乾身得黎夠香、蝦醬味提鮮但又唔會太搶，食完唔會覺得成口咸味或口乾！而且炒飯入面都有啲蝦干、加埋啲臘腸、蛋絲、肉鬆、腰果等，配菜夠多，好豐富！兩個人咁既份量非常好，而且咁食都係280蚊，星期六晚飯🥣咁既價好抵食🥳…Read More

而家食蒸海鮮，不過真係好壞參次，最怕D海鮮來貨唔新鮮唔乾淨，所以我好少去試新既地方，除非有朋友食過話好~ 今晚黎呢間有蒸氣就係男友有朋友食完大力推薦我先夠膽黎食，哈哈。平時都多去諾士佛臺飲野，但就少D行到去天文臺道個邊。今次就發現呢邊其實都D bar同餐廳都唔錯，氣氛幾好之餘又唔會好嘈。不過今次想黎食呢間海鮮，飲野就留返下次啦!呢間有蒸氣入左門口就要行上二樓先到餐廳，地方都原來唔細，仲有好多VIP房，有少少似私房菜feel! 店員都好熱情招呼人，先有熱茶小食，然後佢地都主動為我地介紹食物。見我地兩條友，佢就向我地推介食佢地既一D套餐，份量按人數計，又可以食多D款。揀左呢個冬瓜盅餐，店員話呢個會係黎緊夏天主打的套餐，食蒸野配個冬瓜盅降下火，都唔錯，唔駛好似平時D蒸海鮮多數係粥底。睇住店員放冬瓜盅個底係蒸窩底、連埋D材料真係好正! 而且雖然佢唔係真係一盅冬瓜🥒但入面都好足料。冬菇、梅頭、金華火腿粒等等都有齊，期待一陣個湯🍲先食個蒸蛋，蒸好店員就落黑松露😮講真，truffle唔識分好唔好食，不過佢夾蒸蛋係唔錯！蒸蛋好滑好清甜，由個淡淡地既菜開始幾好👌🏼你食蛋既時候店員就會落花甲同蝦🦐睇樣都好新鮮、果然一蒸好開蓋嗰下真係好香！🥰😍花甲鮮甜、肉質彈牙，啲水都有啲海水味又冇沙，正！海蝦都好食，更彈更甜，size剛好份量都剛好，真係鮮甜到豉油都唔駛點！花蟹🦀都幾多膏😍其寶平時大閘蟹啲蟹我怕空口食，好似好油咁！蒸左既花蟹膏有啲似蛋黃咁，呢個點少少豉油就更夾啦！蟹身都多肉，唔錯唔錯🦀🦀半隻有啲唔夠喉😂扇貝超大隻呀！勁甜！最愛呀！真係好正，鮮甜度爆燈！！！💯💯💯到蒸鮑魚啦！估唔到大連鮑魚都咁鮮甜！而且呢度啲鮑魚都清理得好乾淨，個邊都有刷但唔會刷到硬身！👍🏼配啲蟲草花一齊蒸，有少少提味！食到呢度飽左6成，唔定肚又滿足既同時，就食冬瓜盎啦！😋第一啖有金華火腿香、之後又有冬瓜既清甜加少少海鮮既鮮甜味，好飲呀！😚😋🍲店員細心話慢慢飲夠再可以打邊爐，嗰陣就拎埋桶蠔、黑毛豬同埋丸等等既食材黎，嘩！其實食下食下都飽，再見到仲有咁多野食都打個突！😂🤪桶蠔超大隻，一人一隻真係夠哂！碌完都仲有大半隻手掌🖐️咁大！😍個手打丸都好好食呀！尤其係個蝦滑丸！爽彈、超鮮超甜！🥰🦐黑毛豬腩都鮮味，雖然我懷疑我男友碌過頭🤪不過好彩肉質靚！煮耐左少少都唔會un!呢個餐真係唔錯，尤其啱啲為食但又怕食飯類🍚既人，滿足、飽，又相對地健康啲！下次人多啲再黎食，可以再散叫下其他海鮮🥰🦀🦐🐟🦑🦞…Read More

今日老闆不在，可以偷雞去遠D食lunch … 正! 同事建議去銀行中心食，食完去行下間lego舖頭wow😂佢帶左我去銀行中心入面既Le Viet🇻🇳佢話上次食左個海南雞🐓飯餐，又抵食又大份，餐廳地方都大，坐得舒服，所以想再返黎食。佢個名就叫Le Viet，其實佢唔係只得越南野食wow! 😋其實泰式越式都有，好多選擇。🥳睇到menu有燒木棉魚🐟好似好正咁! 雖然lunch hour同埋兩個人食條魚好過份，但難得我呢個同事又肯陪我癲! 哈哈🤪所以套餐就諗住都係叫一個就得，大家share黎食。先黎左個套餐既香茅燒豬頸肉撈檬🐷講真，一個人食好似真係太多! 我地兩個人share就剛好，留返D位食個燒魚。先講燒豬頸肉，夠哂香，薄切得黎有肉香同口感，一D都唔un，又香又軟! 香茅味唔算好重，反而有少少炭味似炭燒! 一碗有足足六大塊，又抵食又好食👍🏼👍🏼下面撈檬既粉同配菜🥗都一樣好足夠，有齊哂紅蘿蔔絲、芽菜、生菜、亦都夠哂蔥同蒜粒，加埋個撈汁既甜酸汁好惹味! 個汁點下豬頸肉一樣好食😋😋越期待個木棉魚，就越覺得時間過得慢，都明白燒魚係會耐D! 😅好彩佢都完全冇令人失望，一上枱真係好香! 原枝香茅同條魚🐟一齊燒，仲要用粗鹽🧂舖面，所以夠哂香! 我覺得如果可以跟埋一D青檸上會覺提味，不過佢都有跟個辣汁既，點左少少發現，好辣🔥哈哈，講返個魚既肉身都好鮮，用鹽封左所以入面既魚肉有淡淡既鹽香同香茅味，好香🍲雖然肉身有少少乾，不過無損口感，整體都有9分!!! 值得我等左佢一陣🥳最後都唔會少得要叫芒果糯米飯🥭佢呢度都好抵食，55蚊一份係3-4人份，又有哂黑白兩色既糯米🍚芒果甜度剛剛好，係白色既糯米飯有少少硬，好彩佢都夠熱同埋多椰奶，夾埋芒果一齊食好正，食完真係唔想再繼續返工😅😂…Read More

今日涼涼地，早上拜完山剛好就去左莆田食午餐🥣😋最開心就係而家4月份，蟶子節又返黎啦！老豆同媽子都超愛食蟶子，平時多數都係買返屋企自己整、不過出街食就怕唔乾淨。其他食肆我都會怕唔乾淨既，但黎莆田食既我就唔擔心！😜我地夠早黎，第一☝️枱，睇住佢一開門其實都密密有人黎，未夠12點都坐滿一半以上。可能尖沙咀舖頭係人流旺啲！好鍾意莆田既Tiffany blue 主調三個人可以叫個4小食，多啲款份量又唔駛好大😋😚呢個四小併樣樣都唔錯，有水紫菜、凍豬蹄、豆腐同九轉小腸。九轉小腸係迷你牌，雖然層次感冇原裝咁勁，始終係細粒牌，但個味好香。紫菜酸酸香香咁好開胃、豆腐雖然係鹵水味，但又有啲甜感，好食！豬蹄凍都好食，係佢切得有啲細，好難夾得穩。🤗😂媽子最愛食芋頭，所以例牌要食酥炒芋芯🍠，今日呢碟水準好高，個糖面唔太厚、但包得個芋頭剛好，咬落去特別香脆。而且聞落去都有微微咸香味、一個簡單既芋頭都唔只係一種味道，果然有水準！蟶子到啦！呢個時候黎莆田必食蟶子！我最鍾意食呢個鐵板鹽焗蟶子，用粗鹽薦底，一齊焗嘅時候鹽既香氣就浸入左蟶子入面，減咗少少海鮮嘅腥味之餘又好香，但又唔會好濃，完全仲聞到同食到鮮味！🥰而且莆田啲蟶子真係好乾淨，大細又好一致，所以賣相更靚！💯💯💯始終都要食啲米飯🍚類，老豆就揀左興化炒米粉，嘩！本來我麻麻地米粉，但呢個真係冇得頂、個米粉係用興化米粉，幼身得黎米味香、又軟身！加埋佢用蝦、蜆得炒埋一齊又唔乾身但又唔油！老豆話加埋個辣媽醬食真係好夾👍🏼本來係好飽架啦，不過都係聽唔住加多個桂花陳皮燉雪梨🍐原隻去燉真係好滋潤、清甜！大滿足既一餐…Read More

話說上星期同朋友食過天后的早安越南🇻🇳同阿妹講起，佢先話原來我地屋企樓都有!!! 哎呀，真係唔講都唔留意，原來就係蔡瀾美食坊個度，真係唔講唔知😱聽佢咁講完又心思思想黎食啦，因為上星期食完個火車頭🚆真係好唔錯~ 🤗心思思又想食啦，所以今晚又黎左。望真D黃埔呢間分店，都係以社會主義漫畫風🎖做餐廳既主調，我覺得幾有型同好有心思。黃埔呢個舖頭感覺好似比天后個間更加大少少同埋座位闊落D。啲竹藤做嘅傢俬真係有啲越南風格🏝🏜呢間仲要有set dinner，更加覺得抵食! 本來想翻斗食火車頭，但係見到餐牌有香茅雞翼🐥湯河又覺得好吸引，仲要連餐飲58蚊咋😱😱😱😱抵到喊出黎😂🤪阿妹話見我嗰個太平啦，揀返個推介既騸牯牛湯河先冇咁寒酸，哈哈🤪🤩跟餐飲品一啲都唔hea, 青檸梳打落足料，又有原支泰國象牌梳打水🍹一啲都唔欺場我都話個香茅雞翼湯河抵食㗎啦！先講碗湯粉🍜大大碗、分量十足、而且個河粉本身夠薄夠滑，加埋個雞湯湯底本身都好香，加埋啲芽菜、少少薄荷葉🌱好清新。三隻香茅雞中翼份量剛好，唔會過多或太少。而且個雞翼煎得好香，有牛油雞翼既味，雖然香茅味相對唔太重，反而咁樣好啱我！🥰我本身冇聽過騸牯牛，原來係拍閹牛，個牛味相對會更濃郁同埋更嫩滑，咁當然呢類牛數量有限，所以相對貴啲。果然食落係重牛味好多，好香濃得黎又感覺到唔係老牛，肉係仲有彈性！如果要挑剔一啲，唯一講嘅小小瑕疵就係咁啱呢一碗煮得有少少過熟，個牛面有少少鞋左，但都唔太影響口感！而且呢個湯河相對地就落多咗蒜、蔥、同埋多啲洋蔥，呢啲配料都更加提升咗牛肉🐮嘅鮮味，聰明既配搭而且不失越南🇻🇳風味我哋另外再加多一個上湯浸時菜，阿妹揀咗通菜，清清地食多少少蔬菜感覺上營養好一啲，都好欣賞佢都不忘落少少腐乳喺上湯度提味，而又一啲都唔重手，仲食到啲瑤柱絲係上湯入邊，有誠意！買單都係200蚊上落，抵食又好食坐得又舒服😌賺哂！…Read More

成日行過總係見佢排哂隊，門口又裝修得好靚，就決定得閒要試下佢，即係今日😂諗住12點黎應該未係太多人掛，錯左，門口都排左十個八個人，好彩人流都叫快，等左十分鐘左右都入到去。有樣唔好就係佢一定要人齊哂先可以入座，我話我男朋友仲有兩分鐘就到都唔得，唯有再等下一張。有點餐紙亦有個靚menu，第一次黎可以黎下menu再決定，比起阿元來了、六両三其他台灣食堂，佢的確多好多選擇。好似我想食滷肉飯又想食鹽🧂酥雞，喺阿元就要叫兩樣，佢就可以叫口滷肉鹽酥雞飯就滿足到😛🤘🏼…Read More

放工約左舊同事食飯，由於佢係西鐵人，搵個中間位食飯，佢就提議去美孚🐥食。對於美孚既記憶就係舊，我阿爺以前住呢頭，瓜左之後都好少再黎呢邊🙊咁我仲諗住大屋苑都係多連鎖食肆，不過同事話食過一間日本野好唔錯，又抵食、好食同埋旺場，今晚黎到果然多人，門口有幾pair人等緊位。好彩同事book定枱咋！😛小店都係十零張枱，店員都好忙碌下，但我覺得佢地態度都唔錯，幾忙都有禮貌，斟茶🍵呢啲小動作都冇忘記見menu太多選擇，同事就話不如叫個二人餐算，唔駛煩😂就揀左京都二人前料理🎉落單後先黎左刺身，新鮮、鮮甜、賣相又好靚！刺身份量剛好，每人一件有五款夠哂豐富，最好食我會揀蝦🦐肉超彈又爽甜，其他好似三文魚、帆立貝呢啲都唔錯再黎多個凍盤，芒果🥭蟹子沙律，仲要一人一碟，變相每人都有4塊大芒果，好香wow! 蝦子都夠多，兩樣野配埋幾夾！唔錯！我個人呢就好怕食過多沙律醬🥗而且擺得耐少少就好快出水。所以佢呢一個沙律落嘅份量相對地較少，我反而覺得好好食😌壽司同卷埋一齊上，嘩！估唔到有大拖羅🍣呀！真係好多油脂又爆香！海膽同油甘魚都好新鮮，仲有個牛油果🥑卷物都唔錯，牛油果全部薄切，夠薄所以個比例啱啱好，唔會太搶啲飯味👍🏼 舊拖羅咁靚，散叫都要成百蚊，跟餐都有得食真係好唔錯! 食食下就黎埋燒銀鱈魚🐟其實呢個時侯都飽飽地，好彩呢件又薄薄地身，D肉質好滑好嫩👍🏼佢應該搽左D燒汁再燒，甜甜地幾有風味😼食完D冷盤，店員就拎左兩碗湯黎，介紹左呢個係佢地自家製的立魚湯🍲🍲果然好濃好香魚味。唔鍾意魚腥味🦴既人可能覺得會太勁，但我就覺得係鮮，而且佢唔係配味噌，只係用海帶架，仲帶有D豆奶🥛令到個湯出黎好滑。用魚煲既另一大好處係一滴油都冇，好健康，💪🏼好飲!最後黎埋個焗雜菌🍄同埋蒜香和牛🐂初頭以為佢切粒，其實都有成十舊，油香好足，又冇燒到好硬，肉味好出🐮不過燒和牛真係夠哂油水，所以係比較油D，還好都唔係好多份量，冇咁有罪惡感🙊入口即融，大滿足!呢個餐真心抵食，又有刺身有大拖羅海膽壽司🍣又有和牛，都係700蚊，而且估唔到小店水準都好出色，店員都好用心招待，再有機會黎美孚都可以再黎食🤩🥳…Read More

星期六出尖沙咀睇戲，諗住去厚福街附近食飯。選擇其實真係好多，不過最後都係去左鉄火堂食魚生飯。通常黎都係放工後食晚飯黎，估唔到中午黎食真係抵好多! 有$59自選4款、或$69自選5款餸，真係好抵! 因為起碼肯定呢度D水準唔會令我失望。呢間鉄火堂好食在D魚生真係新鮮，就算D連鎖中價日本餐廳都唔及佢。我記得第一次黎晚飯配左一客中拖羅，真係好驚喜，$48一客都算係好甘香同新鮮，油脂比較好好，又有吞拿魚既鮮味! 係香港黎講、仲要係咁平價既舖頭食到性價比真心高。呢個中午飯餐都係一樣，我揀左甜蛋、甜蝦、蟹膏同埋吞拿魚，樣樣都冇令我失望，而且份量好足! 佢每碗都有配菜，有薑蓉同青瓜絲等，配合得好好，賣相都吸引。甜蛋、甜蝦、吞拿魚每樣都有兩切，雖然吞拿魚薄切左D，但好鮮甜又有D筋香。甜蛋、甜蝦不嬲都係我既最愛，佢既甜蛋鬆得黎甜度剛好，而且甜蝦都相當大隻，彈牙得黎當然有鮮味。我估佢都係冰鮮材料，但真係處理得好好，因為冇食到任何雪味。佢個壽司飯係有D微溫，所以同偏凍的蟹膏都幾夾。朋友揀左北寄貝、火炙三文魚腩、碎蔥吞拿魚同左口魚邊。加左手8蚊配冬菇飯，我覺得呢個就同壽司飯分別不大，可能佢個菇味唔算好出，要食入口先食到菇既感覺。當然D材料一樣新鮮，尤其係我試左少少碎蔥吞拿魚，入口個鮮味好出。另外叫左個香辣炸雞粒，份量就好足既，不過個七味粉就有d重手左，食落有D咸，而且個雞粒有D偏大舊，肉質還好啦，都係攞冰鮮雞胸肉切大粒再炸，未係話好出色。黎鉄火堂，都係食返魚生飯同刺身好，有保證。…Read More

唔知點解呢排成日心思思想食泰國嘢，可能就嚟到撥水節掛😂🥳所以放工行落去九龍城食個飯😋今晚就黎左小曼谷海鮮燒烤屋，之前成日覺得佢係大街，而且有主打燒烤海鮮，以為佢好貴……點知一睇佢Menu好抵食! 點都值得一試。先叫咗個椰青🥥同埋菠蘿🍍沙冰特飲，個椰青好大個😆，肉質好爽甜，最緊要係啲嘢水好清甜滋潤🥰已經先加左啲分因為前晚食多左肉，所以今晚叫少啲肉，個咸魚炒椰菜苗🥬呢個係男友揀既，本來我麻麻地，因為我怕咸魚好濃味，但佢又炒得幾香又唔油！椰菜苗爽脆得黎又唔硬，而且佢D泰式咸魚🐟可能同我地食開既冇咁重味，有D似菜甫味咁，吊一吊味又唔係話好咸，唔錯!炒金邊粉🍝既份量比我地想像中多! 兩個人真係食唔哂，呢個係3-4人份! 我鍾意佢D粉夠幼身，係真正既金邊粉，而且又唔會一pat pat，乾濕度剛好，而且個味我都覺得好食，甜甜地，男友就話要加多兩粒青檸🍋提返酸就剛好! 而且佢D蝦🦐真係好新鮮，剛好熟又超爽口! 鐵板蠔餅唔駛講，我最愛! 尤其係佢炸到咁香口，唔明點解泰式煎蛋煎蠔餅🍳呢D可以整到咁香口又脆🤩 而且超多超多蠔，D蠔又大隻同新鮮，果然係海鮮屋🦑🦐🦀🐟🐋店員姐姐仲教我地like 埋fb送左兩粒甜品畀我，個千層糕🍰有班蘭味又夠煙韌，超滿足又抵食👍…Read More

太子剛剛開呢間吉列牛🐮既時侯我地已經食過一次，果然都拍得住日本🇯🇵所以今日放工就揀左黎佢尖沙咀呢間食! 🤓地點黎講呢間真係冇得彈，係海防道超方便之餘，又因為佢上左樓冇咁嘈! 而且呢間原來有D居酒屋🏮既feel，同太子個間個感覺又有D唔同🤔不過最緊要食物質素好就得架啦😋見佢menu而家有燒海鮮🐟、黑豚肉🐷等，其實都好吸引，但係最尾都係揀左牛吉烈🐂🥰真心鍾意佢個吉烈牛外脆內化既感覺。店員友善提醒我地每邊燒十秒就得，真係唔駛多，個面一啡色左其實就差唔多食得，有入口即融既感覺😋😋😚不過呢間旗艦店除左牛吉烈都仲有唔少菜色，因為佢個牛吉烈冇配飯，我地就叫左個一品炒飯🍚除左有鮑魚、帶子同埋魚子醬呢D名貴餸做配菜之外，我最欣賞個炒飯炒得好甜，個甜醬油😍香好入味。而且難得佢用珍珠米炒都唔會炒到好lim好水咁，仲幾乾食，值得推介👍🏼燒年茸茶壺🍵海鮮湯份量雖然唔係好多，湯量就大約每人二杯半茶杯左右，但一開個蓋見到佢放滿左海鮮材料，好驚喜! 入面有蝦、帶子、松茸、蜆等等，每樣都有兩隻，就算兩個人share都可以樣樣材料都食到，而且D蝦🦐蜆等等都好新鮮，D肉一D都唔梅，難得煮完湯後都咁鮮味🥳其實都食到差唔多，不過口痕就叫多左個明太子玉子燒🥚玉子燒個蛋夠甜夠香，配個明太子少少咸少少辣都幾夾，又唔會好搶味。店員仲好nice咁請我地like佢地FB page，而家like完仲有雪糕送🍦大滿足既一餐🥳…Read More

星期六起身諗唔到食乜，本來靈機一閃諗起可以落佐敦食澳牛，但係次次落到去都排晒隊咁，冇晒心機。🙃好彩行行吓就見到呢間Plato Cafe，見到入邊滿晒座，門口個lunch menu都幾吸引，所以就入去試吓🤩好彩兩個人易搵位，店員有禮貌地帶我地坐門口後面一個二人座，又搵左個箱畀我地放袋，幾細心😇👍🏼Lunch menu都好多選擇，而且價位都一樣，由68蚊都158都有😂為食男友就一野揀個最貴既和牛🐮🙈，我就揀左個中價既青花魚柳🐟配柚子汁🍊先黎個餐湯，店員話係西蘭花🥦忌廉湯，不過睇湯既色水就唔太似西蘭花，不過係有啲菜花味，似椰菜花多啲🤔我覺得餐湯配個bread stick 幾得意，脆脆口咁，不過男友就話寧願要包好啲😅🤣我覺得lunch set 食light啲冇所謂啦！而且餐似都幾大杯，而且幾彈性，想轉貴啲既特飲都可以🥳上菜嘅速度同效率都幾好，飲完個餐湯等多2分鐘，我個青花魚柳🐟就來啦。雖然只係一百蚊一個lunch，但係個主菜一啲都唔失禮👍🏼魚柳煎得幾香，而且我揀咗配薯菜份量好足👍🏼🍟薯條香脆得黎唔肥膩、而且個魚唔會煎到好鞋，本身魚油香都幾香，所以配返個柚子汁剛好去左魚腥！不過唯一呢隻魚就係有啲骨，如果可以揀啲冇骨既就會更理想🤗男友個澳洲和牛條配意粉又真係好正，真係一分錢一分貨，一聞到陣肉香同埋見到佢燒得咁靚都知好食！🤤果然一切落去，個牛面係香脆，入面仲係紅色，但又唔會話生，咬落去好嫩又多汁！配既燒汁都有啲黑椒味又唔會過重，做返好佢配角呢個角色！個意粉又係剛剛煮到好彈牙，唔會太淋身！配上個燒汁食都係好夾，份量好足，男友食剛剛好，我都仲有得偷少少黎試，所以158呢個價錢都好抵！如果唔夠飽仲可以加20蚊要甜品🧁好彈性，不過今次食到好飽了，下次一定再有機會黎食野😋…Read More

約咗幾個朋友拜年，但大家都唔想食中式野，所以就揀咗呢間韓國餐廳。之前都有嚟過呢間名家韓國餐廳，佢啲lunch set都幾抵食，而且個view🏙🌃好好，可以望到海景，感覺上餐廳嘅氣氛好啲，又冇咁嘈雜。今日我地有5個，所以坐唔到窗邊啲卡位，不過餐廳都闊落、座位都舒適。由於佢要你點菜先會有小菜畀你，所以建議先叫啲小食。我地點左個三色煎餅，雜菜、泡菜、海鮮煎餅每樣各兩小塊，呢款煎餅可以食齊三個未，都唔錯。食勻三款最好食都係佢嘅泡菜煎餅，忍唔住加多份細既，泡菜醃得剛好👍🏼唔會過酸但又好入味，煎餅既份同材料比例都好好。小菜都好食，尤其係個甜薯仔同泡菜，仲有菠菜、芽菜、黑豆等等好多款。牛類分面由於我地人夠多，可以叫個精選牛肉拼盤再加個五花腩。當中個牛拼盤🥩🥓都好多款、牛舌同和牛扒最好食，又香又嫩又有牛味。啲牛肉靚，好易睇到熟唔熟，唔太難燒。不過我最鍾意食都係燒五花腩，肥肉🥓比例去燒真係好甘香，肉質鮮嫩。不過男友話佢切得較薄，有少少影響左口感。呢度叫肉唔配生菜🥬，所以要另外叫個生菜籃🧺。除左生菜籃我地都叫左個什菜拼盤，因為冇叫沙津。當中燒什菌最好食同埋香，啲紅蘿蔔🥕、薯仔🥔就難燒，佢一厚切就燒唔到了，燒到焦左個心都係硬，有啲可惜。最後叫左水冷麵作結尾，佢個湯好清甜，有淡香雪梨🍐味，而且最好係麵質好幼好滑。食物質素係好，不過服務可以再提升下就更好。可能因為尋晚full house所以都比較忙啦。…Read More