Jonathan Evans's Profile

星期六夜晚跟太太和外父一家打算吃個便飯, 見到這酒樓有所謂任叫優惠以及位置便利, 就去光顧一下. 事後著實頗為後悔..我們叫了優惠裡面包含的芝士龍蝦伊麵和椰菜炒腩肉, 還有椒鹽鮮魷和菜乾豬肺湯. 首先打頭陣的龍蝦伊麵來說, 龍蝦不新鮮咬落口感奇怪,芝士味道突兀跟預期有差, 更令人摸不著頭腦的是竟然會加上洋蔥, 可能這是令口感味道變得奇怪的原因,真是歎為觀止..那個菜乾豬肺湯算比較好, 只是湯水味道有點像調出來..椰菜炒肉很鹹, 椰菜幾乎沒有怎樣切過就拿去炒, 每一件都大件無比, 你可以說它沒偷工減料, 就是這樣的話長輩比較難下嚥吧...最差的是椒鹽鮮魷, 第一口咬下去像雞肉, 感覺是翻炸再翻炸然後翻熱供客, 基本上任一家打冷或小菜都會弄得比這裡好, 然後這裡收費一點也不便宜..值得一提是這裡有一樣特色叫做任叫優惠, 如果只看價目會覺得價錢吸引（某些項目會便宜接近一半）, 但要留意於餐牌一角有一行小字寫上"周末每項每人加$20", 所以如果是週末光顧的話實則乃是原價喔.其實這裡有一個地方值得一贊, 就是很多位子, 基本上walk-in便可不用預約,去到peak hour還是有接近30%空檯.…Read More

因為農曆新年將至, 今日與同事午餐兼吃開年飯, 12:15去到餐廳, 前檯職員(對, 就是於前數十篇食評被罵過無數遍的那位職員)態度惡劣地著我們等候, 當時稱我們等的是下一張大檯. 其後她亦用同等語氣對待其他食客, 不論中外無分國界. 如是者當接近十檯食客(有兩人檯有三人檯)被放入去後, 我們開始發覺不妙 - 跟之前食評一樣這位阿姐似乎沒有打算安排大檯給我們. 因為工作繁忙午膳時間有限的關係, 實在沒有可能再覓食肆, 我們逼於無奈開始與其理論. 起初其只是繼續著我們等候敷衍了事, 及後才開始準備安排, 但她改口風稱我們等的是第二張大檯, 未知是否見我們不願就範心有不甘? 我們終於忍不下去大聲糾正, 該職員才肯承認錯誤.我們最後苦等45分鐘後才獲安排入座, 食物方面普普通通, 是普通一間屋村酒樓都能夠匹敵的級數, 坦白講未有太多可供著墨的地方.無論是食店還是其他服務性行業, 此等服務態度實屬非常罕見, 直達聞所未聞的地步; 更何況作為一間享譽全城的平民食府, 是否更須於其他細節額外注意一下? 觀乎該職員橫行已最少有半年, 投訴個案無日無之, 而餐廳取態似乎選擇視若罔聞...長此以往, 該品牌的聲譽可想而知. 各位網民食客如果想隨便找家點心店, 個人認為附近會有更好選擇; 如果你是添好運擁躉, 那就"請君入甕"吧.…Read More

公司同事聚餐, 人比較多, 想起旺角盛八坐位多價錢又相宜, 於是就再次光顧. 其實之前數次光顧感覺都挺好, 想不到今次會因為一個不可理喻的經理, 而導致不歡而散.講番食物, 我地叫左三個湯底, 昆布同番茄還好, 黑松露味道坦白講有點兒怪怪地...似濃縮忌廉, 實在難以下嚥. 食物方面, 丸菜甜品種類頗多, 但牛肉切得紙一樣薄, 也罷, 放題店要控制開支可以理解, 其他都一般般. 直至最後結賬時, 有位戴黑框眼鏡, 面色黝黑的經理同我地講:"你地食剩超過200g, 冇得用個買一送一優惠" 的確我地仲有少少野未落晒落去同係個煲度, 但絕對屬於可接受範圍, 起碼唔係幾盤野冇掂過果隻, 我地詳細解釋過後經理仍然要收番正價, 並扣住我同事信用卡. 此外, 我地有位同事臨時未能出席, 多左一位, 經理亦都堅持有加無減原則, 要收全費. 需知道, 浪費食物的條款係為防止某些缺德顧客(例如某種用碟鏟蝦的人)過度領取食物所設立, 200g來說等於大半包紙包飲品, 哪怕你只吃剩幾粒丸, 隨時已經超標. 如果食剩食物屬於可接受範圍該條款一般無視, 此為不成文規定. 該經理於今次事件態度惡劣, 我們因要回公司工作決定作罷, 只要求減回一位人頭, 該經理最初亦都拒絕, 經我們堅持才勉強答應.我非常質疑該經理今次的處事手法, 特寫此文提醒讀者們份外小心.…Read More

當日母親節Book左呢間酒店自助餐, 諗住價錢唔算貴可以接受, 打去book位果陣果邊職員話落左五百蚊訂先母親可以做七折, 咁我就去ATM過數fax埋張收據比酒店啦打去酒店酒店個妹妹就話得架啦, 我已經問過佢你使唔使check左先, 佢就話唔使ga la我地收到ga la.到食果晚就出事啦, 個中女經理埋單果陣走埋黎話我地收唔到你張receipt wo, 我就叫佢check 下啦, check完又話真係冇, 我開始火滾, 我直頭叫佢check 接線生同我ge通話紀錄,點知佢同我講酒店對街ge電話冇紀錄ga, 我心諗我大把朋友做酒店你當我弱智ga? 我仲控制到自己, 我反問佢你而家想點, 佢就話照做番折比我, 但我要再send 多次收據先可以安排信用卡credit番個數比我.之後我前後fax又好whatsapp(經理個手提電話)又好, send到佢地收到為止, 當時個經理都書面話番比我聽會做番credit比我, 點知第二日又收到電話, 話佢地做唔到, 要我自己親身去拎張支票wo.成個人即刻著左, 之後佢先醒水話叫人拎張cheque過黎炸.成件事我跟晒程序做, 每次做完一樣野都double confirm酒店okay, 每一次間酒店都話okay但每一次都做唔到!講番D野食先, 其實就不過不失ge, 有生蠔, 但絕對稱唔上肥美, 同埋連洗都費事, 好多沙同殼. 同埋個場冷氣好凍, D野食擺一陣就凍晒, 要食得好快其他野普普通通啦, 冇乜特別, 之前食過一次ge, 第三次就一定唔會有ga la, 如果各位想搵一間平平地ge, 呢間可以ge, 但比錢就要小心d la…Read More

點會$41-$100...佢地d餐起碼都$550兩位...呢個價錢我去食韓燒都得啦...佢仲要得三碟野, 又唔係多...果晚我地叫左個餐有三碟肉, 雞豬牛, 例牌既, 味道同出面任食既韓燒冇乜分別..佢九碟配菜有泡菜有青菜等等, 味道都係冇乜特別, 只要你閒時有去開d 韓國菜食下就知.佢仲有個石頭飯既, 不過冇乜味...同埋得兩碗, 想多都冇...抵唔抵就見仁見智啦...大家可以考慮下...…Read More

同女友去到旺角，大家見肚餓，無端端醒起有個friend之前講起呢間放題，我又未試過，咪走去試下囉。而家諗番，如果我果陣肯開個openrice黎望下d食評，我就唔會如此後悔........一上到七點半，有個部長同我地講"八點last order, 食到八點半"坐低遞左單兩個字倒，黎左少少野 有另一個部長就走黎講"last order, 有咩叫"真係當堂滾左，話番佢知我剛剛到炸wor，佢就若無其事咁走左。成餐飯叫十樣野黎左五樣倒啦，睇番之前既食評好似已經叫有改善(?!)，當然我想食果d就永世都唔黎。同埋呢間野最極品既地方就係呢度既侍應，佢地唔會聽倒你地叫佢，亦都唔會走過黎。我想要wasabi都要叫個肥仔兩次先至應我，跟住佢就拎左碟wasabi "砰"一聲敲落我碟壽司上面，果陣真係有破口大罵既衝動!!!講番d野食先:雞腎冇味，雞軟骨冇味，吞拿魚刺身搵塊郵票都厚過佢...甜品大家都知係mini nestea雪糕就唔講啦...如果唔係呢度評分set左最低一分，我真係想比0分呢間咁既野。…Read More

以前都仲叫做價錢合理+抵食禽日去到d單去得勁慢唔再講(落左五張單,黎得兩張)d野食又凍刺身勁細塊做得差過以前好多d意粉冇味既點會拎d咁既野比人食架?!等都等到冇晒mood以前真係唔錯既而家...我真係好失望囉如果想掃晒興+冇晒mood既就去啦...哈哈......…Read More