kkkkk123456's Profile

食夜晚$588 set。首先最令我一行二人一致決定唔會再黎係全批員工態度差，肉幾好味都無用，價錢唔係平，基本禮貌都無。1. 每人一定要叫同一個set，事前無講，睇menu無講，到order先講，問多句都好似煩到d員工咁😅😅態度又差。2. 想要杯水，經理: “水要收錢㗎喎”。咩年代？茶記以前要紙巾要收$2，依家都免費有紙巾啦😅😅3. 叫完野食員工放低d肉就走咗去，無人講係自己燒定佢燒。等咗2分鐘無人理，我哋問係咪要開爐？ 員工: 你哋頭先影相吖嘛，咪俾你哋影唒相先”大佬，一早影完，呆坐等咁耐，問一句仲要俾員工串，真係好未食都受飽氣😓4. 燒燒下個員工又走咗去，第2 round肉黎到，又等，今次等到有第2個員工路過見到我哋呆等咁耐幫我哋燒😅好彩嘅係有人見到我哋，但呢個價位唔預係無系統地serve客5. 所有肉都無介紹過係咩肉，咁多隻肉係唔知邊樣打邊樣6. 所有員工都係西口西面，好似黎食野係欠唒佢地全舖咁😅環境方面，一入到去係烏煙瘴氣，抽氣唔掂，冷氣唔夠，作為燒肉店呢樣真係扣分。肉方面，肉質素幾好，師傅醃得唔錯，可惜嘅係員工真係趕客。埋單$1294，真係唔expect基本服務態度都無。🌟總結，呢間係俾態度差員工浪費咗入貨(可能係老細)同廚房師傅努力嘅燒肉店。因為所有前線員工(包括經理)共同合作幫老細趕客，所以唔會再嚟👋🏼搵幾多KOL吹大呢間都無肉，keep唔到回頭客，咁真係好咩？ 生意唔好就唔好問點解，答案已經講咗，唔聽都無辦法。…Read More