苗條肥佬's Profile

Honey一整日都唔得閒，係時候一支公去茶餐廳嘆奶茶，本來想去檀島，居然冇位，唯有去隔離嘉華食喇！1.楊洲炒飯：哇！估唔到好食到暈，初初諗唔到食咩，求其叫一樣，點知佢又多料，D飯又彈牙，又香又糯，好味，師傅手勢一流，一級棒！2.奶茶：一般啦，雖然冇檀島咁濃烈醇厚，但都ok架。下午茶餐choice比較少，看見其他人食既野都冇咩吸引，可能剩係楊洲炒飯先至好味，有機會先再試其他。…Read More

晨早流流Honey忽然想唱K, 近近地就去銅記Neway CEO.10點30分可以唱到1點3，每人包一杯無酒精飲品加一個Buffet lunch 或set lunch三層樓咁多，廢事行來行去，就叫set lunch算喇。1,菠蘿海鮮炒飯：好彩一早預左karaoka無好野食，冇期待就冇失望，果然冇味冇道，乾真真。2.意大利芝士焗雞排飯：個醬就酸左D，不過都叫做OKKaraoka主要都係唱K，想食好野不如唱完出去食勒。…Read More

Honey一日睇到某雜誌介紹，即刻叫我訂面飽，好彩都識D日文，如果唔係預訂都有D麻煩。訂三斤厚切丹麥包，105蚊，厚切成15塊，平均7蚊一塊，貴唔貴真係見人見智。訂包要等4日，取飽當天打風落大雨，個條斜路真係唔講得笑，行上去行落黎，全身濕哂，真係老底都濕埋。不過Honey食過之後，大讚好味，自己試過覺得不外如是，有什麼了不起？但確實三日後仍然都咁好味。一係唔去，去到一定要買三斤，買一斤不如唔買，實在好<珍貴>呀！…Read More

同Honey去開City super買野，餓餓地走落一層去和民食下午茶。1.我叫左韓國牛肉石頭飯，黎到渣渣聲都唔講得笑，味道唔錯，但個石頭似乎熱過頭，D飯有D(火羅)味。味噌汁都OK.2.Honey叫左味噌湯面，好濃烈好好味。面質又彈牙。3.兩個餐都送野菜沙律，都好好味。4.飲品就叫左巨蜂提子梳打，一般咁啦。本身和民D食品都好一般，但下午茶就絕對食得過。…Read More

同Honey唱完K，D打壞Buffet真係會食壞人架，送俾你都唔好食呀。行過大有，就上去Suzuki食下午茶餐。1. Honey叫左個公司三文治，好味就好味，但係茶餐廳都可以咁好味，所以無甚特別。2.跟住叫左個鴨胸意大利粉，個sauce好厚好好味。意粉又彈牙，正！3. 叫左兩個番石榴果茶，一杯凍，一杯熱，兩樣都好好飲。4.Honey食完都未夠喉，追加一個肉醬熱狗，黎到嚇左一跳，只熱狗巨大無比，又香又好味，D薯條好脆好味，好食過麥記一百倍呀。下午茶餐平好多，雖然choice唔多，但真係抵好多。…Read More

Honey做到好夜，突然叫陪食飯，即刻仆出去，但都要佢等左15分鐘，等到呆哂，心痛死，雖然Honey話附近求其食，梗係唔得喇，D女人口話是但，如果真係求其去食魚蛋粉，就一定會出事。即刻拖佢去QRE Plaza，好彩平時有做功課，係Openrice已經check過呢間意大利餐廳唔錯，就同Honey試下。1.前菜：蕃茄沙律多士，都好好食，印象分大加。2.意大利Panini:芝士加火腿：貪佢夠快，本來已經有餐飽，再加呢個頂一頂肚先，熱辣辣，又香又好味。跟埋黑醋沙律，又香又新鮮，好食過美式個D沙律好多。3.磨菇鮮蝦意大利粉：哇！正到呢....好食到連個碟都吞埋，個sauce好好味，唔識形容，一定要試下。4.米蘭羊扒：即係吉烈羊架，睇個樣冇咩好感，深棕色一D都唔吸引，但食落又香又脆又嫩滑。5.Tenderloin Steak medium rare 嫩牛肉好似毛巾咁嫩滑，食唔慣會覺得好難吃，但同個sauce一齊吃簡直是天衣無縫，好完美。6.裝修：好靚好舒服，同女朋友黎一定ok7.服務：雖然全部菲藉，但個個都好有禮貌，服務非常好喎。總括來說，收費合理，味道ok，裝修一流，服務有禮，值得一去再去。…Read More

同Honey睇完超動感影院，就過對面野姜吃飯。裝修：遠遠已經見到佢地D裝修幾靚，吸引到客人幫襯。雞扒定食：前菜係綠色酸酸地個D海藻類東西，平時Honey好咀刁，但居然話覺得好食？可能好少食呢D平價野。白飯：一般貨色，無咩飯香、味噌湯就不過不失啦。但個雞扒就得人驚，去骨雪藏雞排，炸到又乾又鞋，不知所謂。牛肉陶板燒：同雞扒定食簡直係天淵之別。牛肉又嫩又滑，配料又多，味道一流，經理推介加多個贊崎烏冬，打只蛋，好味到暈，D烏冬真係正。:)：芝士蛋糕：一般貨色，麻麻地啦。：仲有杯凍檸茶，比想像中好。以Elements既位置，咁既價錢都算超值，值得再去。…Read More

和Honey行街睇戲，倦倦地食少少野，就入去Habitu坐下。D下午茶餐無Wild Fire咁抵，不過是但啦。Beef Panini (HK$65,-) : 個意大利餐飽熱辣辣，好脆，加埋D牛肉生菜又香又濃，正！Ice -Latte (HK$25.-):度度D味都上下，冇咩話好唔好飲。食少少，坐一陣就無妨，開餐就唔抵喇，大把地方平過佢好食過佢啦。…Read More

星期六剛好Honey同我一齊放Lunch，於是衝去大有食壽司，貪佢唔洗排隊兼靜焗。去到兩點幾，太肚餓，等唔到下午茶優惠，叫左食先。三文魚壽司：全部係魚腩，正！蟹子壽司：OK喇鰻魚壽司：比較乾身，唔夠肥美。帶子壽司：巨大又肥美，好味。炸薯餅：又乾身，又美味，一D都唔油膩，正。蝦壽司：好味道，夠新鮮。下午茶優惠開始後再追加：鴨胸壽司：估唔到都OK喎，熱辣辣都算美味。總括黎講，又平，又唔洗排隊，又靜焗，味道都ok，同女友黎最少都舒舒服服唔會詐型。…Read More

以前試過下午茶，今日同Honey早到左灣仔，就去試下Lunch Set。湯：磨菰忌簾湯，杰得黎水水地，難以形容；味道似有若無，好飄忽，好難捉摸。麵包：熱熱地都幾好味，及格。主菜：Honey Order 蜜糖芥茉汁燒羊架，遠遠拎過黎個陣已經聞到陣陣香味，燒得又嫩又滑，正！我叫左西冷扒，Medium rare，好嫩滑好好味，個Sauce都好正。甜品：焗蘋果盅，加埋D Cream落去食，唔會太甜，好好食。餐飲：Ice-Laichee Tea果茶，好清甜，好Flesh88蚊一個餐仲唔洗加一，十一點上到去食冇咩人坐得好舒服好靜。下次再去過。…Read More

Honey急call話肚餓冇時間食野，砰砰聲衝去IFC買外賣，全IFC叫做最快最平係佢地。所以入去掃野食。佢地好proud咁話自己D野好新鮮，無防腐劑咁講。Club Sandwich:公司三文治，同茶餐廳個D完全唔同樣。入面有新鮮生菜同蕃茄，仲有煙肉同雞沙律。D味道好Flesh，好Light，完全唔似食緊三文治，好似食緊沙律咁。Caesar Children Sandwich味同Club sandwich差不多，但少左D煙肉既crispy鵬脆既感覺。本來仲想買其他款，但好可惜多數格都賣哂，個雪櫃空Nel Nel咁。下次早D去再買過。…Read More

今日Honey早左放食Lunch，可以去遠D既地方食，所以碌左去銅鑼灣吃。睇Openrice食評之後，想黎呢間吃好耐，終於可以試試。配菜：薯仔，啡色海藻，黑色海藻，kimchi，莧菜，篙篛，西蘭花，椰菜花.....最好食既係薯仔，其他都OK，比其他韓國餐廳既配菜有D唔同。主菜：栗子牛肋骨煲，栗子得一粒半，牛肋骨燜得好淋好入味，紅蘿蔔同白蘿蔔都好好味。飯：海鮮石頭鍋飯，又香又熱又有飯焦，正！白飯：食落有D似日本米，佢地唔會用韓國米咁重本卦？湯：好多牛肉同白蘿蔔，應該用左好多牛骨煲既。好濃郁。雪糕：綠茶雪糕，Honey食得出係牛奶公司家庭裝貨仔，即刻冇哂興趣。服務：呢度有個怪現象，女服務員個個笑微微，又有活力，男服務員個個死死下，好似D遊魂係度飄飄下，仲冇哂表情咁。Honey好少話要番轉頭再食，但係都話唔錯，而且夠平呀，食到成臺野，都係百零蚊，抵啦。…Read More

唔知食咩好，是但食一間，盲中中上左去，好彩都OK。唔洗講梗係食放題。前菜：除左Kimchi之外，其他都麻麻地，整多兩滴麻油都好丫，仲有D菜有少少酸酸地，大熱天時，隱陣d都係咪掂。雞翼：First Choice喇，一字記之曰正！牛肋骨：夠味，好食魷魚：OK，不過不失魚：幾醒，唔好食其他：全部基本上一樣味，無咩分別。人參湯：咸到飲唔到，sorryJelly：好正喎，味道剛剛好，唔會太酸太甜生果：得西瓜一樣，不過好甜165蚊一個人叫做不過不失喇，劈場算係咁啦。如果細食不如去日式燒烤店好過，價錢差不多，質素就無得Fight啦。…Read More

下午又無時間慢慢食，經過大手町，即刻買過外賣。最近成日酷熱天氣，都係Order D熟食隱陣D，所以揀左牛肉生姜燒定食。前菜：唔知漏左定外賣無前菜，無得食。味噌汁：好好味，唔會淡茂茂。牛肉生姜燒：牛肉炒得又香又嫩又好味，Honey平時唔食洋蔥，今次都食哂，仲話好好味添，個師傅都有幾十年功力。飯：日本米點講都好食D見人地食緊魚生飯，好似好和味，下次要試下。…Read More

同Honey食午飯，就在工作地點附近吃，今次揀了法國餐。Set Lunch 平的百零蚊，貴的都係二百幾，裝潢咁華麗，應該算抵喇。1. Honey appetizer要Prawn，大蝦好惹味，有三大隻，個sauce好厚，好好味。2. 我要Foie Gras，個Liver都Creamy，配番D迷你Toast，一D都唔會過咸。3. Main course Honey要Grilled Lobster，龍蝦好好味，但得半邊，幾細件，女仕吃剛剛好。4. 我要左Shirlon Steak Medium raw， Shirlon steak夠味，個醬都好味。5. 不過D伴碟用薯條就有D失望囉。6. 因趕時間，無試到甜品，下次再食過。IFC內法國餐廳得呢間，要食就只可揀佢。…Read More