travis.bchan's Profile

呢間開到好夜，之前同班朋友食飽飯，未夠喉就會過嚟呢邊食甜品。難得咁齊腳，可以一次過嗌多幾樣嘢食，咩都有得試吓呀嘛！～韓式魔鬼OREO碎碎雪奶 ：好似食緊髒包咁，OREO碎碎覆蓋晒成個冰，食完成個咀都好髒，但真係好好味！ 迷人草莓韓式牛奶軟雪糕：好似芭菲咁，士多啤梨味道，又酸又甜，加埋士多啤梨果肉同糖漿，簡直係迷人pink lady咁呀！韓式芒果芝士蛋糕雪糕窩夫：一塊大大、厚實嘅窩夫，上面有新鮮切粒芒果、忌廉、方形嘅芝士蛋糕同埋芒果雪糕，好豐富，好飽肚。海洋荒島(荔枝味)：海洋嘅顏色，好夢幻，睇到都好消暑！上面仲有一球雲呢拿味嘅雪糕，仲有粒粒椰果，好有口感架。…Read More

有朋友外國返香港想搵個地方食個飯聚頭，無意中發現咗呢間西餐廳，裝修同佈置感覺都幾靚，於是抱住試下同埋可以打靚卡嘅心態去試。結果出乎意料之外好食！呢個價錢嚟講係CP值好高 仲要味道真心唔錯！一人一個lunch set。一set有櫻花蝦溫泉蛋沙律配日本胡麻沙律醋汁 (Starter）+扒紐西蘭羊鞍 $268。覺得個沙律好正，除左好fresh, 溫泉蛋同櫻花蝦配搭都係我嘅至愛！全部撈埋一齊食超正😍😍跟住個羊鞍真係好厚，但肉質係軟嫩，同埋都好多汁tim!質素絕對對得起價錢😁另一set有羅宋湯 （Starter) +紐西蘭西冷扒（9oz) 拼大蝦配紅酒燒汁 $198。9oz嘅扒其實真係大份架，朋友想食7成熟，廚師都真係做到剛剛好！我都試左舊真係好軟腍同同我個羊鞍一樣好juicy!!!所以總括黎講兩種扒都好高cp值！…Read More

首先點解我話堅係隱世餐廳呢，因為餐廳位於工廈，由火炭D出口大約行7-8分鐘。我知道有呢間餐廳主要係同事推介同帶路🫡🫡食完一次都想keep住間唔中又黎下，因為成間野嘅野食其實好抵，同埋地方夠大，成條team過黎食都真係得！講返今次嗌左咩～-炸子雞配凍檸水-吉列豬扒配沙律炸子雞個皮炸得好靚喎，咬落又脆脆😚裏面啲肉幾嫩滑，好掂喎！！薯條量佔左一半，香脆夠熱，好食過d快餐店呀！仲有兩棵西蘭花伴下碟。吉列豬扒原來係咁大塊㗎😲😲唔會過厚難咬，反而肉質幾腍又香，加上咬落又唔會乾爭爭。沙律果邊又係佔左一半碟，呢個份量幾好，抵讚！…Read More

帶屋企人嚟食午餐，估唔到呢間年輕路線嘅cafe又幾岩佢食喎，證明啲野食真係好掂！！！cafe都幾多座位而且幾寬落，坐得舒服好重要架👍👍啲野食就全部我揀嘅：火炙春雞半隻配薯菜 、明太子手羽全日早餐、甘粟天使牛角窩夫配雪糕。火炙春雞好滑嫩，睇落以為細隻但其實啲肉係厚架，個皮微脆，唔錯👍明太子手羽全日早餐我地都比好高評價，因為個雞翼太出色啦，入面嘅明太子好足料，咸香味好出眾！當中嘅窩夫🧇內裏麻薯，口感好好，好加分！甜品都有好幾款揀，我地個甘栗天使牛角窩夫配雪糕好好食，一絲絲嘅栗子蓉好香濃食完之後呀爸提左唔只兩次要同媽媽兩個人黎食😂…Read More

最鐘意周圍遊走香港各區，食正嘢，無論平民貼地餐或者高尚餐廳，都要試盡佢。嚟到荃灣，上網有推介呢間港式茶記，位置都幾容易搵。門口同入面都俾我嘅感覺都好懷舊，好地道嘅港式味道。今日入去試一試，果然冇揀錯，夠晒香港味道。下午茶嗌咗個炸雞髀配埋一杯冰凍嘅紅豆冰，真係透心涼～～生炸雞髀，炸到金黃香脆，皮脆肉嫩，一咬落去，爆汁。加多一碗沙嗲牛肉公仔麵，牛肉片大大塊，沙嗲醬醃咗之後都幾濃味，配埋清湯底公仔麵，咁就唔會太鹹。…Read More

以前細細個住係黃大仙，屋企人成日帶自己去呢間主打潮洲菜既小店，地方唔算好大，不過好有懷舊既味道，值得一試😀秘製豬扒麵唔好以為係普通既豬扒麵，佢地既豬扒好出色，大大塊又好入味，重點係口感軟諗，麵質都好爽彈，黎到如果想食麵既要試下枝竹蘿蔔清湯腩 清湯牛腩甜甜地好香口，入口軟諗，另外個枝竹蘿蔔吸收曬啲湯汁好入味，送飯一流下次會再黎試埋佢地既黃花魚同蠔仔🦪粥，佢地最出名既都係潮洲菜，味道都好正好正宗👍👍👍…Read More

經過旺角見新開左間越南餐廳，果日見都好多人食就試左，味道都唔錯有驚喜! 越式香茅燒雞 因為得2條友就叫左半隻，外皮燒得好靚仔，食既時候帶點焦脆，香茅味都好重，好有風味，雞肉嫩滑明爐烏頭魚烏頭魚大大條，肉質很滑，用左越式方法去整，調味酸酸地好開胃，值得一試 酸辣海鮮湯檬 鐘意食海鮮既朋友仔要試下! 好豐富，入面有鮮蝦、瀨尿蝦同扎肉，蝦肉彈牙，比較特別係有瀨尿蝦，幾特別! 湯檬係越南幾出名，吸收湯汁之後好好食，好鐘意個湯底…Read More

早排朋友話佢屋企附近開左間台式餐廳幾好食，今次終於去左食，menu選擇多，價錢都好大眾化，味道都好有台灣味，值得一試滷豬扒麻醬涼麵 $48炸豬扒食得多，滷豬扒都好入味，口感軟諗，麻醬配上涼麵係絕配，咁多款入面自己最鐘意呢個，好食又唔會太heavy 沙茶羊肉配飯$78平時真係好少食羊肉因為好怕有陣騷味，估唔到加左沙茶一啲騷味都冇，配埋飯一齊食好惹味 檸檬薏米冬瓜茶$18平時都好鐘意飲檸檬薏米水， 冬瓜茶入口香甜，有助解膩，呢個好推介丫，岩曬呢個天氣飲…Read More

見網上咁多好評決定黎試下呢間越南菜，價錢唔會好貴，啲店員都係越南人，又識廣東話都好nice!越式香茅燒雞 上網睇圖最想食就係佢! 叫左半隻份量都好多，燒完外皮香脆，肉質燒得剛剛好好肉質仲係好juicy，食完已經好滿足，好好食頂級生牛肉平時少食生牛肉，因為好怕會唔新鮮，呢度就冇呢個問題，牛肉口感軟諗，牛味好濃郁，就咁食/沾醬汁都可以，值得一試蒜蓉炒通菜炒通菜大大碟好爽口，加入蒜蓉調味香口惹味，食既時候不會過於油膩，送飯一流…Read More

本身都知馬鞍山無乜好野食，所以係佢裝修緊已經對佢好大期望😍終於等到佢開張，就緊係要去try try la，估唔到都做到泰國精粹喎👍🏼佢除左有泰菜之外其實都仲有啲西式啲既野，不過我欣賞佢地個位係真材實料🦐見到個冬陰功湯入面個蝦都好大隻，味道方面都好岩我，夠哂酸辣🦐大頭蝦冬陰功湯$83 🥬泰式香辣肉碎生菜包$80🐷碳燒豬頸肉$75另外個泰式香辣肉碎生菜包唔會太辣，同樣都係酸酸地好開胃🤤生菜份量都夠，唔會好似有啲泰國菜咁最後要就咁食啲辣肉碎🤣最後個豬頸肉燒得好香口，因為啲油脂燒哂出嚟，所以食落並唔會覺得好膩成口油，反而只係得好juicy既感覺👍🏼…Read More

最近到油麻地呢間火鍋雞煲店品嚐了他們的招牌菜「辣酒花螺雞煲」使用新鮮的花螺，配上辣椒和獨特的酒香味道好好食！花螺肉質鮮嫩，煮之後更加彈牙，酒香能提升整道菜的層次感 辣椒讓整個菜餚有了一種辣辣的刺激，一口一幸福他們的牛柏葉和羊肉都非常鮮美，口感豐富，值得一讚羊肉大大塊肉入口嫩滑，牛柏葉爽口！而特色的皮蛋更是一道必吃的配菜，口感細緻，仲有流心效果，帶來另一種獨特的風味佢地follow page星期日至四黎食仲有全單85折，好抵！下次會再來朋友黎食…Read More

旺角真係好易搵食，尤其是搵高質嘅嘢食，依家應該係新加盟嘅首選😆😆👍👍👍朋友介紹試咗佢哋招牌嘅*海鮮濃蝦湯麵* 真係冇介紹錯！ 成碗麵嘅份量已經勁多，再配上鮑魚，糖心蛋，帆立貝，櫻花蝦等等，最出色嘅當然一定係個湯底，好入味，唔怪得我見個個都一定要點呢個，真係必食👍另一個主食，我哋就揀咗呢個， 牛寶寶蝦汁拌麵， 湯底有另一個小碗裝住，自己鍾意加幾多都得，又係超足料，有大大塊嘅清湯牛腩，慢煮牛肩胛， 蛋絲，糖心蛋，最鍾意嘅就係牛肩胛，好林，好入味，大大塊，超滿足❤️再叫埋小食，同樣出色！ 叫左椒麻鮮螺片，大大塊螺片，抵，啲汁係底，唔算太辣，好惹味！ 脆炸雞塊都好正，熱辣辣大大粒！ 啖啖雞肉，滿足我呢個食肉獸🤣🤣🤣🤣🤣…Read More

好多時候食素菜都唔會太多選擇😫最近係番工附近見倒一間素食自助餐，見倒款款都好有心思，間唔中食餐素都不錯喔，價錢都好抵😽西蘭花豆腐豆腐好滑，配上西蘭花更有口感😝調味剛剛好唔會話太鹹太清淡酸齋用左使用麵筋製作而成🤓甜甜酸酸好開胃，自己都食咗好多舊北菇扒海參經過炆煮後好入味😙幾鐘意個冬菇好軟諗，值得一試最後一定要試下佢個笑口煎堆賣相吸引，仲要係佢哋自家手工自製，有南瓜同埋紫薯味揀，自己兩款都好鐘意夠曬清甜…Read More

鍾意小漁村因為價錢合理，食物又有水準，任食得來有質素👍🏻👍🏻唔會粗製濫造，所以已經喺短短一個月已經食咗兩次😂開頭先食海鮮拼盤🤩我就認為中間啲薯角同埋麵條先係重點，入味到不得了。跟住烤魚可以無限食，唔好諗住放題就會將價就貨，呢度嘅烤魚雖然係任食，但係超級大條🤣魚肉嫩滑，好鍾意食面頭啲酸菜，酸酸辣辣好開胃。最正嘅係只要follow and like 左佢地既社交平台 , 就有牛頸脊任食 🫶🏻咁抵食完真係覺得好幸福。另外任飲除咗可樂之外，最鍾意有維他凍頂烏龍冷泡茶😍可以解膩，又唔肥。咁高質嘅烤魚放題，大家有時間一定要試吓。…Read More

今日同舊同事食飯，佢極力推介running燒，最後我哋就一行四人過嚟試一試佢😁既然咁耐冇見我哋就諗住食得好啲🥰決定試有和牛嗰款放題。首先我哋食咗海鮮先，有鮮蝦，帶子，帆立貝。估唔到size都幾大隻，每樣都好新鮮，唔會有過多嘅調味，唔錯。另外肉類方面，牛頸脊封門柳都係我哋又再返叫嘅，相對其他部位冇咁油膩，而且厚切令牛肉更有口感，絕對不輸外面單點形式的韓燒餐廳。另外燒生蠔都係好正，勁大個，上面鋪滿晒芝士，燒熔左超級好味，雖然好邪惡，但堅正😆最正最正嘅係啤酒仼飲😝仲要係日本出名品牌SUNTORY，平時一田買都唔平，呢度任飲真係好爽，一大班朋友過嚟飲下食吓真係好開心。…Read More