stephanielam18's Profile

今日喺荃灣經過呢間食爆汁生煎包專門店，門口d相已經好吸引，保證生煎包一定爆汁，見到餐牌價錢唔貴，就入去試吓。招牌炸雞扒菜飯套餐係包咗一隻生煎包，生煎包底部煎到勁香脆，而入面勁juicy,肉涵好嫩滑，都幾大隻，炸雞排炸到外脆內嫩，菜飯都幾大碗，套餐真係好抵食。招牌炸豬排挫缅+生煎包炸豬排d肉質唔會柴，都幾嫩，而d麵都好彈牙，吸晒d醬油味，唔錯。瀬尿蝦生煎包呢個係佢地新出品，瀬尿蝦生煎包真係第一次見，咬開d皮，見到好多瀬尿蝦肉，真材實料，先飲飲佢個湯汁，真係好鮮味，好鮮嘅海鮮味道，加埋d嫩滑肉涵，勁正。豆漿係免費無限refill,豆味非常濃郁，唔算太甜，好味。…Read More

今日同朋友行完街想食酸菜魚，原來港威有間食酸菜魚，價錢又唔貴，佢地有個套餐都幾抵食，有酸菜魚同片皮鴨，2個人食啱啱好。姚姚酸菜魚雖然係2人餐，但份量都唔少，有大量嘅魚片，食落魚片都非常嫩滑，d酸菜都幾好味，唔會太過酸。北京烤鴨烤鴨個皮真係好脆，因為佢切走晒d肥膏，所以唔算油膩，而d鴨肉都幾嫩，唔會柴，加d醬，加埋d惹絲，青瓜，勁好味。孜然椒鹽鴨架食落好惹味，好香孜然香味。麻麻辣辣口水雞個麻辣汁好香，唔算太辣，d雞肉都幾嫩滑。低糖紫米豆漿＆低糖黑豆漿呢2款豆漿個豆味都幾濃郁，唔年好甜，唔錯。…Read More

今日同朋友喺旺角雅蘭食牛角buffet,佢地有幾個餐可以選擇，我地見到呢個餐都幾抵食，有齊牛，雞，豬，價錢唔算太貴，平日食仲有優惠，牛角嘅質素都幾好，所以唔使諗就入去試吓。肉類就用QR code落單，款式都幾多，有牛五花，牛肩脊肉，牛舌，雞腿肉，大腸，雞翼，多春魚等等，每款嘅肉都可以選擇味道，例如，味噌，燒肉汁，鹽味等等。d牛嘅質素都幾靚，肥瘦均勻，燒完仲保持肉質，唔會柴，而其他肉都幾新鮮，唔錯。除咗QR code落單之外，出面仲有大量飲品，沙律，前菜，炸物，蔬菜，甜品等，任攞任食，呢個燒肉放題真係好抵食。…Read More

今日天氣突然轉涼，涷涷地緊係去打邊爐啦，旺角創興一向都多野食，見到樓下姐姐派傳單，見到有台式火鍋，價錢都唔算貴，就決定黎呢間台式火鍋。佢地都幾多湯底選擇，食台式火鍋緊係要辣麻湯底啦，仲叫埋沙嗲湯底，麻辣味同沙嗲都勁香，用黎打邊爐最啱。我地叫咗幾款牛肉，極上無骨牛小排，手切肥牛，特選安格斯黑牛仔等等嘅牛，每款都好靚，食落好重牛味，都幾嫩，我地encore咗好多轉，質素都係一樣，唔錯。佢地d海鮮都好新鮮，白膳片好嫩滑，脆肉鯇夠晒爽口彈牙，蝦非常新鮮，好鮮甜，除咗QR code叫火鍋配料之外，出面仲有大量火鍋食材，有蔬菜，台式丸,鴨血等等。我地仲加購咗一隻乳鴿，滷水味非常香，好入味，肉質好嫩滑，正。出面仲有大量飲品同甜品，款式都幾多。…Read More

今日同朋友喺沙田搵野食，經過好運中心,見到呢間門口d小菜相好靚，睇睇餐牌價錢一d都唔貴，就入去試吓。不二毛血旺飯好少地方有得食毛血旺，佢地都幾足料，有黑牛栢葉同鴨血，佢地煮得非常入味，仲有芽菜，午餐肉，鵪鶉蛋，非常豐富。水煮牛肉飯我地叫咗少辣，唔算太辣，入面有大量芽菜，吸收晒湯汁嘅味，非常惹味，而d牛肉非常嫩滑。牛肉麻辣香鍋飯呢個香鍋好惹味，有晒麻辣味 香辣味，牛肉表面有焦香味，吸晒d醬汁，仲有大量配菜，有蓮藕，薯仔，油麥菜，抵食。百香果梳打＆咸檸檬可樂2款飲品都幾好飲，百香果酸酸甜甜，而咸檸檬夠晒下火。…Read More

今日經過燉湯2人餐，見到都幾抵食，有燉湯，有2個小菜，有2個主食，有2個飲品，埋單都唔使200蚊。鮑魚姬松茸老雞個燉湯都幾足料，有鮑魚，雞件，雞腳，冬菇，松茸等，味道濃郁，飲完唔會覺得口喝。鹽焗雞半隻隻雞都幾大隻，雞肉好嫩滑，味道咸咸地，好入味。梅菜扣肉一睇個顏色已經知道好入味，d梅菜吸收晒d醬汁味，非常好餸飯，扣肉唔算太肥，肥瘦適中，見到每層肥瘦雙間，勁正。我地轉藜麥飯，同埋扣肉一齊食，又幾夾，飯質煙煙韌韌。…Read More

今日去食呢間鰻魚專門店，呢間日本餐廳裝修好高級，好有日式風味，佢地有個透明廚房，可以見到師傅燒鰻魚，佢地係用備長炭燒鰻魚，好正宗嘅日本風味。我叫咗鰻燒和牛三吃丼原條蒲烧鰻魚一條，份量都唔細條，未食都聞到炭烤嘅香味，外面燒到焦焦脆脆，而入面肉質非常嫩滑，鰻魚嘅油脂味勁香。日本A5宮崎和牛井，和牛入口即溶，勁香牛嘅油香味，牛味都好重，食落非常嫩，而d日本飯都好軟，吸收晒d牛嘅香味，好正。個丼飯第二食就係用目本生蛋黄甜，撈飯食，蛋味濃郁，第三食就係加紫菜，芥末同蔥花，加埋佢地嘅高湯，做茶漬飯，清清地，唔錯。鰻肝湯呢個湯清清地，鰻肝嘅味道帶少少甘，飯後飲，可以解油膩感。…Read More

Beef Sirloin呢份燒安格斯澳洲敦飼牛扒，我地叫咗7成熟，燒得啱啱好，完全冇overcook,牛排入面仲保持嫩滑，外面焦無脆脆，食落好重牛味，正。Maple Bacon Cheese Burger呢個burger份量十足，好大份，仲要配埋脆卜卜嘅薯條，薯條勁正，好香口，而burger入面塊漢堡扒好juicy,d肉好嫩，仲有塊好香口嘅煙肉，加埋芝士，好正。British Trifle Pancake呢個pancake有我最鍾意嘅士多啤梨，士多啤梨都幾甜，加埋軟淋淋嘅pancake,好夾，pancake食落都好香蛋味，連埋吉士醬同cream一齊食，勁滑。…Read More

今日同朋友黎elements行吓街，又到食dinner嘅時間，原來戶外頂樓，都有幾間餐廳，我見到呢間餐廳氣氛唔錯，裝修得幾靚嘅酒吧西餐廳，決定入去試吓，睇睇餐牌，價錢都唔算貴。Buffalo Wings炸雞翼即叫即炸，外皮炸得好脆卜卜，入面雞肉仲好juicy,好嫩滑，仲有2款醬汁點雞翼食，有沙律醬同水牛城辣汁，增加雞翼風味。Spicy Pepperoni我地叫咗12吋pizza,上枱果時店員即場刨d芝士落個pizza果度，所以芝士份量勁足，呢度d pizza,餅底係薄批，食落份外香脆，而d涵都幾多，辣肉腸味道都幾惹味，配埋勁多芝士嘅pizza，味道好正。甜品我地就叫咗brownie,上枱熱辣辣，啱啱焗起，d朱古力味好香濃，唔會太甜太漏，配埋雪糕一齊食，唔錯。…Read More

朋友今日帶我黎呢間位於尖沙咀嘅串燒店，佢話好抵食，最平10蚊一串都有。睇睇餐牌，佢地串燒款式都非常多，一d都唔貴，黎呢度叫咗勁多串燒同野飲，消費都唔算貴。所有d串燒水準都幾高，燒得啱啱好，唔會過熟而柴，味道適中，保持食材嘅本身味道，燒得好香口。溶岩炸蝦球一咬落去，入面d芝士爆晒山黎，蝦球好彈牙爽口，外面炸到勁脆。鳄魂麻辣和牛面頰個麻辣汁非常惹味，牛面頰好有口感，煙煙韌韌，好正。鴨屎香檸檬茶唔算太甜，酸酸甜甜，好香檸檬味。鳳仙起舞飲落好香菠蘿香味，加埋梳打汽水，好爽。…Read More

今日同朋友黎呢間主打潮汕牛肉嘅火鍋，一上到去已經勁多人排隊，好彩有訂位，好快已經安排到座位，睇睇佢地嘅餐牌，都有分A,B,C餐，我地選擇咗B餐，呢個餐有得任食潮汕牛肉唔同嘅部位，包括有五花趾，吊龍，匙柄，雪花牛，胸口油，仲有唔同嘅炸物同熟食。首先上個呼拉圈牛肉拼盤，有不同部位嘅潮汕牛肉，食落d牛味好重，唔同部位質感都唔一樣，每款牛都幾有特色。鮑魚都好大隻，蝦都好彈牙爽口。呢個餐仲有海鮮拼盤，d海鮮都幾新鮮，d蠔熟咗好仲好脹卜卜，好鮮甜。除咗QR code叫野，出面仲有大量蔬菜，火鍋配料，飲品同甜品任飲任食，種類都幾多。…Read More

朋友今日帶我黎呢間餐廳，話可以生蠔任食，除咗生蠔仲有沙律，主菜，意粉，甜品，都幾抵食。Parma Ham沙律Parma Ham食落好香口，咸香味適中，包埋沙律菜喺入面，好fresh。甘旬忌廉湯甘旬味好濃郁，好creamy,好滑，個蒜蓉多士烘得好脆口，用黎點湯食一流。呢3款蠔嘅size都幾大隻，每隻都好新鮮，係即開即食。日本宮城生蠔,食落比較爽口澳洲哥芬灣生蠔，食落好重海水味，好重蠔味法國諾曼第生蠔，食落好creamy，但都幾爽口黃油蟹粉手工意粉意粉嘅質地非常爽彈，煮到啱啱好，呢個意粉嘅黃油蟹粉非常足料 ，勁多蟹粉，每條麵都沾滿晒蟹粉，蟹粉都好鮮味，勁滿足。香煎比目魚扒配香草忌廉檸檬汁魚嘅外皮煎得好香口，焦焦脆脆，魚肉食落好軟滑，完全唔腥，個醬汁有少少檸檬嘅酸味，同魚扒好夾。黑碑極黑安格斯牛助骨牛肋骨嘅牛味好重，食落肉質幾嫩，完全唔柴。今日甜品係巴斯克蛋糕，食落芝士味好重，唔算太甜，味道啱啱好。個餐包咗每人一杯紅酒同白酒，飲落好順喉，好易入口，唔錯。店員話8：30後入座仲可以任飲紅白酒，非常抵食。…Read More

今日同朋友去中環chill一chill，見到呢間有串燒食嘅酒吧，都幾有氣氛，佢地串燒同酒嘅款式都幾多，價錢唔會太貴，就去試一試。呢款人氣豚肉組合都幾抵食極品即燒乳豬，呢個乳豬真係好正，豬皮勁脆，d肉好juicy,燒得啱啱好。除咗荔枝豚肉卷，椒聽日本黑豚仲有炭燒豬頸肉，真心抵仲有呢款人氣雞肉組合有招牌雞皮墨魚滑，雞皮好脆，墨魚滑夠爽彈，mix埋一齊幾好食。另外芝士雞肉串，雞肉軟骨棒同蜜糖雞翼，每款都好好味。招牌茄子燒茄子勁淋滑，加上大量蒜，好惹味。炸大八爪魚足份量都幾多，炸到外面脆卜卜，而入面d八爪魚完全唔韌，好惹味。黑松露烤蝦多士呢款都幾有特色，黑松露好香，加上蝦膠爽彈鮮味，好夾。招牌無骨自鱔串白鱔都好厚肉，食落好爽口，個皮勁Q彈，好新鮮。香蔥燒蟶子王都幾大隻，內質好彈牙爽口，味道好鮮甜，燒得啱啱好，冇overcook，唔會韌。我地叫咗勁多串燒，每款都好正，燒得啱啱好，食到停唔到口。食串燒唔少得叫酒飲，我就叫咗Vodka Lime，飲落有淡淡嘅檸檬香味，唔錯。…Read More

今日經過旺角，見到呢間新開嘅越南餐廳，裝修得幾有越南風情，睇吓餐牌，d食物種類都幾多，價錢都唔貴，所以入去試吓。手打蝦餅(大)炸餅外皮炸得好香脆，唔會太油膩，蝦餅非常爽口彈牙，點埋雞醬食一流。地道越式炸香卷啱啱炸起，熱辣辣，外面好鬆脆，入面涵料非常足料，唔錯。豬扒炒金邊粉份量都幾多，豬排好嫩，一d都唔柴，金邊粉炒得有鑊氣好乾身， 唔會太油膩。越式香茅雞翼撈檬粉雞翼好重香茅味，幾香口，雞肉好juicy,檬粉好彈牙，個粉酸酸甜甜，好開胃。鮮世果沙冰應該係用真果肉打成沙冰，好香芒果味，唔會太甜，上面仲有芒果果肉，正。…Read More

Fish & Chips有2塊炸魚，外皮炸得勁脆，入面魚肉好嫩滑，好有鮮味，d薯條炸得好香脆，外脆內軟，食到停唔到口。Iron Grilled Flank Steak牛排叫咗7成熟，煎得啱啱好,完全冇overcook,食落牛味好重，肉質都幾嫩，芒果梳打非常夠汽，飲落好爽，好香芒果香味，唔錯。Hojicha Pancake焙茶味嘅班戟都好少食到，估唔到呢度嘅焙茶味非常濃郁，好香茶味，個焙茶cream好滑，好creamy，上面仲有朱古力脆粒增加口感，仲有煙煙韌韌嘅黑糖蔗餅，增添日式風味。…Read More