renetsang94的个人专页

呢排日日都叫外賣食 都唔知揀咩好 咁岩見到呢間新開嘅餐廳就諗住試試佢 叫左個蒜香豬扒煎蛋菜飯同腩片酸辣粉套餐 但整體都好失望-煎香豬扒煎蛋菜飯睇樣係炸豬扒 但外賣上黎已經唔脆身 亦冇乜蒜香味 不過味道口感都正常 煎蛋入面仲係流心 撈飯食都唔錯最失望係個菜飯 根本稱唔上係菜飯😓啲菜少得可憐😓腩片酸辣粉套餐套餐有酸辣粉 麻蝦肉生煎包同豆漿朋友話酸辣粉係無味 只得好微微嘅酸 酸辣粉嘅口感唔似平時食開咁 有啲似瀨粉咁椒麻蝦肉生煎包就正常發揮希望餐廳會改善下😓…查看更多

個位置冇記錯應該同以前係一樣 見佢新開 本身都唔敢抱有太大期望 但估唔到比想像中好食 環境比以前個間新淨舒服啲 朋友表示以前個間似鄉村學校😂-青醬帆立貝大蝦意粉意粉質感剛好 但略嫌鹹左啲🙈 帆立貝同大蝦各兩隻 兩個人食岩岩好 大蝦仲幾彈牙～我愛台妹呢個一上枱係有被驚艷到 因為擺盤同顏色配搭得宜👍🏻 芋泥麻糬肉鬆吐司 好唔錯～ 一次過食好有層次口感好豐富😋 其他配料都ok 朋友就特別鐘意個穀物～ 夠脆口😆鹽酥雞塊份量好多！外脆內嫩 調味岩岩好🤌🏻士多啤梨芭菲一大球士多啤梨雪糕加果肉🍓 下面仲有滿滿嘅布甸😍 整體唔算太甜 今次幫朋友慶祝生日 呢度仲可以幫手寫字👍🏻伯爵鮮奶咖啡淡淡嘅伯爵茶香加上好濃郁嘅咖啡 都幾夾☕️桂花白桃冰茶(四季春茶底)正常發揮～ 都幾fresh…查看更多

平日lunchtime多數都要排隊 今日係冬至都唔例外 不過排左十分鐘左右就入得 仲係門口個陣就已經聽到話燒腩肉賣晒 -咁今日就試下蠔仔肉碎粥大壹嘅野食真係唔會令人失望 粥嘅份量正常 我平時鐘意食偏軟爛嘅粥 所以呢個食落啲米對我黎講偏硬啲啲 不過個味道好鮮甜 因為除左蠔仔同肉碎之外 仲有啲冬菜同魚乾仔 所以食落再鮮啲 蠔仔都算大粒飽滿 亦保持到熟而滑身 -麻辣豬扒炒一丁平時叫開呢個 個麵底都似有1.5個麵 今日個份量多到似2.5個麵 加上豬扒都有8,9塊 所以兩個人食都夠晒 呢個炒一丁好香 食起上黎有少少麻 但唔會好辣 都好惹味 豬扒嘅肉質都唔會鞋 …查看更多

喺尖沙咀諗唔到食咩就會諗起呢間烏冬 尤其是呢幾日咁凍 就想食石鍋烏冬 照燒雞扒手打烏冬黑蒜油湯底熱辣辣嘅烏冬 入面有一隻蛋 仲有啲溫室豆苗 不過本身唔鍾意食所以夾走晒🙈🙈🙈照燒雞扒好大塊 外皮煎得好香脆 肉質都算嫩滑 味道甜甜地 都唔錯 黑蒜油湯底都好香 唔會覺得死鹹 連埋烏冬食啱啱好-吉列豬扒石手打烏冬黑蒜油湯底吉列豬扒炸得好香脆 炸粉都算薄 配沙律醬食可以中和返 唔會咁膩 不過一定要趁熱食 -整體黎講呢個價錢質素算幾好 但今次食完覺得好口渴🫣…查看更多

黎開觀塘就試下朋友介紹嘅芋圓控除咗糖水仲有啲飲品 不過今次就淨係食咗糖水 我哋三個糖水都係揀左自製DIY 可以自己選擇要幾多款配料我今次就揀咗奶茶凍、芋泥球、芋圓、白玉丸子、焙茶圓配椰汁 芋泥球好香 食落唔算太甜 而芋圓同白玉丸子都好煙韌 特別推介奶茶凍同焙茶圓 因為兩個都好重茶味好啱我口味 朋友揀嘅另外兩款啲配料都係差唔多 大家嘅評價都係有讚無彈 呢間真係好推介 份量好足 啲配料都大大粒 真係可以當一餐正餐下次經過觀塘一定會再嚟食😍…查看更多

陪完朋友去試婚紗 就搵左呢間餐廳 平時都聽好多人推介 今晚一試果然冇介紹錯😋慢煮三文魚意大利飯好creamy嘅意大利飯 飯粒嘅質感適中 三文魚煮得好好 外皮好香脆肉質鮮嫩 慢煮口水雞肉酥皮薄餅好特別嘅pizza 但好驚喜 因為個酥皮夠晒香脆 要趁熱食 帶有微微辣度嘅口水雞 聞落有啲香料味 食落雞肉都好嫩滑 用黎整pizza原來係幾match👍🏻栗子蓉配蜜糖脆脆雪糕麻薯窩夫推介呢個麻薯窩夫 本身都好鍾意食麻薯煙煙韌韌嘅感覺 夾係窩夫中間有兩種質感好好味 鐘意再甜啲嘅可以加埋黑糖 栗子蓉好香 雲呢拿雪糕加上脆脆 加埋呢幾樣配料一齊食窩夫感覺好豐富 係一個完美嘅作結😍白桃冰茶有淡淡嘅桃味 味道唔會太甜 凍黑糖焙茶鮮奶、凍鮮奶朱古力朋友話焙茶味好濃 好飲 而朱古力就正常發揮下次一定會再黎 試埋其他意粉同甜品💛…查看更多

良心小店❤️ 雖然個蛋糕唔係我買 但聽講呢間餅店好出名 今日試左佢嘅cheese cake 個樣都係有誠意 有士多啤梨同龍珠果做裝飾 都幾打卡 同埋生日牌啲字都寫得唔錯👍🏻 cheese cake嘅味道濃厚 聞落好香 質感岩岩好 唔會太硬 下次想試埋佢嘅西餅同雪媚娘～…查看更多

生日想食生蠔 就搵左間西餐食下 因為本身已經買左支酒 所以就冇係度嗌酒同蠔set淨係單叫左半打中碼生蠔生蠔唔算話好中碼 不過食落唔腥 有鮮味 同埋都好滑 下次可以試埋精選生蠔白酒煮馬尼拉蜆份量算幾多蜆肉都好飽滿 食落好香蒜味同酒香 推介👍🏻牛油果忌廉汁三文魚意粉份量正常 食落好creamy 每條意粉都有忌廉包裹住好好味 同埋意粉中都有唔少三文魚 不過就唔係好食得出有牛油果味 美國特級安格斯西冷 五成熟西冷食落好普通 都算有牛味 唔會太韌 欣賞佢嘅配菜有處理過 同埋有唔同款式 感覺都好健康 同埋原來佢嘅薯角係焗蕃薯 雖然都好甜 但有少少失望🥺飲品就嗌左杯蘋果味手調啤酒 個味道似平時嘅Apple cider 但冇咁甜都好易入口…查看更多

突然好想食雞煲 上網搵到呢間雞煲加打邊爐就book左 今次揀左A餐 折左$298一個人再加一 有人頭計嘅刺身同任叫海鮮配料刺身 正常發揮 但勝在都係平時鐘意食個幾款前菜 有好多款 都係可以任食的 特別鐘意佢嘅醉鵪鶉蛋有酒香好入味 鮑魚都幾入味同埋唔係細細隻個種 麻辣鴨血好嫩都入味今次嗌左小辣嘅雞煲 雞肉份量好多 都好嫩滑 兩個人食完啲雞都飽飽地🙈 味道唔算太濃味 打邊爐嗌左北海道3.6牛乳豬骨湯底 呢個湯底好驚喜因為佢好似胡椒豬肚湯咁嘅味 正😋 用嚟打邊爐食菜類好夾牛頸脊 食落好重牛味但要睇住時間淥唔係好易變韌海鮮拼盤 種類都唔少 食落都有鮮味 尤其鐘意蜆同魚肉 墨魚滑 有驚喜 好彈牙亦好足料佢嘅菜同菇都係拼盤 一次過唔洗夾黎夾好 好彩啲菜都係本身鐘意打邊爐嘅菜黎🤣佢有好多自家製飲品 柚子綠茶 檸檬薏米水 白桃紅茶等等 但唔係款款都好飲最鍾意嘅都係最普通嘅罐裝烏龍茶…查看更多

平時都聽聞逸東嘅buffet好高質 今次終於有機會食到🤤 食物種類款式好多好欣賞佢夠衛生 尤其係拎海鮮 有專人幫你拎同埋拎嘅份量好足夠滿瀉咁滯 最鍾意係佢嘅蟹腳 夠晒大隻好多肉同埋就算唔落檸檬或者其他醬汁都好鮮甜 生蠔就正正常常偏細隻 不過都好有鮮味 而其他海鮮好似蝦 龍蝦都高質 佢仲有好多唔同選擇小龍蝦同螺都有 但個人就唔喜好螺啦至於魚生同壽司款式唔算特別多但都係我鍾意食嘅款 帶子同三文魚好鮮甜 都算好厚肉 唔好意思因為我跌咗啲壽司飯落去碟度🙈😂牛扒同羊架相對上比較遜色 肉質有少少鞋口 但個醬汁係幾夾而佢嘅燒烤主題嘅食物 都唔錯 尤其鍾意佢嘅燒牛舌不得不提嘅就係佢嘅北京填鴨真係好好味個皮夠薄塊肉又好厚 可惜食咗一次之後就已經冇晒 好想佢會再refill🥺至於甜品方面款式雖然好多但係味道就一般般 好彩有movenpick雪糕搭救 冇記錯有八款可以揀 可以試唔同味好開心😍飲品選擇唔多 有仙草奶茶 柚子梳打等等 如果有平時嘅飲品就更加好啦總括嚟講 食物款式同選擇好多 尤其海鮮係好高質同埋好多款式可以揀 會再戰🤣不過如果鍾意食甜品嘅人可能就會失望少少…查看更多

泰國菜真係食極唔厭 朋友之前食過話呢間抵食 就試試佢先menu好多選擇 食咩都有🤣 同埋份量好多 三個人都食唔晒 好鐘意佢嘅泰文教學 好搞笑 第時去旅行就用得著🥳大嘅小食拼盤脆脆雞翼 泰式春卷 雞卷塊等等 全部都炸得好香脆又唔會太油膩 點埋泰式辣醬啱啱好泰式海鮮炒粉絲份量好多 海鮮有兩舊青口 蝦 魷魚就冇數 因為都唔少🤣 炒粉絲平時好少食 食落有啲煙韌 味道唔會太濃 食開金邊粉嘅都可以試吓新野 馬拉盞炒通菜煲一上枱就見到個煲出晒煙 夠晒火候夠晒熱辣辣 通菜唔會好鹹又夠惹味椰青海鮮焗飯成個椰青咁上感覺好澎湃 搭配一杯椰青水好清甜 焗飯好重椰漿味 感覺好Rich 除咗海鮮入面仲有啲青菜絲 感覺更健康 仲會食到啲椰肉 夠晒真材實料🤣蘋果沙冰平時比較少嗌 飲落好fresh 天氣熱飲啱晒青檸梳打 泰式奶茶少冰走cream 正正常常冇特別…查看更多

好耐好耐冇食過放題 原來有咁多野食 自助出去夾嘅熟食 有薯格 瑞士雞翼 牛油粟米等等 飲品款式都好多汽水茶酒都有 岩晒唔同人仲有椰子雞湯添飲落好香椰子味唔似平時嘅味精湯刺身三文魚好厚都幾肥美 帶子我就最鍾意夠晒鮮甜 仲有長腳蟹添 每隻都幾多肉壽司款式都唔少 掛住食有啲都冇影🤣 花之戀壽司 略嫌佢太多沙律醬 左口魚壽司油份啱啱好 好味 熟食蜜椒一口牛 一碟都有五六舊 有牛味唔會韌燒牛舌 好香口 唔錯 芝麻雞翼 炸得岩岩好 外皮脆脆入面雞肉仲好嫩滑 吉列蠔 蠔嘅size唔算細 推介呢個 醉鮑魚 淡淡嘅酒味都唔錯 麻辣酸菜滑魚鍋 平時都少見 但有驚喜 魚塊好滑同湯底都好夾 微微嘅辣度 如果有米線就好啦最後點少得甜品 好多款可以揀 雪糕最吸引我 movenpick haagendazs milktop 都有 真係好正呀 大滿足😋 呢個價錢絕對回到本🤪…查看更多

成日都食佢 今次終於的起心肝打食評🤣好鐘意佢嘅環境令人好舒服 好岩同朋友傾下計輕鬆食餐飯黑松露軟殼蟹意粉本身唔喜好黑松露嘅我 反而覺得呢個意粉我接受到 有淡淡嘅黑松露味加埋忌廉同啲雜菌 幾者嘅配搭剛好 亦唔會食到太膩 軟殼蟹有兩大舊 好香脆賽螃蟹意大利飯今次叫左佢煮淋啲 質感岩岩好 食落好中式 但都幾特別又估唔到都幾夾 只係略嫌佢嘅醋味濃左啲 加埋忌廉去煮意大利飯更加香滑 蟹肉份量都唔少焦糖單骨雞翼幾乎每次都會叫呢樣 焦糖包裹住雞翼 香香甜甜 雞翼都唔鞋身跟餐嘅凍蜂蜜檸檬 少冰蜂蜜味好重 但唔會太甜…查看更多

朋友本身食開素 一直都好想飲奶蓋 但出面好多奶蓋都係用牛奶整 所以佢都試唔到之前已經飲過nuttea 知道個奶蓋係用堅果打出黎 所以帶左朋友黎試今日係九龍灣食完lunch就過左黎飲 當飯後甜品鋪頭嘅裝修行簡約路線 入到去都好舒服Menu上都有好多款飲品 唔止奶蓋茶 仲有奶 水果茶 咖啡等 好多選擇我之前都飲過伯爵朱古力堅果奶蓋茶 覺得好好味 念念不忘 所以今日都係叫伯爵朱古力堅果奶蓋茶 朋友就叫左另一款奶蓋 粉紅莓好堅果奶蓋茶伯爵朱古力堅果奶蓋茶我叫左走冰半甜 個甜度對我黎講岩岩好個奶蓋好厚 同有濃濃嘅朱古力味 加埋上面嘅可可粉 好好味 個伯爵茶好清香 當你飲奶蓋飲到咁上下 飲啖茶 可以中和左奶蓋嘅飽腹感 好夾粉紅莓好堅果奶蓋茶呢杯冰度固定 朋友都係叫左半糖個奶蓋都係一樣厚 上面仲加左nuts 可以飲到nuts嘅味道 岩晒素食嘅朋友 草莓汁好有草莓味 飲完奶蓋再飲個個草莓果汁 感覺好fresh 同埋又係好夾推介飲呢兩杯 好好味中意濃味嘅朋友 可以揀伯爵朱古力堅果奶蓋茶中意fresh嘅朋友 可以揀粉紅莓好蓋果奶蓋茶…查看更多

今日同朋友約左去大埔買野大家都想食完野先再行街 同埋大家都想食泰國菜 就搵左呢間餐廳試下我地好早食 所以就唔洗等位餐廳嘅裝修都幾有特色有船嘅裝修同埋佢掛左好多繩索 令人真係置身係船到咁Menu都有好多選擇 我地叫左兩個主菜同兩款小食 份量都大 我地都食到好飽小食叫左黑椒蒜香雞鎚同泰式魚餅雞鎚好入味 食落有蒜味 好食魚餅好彈牙 點埋個辣雞醬更加好食主食叫左招牌燒豚肉飯定食同泰式黑豚肉炒河招牌燒豚肉飯定食個定食好豐富 除左個飯 仲有湯 蛋沙律 魚餅 同Brownie 燒豚肉上面係青木瓜絲 辣辣地 好食又開胃燒豚肉燒得岩岩好 飯入面有d汁 青瓜絲加豚肉同飯一齊食好好食黑豚肉炒河個炒河好多料 有黑豚肉有蛋有蔬菜而且炒得好有鑊氣 又唔會好似出面炒牛河個種油好食野飲就叫左杯凍柚子蜜同熱薑蜜個熱薑蜜有好多薑 好有薑味如果冬天飲 飲完一定好暖…查看更多