為食峯's Profile

話說星期日，幾個朋友做完運動，想搵個地方食飯。最終因為佢多like所以...入正題。我哋一行6人，有訂枱。人齊落單叫嘢食，點知成個場無哂樓面...好啦終於落完單，想叫嘢飲，有個類似哥哥仔外型嘅人走埋嚟，比咗個飲品餐牌就走咗，好啦，自己睇啦...到要落單，又係佢埋嚟，又話呢樣唔可以改，嗰樣唔可以mix，咁你一早唔好行開啦，清清楚楚解釋比我哋聽，咪唔會產生咁多誤會囉...好啦落哂單啦，等食啦，點知佢上上下菜，攞住兩碟嘢行埋嚟，叫我哋幫佢執開啲位比佢上菜！！！最勁佢仲話“試下擰橫佢”！！！又無唔該又無麻煩哂，如果唔係我哋都有啲教養，堅係想問候吓佢。食物普通，但咁嘅價錢又受氣，唔需要嚟呢到啦...唔會再幫襯。…Read More

因為一家人嘅週末都比較忙, 所以選擇了平日嘅星期二過中秋.也因為家住元朗附近, 上開飯找了元朗咗近嘅餐廳, 留意到呢間餐廳嘅食評都幾好, 於是打電話訂位.基於害怕環境或其他因素影響, 我決定提前30分鐘視察環境.大約予晚上7時30分左右到達, 環境比預期中理想, 座位大約30位左右, 上前表示已訂位後, 馬上入座.全晚最可惜嘅, 就係個餐牌, 因為係全文字演繹, 你沒辦法想像上面嘅文字將會變成咩食物, 咁樣嘅情況只有叫人幫手推介吓...總之全個選菜過程本人係有D擔心.因為有2位家人遲到, 所以我提議食D小食, 一邊食一邊等.先來嘅有 "炸洋蔥圈, 炸芝士條 & 意式炒藍青口"-炸洋蔥圈 : 香, 脆 呢D都係基本, 除咗呢D洋蔥圈當然D洋蔥要甜同好食啦 正-炸芝士條 : 芝士嘅份量都多, 口感都唔錯, 最正係佢跟嘅兩款醬, 一款係奶油芝士醬, 另一款係蕃茄茸醬, 蕃茄茸醬上菜時仲係暖嘅.-意式炒藍青口 : 唔識講點正, 總之係好食.終於人齊可以上主菜, 主菜有 "時日餐湯, 招牌燒豬仔骨, 安格斯西冷, 墨魚汁意大利飯 & 卡邦尼意粉"-時日餐湯 : 波菜忌廉, 好忌廉, 好滑, 正.-招牌燒豬仔骨 : 肉質好柔軟, 表面用蜜糖封主肉汁, 正-安格斯西冷 : 肉質都係好柔軟, 好有牛肉味, 正-墨魚汁意大利飯 : 飯質好煙韌, 同D墨魚汁好甲.-卡邦尼意粉 : 芝士味好濃, 意粉彈牙.全餐感覺廚師有Heart, 買手有眼光, 老板願意比好野D客食.…Read More