ข้อมูลส่วนตัวร้าน vr2xmb

首先間餐廳想搞花巧嘅裝修，用防空洞為主題，但唔覺得同西班牙有咩關係。然後間餐廳應該想行少少fine dining 嘅路線，環境昏暗嘅，想有啲情調，不過間餐廳位於上環世瑛大廈，一棟舊嘅商業大廈，真係同Fine Dining一啲關係都冇，你問我，不如減2百蚊，簡簡單單做返間bistro餐廳效果應該會好好多好入正題，我哋book 7點，餐廳應該係6:30開，我哋7:00點餐嗰陣，已經同我講冇晒Sangria。。。。。。西班牙餐廳喎？7點就冇？感覺有啲似去麥當勞同你講冇晒可樂😓仲有，餐廳明顯係想你order tasting menu，因為tasting menu $700 一位，而a la carte menu 就係要min charge $800。咁都唔緊要，只要好食就Ok。Tasting menu 頭半部係tapas，可以睇返圖1-4，味道正常，唯一係蒜片蝦啲蝦似乎都係用咗冰鮮蝦，冇乜蝦嘅鮮味，有少少失望下半部份係main course，呢個時候就出事啦。首先tasting menu 只係包咗燒雞同燒雞皮飯，如果想食乳豬或者paella要另外加錢。我哋額外加咗$400轉乳豬，隻乳豬餐廳講到明係冇醃製過，純粹燒隻豬，食個香脆口感同肉味。呢一方面我就唔太理解餐廳點解有咁嘅選擇，我喺西班牙食嗰陣，隻豬一定係醃咗先，另外仲有其他配菜，balance 返個口味。而家隻豬剩係得個鹹味同脆，好似冇乜特色。不過最失望嘅就係隻雞，餐廳好識吸引人打卡，隻雞專登喺你面前用啲酒點着過火燒，畫面好靚，但對食味啲幫助都冇，佢只係一隻好普通嘅燒雞，餐廳仲叫你特別試吓佢雞胸肉，嚿雞胸肉就好似做gym健康餐舊雞胸肉咁樣，又鞋又冇味。而個燒雞脾飯就係利用呢隻雞剩餘嘅部份，整咗個飯出嚟，食落去個感覺有啲似自己喺出邊買手撕雞撈啲白飯，中菜咁樣😂😂 點解一間西班牙餐廳要設計呢兩款菜式呢最後係個甜品，一個西班牙做法嘅焦糖燉蛋同埋panna cotta，味道正常，不過唔知係咪主菜定tapas用晒啲budget，三個人分享咗呢個size嘅甜品，有少少孤寒。不過都有機會係因為我哋張枱有人生日，部份甜品變成生日蛋糕💁🏻‍♂️總結而言，人均$700實在有啲貴🙆🏻‍♂️…ดูเพิ่มเติม

天后人氣私房菜真實評價📍合時小廚私房菜平時行過Walk in一定冇位，今次特登提早兩週book枱，試勻招牌菜後...有驚喜亦有問號❓ 冬瓜盅 $6XX 6人份量足料（帶子/蝦仁/改下啲金華火腿），傳統配料無特別處理手法，呢個價位期待更多層次 百花炸釀蝦多士 $68/件 蝦膠太厚多士存在感=0，油膩感爆燈（傳統派表示：黃金比例呢？） 薑蔥焗肉蟹煎腸粉 薑蔥味很重 蟹肉甜味失蹤腸粉吸油功力比吸味更強... 合時小炒皇 同普通酒樓出品撞樣度90% 雞油花雕蒸馬友 $398 街市級馬友+雞油同廚酒=身價暴漲💸 🌟全場MVP：極品茶王雞 煙燻香超濃！甜味滲透每絲雞肉 唯一想Encore嘅菜式✅ ⚠️注意事項 • 嚴格分兩輪（18-20點準時收枱） • 19:40開始收餐具暗示食糖水 • 人均$500+ 性價比見仁見智 結論：名氣＞味道？ 為茶王雞可一試，其他菜式定價進取…ดูเพิ่มเติม

復活自助餐中伏報告：港麗酒店Conrad咖啡廳自助午餐幫大家省錢系列1️⃣ 款式少到懷疑人生主打「意大利主題」= 狂塞pizza/麵包澱粉炸彈🍕 2️⃣ 食物質素令人失望- 意粉竟然係到會級別微波口感- 凍蟹腳第一轉正常，第二轉鹹到似死海撈上嚟3️⃣ 甜品少到差啲見唔到得5-6款，仲要繼續喺麵包裏甜品 （唯一安慰：提拉米蘇算OK，但其他真係麻麻地⋯⋯） 4️⃣ 孤寒程度突破天際✨Movenpick雪糕要開口問先會比一盒你，食完要再問 結論：$473+食咗個高級茶記體驗…ดูเพิ่มเติม

這家餐廳以「Pancake專門店」為賣點，但這次的用餐體驗卻讓人相當失望。我點了兩道招牌菜：煙三文魚青醬意粉和榛子醬焙茶Pancake，可惜兩者都未能達到預期。**煙三文魚青醬意粉**： 首先，煙三文魚的分量少得可憐，整碟意粉只有一朵花大小的份量，其餘全是意粉和醬料，沒有任何其他配菜，顯得單調乏味。至於青醬的味道，完全被濃郁的芝士味掩蓋，絲毫沒有香草（herbs）的清新氣息，實在讓人疑惑這為何能稱為「青醬」。整體而言，這道菜既缺乏層次感，也未能展現出應有的風味。**榛子醬焙茶Pancake**： Pancake的口感雖然鬆軟，但卻完全缺乏蛋香，整體水準低於預期。更令人失望的是，榛子醬和焙茶的味道與Pancake本身完全不搭，吃起來有一種突兀的違和感，完全沒有融合的層次感。作為一家以Pancake為賣點的餐廳，這樣的表現實在讓人難以接受。**總結**： 這次的用餐體驗讓人不禁懷疑，為何這家餐廳能獲得如此多好評。無論是意粉還是Pancake，都未能展現出應有的水準，甚至連基本的口味平衡都未能做到。…ดูเพิ่มเติม