hkhkbanana's Profile

由於港島區食車仔麵嘅地方唔多，去到九龍就決定先搵車仔麵店舖試一試，過下口癮。.用QR code落單，自選油麵，選擇餐牌上推介嘅食物 - 魚蛋、魚肉春卷、雞翼，醬料選擇乾蒜、蒜、咖喱汁微辣，另外叫咗杯凍奶茶。.由於我食量比較少，正常麵底對我嚟講比較多，湯底略為微甜，油麵感覺有點麵粉feel，食到尾就覺得有點膩，魚蛋正常，魚肉春卷比較鹹但肉質實的的，雞翼入味雞肉嫩口。·凍奶茶並非茶記嘅凍奶茶味道，长似茶包沖出嚟嘅濃茶味道，味道一般。.…Read More

約左朋友去九龍東，佢介紹我去依個地方食野，佢話又平又好食，我就覺得價錢親民、對我嚟講幾好食又食得飽、加上係炎熱天氣下食個涼浸浸、酸咪咪既野係好正！.《招牌兩姊妹涼皮》叫咗BB辣，辣度係好輕微涼皮好滑同凍凍地 - 要小心同好努力啲咬碎佢地，因為涼皮太滑會唔小心未咬爛就吞落肚配料有芫荽、花生碎、青瓜絲、脆脆豌豆 - 芫荽味唔重，青瓜絲算多，食落去好爽口好新鮮，豌豆好脆非常喜愛湯底係酸咪咪清清地.《無糖菊花杞子茶》相對味道一般，有菊花同杞子味.…Read More

趁今日放假去試間新開既粉麵店，可能有幾日長假期，加上係夏銘記既班底，我大約2:30pm到都要排隊唷！我前面有大約15人排緊隊，等左大約20-30分鐘先到我地兩位。.地方細、座位迫，落單有啲混亂，可能樓面叔叔唔係太熟手，我以為齋叫叔叔落單，點知叔叔先俾張有QR code既單我地，咁樣攪下攪下就用左5-10分鐘黎落單。.我地叫左一碗雲吞麵同一碗魚旦魚片頭河。.雲吞麵細細碗，雲吞細細粒，印象中有五粒左右，雲吞皮薄餡夠，餡料足又鮮，湯底好味夠鮮甜，略嫌麵身幼較冧。我個人比較鐘意爽口，整體黎講唔錯。.魚旦魚片頭河屬一般，魚旦魚片頭有魚味但唔係彈牙既。比較下魚旦魚片頭河會飽肚啲，但味道一般，雲吞麵細碗但味道唔錯。注意既係地方較細較迫，食完即走人。飲品方面，只有汽水供應。.…Read More

間餐廳應該開左一排，襯今晚無住家飯食，走落黎試吓。·入到黎得2-3枱，星期五晚上咁就驚有啲伏，但食左之後唔覺伏。.要用QR code點餐，我點左$168+10%服務費既是日晚餐。.沙律：紅菜頭粒、蕃茄仔、青瓜粒、羽衣甘藍，少少醋，重點係好fresh。.熱檸水：野食未到先送到，但飲落有新鮮檸檬味。.吉列蠔：有兩粒，細細粒，好熱，略嫌粉漿厚左了少少，蠔味係有既，但唔算太突出。.蕃茄海鮮意大利飯：飯粒軟糯、蕃茄醬汁算多、食到有芝士奶類既味道、海鮮估計係細細粒雪藏果款、所以無咩味道，但其中有兩粒魷魚係新鮮野。.總括而言，不過不失。…Read More

我知道依間小店開左好耐，今日專登去試吓。.原味雞蛋仔$24一份，原味格仔餅$24一份，兩樣一齊買就$46，一場黎到就買足兩樣野試下，等咗大約10分鐘左右就有得食，期間可能撞正放學時間，越嚟越多人黎買野食。.原味雞蛋仔～外脆內軟，雞蛋仔嘅味道都唔錯，食完或多或少感覺到有啲熱氣。如果要挑剔嘅話，雞蛋味再突出啲就更好。.原味格仔餅～我個人反而鍾意格仔餅多啲，格仔餅皮雞蛋味較重、口感軟身、熱騰騰，配埋裏面嘅餡料，有煉奶、砂糖、花生醬，比例適中，所以覺得好正。…Read More

知道前排依間活一鮮禁晚市堂食，真心，天時暑熱，想舒舒服服坐喺度食下日式野，唔係度度有啱心水。今期專登過去，門口有一堆人，好彩大部份係外賣嘅。攞完飛大約5分鐘，已經可以入座。點餐：酒煮蜆 $60 - 份量正常，湯底清，飲到清酒味，每隻蜆都有蜆肉，味道不錯。壽司拼盤 $168 - 印象中有三款壽司拼盤，最後選擇中間價錢嘅拼盤。拼盤上枱時，見到有好多款式都幾吸引，雖然食到有啲款式並非好鮮甜，但依個價錢屬性價比高。黑豚胡麻沙律 $68 - 蔬菜新鮮，胡麻沙律醬料有少少酸，相對豚肉份量屬多，味道不錯。汁煮牛筋 $78 - 牛筋好腍好入味，另外有炆得好淋嘅紅白蘿蔔，調味醬汁比較濃，份量比較少，整體不錯。總括而言，可列入師奶飯堂之選。有加一服務費。…Read More

黎到紅磡火車站附近，好想食個好lunch，突然諗起有間好好食既cafe，就諗下又搵下(應該我有至少一年未黎過)，入到去，同之前唔同左。格局不錯，員工服務就～問咖啡係未即磨？佢好似唔識答，指住部咖啡機…只好飲齋啡啦，個餐包埋！問佢八達通付款，又話無，只收現金、支付寶同埋x (唔記得左)！叫左個set lunch $80：蒜香啡菇意粉+熱齋啡因為疫情要轉外賣盒，所以睇唔到賣相，份量眼見唔大，因為個盒仔個樣比較細。意粉有口感，啡菇切粒，蒜頭切片又切粒，食到尾見到好多油。對比之下，出面選擇還是多！…Read More

兩個人係港島區想食餐好野坐下傾下計，又唔想幫襯連鎖店，上網睇到呢間有D偏僻既北角日式餐廳。雖然店仔細細，但都算好坐~呢間店最出名既係「特級刺身拼盤」，真係聞不虛傳，拼盤有成八/九種刺身，有四款魚、帶子、八爪魚、北寄貝、甜蝦、牡丹蝦，全部都好新鮮。我個人最欣賞係個甜蝦，完全冇啱啱係冰櫃拎出來未溶哂雪既感覺，好鮮甜~叫左客「帶子海膽蟹棒卷」，的的骰一口size，份量唔多，但都幾足料，唔會好大舊飯但無料,，帶子、海膽同蟹棒都唔算細粒,價值唔貴都可接受~「蒲燒鰻魚」就不過不失，食得出唔係是但叮返熱既，仲有些少炭燒味~「燒芝士年糕」外面好脆，輕輕有點醬油味不過唔濃，咬開有拉芝，QQ既口感幾得意，不過記住要襯熱食，放耐左就開始變硬同埋入面既芝士都唔拉芝了T^T"…Read More

北角食肆選擇真多，因為依間裝修佈置緣故~好光猛同得意，所以試下依間餐廳。入到裡面，其中見到北角邨既圖畫令我回想細路時既北角邨。2個人叫左柚子大蝦沙律、辣肉腸煙肉pizza、慢煮西冷牛扒、含有羽衣甘藍果汁、同含有紅菜頭果汁。柚子大蝦沙律：整體黎講係新鮮，雜菜款式，有nuts，但蝦質素就一般。份量足夠，因為我地盡量每餐會點有蔬菜既dish，依個選擇係可以的。辣肉腸煙肉pizza：值得選叫，薄餅底，夠香口，夠熱，配料份量比例正常。慢煮西冷牛扒：值得選叫，配上薯條，薯條夠熱同香口，肉夠腍，有牛味。含有羽衣甘藍果汁(綠色果汁)：羽衣甘藍好好飲，但唔係個個人啱飲，因為有人覺得有菜腥味，但配上其他生果，又中和左菜腥味。…Read More

係尖東返工咁耐，好食既野認真唔多，反而，離開一段路後會多左好食既野。稻乙係其中一間唔錯既選擇。.座位私隱度不錯，唔係隔離有另一張枱果種。.今次亦係廚師發板，免卻選擇困難症既我去點菜。餐廳會選取新鮮或時令食材，這個做法令我最喜愛。.生粟米：好甜美，甜美程度係蔗味。.三文魚子伴毛茄：夏天小食，毛茄質感係秋葵，即"sansan"地，配上魚子鹹鮮味，非常夾。食完有重爽爽地既人心感覺。.岩蠔：size好大隻，蠔上調較左醬汁，少少酸同少少辣。蠔質感厚身，口感極至。.白蝦海膽、左口魚燒裙邊、吞拿魚混合蝦膽：融入口中，已未能細分魚既味道，所有魚生好鮮味、質感重、有彈性。左口魚燒裙邊有烤香味。.黑松露煮凡立貝：有半生熟、同熟透，配上黑松露令鮮味提升。周邊既菇吸左凡立貝既鮮甜，所以好好味。.雷魚：屬季節性既魚，香口少少鹹，魚骨食埋，配上啤酒會更一流。.魚湯稻亭烏冬：魚湯鮮味尚欠，烏冬口感較軟身，不過不失。.最後，以豆腐雪糕作依餐美食既總結。…Read More

加入左永年之後，我覺得依條街開始更似粉麵街，因為有傳統米粉、有米線、車仔麵等。今日去左間新開既粉麵店去試車仔麵。呢一間粉麵店之前係電視見過，吸引左我起試下香港原味道。入到店舖，燈光明亮光猛，座位多但較細小。踏入門口枱頭會見到電子餐牌，做法有點自助形式，自己買完，等叫號碼自取。我一行兩人，叫左一碗大碗麵、一碗淨餸、咖央多士、熱檸水。大碗麵配料非常多，有豬腸、豬皮、豬紅、蘿蔔、魚蛋、雞翼、雞翼尖、紅腸、魷魚、菜芯。每款都有2至3件，有些款式亦都超過。如果有選擇困難症既話，依款真係唔錯既選擇。餸既味道唔錯，預先做好功夫，因為每款都入味，食完後有點口 口渴，而麵類今次選擇左幼麵，幼麵放咗一段時間，竟然冇水到發脹情況，但麵質算可以。最後，我選擇左少辣，辣味特別，唔似街食開果類型。另外，我朋友仔只選擇叫餸，比我唔同既只係流心蛋。流心蛋流唔曬，但食到鹵水味。咖央多士：實在太少餐廳有依個多士，如果多士再香口啲會更好。…Read More

牛太，係一個同事超級推介，因為佢哋嘅和牛係好好味啊！和牛燒肉放題，$428蚊一位，任食100分鐘，其實唔算貴，如果係和牛既話。就算book咗枱，都要等多十分鐘。地方不算大，但座位坐得舒服， 環境裝修得不錯。依款放題既牛和款式不算太多，我哋揀咗日本產黑毛和牛嘅- 嚴選霜降牛肋肉- 嚴選霜降牛脊肉- 嚴選霜降角切肉- 秘製燒汁壺漬牛肋- 特選三品盛合牛紋好清晰，好均勻。燒完後已經分唔到邊款打邊款，只知燒完既牛好鬼香。每款牛有唔同程度既口感同味道。總括而言，口感非常豐富，有啲入口即溶，有啲要趙兩下，但全部都好juicy。另外，叫咗蔬菜、蝦、帶子、魷魚，但味道已被主角蓋過。由於我同我朋友個胃仔太細，食咗兩round就完結了，亦都叫唔到下一級既牛肉放題。最後，配上Movenpick既雪糕，簡直完美。補充一句，員工服務很好，值得再去。…Read More

話說約咗Honey去睇戲，所以就拿拿林去搵間餐廳食個晚飯。見到佢個門面幾OK就入左去。入到去座位就非常擠迫，手袋只可以放係大脾，簡單啲講肥妹勿進。睇到餐牌已經知道中左招，因為餐牌內一半都係甜品。唯有叫啲安全飯，我叫咗份 鰻魚飯餐。前菜：雞絲底有菜，配上芝麻醬同類似豆瓣醬或辣椒醬，配搭非常奇怪。鮑汁時蔬：生菜一般，鮑汁係蠔油，重要係唔好味嘅蠔油。鰻魚飯：鰻魚只得半塊，同相片有出入。飯多大碗非珍珠米，鰻魚汁怪怪地，似BBQ醬。配上味噌湯同綠茶，只會飽肚，總括而言，廚房嘅人未夠班。由於我食到一半好暈好想嘔，已經分唔到係唔好食定係冷氣唔夠。最後要俾加一服務費，不值。…Read More

是日星期日，我同Honey去咗石門搵野食，見到門面幾靚，所以入咗去。地方好大，座位寬敞。裝修有西式酒吧既感覺。手工啤Golem Lager （右）：啤酒味較淡。Hong Kong Bastard（左）：有微微有煙燻味。薯條：香口，外脆內暖，配上茄汁同黑松露沙律醬。魷魚圈：魷魚味重，唔腥，有口感。豬手：好香脆，食落冇想像中咁鹹，有啲位置overcook左，整體黎講配上啤酒係唔錯。冇諗過豬手要自己剪，有點狼狽。…Read More

最近約襯沙田嘅朋友仔都去石門食晚飯。因為對比沙田其他地方，石門冇咁趕時間，但係舖頭一般會早點收鋪。今日試一間新嘢~係打邊爐。好彩訂左枱，如果唔係冇位坐。環境光猛，座位不算多，但寬敞。菜單：係一張點心紙。醬料枱：選擇不算太多，有蔥、乾蒜、濕蒜同辣椒。精選養生鍋：食材包括當歸、杞子、紅棗、圓肉、蟲草花、黨參、薑酒湯。鍋子好大但略嫌湯底味淡，加左$30另加左半隻烏雞。烏雞夠腍，點埋醬汁，諗起煲完湯既湯料。手打墨魚滑：口感彈牙，值得推介。酸梅湯：另加$38一壺，有分熱同凍，我地叫左熱既，微酸味味的。野生竹笙：爽口，size算大，有質感。花園水餃 ：今次既餃子係韮菜餃，皮算薄，餡料正常。特色圓拼盤：有包芋丸、流心奶黃丸、香菇貢丸。味道幾有趣，值得試試。珊瑚蚌半分：一般。什錦菜拼盤：有水蓮、娃娃菜、唐生菜、皇帝菜等。蔬菜種類多，新鮮。可能新開店，未能提供所選既食材。另加一服務費。…Read More