Chris The Hell's Profile

今晚第一次到這間新銓滿記食飯，都相當多人。遊客和本地人各佔一半左右。老闆娘和哪一個夥記(好似叫強哥）服務態度超級良好！同你講嘢會微笑，唔該前多謝後，十分有禮貌。雖然客多，但仍然提供良好服務。教我點食煲仔飯，甚至幫我剷起成個飯焦，等我慢慢食。也有介紹如何食豬手。我心諗，要有怎樣的老細，老細怎樣對待員工，D夥記先有這樣的服務態度。仲要幫我睇埋車(怕我畀人抄牌)。我在餐廳的45分鐘裏面，見到他們對待本地人、外國客人和大陸遊客，服務態度一致和良好。有位老婆婆街坊進入嚟時，夥記更叫佢慢慢行和帶路，唔好心急。老闆娘也叫得出常客的名字，甚至乎問做乜咁耐唔嚟。我們兩人食淨飯餸時，強哥親自幫我們打包（以上的種種良好服務，要記得是我們在晚市繁忙時段內）。好耐未試過喺香港的茶餐廳或小廚，遇上這樣五星級酒店的服務。每個人埋單時，老闆娘都微笑地多謝我們，叫我哋下次再來。近年喺香港食咗咁多間茶餐廳，其實我覺得啲夥記冇西我面/畀說話我聽已經好好。如果其他餐廳可以可以好似銓滿記咁，我諗好多餐廳都唔會執笠，或者畀人和深圳的去比較。最後食物方面，屬於中上，豬手幾好食，煲仔飯也不錯。不過如果食煲仔飯記得加七蚊要埋個懷舊豬油去撈飯。至於佢送的冇味精湯，可能就係因為冇加味精所以佢哋要加多啲鹽，感覺比較鹹但飲完覺得不口渴。PS. 我唔係foodie，一直好少出post，食到一半，感覺到他們的熱誠和服務態度，先決定去幫佢哋出一個post和影相。張相比較樣衰！🤣…Read More

一萬尺的成都老碼頭火鍋！又辣又好味又特別！很久沒有食咁多，一出門口，有飽到想嘔的感覺！！我叫鴛鴦湯底（成都小辣湯底同豬骨湯底），雖然只是要小辣，一路食一路辣頭痕一路覺得好刺激！（可能我同朋友都不是辣辣人）！日本和牛牛肩脊十分好味，可惜份量比較少！還有店之推介鵝腸也十分正！有很多食品都不是一般香港火鍋店有的！而店員十分之有禮貌，個個面帶笑容！其老闆還走過來問我們和其他人客意見！環境也不錯，老闆話樓上還在裝修，過一個月就開埋，到時有成萬尺和有幾間VIP房！價錢方面，因為我兩個人叫完又叫，每碟半份量，叫左十幾樣野食，所以就覺得有少少貴！不過，我十一點入坐，原來有消夜時段優惠（七折），好似係十點半後入座才有！（唔sure)！折完就覺得幾抵食！出門口時，發現有個七秒鐘除臭機器，用完可以幫你除去你衣服上的火鍋味！很貼心！！有乜唔好？我覺得如果揸車去就一流，四圍都可以泊車！如果坐港鐵去，由朗豪坊行過去都要成10分鐘，那就吊腳一點！…Read More

經朋友介紹，一家三口去到這間特色火鍋店吃飯。開頭覺得佢個名又澳門又台山火鍋，都唔知係邊度既菜。反正朋友推介，咪去試下。因為阿媽阿哥唔食辣，朋友推介的辣花蛤蟹鍋就無奈放棄了。那就點了另一招牌胡椒豬肚雞湯鍋。還有香芋豬肉丸，三層高的牛星拱照 ，還有必須推介的很好食的粟米煎墨魚餅。第一次見有到人用豬肚包住隻雞的火鍋，十分有特色，豬肚同雞也很「林」， 湯底味道也不錯。 至於那三層高的牛星拱照， 底層應該包括了本地肥牛和雪花肥牛，中層係 牛舌，最頂層係肥牛粒。肥牛同牛粒真係一流。(而我對牛舌就一向一般般)。 香芋豬肉丸也十分有特色，其他地方未見過。如果鍾意芋頭的你，一定很喜歡。三個人一千蚊賣單。PS. 去到記得叫粟米煎墨魚餅! 因為對那辣蟹煱念念不忘，所以過了兩天就再來到這間火鍋店一試。今次捉左八個朋友來。(多D人，多D野食， hehe)第一件事， 因為要等齊人，所以先叫了粟米煎墨魚餅同鮮象拔蚌刺身，食住等。 墨魚餅超好食，象拔蚌也很新鮮(記得用切條上)。 齊人時， 就叫了兩個辣蟹鍋，分別一個微辣一個中辣。 當然也有叫那牛星拱照。 還有花膠仔(有人話食花膠會靚D)。那辣蟹鍋，真的無令我失望。 成隻羔蟹攤咗喺個火鍋上，真材實料。 本人較鍾意中辣的那一個。最後食左好多好多野，飽到爆炸先走。今次勁食同叫左象拔蚌刺身，所以每人大約要六百蚊，但我覺得物有所值。PS. 今次推介的當然係辣蟹煱和花膠仔。特別的一提係我叫了兩瓶鮮榨橙汁(真的鮮榨又凍)，食火鍋飮這個一流。最後，還要讚他們的服務態度。咁有乜唔好? hmmmm...... 暫未發現。 …Read More

一班朋友仔第一次到這Point Pie 食飯! 選擇這裡只因為有朋友想食生蠔和之前用家對這裡的食評不錯!等齊人後, 已經係9點半了! 因為有兩位靚女遲到的關係! 我們先食生蠔! 一人5至6隻!! 試下不同的生蠔!! 員工為我們排好和教導我們食蠔的先後次序!! 由淺到濃味的! (讚!!)之後再來海鮮! 先上小龍蝦剌身!! 只能用兩個字形容 - [鮮] 同 [正]. 之後, 再來大龍蝦兩味! 又要用兩個字用形容 - [好味].之後都有其他粉同野食.. 它們就just ok啦!我們一路食, 又不停飲紅白酒!! 時間過得好快...... 我們已經食到12am了!! 之後我們再叫甜品! 那個朱古力什麼什麼cake十分不錯!! 而綠茶的cake就唔ok了！！那裡的老闆同員工十分友善好客同好有禮貌！！　可能同我地年齡差不多啦（比較後生）！我們最後差不多２點多才離開!!! 而因為我們飲了很多酒．．　所以個bill同相對價錢就高了！　不過，　好食同當晚都食得相當開心呢!!（比價錢更重要！！!)…Read More