Ning Tong's Profile

性價比好高嘅一餐夜晚晚無嘢食 見到佢竟然閒日2130後做228一個錦就試下佢原本諗住都係啲乜煲王嗰種質素點知雞煲好好食 好入味（好食到無影相）然後仲有三款魚食（好難任食龍躉同鱔但錦平）牛都好唔錯 有牛味響鈴簡直驚喜！同埋服務真係好好！可能係市道差左，我2230去到，有兩枱準備走，跟住得反我依枱，但服務都仲好好。仲話可以用晒兩個爐食（一個係雞煲一個係花膠雞）整體實在太好啦所以要大力堆要好好支持依啲舖頭先得…Read More

真係好少寫食評，但係呢間麵實在太好食，所以決定寫一寫！佢係湯底、餸同麵都好好食！先講個湯底，雞白湯用雞殼熬煮，係有種食魚翅湯高煲湯底咁樣嘅感覺，非常之香！然後我食嘅米粉係非常之滑身，有少少咬口錦！牛坑腩雖然就唔係切得好厚身，但係都有啲牛味，而且一啲都唔嚡，又有少少筋位，好唔錯！個雲吞又大粒，入面隻蝦又大隻，然後好似落咗少少蝦子所以食落去有啲咸香，豬肉小小肥，所以特別好咬口！仲要喺銅鑼灣嚟講都係講緊$65，性價比真係非常之高😍😍😍😍…Read More

同朋友慶生揀左依間餐廳🤩叫左武士之路*2 加兩隻蠔全部料都好好食 亦非常之飽😋😋😋都只係埋單1300左右但係係omakase嘅質素！師傅好有心，會過黎話你知你食緊乜、邊到黎同點煮😋😋真係不得了…Read More

食左三個意粉 個個都好高質。去餐廳食絕對可以買90幾以上但依到只係35/40量好足好夠味平時有啲舖啲意粉味唔係好出但依間每一碟嘅意粉都好有特色菠菜有菠菜味三文魚有三文魚味法國餡餅都好好食 但相比其他性價比無錦高湯都好好飲！雖然味道好濃但係唔會咸應該會搵機會試晒所以正小店都好有愛見個個都寫碗仔翅 但我又未試過不過求先外賣都見到好多人會買黎食我諗我下次都應該要試下啲廚師個個都好似好專業錦 BTW 如果有埋白湯同紅湯就好啦！…Read More

第一次寫食評 元朗食雞煲好多但依家差唔多係最抵(因為我未發現更抵)158 唔洗加一 送一隻蠔同鮑魚食物種類唔多 但我覺得好足夠至少基本上想食嘅都有食物未必最好 但食嘅過程好温暖我同朋友兩個去食 兩個女仔唔係食超多所以食食下就停左手但個店員就會行黎問我地有無嘢要加？(好似去左人地屋企食飯嗰種 而唔係不停打擾嗰種)食完好好食嘅桂花糕之後 我地個朋友過左黎接我地走 個老闆仲問佢洗唔洗食甜品？成件事好有趣順帶一提 早餐我都喜愛喺老友記食粥 十幾蚊大大碗好足料😋😋😋…Read More