DorisTsang1237's Profile

晚上5:30後主餐牌買一送一係幾抵食，餐牌選擇都幾多，但份量唔知關唔關買一送一事，男生自己食一份量的話應該唔係好夠。野飲就沒有特別優惠，落了薑黃奶只需加$38(原價$5x)，但本人覺得太甜，阿姨則點了紅菜頭奶，佢都係覺得太甜所以只飲了少少。整體而言食物質素是可以的，只嫌份量太少。坐位和環境舒適，7:30坐到尾沒有趕人走。大家可以考慮一下。…Read More

是日打風下午落波所以唔係咁多人排隊，幸運地只是等了一等買到了雪糕、傳聞熱賣的"菲林"和芝麻糊。先講雪糕，只係雪糕上的醬有芝麻味，雪糕就無乜味喇，成為$28；而菲林就唔夠芝麻味，比較遜色，成為$25；至於芝麻糊雖然香但好鬼甜，成為$30。整體來說不過不失啦! 唔可以講絕對好食，如果要排上15分鐘以上就唔係好值。還有，店員態度麻麻地。…Read More

由於試過總店，見新開張就試試比較吓啦。店舖很小，只有幾張Bar枱橷，由於沒太多人等候，所以很快拿到野飲。Ordered了大杯凍抺茶Latte，抺茶味道不及總店那麼濃郁，要了少冰的不覺得少冰，兩三下經已飲完，$48有點不值。最後，還是總店好飲吧!!…Read More

是日與友人早上惠顧麵包店的牛角飽後坐店外小枱品嚐，此店的牛角飽真係無得輸，咬一口脆卜卜的，非常鬆化，而且鬆化得來唔伯過火(燒焦)。於該店的麵包店購買麵飽後到旁邊的咖啡店購買咖啡可享9折優惠，於是乎我們各人一杯，但咖啡有點遜色，咖啡味唔夠突出，奶比例較重，重點推介此店的牛角飽，咖啡不要抱太大期望。…Read More

由於可以預早訂位，我們一行7人可以去到唔使等位，否則有排等，設用餐時間1小時30分鐘，基本上足夠的，因為他們上菜速度相當快，自助落單後很快便上菜，回望四周其他枱很多都放得滿滿，皆因店舖的食物非常抵食，一定食到飽，極力推介北京填鴨，這個價錢出面其他餐廳真是食不到；唔怕食羊肉的話可以點羊肉餃子，唔會有蘇味，擔擔麵也伯不二之選，最可惜未能試到蘋果拔絲，因已售罄，但高力豆沙都唔錯，唔會很甜，是晚埋單$6XX，出面真係食唔到，皆因此店唔收加一，但服務非常"快、準"，服務員唔會齋企唔添茶，因為想客人快些食完到下一張枱。…Read More

選了很久才去呢間餐室，諗住無咁多大6人。見網民投稿此店服務態度非常劣，我也冒險一試。下單時要求野飲後叫，因為唔想放涼，侍女同我講: 繁忙時間野飲無後上，我回道: 咁d野飲咪放涼晒 (去咁多餐廳從未有人同我講唔可以咁做)? 於是乎佢行開咗幾分鐘，又走過來問飲乜野呀? 我們只好迫於無奈地下單。到結帳時見到有電子支付為Alipay & Wechat Pay以及現金，我說: 收八達通? 四眼肥肥地的收銀阿姐回: 不，因要收6%手續費，我道: 那麼你們只做大6人生意? 佢仲話全部餐廳都係咁。我道: 你地新蒲崗分店是只有現金的，那麼對我們香港人好唔公平，沒有一視同仁，加上鄰近既大紅茶咁好生意咪又照樣只收現金，人地只見龍頭不見龍尾。之後佢仲要呴度囉唆不斷，當時我已經走出餐廳都廢事同佢講。所以此間餐廳應要進行嚴格的員工訓導，並要接客一視同仁!!!食物水準又唔係特別好食，比錢仲要受氣!!…Read More

又係名大過實的食店。食物水準非常一般，但價錢偏貴，份量跟價錢不成正比。試了一份炸鱔，貴到死之如都唔知食咗d乜野，皆因以炸遮醜，隨時唔係鱔都唔出奇!! 小籠飽又細細隻。其實去上海XX食仲抵食。…Read More

又一新開的烘焙店，主打5星星大廚開設以及近年好興的酥皮千層蛋撻，惠顧當日沒有貨，選而求其次買咗原味鬆餅和Pretzal。鬆餅無太大的牛油味，味道唔錯；而Pretzal 的皮就比較硬，唔太鹹，亦都唔會食到一粒粒的鹽，如果個皮軟身返少少就好了，比起Bake House有點遜色。…Read More

是日9:30去食早餐，很多位無乜人，起碼唔會有大媽出現。早餐都非常抵食，一份厚多士加一杯熱飲(凍飲加$3.00)都係$27.00，多士質素非常好，只是花生醬比較少，咖啡就........很失望，無味，雖然奶分開上，但真係唔好飲。友人叫了沙爹牛麵，都叫抵$36.00，麵質唔錯，唔會太淋或太硬，但牛肉都鹹左少少，牛肉又唔太難咬，但最意外是套餐竟然無多士，因為可以提供2個配搭選擇(如: 雞蛋加腸仔，註: 腸仔只是2條細條的芝士腸)，友人大讚凍奶茶好飲，好有茶味。…Read More

雷聲大，雨點少，正當此店開設很多分店，每間都大排長龍，費時等待的同時看到此簡單咖啡廳沒那麼多人排隊，加上各方面的聲音都讚口不絕，所以前來試試他們的咖啡。唔知係咪因為價錢太便宜所致，所以杯咖啡有這樣的質素。 當日外賣一杯泡沫咖啡，試了一口就只有泡沫沒有咖啡，全杯都是牛奶，我已經沒有要求要脫脂奶都弄成這麼樣子，難道是飲牛奶嗎?  我猜想是否比錯了牛奶咖啡?  但侍應拿出來時是說: 泡沫咖啡的，那麼沒錯了吧!  這杯所謂的咖啡簡直不值一試， 為什麼這餐廳有那麼多人要排隊幫襯呢?  一杯簡單的咖啡都弄成這樣子，其他野食又會如何呢??…Read More

見到排隊餐廳又諗住試下，眼見有成10個8個，但都去得好快，原來餐廳內部很大，流量所以快。此餐廳沒有機械落單，全部人手操作，多了份人情味。食了一般的常餐和種類較多的午餐，味道唔錯，之後見到有新鮮菠蘿飽出爐，馬上叫了個冰火菠蘿油，皮夠脆，牛油一d都唔馬虎，全塊比晒你，食唔食由你話事。餐價適中啦! 一般大眾化價錢，比鄰近既牛奶冰室便少少，但熱檸檬水一定用堅檸檬。…Read More

極力推薦不得不試的 "喇沙" ，由於做得出色變了常客。試過其他店的喇沙都沒有一間好得過佢，佢比較接近新加坡的味道，湯香濃而且很滑，又唔會好辣，一般長者都食到，價格親民。而跟餐飲品可以揀檸檬蒠米水，又可以加錢轉特飲，普遍來講選擇都很多。無骨海南雞也值得一試。餐廳服務態度非常用，美中不足要用手機落單，但服務員都很樂意為客人提供服務。…Read More

無論中午或下午路過都經常排隊，特意於星期日的中午時段到此一試，雖然要排隊但很快輪候到，因為佢室內坐位多、樓面大，走廊唔算窄。是日叫了精選午餐(燒雞排燒汁配飯)和常餐，常餐都不過不失，牛肉唔硬唔鞋好，比起牛奶無咁鹹，兩份餐價錢比牛奶便，掛唔得咁多人啦。食完後聽見有菠蘿飽出爐，媽媽話好耐未食話冰火菠蘿油，叫了一個share，外皮脆，$13/個，算唔錯。大家可以一試。重要一點: 唔使手機落單，只收現金。…Read More

今早2人行專登黎試吓佢杯荼，結果叫了2杯茶王+蔥花三文治，三文治有水準，又夠大件，2女性食夠晒，勁飽。講返主要的茶王，茶濃味滑，唔鞋口，向油尖旺黎講佢認第二無人認第一，唯獨嫌佢唔夠熱(可能我比較偏好熱茶)，大家路經尖沙咀可以支持吓。…Read More

唔抵食嘅套餐，試過一次唔會再幫襯。昨晚跟朋友到此餐廳食晚餐，人客不多，10枱客以下，坐得舒服。坐外後點了$398套餐(已沒有$388龍蝦套餐供應)。套餐頭盤點了炒磨菇、1客龍蝦湯、加$108點了半隻龍蝦pizza、再加$28點了慢煮紅酒牛肋條螺絲粉，最好食都係牛肋條螺絲粉，所謂龍蝦pizza就.....。麵粉厚過塊臉，死太厚，質感又硬到死，無乜材料，只有3-4塊開邊番茄，龍蝦肉又硬到死，Pizza Hit 好食過佢，仲要加咁貴食d咁嘅質素。…Read More