cylam526's Profile

之前做哂廣告話燒味好好食，尤其叉燒堪稱全港第一，有日經過決定一試。入到去問收銀呀姐仲有無叉燒同燻蹄，佢可能以為我買好多，即刻笑住問我要幾多，但當知我只係要個雙併飯態度就即刻180度轉變。因為當時落住細雨，我又孭住個仔，落完單諗住係入面等外賣，當時鋪內客人大概只佔一半左右，但收銀呀姐粗聲粗氣咁叫我係門口等，話我會阻住啲客。。。咁好啦，出門口之前同個呀姐講多句想要多汁，點知佢好大反應答我”薑蓉要另外加錢架，汁就唔洗架。。。！”果一刻真係覺得好反感，加果幾蚊我絕對比得起，但係啲語氣係咪可以好啲？再講啲燒味，味道不過不失，雖然唔難食，但又未置於好似廣告所講咁誇張好食，自誇全港第一絕對受之有愧。不過值得一讚既係以外賣雙併$37既價錢黎講，啲燒味既份量唔算少，算係幾抵食。希望服務真係可以改善下，如果想食好野又有服務既其實真係大把選擇唔洗揀你地。…Read More

朋友介紹，成班同事網上買左coupon黎試一入座，唔洗5分鐘已經擺好哂所有食物，以晚市時段黎講，速度之快真係好難得👍食物的質素還是不錯的，尤其係甜品冰沫，質地好細膩，分別叫左抹茶、草莓同紅豆味；個人比較喜歡抹茶味，加上煉奶，味道好出好濃郁，必點食物✅海鮮薄餅，趁熱食一流，粉味唔會好重，餅身小小脆，熟度恰到好處👍🉐烤豬皮，有別於平時食車仔麵果啲，質地好厚，烤過之後好有口感，豬皮味都好濃👍🉐韓式炒年糕，適合食唔到辣既朋友，好煙un，口感不錯👌但服務認真麻麻，先講個爐，我地book左6人枱，應該有2個爐，但侍應居然話廚房洗唔切，要我地6個人堆哂係一個爐度食，好唔方便👎然後係爐邊蛋，我地食左成個鐘先發覺無人黎幫我地倒蛋漿，連芝士亦都係我地問先提供比我地👎最後上甜品時，居然只提供4隻羹，仲話廚房仲未洗得切，問我地6個人將就下用住4隻先得唔得。。。😑無言下次去食，儘量都會揀啲非繁忙時間，如果真係注重服務質素既朋友，真係要考慮清楚先好😐…Read More

朋友介紹，首次光顧前菜同一般韓國餐廳差不多，不過啲醬料有驚喜，尤其係個沙律醬，味道好特別炸雞款式好多，而且有好多味揀，真係唔知揀邊種好😅好彩有朋友推介，叫左個無骨炸雞，最中二佢無骨，啖啖肉，食得好方便🍴仲叫左個安東火頓雞，一上枱見個賣相好靚，滿滿的雞肉同配菜，夠3個人食了值得一提既係啲汁好好味，大蒜配料滲入燒汁好惹味，啲雞肉都好嫩，配白飯食一流😍P.s:餐廳環境唔算嘈，3人行平均消費100左右，都ok，一入去就見到牆上有好多張客人的合照，感覺上係朋友gathering的好選擇👍…Read More