kayii's Profile

成日都會黎呢間刀削麵舖食，因為覺得好好食。今次叫左手撕雞刀削麵、豬扒炒拉麵同海蜇。 佢地既份量都會幾多，所以每次食完都會好飽。下邊呢個係手撕雞刀削麵，小小辣。 佢d 刀削麵雖然係有d 有少少厚，但食落去都唔會覺得好硬，咬落去既質感都好有咬口，手撕雞其實本身就無咩味既，但加落去呢個湯同d 麵一齊食個味道係出晒黎，因為佢個湯既味都算濃，又有少少辣味(可以揀唔辣的)，所以普通麵撈埋一齊食都會幾有味幾好食，佢仲有d 芫茜令到個湯好香。下邊呢個係豬扒炒拉麵，少少辣。 都係好好食架，拉麵就比刀削麵無咁有咬口，因為佢幼d。但係佢既煮法令到佢好入味。佢辣辣地咸咸地覺得佢好有獲氣，都算乾身，所以食落去都唔算好油。 另外，豬扒都好食，唔會咬極都唔咬唔開果d。最後呢個就係海蜇，都係少少辣。佢有d 麻油加左落去令到佢香d，但係今次就覺得佢落得太多，因為好似淨係食到d 麻油味。但個海蜇都好爽好食的。…Read More

住元朗的人都知金蘋果係老字號，細細個既生日都會買佢。今次為左慶祝2016 年，所以買左一磅個芒果粟子蛋糕慶祝，蛋糕買只係$110，價錢好合理！而味道係非常之好味，首先係佢d 芒果係好甜，其他水果都唔酸，咬落去仲好juicy 既。 另外水果下邊就係海綿蛋糕，佢個海綿蛋糕食落去係好鬆軟鬆化，加埋d cream 一齊食係啱啱好，味道又唔會好甜，呢個中間仲夾左d 粟子，d 粟子溶好香，有粟子味。…Read More

今日黎到沙田，就去宜家傢俬既cafe 食d 野。入到去超多人呀，男朋友去買野食，咁我就去搵位坐啦！等左都幾耐下都無位，最後等左20 分鐘先有位，我本身唔係咁中意等位，所以都等到幾唔開心，哈哈。  我地兩個人叫左都幾多野，叫左一個煙三文魚配意粉，十粒肉丸，火雞意粉，有湯有包。 呢個煙三文魚配意粉都麻麻，d 意粉好乾呀，但個煙三文魚都唔錯既，幾香，咬落去唔會好淋。  個肉丸加埋d 醬好好食，酸酸地甜甜地好中意個味道，好中意！ 火雞意粉唔好食呀，因為d 雞個味怪怪地，個肉質好鞋，意粉都係乾乾地無咩味道咁。個湯好咸唔好飲，飲落又好希，哈哈！ 但我覺得咁既價錢食咁多野都幾抵既。 …Read More

今日約左朋友係元朗食飯，所以就揀左呢間。我地三個人叫左兩個餐食，加左餐湯沙律同白酒。 我地一叫左野食，佢就俾左d 包我地，有兩款唔同既包既，一款硬d，一款軟d，個人就覺得軟d 果隻口感好好，好食d 同埋個味道好味d，點湯一齊食好好食。 呢個沙律好食，好清，d 汁酸酸甜甜咁好開胃既。 個湯都唔錯，應該係蘑茹味既湯，個味道幾濃幾好味，飲落又唔會覺得好溜。 呢個係魚幾好，個煎香左個魚皮，令到個魚好香，又鎖緊d 肉汁，好好食！佢另外仲有d 薯蓉有d 瓜幾好食，唔會好咸。 呢個係冬陰功海鮮飯，我覺得呢個好好食呀，佢海鮮既料都唔算少，d 飯仲有d 糙米係裡邊，另到個飯咬落去好有口感又覺得好健康，d 飯加埋d 冬陰功味既汁好好食，唔會好濃味道適中，口感好好。  另外個白酒都唔錯既，唔會好苦。個環境都幾舒服，啱同幾個朋友傾下計食下飯咁。  但係價錢係唔算平既。…Read More

之前一直都想黎呢間野試下，但假日成日都好多人，平日放工果去8 點就閂左門，所以一直都無機會去。今次放假試下去等下啦，等左5 分鐘左右就有，但係就坐高枱，隻腳會釣住釣住咁，但係都幾希情調既，哈哈！  我地叫左兩個all day breakfast，但佢地係唔同款架，但我唔記得左佢地叫咩名，哈哈！下邊睇圖啦！但我地落左單之後，幾個字之後先黎野飲，野飲黎左之後，又等左差唔多半個鐘先黎野食，等到我唔餓都變餓。  但都體諒既，因為佢全間舖得兩個人做晒所有野！呢個all day breakfast 就有好多野食既，都幾好食既 ，我中意將所有野放晒係個包到食，個包好脆，令到全部野都好香口。d 腸仔亦都唔會太咸。但係就普通d，無咩特別咁。呢個all day breakfast 就少d 野食既，少左隻蛋同煙肉，我覺我佢個沙律菜既味道好清新，d 菜感覺上都好新鮮。由於呢個份量較少，如果當午餐食我會唔夠食。 下邊呢個朱古力我好中意呀！因為本身就好中意飲朱古力，加上佢個拉花好靚，哈哈！  唔會好甜但係就好濃朱古力味！ 下邊呢杯咖啡都好靚，男朋友都話幾好飲，唔會太甜又唔會太苦，味道適中。價錢黎講係幾合理既，唔會好貴。天水圍已經好少呢d 小店，環境都唔錯架，幾舒服，雖然等得有少少耐，但係都會支持佢。 …Read More

粉麵係我既至愛，而呢間我久唔久我都會去食的。  男朋友叫左什河，我次次都叫雲吞牛肚河既。我地另外仲叫左炸雞球同埋腐乳通菜。呢個就係什河，男朋友話幾好食，牛什的湯好濃郁。呢個雲吞牛肚河真係我既至愛，次次黎都會叫呢個。  佢d 河粉又唔係話算好滑果d，但係我又覺得呢d 粉麵舖好有味道，d 湯同d 牛肚都好夠味道，雲吞的料都多，d 蝦係彈牙既。  好中意呀！呢個炸雞都幾好，食落好香口，雞都幾滑，加埋個醬好好食 ，但就會有少少油咁！呢個通菜無咩特別，但我就覺得有太多腐乳，令到佢有少少咸。如果大家有咩粉麵舖推介，可以話我知，因為真係好中意食粉麵，哈哈！ …Read More

聖誕假期，約左朋友去呢間野食，見佢有salad 都好想試下。 我地叫左一個tuna salad，一個下午茶精選拼盤，同一個carbonara。 野飲叫左fresh squeezed lemonade 同洛神花茶。下午茶精選拼盤係有以下餐牌咁多野架！個賣相都唔錯，個包同d 通粉同d 薯條都幾好食，d 薯條有d 芝士整到好香。 但係個漢堡包就麻麻喇，因為無咩汁比較乾，咬落無咩肉汁既感覺。個carbonara 無咩特別，好似度度食既carboncara 既質素都差唔多。呢個tuna salad 本身期望佢係好食架，但係食落去又唔係太好似咁，叫之前問果個人係熱定係凍，佢話熱既，點知黎到又唔熱又唔凍咁！哈哈！ 但味道不過不失啦，係覺得d 魚唔係好新鮮咁。以下係飲品，朋友話個洛神花好好，d 蜜糖係另外俾既。個環境都算係幾開揚幾舒服既，陽光充足，幾個朋友傾下計係幾好既。…Read More

今日夜晚食飯時間好肚餓，同男朋友又諗唔到想食咩，見到呢間野終於都開左，所以我地就先食甜品先啦！  叫左一個抹茶聖代同埋一個雙色刨冰，我好中意食抹茶，所以都幾期待。我覺得個抹茶聖代好好食呀！佢有雪糕，有d 脆脆，有豆花，有d 紅豆同有d 抹茶凍凍，仲有兩粒丸子。開頭食第一淡雪糕果陣已經覺得好好食，因為我好驚d 雪糕係好重奶味既，呢個就啱啱好，好好食！ 一直食落去，將全部野撈埋一齊食，又有咬口，d 味道又好match，個感覺好好呀！ 雙色刨冰就有雙色雪糕，應該係抹茶同埋焙茶，仲有凍凍，丸子同埋紅豆，仲有抹茶刨冰。比起抹茶聖代，我就覺得抹茶聖代好食d，因為覺得呢個冰既抹茶味無咁濃。但係個焙茶雪糕我覺得都幾好食，好清新既感覺。 總括黎講都幾好的，但係價錢就貴左少少。…Read More

今日九點幾喺元朗搵野食，知道呢間上海麵新開，所以想試下。我地兩個人叫左一個紫菜腐皮排骨麵、一個上海粗炒同一個酥炸雲吞，野飲叫左豆漿同菊花茶。呢個紫菜腐皮排骨麵見佢個紫菜腐皮幾特別所以叫左，但食落覺得紫菜腐皮好多油，同埋無咩紫菜味，但係個排骨就好好味好香，而個麵d 湯都唔會好咸，幾好！我幾中意食。呢個上海粗炒好好食呀！佢無咩油炒得好乾身，又有味道。d 排骨係同上邊果個湯麵一樣既，所以都好好食！ 但係男朋友食就覺得唔係好夠味，佢就加左d 辣醬去食。酥炸雲吞d 料好多，個味道唔錯，都炸得好香口好脆。 好食既！豆漿無咩特別但係個菊花茶好好飲，佢話係自家製既，我都覺得好似屋企煲果d 咁既味，唔會好甜，我好中意。另外，佢個裝修好靚架，睇得出佢係花心思設計過既，令我地食得都好舒服，仲播住我最中意既陳綺貞歌，係得好開心，哈哈！…Read More

難得放假同朋友出街食飯，去左旺角呢間樓上cafe 食野。 呢間cafe 真係旺中帶靜，又近地鐵站唔難搵。 環境好舒適，主要係白色既裝修為主，好清新舒適。 我地總共叫左5 個set lunch，今次影多左相俾大家睇。呢個係沙律前菜，幾清新幾好食！呢個飯朋友都話唔錯。下邊3 個意粉不過不失啦，賣相幾靚既，但無想像中咁好味。有朋友叫左呢個沙律，佢話幾好食，我見佢份量都幾多下。呢個芝士焗薯條好香好好味呀！d 芝士味好香，咬落去又唔會好淋咁！ 幾乎每條著條都點到芝士既，呢樣野好重要，哈哈！呢個雞翼都唔錯，好香蜜糖味！綜合左朋友既意見，大家都覺得d 野飲麻麻地。我就係飲濃朱古力既，但我就覺得佢一d 都唔濃，哈哈！ 由於我對朱古力既要求都幾高，所以覺得佢唔係好好飲。如果想同朋友傾下計聚下舊，呢度係唔錯既選揀黎既，仲有d card games 果d 玩下。…Read More

今日同男朋友一家人去食buffet，食左好多野，好滿足呀！  都有幾多野食，有生蠔啦，刺身啦，沙律啦，豬手啦，牛扒啦，燉湯啦，好多種類既甜品，仲有雪糕等等等等。 生蠔佢每次都可以拎4 隻，雖然佢唔算得上好大隻，但係咬落去都有口感同埋鮮甜的！  好味道！每次去拎都唔使排隊，結果男朋友食左10 幾隻。 每次行出去都拎左好多野食，有煙三文魚、腸、巴拿馬火腳、豬手、芝士等等。  煙三文魚細細塊咁好香好好味，因為佢細細塊所以唔會食到好漏。  巴拿馬火腳夾埋d 哈蜜瓜一齊食真係好好食呀，唔會好鹹。  呢度既豬手係男朋友家姐話黎呢度一定要食既，佢有兩款，一款係焗，另一款係煮。我食左焗果款，好香口又有咬口。  芝士係男朋友既至愛，佢食左好多好多芝士，我見到d 芝士都有好多款式，佢試晒都話d 味唔錯。 甜品好多款好好食呀！  我覺得最好食就係一個類似芒果海綿蛋糕 (唔記得exactly 叫咩名) 既蛋糕，好好食，d 蛋糕咬落去好鬆軟，d 芒果又甜。下邊呢款甜品主要由開心果整成既，左邊係開心果mousse，右邊係開心果包包咁既野，右邊果個個皮食落去好鬆化，男朋友家姐話好好食！久唔久食一次buffet 好好好滿足呀！…Read More

今日做完野同朋友食晏，佢就話去食呢間。佢有套餐係一個米線加一個小食咁既。 我叫左個魚腐米線小酸辣，小食要豆腐皮蛋。朋友就叫左豬肉丸紅薯粉小麻辣既，小食要炸雲吞。魚腐米線小酸辣好味既，但個湯就唔係好酸同唔係好辣，開頭我以為係蕃茄湯。個魚腐好食呀，唔會腥。 米線唔會好淋，最中意硬硬地既米線。豬肉丸紅薯粉小麻辣都唔錯，朋友話最中意佢既豬肉丸，佢次次都會叫，於是佢俾左一粒我試下。 一咬落去好彈牙好好食呀，唔會好淋zi zi 咁。 好味道！豆腐皮蛋個汁辣辣地幾好食，d 豆腐好滑，d 皮蛋撈埋d 汁都好好食。個炸雲吞就差dd 喇，一黎佢炸得太犀利，二黎佢成舊野都好似係粉黎，只有少少食蝦，我諗佢有9/10 都係炸粉，所以我覺得幾油膩同埋好似只係食緊粉咁。…Read More

今日約左朋友去浸大，朋友就帶左我去呢間食野，我地去果陣六點幾，入到去得我地兩個。果陣唔係好肚餓，下午茶時間又過左，但又想食d 野，所以就叫左少少野食。 我叫左個公司三文治，朋友叫左個豬扒公仔麵。個侍應一知道我地叫呢d 野而唔係叫小菜或晚餐，佢就話要問問裡邊得唔得。最後等左好耐佢先幫我地落單。:( 之後仲收左本身係枱面既前菜小食 (類似橋頭咁既野果d)。咁等左好多我地d 野先，明明就無人，唔明點解要搞咁耐。公司三文治係幾足料幾好食既，幾足料，一淡咬落去係全部料都可以食到既，有蕃茄、芝士、蛋、午餐肉等等。 三文治烘左底，係幾好食既。朋友果個豬扒公仔麵見佢塊豬扒都幾大塊幾香口既，我諗應該都唔錯。有另一個朋友過呢度既朱古力係好好飲既，話去度係一定要飲既，但今次我地無叫到。…Read More

今日又係好夜先放工，去銀座睇下仲有咩食啦，仲有一粥麵同埋麥當奴，最後揀左一粥麵。見到佢有個宵夜套餐，皮蛋瘦肉粥或雲吞麵加一個小食都係2x 蚊咋！  好抵呀！男朋友就叫左個挺仔粥同冰震奶茶。  我就叫左個雲吞麵加腸粉。個雲吞麵好好食，d 麵好爽食落去好彈牙，d 雲吞都足料既，仲有五粒咁多。 個腸粉有好多條，加埋上邊d 蝦米一齊食好好食！ 雖然已經係宵夜時段，但係佢d 野食都唔會凍又唔會好求其咁。 個挺仔粥好食，唔會好水，又足料，味道適中唔會太鹹。 不嬲都覺得佢d 粥幾好食架！冰震奶茶係我男朋友既至愛，佢次次都會叫！ 佢話d 冰係出邊就唔會搞到杯奶茶淡晒喎，哈哈！我試左幾淡，又真係幾好飲喎，好濃郁既奶茶味，唔會好似平時d 奶茶飲到最後會淡晒，但杯野又凍架喎！本身就唔係好中意集團既食肆既，但我對一粥麵既印象係幾好既！…Read More

今日又好夜自放工，就去左天耀呢間日本野食少少野。 佢有宵夜時段既食物架！今次影左d 餐牌俾你地睇，幾抵架，但係味道就麻麻。今次男朋友叫左個三文魚炒飯，而我就叫左個什錦壽司拼盆。個三文魚炒飯一黎到既時候我第一個反應係：「嘩，咁似楊州炒飯既！」哈哈！之後男朋友就話：「咩呀？有d 三文魚架！」哈哈哈！因為佢真係唔係好多三文魚。 個味道都真係幾似楊州炒飯，又唔係話佢唔好食既，不過就無咩日本既味道。什錦壽司拼盆有五件壽司，全部都普通唔會話好好味咁。想講下佢個wasabi，好似泥膠咁架，不過味係wasabi 味既，但就唔係好辣咁，哈哈！因為天水圍真係比較少日本食店，所以如果夜左又想食日本野既話，就只好揀呢間。如果對味道唔講究既，呢間野算係幾抵。…Read More