勁食同事's Profile

山長水遠渣車去長沙灣店外賣左碗幻彩明珠走涼粉，諗住呢間食開，質量有保證。上次去太子分店中伏後，都知松記質素唔係間間都好。但呢幾次，唔知點解幻彩明珠無左忌廉汁，芒果汁又勁少，連大明珠都只得幾粒，成碗嘢真係好難食，一碗唔甜既糖水，得生果浸住加左水既蘭香子，可以想像到有幾難食，最慘係仲要特登渣車去買，買左碗垃圾返黎，真係嬲到著燈，幫襯左十幾年，間嘢越做越差， 已經唔係第一次，再比機會都係咁，失望，以後都唔會再幫襯。…Read More

平安夜晚餐688蚊一位，要預先比680蚊訂。滿心歡喜去慶祝，一開始就比一個麵包我食，之後等左20分鐘先再上個湯。嘩，呢個洋蔥湯，份量少得可憐，而且係我人生飲過最咸既洋蔥湯，咸中帶苦，好難飲，好彩咁細碗，原來有原因的。之後就黎個雞肝鵝肝醬+半個麵包，味道普通，無特別。跟住就上個一分好細既龍蝦沙律，呢個係全晚最好食既，因為係生菜加龍蝦肉加千島醬，完全無難度。主菜我叫左牛面頰，另一位叫左tuna steak, 2份嘢都係乾爭爭，味道好淡，肉質好鞋。最後到甜品，有2個，賣相成篤爛屎咁，我都唔多講，大家自己睇相吧。呢一餐絕對唔可以講係fine dinning.咁既價錢，唔會再去囉。…Read More

放寬左4人一桌，d人即刻報復式消費。零售都係好靜，但飲食就好旺。因為有好多海港城優惠coupon,大概半價就可以食到。當日星期日，間間餐廳都好多人，大排長龍，見度小月相對比較少人排， 所以去試下。叫了滷肉飯，葱油雞，蝦球，牛柳粒，豬大腸，無一樣嘢好食。價錢普通，但份量超少，所以變相價錢是貴，性價比低。食物味道沒有酒樓質素，似茶餐廳再低質一點。環境一般，好彩係用coupon 去食，雖然半價，但也不會再去，一點都不正宗的台灣菜。…Read More

見到d廣告賣相咁好，食評又多好評，雜誌又推介，就專登去試下。坐電梯去到，一開門入店已經聞到有陣陣臭腥味，再望環境，真係嚇一跳。三百幾蚊一位既放題，環境可以咁差，其他二百幾蚊既放題環境仲靚好多。加左118升級食法國生蠔，完全唔掂，比酒店自助餐既生蠔再差一半，朋友食完即時肚屙。帶子海胆，無咩味，海胆有d臭味，唔甜。其他刺身都係無乜味道，唔新鮮，除左鮑片，螺肉有味，其他真係只有口感，沒有味道。泰式炒蜆有沙，味道一般，食物種類不多，熱鍋，一品料理，羊架，炸蠔都無，連最基本既雪糕都無，唔好比相呃，唔會再黎，唔抵食都算，仲要唔好食。唯一安慰係食早場，平幾大蚊，蝕少d.…Read More

見open rice 訂位有7折仲送生蠔，好似好吸引，就黎試下。環境唔似酒店，似西餐廳，所以坐得幾舒服。我們點了牛扒，tacos, pizza, 龍蝦意粉，豬肋骨。 牛扒5成熟，好juicy, 煮得啱啱好，好味。tacos 同pizza味道好相似，有3種醬料，沾黎食好match. 龍蝦意粉好惹味，好香，但油膩左d, 豬肋骨整得好淋，但份量少左d. 送既生蠔都幾新鮮，唔錯。 服務員Kelvin 好好，我們有些人沒有order飲品，佢主動飲水比我地，仲同我地傾計，服務好好。我一定會再去和介紹多d人去，因為抵食又好食，平均二百幾蚊一個人。…Read More

睇介紹，睇相好似好正，而且價錢吸引，所以黎試下。但書話係廣輝大廈地下， 地址唔正確，搵左好耐都搵唔到，要係google map 打店名，先發現原來係喜來稀對面，好彩Google map 有店面相，唔係真係比飲水男女老點左。自助形式落單，scan qr code,落完單要先比錢，只接受八達通或現金，點左雞湯豚肉拉面，湯底夠濃，豚肉夠厚juicy,麵質ok,都好足料下。價錢唔貴，無收加一。只係等得耐，order之後等左25分鐘先上菜，懷疑漏單。…Read More

食物種類少, 味道一般, 除左龍蝦係好D , 因為係用新鮮龍蝦白灼，同其他酒店既急凍龍蝦唔同, 所以只有龍蝦係出色, 其餘食物好一般. 無生蠔, 只有凍假, 蟹腳, 螺. 刺身得幾種魚類, 無帶子. 之前睇人地既食評有帶子刺身, 鮑魚海蔘, 但我去果晚無. 羊架, 鵝肝, 牛扒都整得麻麻, 味道只係一般. 沙律方面簡直係差. 甜品種類算多, 但唔叫好好味, 但雪糕唔錯, 因為有6種口味. 值得一提既係生日送一個小蛋糕比你, 用黎影相都唔錯. 咁既價錢, 咁既質素, 唔怪得入座率得七成. 即係話, 唯一既好 處係唔洗同人爭食. …Read More

以前這店的米線真的好好味，魚湯夠濃，麻辣超正。但從幾個月前，唔知點解水準每況愈下，有時成碗面唔熱，配料未熟，分量越黎越少，落錯單，打左價錢，加價等等，最大問題係魚湯勁稀，沒有魚味，我最後一次中伏，唔會再幫襯。…Read More

第一次嚟， 點咗大邱辣醬炸雞，$158。 水準冇韓國炸雞嘅一半 雞好老，無韓國嗰啲咁滑。點咗滋味級辣，但其實都幾辣。 其實只係用細嘅燒春雞沾咗辣醬，冇乜特別，所以唔會再嚟。…Read More

餐廳環境非常好，每張枱都隔得好開，好似自成一角咁，無敵靚海境。小食有蒜片牛肉粒，非常鬆軟，鮑魚海折，豬腳筋，炸蟹蚶都好好味。花膠超級正，一d都唔腥，又大又厚，好膠，可以話係我人生食過最好味既花膠，推薦。海蔘，鴨掌都整得好好味。魚翅超正，多到好似食麵咁。食物份量好多，完全食唔哂，所有食物都好好味。侍應非常有禮貌，服務好到無得彈。全5星。 …Read More

朋友生日話要去呢間到食，我都係第一次去。位置需然係工廠區，但地鐵站一出行三分鐘就到，好方便。環境很好，裝修很Grand，不像一般餐廳，坐位也很舒服。價錢方面如果食set dinner就二百幾蚊一個餐。朋友生日，當然不能叫set dinner啦。我們分別叫了，頭盤: 鵝肝伴多士+鵝肝焦糖燉蛋，好好味，而且很特別，未食過鵝肝焦糖燉蛋咁特別既野，唔會太'漏'。凱撒沙律:)，白酒煮聖子王:)，呢個有別於一般中式既豉椒炒聖子，原來西式煮法都可以好好味，酒味唔會太濃，味道好好。主菜:藍貝墨魚麵，藍貝好新鮮，麵很香。海鮮大蝦王:)，煮得比較咸左d，但都好味。牛扒:)，煮得熟左d，但都唔錯。甜品方面有心太軟，綠茶慕絲和番茄味好似慕絲既野，心太軟勁好味，番茄味既乜乜好fresh，好有五星期酒店既水準，總體來說，係一間價錢比較平，但食物有五星級水準既餐廳，值得推介。還有這裡最好就係可以自携酒水，唔洗比開瓶費…Read More

連續兩日朋友生日，真係好難諗食咩。上openrice搵下有咩好食，見到呢間泰菜好多:)，所以特登揸車入去食。六點九去到，唔洗等位，環境唔錯。由於得兩個人，所以只叫左幾樣野食，辣醬青瓜:)個醬好味，鳯爪沙律，唔夠辣，好一般。酸辣海鮮湯，好似冬陰功味，但勁多香茅渣。咖喱軟殼蟹+薄餅，但咸左d，撈白飯好味。芒果特飲:(，好唔掂，唔係新鮮芒果整，係用濃縮芒果汁加幾粒鮮芒果係面整，唔好味。服務方面唔錯，侍應都好有禮貌。總體黎講，新界區既首選，但我始終都係鐘意九龍城多d。…Read More

睇完OPENRICE食評見D 人寫得咁好，就一家人去試下。環境真係好一般，坐位非常迫，食物方面: 三文魚刺身唔新鮮，叫完一轉後都唔想再encore，甜蝦好味。熱食方面無一樣野係特別好味，燒粟米仲要係壞左有酸味，食物種類唔多，另外叫左pizza無又唔出聲，要問先話因為餅底用完，所以今日無pizza提供。order紙要睇住menu寫食物號碼，非常不方便。服務方面，這店好像是家庭式作業，侍應都好有禮貌，但可惜食物唔得。…Read More

可能因為通脹問題，而家D 雞翼尖細包左好多，前兩星期買三包份屋企，但份量比以前係少左一半，心諗可能因為個別事件。昨晚又買左三包，今次打開黎睇同上次一樣，都係比以前少左好多。味道方面，無以前咁好味，可能因為而家無咁辣，以前辣得好過癮，而家只係小辣。…Read More

第一次寫食評，其實想寫好耐，但因為懶，所以拖到而家。和田呢間放題我大大話話都去過有十次咁多，最吸引我去既地方係佢提供任食虎蝦。刺身方面真係好新鮮，劍魚，三文魚唔會細細舊。熟食放面推介炸蠔，炸香蕉，羊架。蟹籽沙律唔近鮮，壽司一般。雪糕有三隻味選擇，紅豆，綠茶和芝麻，好味。漏單情況唔嚴重，所以本人會推薦大家去。…Read More