pigpig70s's Profile

京都大酒樓（黃大仙）京都大酒樓位於黃大仙，入面環境幾舒服，燈光唔會太刺眼，仲有一啲優雅嘅裝潢。服務員都好有禮貌，幫你點餐時會主動建議，好貼心。涼瓜鮮斑頭腩煲 $128涼瓜斑頭腩煲好惹味！涼瓜切得薄薄地，咬落去超爽脆。鮮斑頭腩新鮮，肉質滑嫩。醬汁濃郁，鮮味十足，真係可以配多碗白飯，食到停唔到口！蒜蓉蒸開邊本灣龍蝦（半隻）($76)半隻龍蝦無得輸，好新鮮，蒸得啱啱好，肉質超鮮甜彈牙。開邊設計一眼就見到肥美嘅肉，淋上特製醬油，味道一流。蛇羹 $68蛇羹湯底濃郁，味道香醇。蛇肉肉質滑嫩，冇咩腥味，反而有一種獨特嘅鮮味。羹入面仲有多種配料，例如冬菇、瑤柱，增添咗口感同味道。湯底用咗多種藥材熬製，好滋補。海鮮自選組合 $238呢個海鮮組合幾抵，選擇多。 C豉汁汁蒸大鱔：大鱔肉質超鮮，肉質彈牙又滑，豉汁味香，調味非常好。 D蒜容粉絲蒸元貝（4隻）：元貝大大粒，肉質鮮甜彈牙。蒜香粉絲搭埋好味，多左一種香氣。白飯 $16白飯米粒分明，搭埋啲好味嘅餸，真係無得輸。…Read More

棋子燒鵝（平田）地址：藍田平田商場2樓202號舖今日收工同老公喺公司附近食晚飯，我哋揀咗一間燒味餐廳食，叫做棋子燒鵝。餐廳好熱鬧，好多人食，主打燒鵝！今日同老公食咗個二人餐，好豐富，好滿足。二人餐 $218棋哥燒鵝（例牌）燒鵝一碟份量多，燒鵝皮表面好有光澤，賣相好吸引。燒鵝皮食落充滿油脂，香噴噴，又脆卜卜。燒鵝肉好滑，肉質厚實，食落帶點炭燒味，非常特別。單拼燒味（例牌）叉燒 +加拼燒肉$20套餐跟咗單拼燒味，但係我哋再加咗$20變雙拼，最後有叉燒同燒肉。叉燒好鬆軟，充滿蜜糖香，外層燒到焦焦地，肉質鬆化。燒肉皮薄薄一層，脆卜卜，燒肉肉質好滑，都帶有烤製的香。郊外油菜今日嘅蔬菜係菜心，菜心白烚，綠油油，又新鮮，可以自己點蠔油加啲調味。配白飯套餐仲包咗兩個主食，大家可以揀白飯或者瀨粉。鹹蛋 $10我哋仲加咗個鹹蛋，配飯一齊食，非常夾。飲品方面，都有兩杯，我哋飲咗凍檸茶（少甜）同茶走。…Read More

Parallel地址：觀塘道414號1亞太中心3樓302號舖今日同老公嚟咗觀塘食晚飯，我哋喺亞太中心搵咗一間半自助餐餐廳。晚市一位$325 ，包含主菜、飲品、餐湯同任食出面嘅自助吧，選擇非常之豐富。今日餐湯係西蘭花忌廉湯，餐湯有濃濃嘅菜味，好清甜，飲到有啲西蘭花粒。飲品方面，提供基本嘅檸茶、檸水、奶茶等等。今次我同老公都揀咗同奶茶，茶底好香濃，而且糖水係自己落嘅，可以自己調節甜度。出邊自助餐都有好多前菜同海鮮選擇。前菜方面，有多款沙律菜、芝士車厘茄沙律、長通粉、粟米等等。海鮮方面，有海螺、鮮蝦同青口。三款海鮮都新鮮，特別係蝦，食落又彈又又鮮甜。卡邦尼QQ彈簧麵 主菜方面，其中一款揀咗近期大熱嘅捲捲麵。捲捲麵質地好好，咬落軟硬適中，每條都掛滿醬汁。醬汁方面，我哋揀咗鹹蛋黃味卡邦尼醬，食落鹹蛋味好香，醬汁好滑好Creamy。配料方面，有唔少香菇同煙肉。自家製蜜糖煙燻伊比利亞黑毛豚肉配牛油飯另一款揀咗蜜糖黑毛豬配牛油飯。伊比利亞豬食落好柔軟，食落肥瘦相近，有油脂得嚟又有肉嘅口感，非常Juicy。配搭上甜甜嘅蜜糖醬，非常滋味。牛油飯非常香口惹味。活動包場更有九折優惠…Read More

✨片皮鴨龍躉自選四位套餐(優惠價$598)今日老公生日，我哋一家嚟咗位於觀塘嘅玉桃軒酒樓食晚飯。最近餐廳推出咗片皮鴨·龍躉四人餐，非常抵食。套餐有一隻片皮鴨、一款小食、清蒸龍躉同埋兩款小菜，選擇豐富。餐廳環境非常好，座位闊落，坐得舒服，適合宴會。1. 片皮鴨一隻片皮鴨一隻份量多，配菜有青瓜、京蔥、餅皮、海鮮醬。鴨嘅外皮烤得非常香脆，充滿油香，好滋味😋。鴨肉好滑，鮮嫩多汁。餅皮配上烤鴨、青瓜、京蔥同醬汁就係最經典嘅片皮鴨食法，一方面充滿油香，一方面青瓜又可以解膩，配搭得非常好！2.二食涼瓜炆鴨件片皮鴨提供二食～涼瓜炆鴨件好惹味，鴨肉斬成一嚿嚿，每件都好多肉，經過烹調後都保留到鴨肉嘅美味。涼瓜夠腍，苦中帶甜，有淡淡的瓜味，但又冇苦澀味。3.清蒸沙巴龍躉仔龍躉好新鮮，蒸得啱啱好，啱啱熟，火候控制得好好。魚肉好滑，好鮮甜。配上薑絲、蔥絲、豉油，可以勾出魚肉本身嘅鮮味，豉油亦都唔會過鹹，味道啱啱好。4自選以下小菜兩款:四款小菜中，我哋揀咗咕嚕肉同粉絲雜菜煲。✨菠蘿咕嚕肉咕嚕肉即叫即整，聞到好有鑊氣。咕嚕肉外皮香脆，薄薄一層，果滿咗開胃嘅甜酸醬，色香味俱全。而內裏排骨都好滑，肉味鮮甜。另外，仲有三色椒同洋葱，兩款都好爽口，增加口感。✨上湯粉絲雜菜煲我哋都叫咗一款蔬菜，係健康嘅選擇。粉絲雜菜煲有粉絲、白菜、菜心、生菜同金菇，蔬菜種類豐富。每款蔬菜都好新鮮，而且吸滿晒湯汁，非常美味。湯頭奶白色，好鮮味，仲有蒜蓉醬調味。…Read More

棋子燒鵝(平田商埸)今日同老公嚟到棋子燒鵝店食晚飯。棋子燒鵝餐廳有好幾間分店，我哋今日嚟咗藍田分店。餐廳光猛，位置闊落，坐得好舒服。1·棋子燒鵝呢度必點係燒鵝！我同老公都叫咗份。燒鵝上枱時熱辣辣，充滿肉汁，外皮令立立，賣相非常好。燒鵝皮咬落去脆卜卜，充滿油香。而燒鵝就帶有獨特嘅炭燒味，肉質嫩滑，多汁美味。2.肥叉燒腩仔雙拼我哋仲食咗叉燒同燒肉嘅燒味。叉燒叫咗肥叉，食落質地非常軟腍，叉燒燒到脆卜卜，有微微嘅焦香味。另外，蜜汁份量非常足夠，叉燒每件都沾滿蜜汁。燒腩仔嘅皮薄薄一層，好香脆，而底下肉質非常軟腍。3.郊外油菜 1碟油菜非常新鮮，白烚後再配有蠔油，非常美味健健康康。4.白飯及瀨粉煮食配有白飯同瀨粉，大家可以因應自己需要而選擇。5.熱檸茶及熱檸水咁仲包咗兩杯飲品，我哋分別叫咗熱檸茶同熱檸水，熱檸茶茶底香濃。…Read More

Add Some Thai Restaurant 今日同老公去觀塘食晚飯，我哋今晚都想食泰菜。附近見到Add Some Thai Restaurant，二話不想就入嚟食。餐廳主打各式各樣嘅泰菜，由主食到小食到甜品到飲品都應有盡有。今日同老公食咗個二人套餐。1泰式鮮蝦青木瓜沙律沙律好清新，木瓜同菜都好新鮮。泰式醬汁酸酸甜甜，好開胃。鮮蝦大大隻，食落爽口彈牙。2椰皇椰青雞湯（2人）椰青雞湯好清甜，飲到淡淡嘅椰青水味，甜甜地。加上雞件熬製，帶出濃濃嘅雞味，飲落好清香。3小食拼盤小食拼盤非常豐富，有經典手打蝦餅、泰式炸蝦片、炭燒豬頸肉、豬肉串同雞肉串。手打蝦餅好彈牙，蝦肉超多，食落好鮮甜，外皮香脆。蝦片炸得好香好脆。豬頸肉有點彈牙，油脂感十足，質地好軟滑。串燒調味剛剛好，而且仲加左浸香味。4酥炸軟殼蟹炒黃咖喱配法式蒜蓉包軟殼蟹炒黃咖喱係一道好經典嘅泰式菜式，Add Some Thai Restaurant煮得非常好味！軟殼蟹好香口，好脆，配上咖喱一流。咖喱唔會太辣，但香料味好濃，用料十足。另外仲可以點蒜蓉包，蒜蓉包烘過，脆卜卜。5蒜蓉炒豆苗豆苗好新鮮，食落好嫩，用蒜頭輕輕炒過已經好惹味。6招牌椰汁千層糕最後，套餐配有椰汁千層糕作為甜點。椰汁千層糕好煙韌，斑斕同椰汁分層相間。除左套餐，我地仲單點左少少野嘢食。香燒沙爹牛柳粒串（4串）沙爹串好香，沙爹味濃郁，有濃濃嘅花生香。牛柳粒已經好入味，食落好軟淋。黃油飯黃油飯幾香口，好大碗。…Read More

滿福庭地址: 觀塘開源道79號鱷魚恤中心7樓今日同媽媽係觀塘飲茶。經朋友推薦，我地嚟左位於觀塘嘅滿福庭。滿福庭係一間好靚嘅酒樓，環境寛敞，座位坐得舒服。今日中午嚟到，食到好多午市特價點心，好抵食😋。茶位每人$13。香茜牛肉腸 腸粉好滑，皮薄餡靚。牛肉配芫茜好香，味道香濃，牛肉份量多。排骨陳村粉 陳村粉吸滿排骨嘅汁，肉汁味滿滿。排骨好滑，用上左豉椒調味。安蝦咸水角 咸水角啱啱炸起，好脆，炸得外脆內軟，入面煙煙韌韌。酥炸韭菜角 韭菜角都係即叫即炸，韭菜份量好多，味道香口，好滿足。頭抽肉片炒河 炒河粉好大碟，炒得好香口，好有鑊氣。河粉好滑，調味適中，肉片好滑，好大片。永和鎮鮮竹牛肉球 牛肉球大大粒，食落帶點彈牙，牛肉味濃，帶點芫茜味。脆蝦紅米腸粉 紅米腸好特別，腸粉皮紅色，薄薄一層，好滑。內裏係炸過嘅食材，食落脆脆地，口感十足。而且仲有蝦，味道都好豐富。…Read More

四季椰林海南椰子雞 (新世紀廣場)今日放工同老公去咗新世紀廣場呢邊食晚飯，我哋揀咗一間火鍋店，專食椰子雞嘅。我同老公都好滿意，餐廳食物質素高，而且喺國內已經有60間分店，保證有質素。1.涼拌雙拼(雞胗十青瓜)呢個係一個開胃菜，醬汁酸酸甜甜，配上爽口嘅青瓜同美味嘅雞胗，非常之開胃。2.海南酸湯鴛鴦鍋之後我哋叫咗個鴛鴦鍋，每一個鍋都有四個椰子，不加一滴水。而且雞隻係用上左上海南文昌雞。咁呢個鍋包咗椰子雞半隻，雞件非常新鮮，肉質嫩滑，用椰子水打邊爐後有一陣甜味。椰湯清甜，好fresh。酸湯酸辣度適中，雙重味道。3.中山脆皖魚片魚片大大片，魚肉好滑，魚皮位爽口。4.火山肥牛肥牛份量多，而且擺放嘅方式都好架勢，打卡一流。肥牛肥瘦分布平均，厚薄適中，用嚟打邊爐好適合。肥牛吸收咗湯底嘅清甜味，令到牛肉味更香甜。5.手工魚皮餃魚皮餃大大粒，脹卜卜，非常美味，外皮煙靭。6.娃娃菜我哋再嗌咗個蔬菜，娃娃菜非常新鮮，吸滿晒湯底嘅清甜味。7.海南椰子船飯椰子船飯喺藍田種特色小吃，非常特別，我第一次食。原來係將濃郁的椰香粉沾在軟滑的糯米上，甜甜地，同糯米好夾。…Read More

小漁港海鮮舫(太子)今日老公同我慶祝生日，佢帶著我去食海鮮蒸氣鍋，餐廳坐無虚席，人山人海，我地一個是日廚師智選套餐，由主廚推薦菜單PARCO發板餐$318/位。餐牌非常豐富，可以品嚐刺身、各款海鮮同煮食。食物非常高質，選擇有豐富， 10分推薦。餐牌於專頁每日更新，海鮮每日日新鮮，款款時令！1.刺身拼盤首先頭盤係刺身拼盤，有三文魚、吞拿魚、希靈魚、油甘魚及帶子。三文魚油脂豐富，食落非常軟腍腍。北寄貝帶點爽口。而帶子就大大片，非常鮮甜，滑身。2.八款時令海鮮然後就到主打嘅八款海鮮，店員會幫忙計時，放喺蒸爐上邊蒸熟，夠鐘就可以食。今日嘅海鮮有扇貝、馬友、鮮虾、生蠔、蟹、鲍魚、白刀貝和大蜆。扇貝大大隻，好厚肉，面頭鋪滿左蒜蓉粉絲，非常美味。馬友魚好新鮮，魚肉嫩滑。鮮蝦每人兩隻，食落非常彈牙，鮮甜美味。生蠔連殼上，睇得出好新鮮，真源後都唔會太縮水，大大隻。生蠔食落海水味重，帶點Creamy嘅感覺。另外仲有蟹，蟹好多膏，蟹肉鮮甜。鮑魚大大隻，一啲都唔會韌，點豉油已經好夠味。另外有啲貝殼類海鮮，例如白刀背同大顯，食落真係非常鮮甜，每粒肉都脹卜卜，充滿海水味。3.四款時蔬套餐仲包含咗蔬菜，包括有南瓜、芋頭、釀勝瓜和粟米。呢啲蔬菜都一樣放喺蒸鍋上邊蒸熟，蒸到好軟腍腍。南瓜同粟米好甜，芋頭好粉糯，青瓜就好多汁。4.一款主食最後，仲可以揀一款煮食，真係食得好飽。我同老公揀咗荷葉蟲草花雞鳥冬。烏冬放喺蒸氣鍋底下煮，吸滿晒啱啱海鮮同蔬菜嘅鮮甜味。店員會首先幫忙蒸雞，雞見好嫩滑，雞油味香。烏冬非常煙靭，配搭上雞油同海鮮嘅風味，非常美味。…Read More

今日放工約左老公嚟左觀塘食晚飯，我地黎左位於鱷魚恤中心嘅王桃軒酒家。酒家燈光光猛，檯與檯之間嘅距離足夠，坐得好舒服。羊腩煲天氣轉涼，我地叫左個羊腩煲。羊腩煲大大煲，盛惠$338。羊腩好大件，每件都好厚肉，炆到好入味，肉質好淋。而皮嘅位置就好有咬口，爽爽地。另外，配料有有冬菇、筍、馬蹄、枝竹同蔥。冬菇味道香濃，枝竹吸滿湯汁嘅美味。而家食羊腩煲會送唐生一碟。紅燒BB鴿1隻乳鴿即叫即炸，上檯時非常香，油脂感十足。乳鴿好香脆，乳鴿肉好嫩滑，充滿肉質，油香滿滿。翡翠花姿珊瑚蚌我地再叫左疊蔬菜。荷蘭豆好新鮮，條條都脆卜卜，用上左蒜頭炒，香氣十足。花姿蚌同珊瑚蚌大大就，好彈牙。…Read More

今日姨媽來探我，佢係一個正宗的潮州人，今日帶佢去食潮州菜，呢到地方寬敞，裝修新穎，店員招呼周到，受到熱情的款待。下次一定再介紹朋友嚟！1.滷水鵝肉滷水鵝大大碟，滷得好入味～ 鵝肉紮實、甘香，充滿鵝油香。底下有不少豆腐，豆腐好滑，外層都沾滿滷汁，非常美味。2.椒鹽九肚魚九肚魚即叫即炸，香噴噴，外皮薄薄一層，脆卜卜，內裏九肚魚魚肉滑。表面有椒鹽作調味，好惹味。3.紅燒乳鴿(隻)乳鴿都係即刻燒起㗎，外皮脆脆地，內裏好juicy，肉質嫩滑，好有鹹香。4.潮式炸雙棗（虾棗及蟹棗)依款小食好特別，姨媽都話正宗。兩款炸後外皮酥脆，蝦肉/ 蟹肉粒配上爽脆馬蹄同芹菜粒，令口感豐富非常，而且好香口美味。5.金腿筋扒津我地再叫左個蔬菜，娃娃菜吸滿金華火腿湯嘅湯汁，好鮮甜。另外仲有粉絲，蝦米等材料。6.蠔仔粥蠔仔粥粥底好綿密、味道鮮甜。蠔仔粒粒都漲卜卜，好新鮮。…Read More

今日我生日，朋友帶我去一個精緻的餐廳吃晚餐慶祝，餐廳設計非常有特色，暗淡的燈光，更添浪漫，而且座無虛設，我們要稍等一會兒，才可以入座。餐廳係位於觀塘嘅NATA，主要提供西餐，有扒類、小食、甜品等等，款式多樣化，非常吸引。1·比目魚配香草薄荷忌廉這是一款新菜式，賣相好吸引，表面有啲蕃茄仔同洋蔥做裝飾。比目魚有兩大塊，好厚肉。魚肉好滑，魚皮煎得非常脆，好香。另外配上咗香草薄荷醬，薄荷味淡淡帶出，非常清新。2.慢煮牛肩胛牛肩胛會同一個熱板一齊上，可以keep住溫度。牛肩胛牛肉味香濃，食落質地柔軟，表面有淡淡煎過嘅香味。另外仲會配有蒜片，兩者配搭得好好。3.慢煮伊比利猪鞍猪鞍肉質好滑身，啲肉仲帶有淡淡粉紅色，可以睇得出肉質真係好柔軟。4.明太子忌廉大虾意粉呢個意粉我都非常推介，明太子醬非常多，所以食落非常香濃，但有少少辣味，都幾惹味。意粉都會掛滿太子醬。大蝦份量多，隻隻都彈牙。5.焦糖忌廉碎冰飲品方便，我飲咗焦糖忌廉碎冰，表面有忌廉顶，好creamy好有奶香。下邊沙冰非常清爽，焦糖味濃郁。…Read More

金子半之助 (大角咀 )今日放工同老公嚟大角咀食晚飯，我地嚟左位於奧海城嘅金子半之助。金子半之助係一間天婦羅專門店，天婦羅係店鋪一大特色，一定要試。另外，仲有啲日式食物，多款選擇。半之助沙律沙律菜好新鮮好脆，醬汁酸酸甜甜，好開胃，仲附有大大隻的一天婦羅蝦。海老天押壽司 壽司飯醋味調得剛剛好。天婦羅炸蝦好香脆，外皮薄薄一層，好香口。蝦肉大大條，新鮮鮮甜。面頭再有炸紫蘇葉碎，脆脆地，增加口感～另外，仲有秘製醬汁作調味。燒三文魚天婦羅御膳：御膳套餐好豐富啊，有白飯、迷你天婦羅、味噌浸漬茄子、三文魚同麵豉湯。白飯用上日本米，粒粒晶瑩剔透，好飽滿。迷你天婦羅有南瓜、蝦、枝豆等等。每款都好香口，炸皮薄薄一層。味噌浸漬茄子好入味，送飯一流。三文魚有兩大片，燒得好香口，魚油豐富，魚肉嫩滑，面頭仲有魚籽。…Read More

棋子燒鵝今日約咗個喺外國返嚟嘅朋友，帶咗佢嚟食燒鵝。棋子燒鵝真係令人食過返尋味，今日一於帶佢過嚟試吓，回憶一下香港美味食物。我哋叫咗個二人套餐，食物豐富，選擇又多。二人套餐 $2181棋子燒鵝 例牌燒鵝一直都係呢間店舖嘅招牌菜，非常高質。燒鵝外皮香脆，肉質好滑，充滿和油香，非常出色。另外仲帶有陣陣炭燒風味，唔係度度食到，好特別。2單拼燒味例牌(肥义)套餐仲可以揀另外一樣燒味，我哋揀咗肥叉。叉燒外皮佈滿蜜汁，甜絲絲，而且燒到焦脆，香噴噴。肥叉燒肉質鬆化，油脂感十足。3郊外油菜 蔬菜好新鮮，今日供應係菜心，菜心白烚，上面有蠔油作調味。呢個晚飯配搭非常好，均衡飲食。4白飯/瀨粉煮食方面，可以揀白飯或者瀬粉。兩款都大大份，瀨粉好滑，帶點咬口。5 奉送老火靚湯今日提供嘅係花生眉豆雞腳湯，老火湯好足料，飲落好滋潤，味道濃郁。6冷檸茶熱飲品飲品方面，都附送兩杯，我哋揀咗凍檸茶同熱檸茶，紅茶味香濃，正。…Read More

今日放工老公帶左我到日式餐廳食晚飯。我之前都食過，覺得幾高質。餐廳環境闊落，有卡位，坐得幾舒服。食物主要有刺身、小食、炸物、牛排同麵類等主食。1三文魚刺身刺身切得好厚，好新鮮，色澤好靚。三文魚食落肥美，有點油香。2墨魚咀唐揚炸墨魚咀外皮好香脆，香噴噴，墨魚咀有咬口。3芝麻雞翼芝麻雞翼表面有微微炸過，帶少少脆。雞肉好滑，好juicy。表面嘅芝麻好香口。4海膽蟹肉茶碗蒸茶碗蒸好滑，有濃濃嘅高湯位。另外，仲配有海膽同蟹肉，兩者都好新鮮，令茶碗蒸更鮮甜。5鹿兒島鰻魚飯糰(一本)鰻魚好大條好足料，魚肉好香，配搭上甜甜嘅醬汁真係好滋味。6綱燒牛扒牛扒大大塊，都幾厚，燒得好香好惹味。牛排肉質軟淋，帶有肉汁。7芝士焗天火蠔(1隻)熟蠔表面佈滿好多芝士，充滿奶香，仲會拉絲～ 蠔肉好鮮甜，脹卜卜。8石鍋香辣海鮮手打烏冬 烏冬配料有蝦、青口、蜆、带子、蟹柳，材料豐富新鮮。手打烏冬好彈牙，好滑。湯底辣辣地，幾惹味。9生忌廉吉士銅鑼燒最後甜品我地食左餐廳較少見嘅銅鑼燒。Pancake皮充滿蛋香，吉士醬好滑。另外仲有士多啤梨同紅豆蓉作配搭。…Read More