suetmeowmeow's Profile

唔好去，啲生牛肉係啡色嘅，比較紅嘅果隻牛肉烚完都係一陣霉味，搞唔掂，已經好多年冇試過有咁差嘅肉質上枱了，任食係冇意義，金菇霉，豆腐都酸咗，至於海鮮，如果跟足佢指示的話會全部過熟，建議自己睇住，我哋帶子跟佢嘅時間蒸係變咗橡膠咬唔入，海鮮算係正常嘅，其中最正常已經係蝦，但因為啲牛肉太恐怖，令我對覺得依度嘅食物感覺好高危。我哋係以“食物安全”去點，最後係蟹柳出前一丁食飽自己。男侍應態度ok, 但女仕就黑口黑面，呼呼喝喝，佢拎嘢食俾隔離枱，冇位擺要放喺我哋張枱度先，係掉落嚟，嚇到我哋彈一彈起，佢都冇覺得唔好意思㗎，好勁囉咁都得，哈哈，我真係第一次見。俾啲咁嘅肉咁嘅service 每位$308（共3人）, 最搞笑係如果唔每位加果$20 任飲，佢真係連水都唔會俾一杯你。講真$300都唔係平呀！食啲咁嘅嘢。。。食其他嘢真係可以食得好好，唔需要嚟依度受罪。冇下次…Read More

好耐冇試過打邊爐食到冇胃口食，逐碟計唔係問題但佢做得好cheap, 豉油都同你人頭費咁收，所謂嘅每人一杯free drink ，隻杯高過韓國嘅燒酒酒杯少少，細杯過espresso.衛生度⭐枱同地都係黐黐笠笠，地有一大灘奶白色嘅嘢黐笠笠冇員工打算清。服務⭐book枱8：15pm, 準時入座，但入座後就冇人理，㩒鐘冇人嚟，半個鐘都未落到單，職員又好混亂，一個話可以叫餐，一個又話唔可以，(事緣係如果直接book房就唔可以叫餐，但我哋冇book房，係入座時職員話冇6人枱俾我哋所以安排我哋入房）煲湯底又要等好耐先嚟，湯嚟到已經9：05pm , 入座後足足一個鐘，因為煲嘢未滾，係仲未正式開始食，真係好耐冇試過咁。最搞笑係終於滾喇，食咗15分鐘左右，突然有職員衝入嚟，問都唔問吓就加湯，又變返唔滾，又要等過，成枱人呆咗咁望住佢出返去。味道：⭐主要係湯底我個人覺得麻麻,鴛鴦鍋分別叫酸菜魚同椰子雞，酸菜魚冇咩問題，ok lor，但椰子雞冇雞味之餘有好濃烈嘅香茅味，香茅味重過椰子味，係我本身唔鍾意香茅❌所以覺得唔好味。個湯底名應該要寫埋香茅。肉類，海鮮質素正常，只係偏細碟，平均每碟嘢每人食一至兩舊就完了。飲品陰濕啲，電話上睇係$0 杯，入到去先好細隻字寫$32杯， 不過好大杯嘅，啤酒杯size, 唔算甜，茶味偏濃偏澀。愛茶嘅人應該會ok整體上可能因為地方感覺唔乾淨，啲服務又唔好，印象已經差，湯底唔特別好，想book房嘅更加要三思，我坐果間房旁邊係水吧，部打果汁嘅機同啲員工都好嘈，又望到好多雜物，我個人感覺係 ----- 好差，唔會推薦人嚟食。如果好食，服務又好的話逐碟計冇問題，咁嘅質素。。。。算吧啦…Read More