kittyred的個人專頁

親子好去處！非常適合帶小朋友！已幫襯多次！食物美味、價錢合埋、環境舒服！飲品多選擇！露營風格，有另一種燒肉感受！燒肉拼盤、菠蘿、日本骨腸、玉子海苔飯、粟米、鮑魚、炸軟殼蟹、炸薯餅！全部都好好味，食材新鮮，上菜快，冇漏單！幫襯多次絕無失望。店員服務好，主動換網已喺我每個月都要幫襯一次嘅餐廳之一大家如果要幫襯，記得！記得！記得！一定！一定！要早啲book或者五點幾就要去排隊攞位！用餐時間兩小時，如果唔預約，有機會等足兩小時火土燒肉 (尖沙咀)尖沙咀河內道18號K11 Art Mall3樓314號舖…查看更多

之前幫襯過幾次二人套餐今次終於可以試下一人有什麼分別午市一人一鍋套餐 $98，好抵食！我哋兩個人分別點了兩款湯底，分別係山真菌湯及麻辣湯，肉類挑選了黑豚腩肉及嫩牛肉，麵食挑選了魚麵，湯底及飲品是免費的，埋單只需要附加服務費10%。食材非常新鮮，丸類有牛肉丸及芝士丸、蔬菜有娃娃菜、生菜、芋頭、粟米及筍，海鮮有兩隻蝦！還有兩條蟹柳及五餐肉！非常豐富的！飲品有糖水及可樂！整個套餐最正係湯底，食上癮！放乜嘢落去都覺得好好味牛肉超級滑！兩隻海蝦，非常新鮮！如果大食就應該幫襯二人套餐，份量會多啲！如果細食嘅，一人一鍋就非常足夠！始終係國內大企業店員服務非常好，主動熱情又有禮貌Popcorn 二期地下G49號舖…查看更多

Ocio！Ocio！Ocio！我女兒喺呢間餐廳嘅FANS午餐大概$120內一份，着住校服還有學生優惠，店員服務非常好對小朋友有愛心午餐南瓜湯很足料，唔會開到好水牛扒對得住價錢，大大份抵食！肉質也唔錯，七成熟剛剛好盲曹魚+薯蓉，每次必點質感好滑！一啲都唔腥！我女食到舔舔脷略嫌免費咖啡差少少，但我記之前試過升級其他咖啡係好OK的！另外商場提供免費泊車優惠，仲有可以叉電動車，所以真係好方便！一定會再幫襯西貢區 將軍澳東港城 Ocio…查看更多

九龍城泰金國 ！九龍城泰金國 ！九龍城泰金國！呢度嘅燒牛肉$88出晒名抵食又大份。無論是午市還是晚市都一定要排隊，當日咁啱大概三點左右經過，竟然唔需要排隊！我就非常興奮立即衝入去坐低叫我最鍾意食嘅燒牛肉！呢度嘅燒牛肉當然不是高質素的牛，但係對得住價錢！冇比較冇傷害！間唔中食下都好OK！過下口癮好唔錯！而泰式芒果沙冰$38及泰式燒雞翼$18/隻，也是非常高水準！所以一定keep住幫襯！侯王道9號地下A號舖…查看更多

太久沒有寫食評了，將軍澳寶琳新都城二期二樓有一間以小熊做主題的餐廳 熊小館Cafe MED，非常適合帶小朋友幫襯，價錢親民，餐廳位置寬敞，擺放多款小熊，最適合帶小朋友打卡晚餐我點了鐵板肉眼扒 黑椒汁五成熟 $155，質素唔錯，肉味香濃！薯條香脆！法式香草牛油焗田螺$50，牛油味好香！田螺好淋，食唔停口！德國啤酒脆漿炸魚薯條$88，魚肉很滑！大大份！好抵食！小朋友最愛的芝士焗肉醬千層麵，做得出色！眨吓眼就食晒食到舔舔脷！下次一定會再幫襯。…查看更多

青花 (旺角)旺角奶路臣街17號The Forest 1樓107-108號舖因為環境非常舒適，晚餐已經幫襯多次，今日星期日去旺角shopping又嚟試吓依度嘅假日午餐，午餐供應時間12:30-15:30，價錢1+2=$78、1+2+3=$108，價錢來說都10分優惠，重點係份量頗多，我order了以下幾款食物及散叫沙律及甜品，招牌泰式奶茶奶蓋-一如以往，茶味香濃，奶蓋香滑冬陰公牛肉金邊粉-牛肉份量頗多，湯底香濃，不算太辣南乳豬肉碎鮮蝦湯飯-飯份量用小碗可以分成五碗，兩個女生根本就冇可能食得晒，但係味道真係非常好，這碗湯飯在坊間很少有的，未試過嘅朋友記得要試吓馬拉盞通菜-冇諗過跟餐通菜會咁大份，好抵食牛肉串燒-牛肉淋，醃漬得很好，配埋沙嗲汁非常嘢味青青青沙律$74-名字很可愛，材料有青芒、青木瓜、青瓜、豬頸肉沙律，加配青胡椒青檸汁，非常清新食到停唔到口焦糖爆谷花生芭菲$58-大愛這款雪糕，花生味雪糕真係冇得彈，我從來未食過花生味雪糕的，一試便愛上，花生味香濃加配爆谷及龍鬚糖，造型非常美，影咗唔少相，看見也心情好。當你心情非常差嘅時候，嚟完「青花」食飯，心情真係靚返晒…查看更多

十下 (銅鑼灣)銅鑼灣銅鑼灣登龍街28號永光中心2樓港鐡站時代廣場出口步行5分鐘，晚市提供火鍋，午市12點至4點，會有車仔麵供應，料價錢每款$10-14，飲品$8，價錢都屬於超值，湯底會較為特別，養生白湯及胡椒湯底，是區內其他車仔麵店沒有提供的，店內空間大，座位寬敞，冷氣足夠，絕對唔會食到大汗踏細汗，我點了河粉$10、滷水大腸$12、豬紅$10、肥牛$14、懷舊果皮魚蛋$10、可樂$8，湯汁（中辣），餸份量頗多，滷水大腸醃漬很入味，很淋易入口，冇臭味；肥牛牛味濃，油脂分布平均；豬紅太正，食到停唔到口；果皮魚蛋，很懷舊，果皮味不錯，整體來說，非常滿意，下次一定會再嚟幫襯。店員服務非常好，有禮貌及熱成細心，是區內其他店鋪需要學習的，食碗麵都可以服務咁好，認真扺贊。…查看更多

漁之部屋 (將軍澳)將軍澳唐俊街12號天晉匯1樓101號舖之前已經幫襯多次食放題，今次試吓食午餐，午餐選擇頗多，點算主菜會包括是日沙律，卷物及餐飲，最抵最抵係可以以優惠價錢$2追加壽司，而且選擇也頗多，我點算了黑松露吞拿魚壽司、蟹子沙律壽司、三文魚壽司、龍蝦沙律壽司及甜蝦壽司，以上壽司同放題食到嘅質素沒有什麼分別，因此大大推介食午市真係非常抵，主菜滑蛋鰻魚真係非常正，鰻魚肥美而且大大件，反而拉麵就非常普通，有興趣嘅朋友下次記得來捧場喔！…查看更多

三才魚蛋粉麵 (銅鑼灣)銅鑼灣渣甸坊48號采怡閣地下6號舖港鐵站渣甸坊出口步行約5分鐘，這間粉麵店，在寶琳分店幫襯多次，後來搬到銅鑼灣偶然也會來幫襯，三才用料很新鮮及足料，粉麵大大碗，唔會食唔飽，下午茶時段（2:30-6:00pm）仲會送油菜/魚皮/熱飲，個人推介菠菜餃、西洋菜餃、墨魚條，餃類用料十足，而且係自家手做，而墨魚條也是自家做的，口感彈牙，墨魚味香濃，配埋蔥、蒜蓉、冬菜食用，真係大大大滿足。…查看更多

深井陳記燒鵝 (將軍澳)將軍澳唐賢街19號天晉匯II期1樓127號舖將軍澳港鐵站步行5分鐘，下午茶時段非常抵食，深井燒鵝湯粉單拼$46，雙拼$50，雖然鵝肉略瘦，但味道不錯，外皮很薄，肉汁多，配埋梅子醬味道非常好，下午茶份量來說也頗多，粉麵湯底味精少，食完唔會非常口乾，而餐飲港式奶茶也大大杯非常冰凍，整體來說真係非常唔錯，裝修環境也非常靚及坐得好舒服，店員服務也好好，大餐牌價錢也不貴，我相信我會經常來幫襯的。…查看更多

ATUM Restaurant (尖沙咀)尖沙咀河內道18號K11購物藝術館1樓101B號舖尖沙咀港鐵站N4出口，步行5分鐘穿過一些小店就會找到，位置有啲隱蔽，店內大玻璃環境光猛，舒服，而且裝修顏色以黑白灰為主，冷氣足夠，座位舒適，今日order了甜品，其中雪糕是用鹹蛋黃來製成，又濃又香的鹹蛋味，入口即溶，食到有啲上癮，很啱中秋時節與親友分享一下，如喜愛試特色甜品的，下次經過可以嚟試吓，記得記得必須要預約，walk in試咗幾次都無位…查看更多

彩興麵點 (將軍澳)將軍澳寶盈花園地下S6B舖將軍澳港鐵站A出口步行5分鐘就到，店舖面積不大，裝修也不是華麗，但食物質素非常高，食料很新鮮，而且選擇頗多，通常客人都會選擇飯或者粉麵，而且餐牌也沒有提供火鍋，但只要主動問店員就會遞上火鍋紙，第一版有六款湯底及兩個套餐$168可供選擇，背面有多款食材選擇$8-$45，由於套餐份量頗多，已包括10款食材+時菜一碟，所以我只額外點了汽水，鯇魚片$35及挍挍麵$20，套餐雞肉超滑、白菜餃及韭菜餃整得非常好味用料新鮮、鯪魚球大大粒及彈牙、二人享用已經非常飽，麻辣湯底真係非常刺激，順帶一提只有兩張枱能提供火鍋服務，因此入座時敬請留意，有興趣嘅朋友下次經過可以試吓。…查看更多

蠔站 (將軍澳)將軍澳唐德街9號將軍澳中心1樓163B舖將軍澳港鐵站C出口，上一層步行5分鐘就到，有戶外位置環境開陽舒適午餐主菜有七款選擇（$52-$88），意粉、沙律、飯、扒類、薄餅，也包括是日餐湯、是日甜品，咖啡或茶（免收加一服務費）另外也可以選擇加＄10品嚐精選生蠔，今日$10精選生蠔係愛爾蘭Carlingford，肉質清新，海水味濃，蠔肉帶堅果味，食後餘韻長主菜我點算了田園沙律燒雞樓配千島汁$58，沙律有我喜歡的火箭菜而且大大份，燒雞柳一啲都唔鞋口，而且味道醃得也不錯，有肉汁唔乾身午市時間上菜速度都頗快，因此，如果你在附近工作，下次有時間可以幫襯一下。…查看更多

Simplylife Bakery Cafe (將軍澳)將軍澳唐賢街9號PopCorn商場地下G43-45號舖港鐵站C出口左轉步行1分鐘就到，交通非常方便，很可惜係Lunch 1+2=$88，一次比一次差，車打芝士煙肉牛肉漢堡超難食，薯條煙肉全部過晒火仲有苦澀味，麵包仲要係好硬，較為好嘅係加＄17嘅Latte及沙律，真係從未試過食幾啖就走人，希望快啲改善下食物嘅質素，之前排隊情況都嚴重，而家都唔使排隊，咁就證明啲食物真係差左好多。…查看更多

嚐糖 (將軍澳)地址：將軍澳寶盈花園商場地下S1B舖這間甜品店嘅裝修係好似香港嘅中小學課室，書枱、櫈及黑板，都很有校園風格，鋪位面積不大只能容納14人，因此有機會要等候才能入座，食物方面一啲都唔貴，而且榴槤系列及芒果系列都較為出色，今次我就點算了以下兩樣食品：★芒果腸粉 $31椰汁外皮，厚薄適中，芒果口感實，味道香甜清新★榴槤撈河 $30榴槤啖啖肉，椰汁河粉入口凍冰冰非常幼滑，椰味香濃，而且不太甜，好正！下次經過開嘅朋友記得試吓…查看更多