獨食王's Profile

本來打算到漁釧食串燒，但店員話中午只可叫午餐牌中嘅定食或拉麵。喺無辦法下就叫個定食吧！我叫咗個漢堡扒定食，只需68蚊，而且唔使加一，抵到爆！前菜簡單好味又開胃，沙律非常新鮮，車厘茄特別鮮甜。漢堡扒份量偏大，而且好厚身，味道亦不錯，只係鹹咗些少。洋蔥又腍身又甜，配飯一流。麵豉湯不過不失，麵豉味夠出夠香，如果昆布多一點會較好。整個定食仲包埋一個茶碗蒸，非常滑身，絕不嚡口，食到最低仲要有粒白果，感覺好傳統。…Read More

不經不覺已有一段時間沒吃拉麵了，今日趁著中午時間較為鬆動，於是打算到這間在一田外面的拉麵店試試看。我點了柚子湯底拉麵，以及大板燒風味餃子。柚子拉麵的湯頭令人感到新鮮，帶有清清淡淡的柚子香味，同時亦帶有些少鹹味，加上筍和水菜，相當清新自然。蛋是流心的，並沒有什麼特別。麵質徧向微硬，而且有咬口，非常適合我的口味。叉燒夠腍滑，肉味亦非常濃郁，少少的脂肪提升了口感。另外，我也點了大板燒風味餃子，餃子一共有六隻。餡料味道普通，但也有肉汁的；皮亦不會過厚，配上醬汁變得挺美味，可以一試。…Read More

今次趁著中午嘅空檔時間去將軍澳睇下有咩好食。一出將軍澳地鐵站PopCorn出口向左轉行十零秒已經見到間 Greyhound Café, 當時十二點幾，但餐廳幾乎完全無人，坐得好舒服。我叫咗個青醬帶子露筍闊條麵，Set Lunch配凱薩沙律同泰式凍檸茶。凱薩沙律份量好多，沙律菜新鮮，芝士碎粉味道都幾重，多士粒亦夠香脆香味。不過略嫌醬汁太多，比較漏。我之前睇到已經想試，今次終於撞啱機會試到喇！醬汁超多，超濃郁，帶好香嘅香草味，又有啲果仁同蒜味。帶子夠大隻厚身，表面輕輕煎過，連醬汁入口唔錯。闊條麵夠彈牙，不過有某幾條未熟透，應該係廚師刻意避免煮過龍，所以並唔打算出聲。泰式凍檸茶冇乜檸檬味，而且勁甜，唔太啱我個人口味。整體嚟講都唔錯，絕對可以返轉頭，不過啲食物都幾重口味，食完會幾漏。原先我打算食埋佢地個椰子蛋糕，但食完個意粉太漏，都冇食到。…Read More

今次十二點零去食個點心午餐，裡面客人唔算多到爆棚，所以任我哋揀坐邊張檯。客家好棧嘅點心選擇都幾多，我哋一共叫咗五款。呢個個餡係綠豆蓉，熱辣辣，食落口好鬆化，同埋成個邊都有芝麻包住，幾香口。菠蘿叉燒餐包就麻麻地，包底有輕輕煎過，唔錯。包面嘅脆皮完全唔脆，軟腍腍，而且叉燒餡好少，三個包加埋嘅餡都冇一個包嘅份量。茶菓個皮有咬口，黏下黏下幾有嚼頭。餡係花生，食落去都有花生香。鮮蝦腸個皮拉得好滑，不過就唔算薄，蝦都ok大隻，鮮味就話有你都唔會信。碗仔翅幾好，都算幾足料，而且夠稠身，不過唔夠熱。總括嚟講，佢算係中規中矩，點心普通，並無特別不妥，同埋出點心夠快，三數分鐘已經送到。…Read More

這天又來到調景嶺的板長吃午餐，由於午餐時間緊迫，匆匆忙忙吃完就走罷。我點了款鰻魚飯定食，未加一前五十零蚊，價錢中等。因為定食關係，因此跟沙律及麵豉湯，沙律不錯，菜都夠爽脆，不過略嫌麻醬多了些(怕肥的人大忌)。麵豉湯夠濃味，亦有蛽些微的鮮味。鰻魚飯上枱有驚喜，然而吃完會感失望，因為無論飯，抑或是鰻魚也只是微温，不出兩三分鐘更完全變涼。雖然如此，不過鰻魚size的確算大，鰻魚味亦算夠多，而且燒汁挺香甜，有黏口效果。飯就普通，並無特別。…Read More

在開飯看到 The Point 有大量的好評，於是打算去試一試，結果是另一失望之選。( 可能只是我點了「伏食」，因為感覺上，其他菜式不會這麼差。)我點了 Set Lunch 中的燒三文魚露芛刁草忌廉汁天使麵，跟餐有一杯菠蘿特飲；我額外再加了8蚊跟餐湯和20蚊跟甜品(意式奶凍)。餐湯是意大利雜菜湯，味道非常濃郁，菜蔬味很豐富，而且亦很足料，酸酸甜甜非常醒胃。説實話，我實在對這客天使麵相當失望。忌廉汁是很到位的，夠濃郁亦夠奶香，而且不會過多，導致難入口。惟天使麵被煮得像公仔麵一樣。我不知自己是否帶點先入為主，我甚至覺得味道也與公仔麵有點相似，像是忌廉扒公仔麵的friend. 煙三文魚和露芛算是比較正常，露芛夠鮮嫰，而三文魚就被熱力弄得稍為老了一點。意式奶凍的賣相出了點問題，不過整體也算是不錯的，夠香滑，又有士多啤梨醬。…Read More

我以往曾經到九龍灣的麻布茶房用餐數次，結果是一次比一次差。這次差的程度甚至難以用筆墨形容。這天我在附近打球後，打算到麻布茶房食個午餐，貪圖它的定食款式夠多。我點了牛乳牛肉蛋包飯，這是個非常差的決定，因為食物質素令人非常失望。蛋花湯和醃漬小菜是正常水平的。惟蛋包飯的水準令人意外。首先，蛋是滑的，而且有蛋香，但完全沒有蛋包飯的效果，它只是一樣「睇唔到啲飯就叫蛋包飯」的物體。此外，最令我不滿的是蛋、牛肉、甚至是咖哩汁也是涼的。同時，擺盤亦相當不知所謂，感覺像是在大學校園吃所謂的「頹飯」。…Read More

話說我之前都試過喺Beerliner食晏，嗰次見到餐牌上有款香腸拼盤就已經想叫，不過最後冇叫到，今次就有機會了。餐廳一如以往都係咁抵食。首先嚟咗份沙律，沙律菜基本上都算係新鮮，芝士味道亦到板，夠豐富。另外仲有啲烘到脆卜卜嘅麵包粒，相當唔錯。(今日)餐湯係南瓜湯配塊小多士，南瓜湯唔算好濃郁，但南瓜味都夠嘅，同埋有少少南瓜絲都幾好。多士夠脆口，味道OK，冇乜特別。德式香腸拼盤睇落唔大份，但食完都好飽肚。香腸超級Juicy，熱辣辣，每啖都爆唒啲汁出嚟。整個拼盤，尤其係帶微辣嗰款特別好味。除此之外，燒薯都唔錯，薯味十足。最有驚喜嘅係酸椰菜，酸酸地，超級開胃，完美地平衡整個拼盤。…Read More

喺香港食嘢咁貴，想搵間質素OK，而且價錢又係一般老百姓都負擔得起嘅真係冇乜。今次經過Outback門口，𥄫下佢個Set Lunch餐牌，發現佢又係另一抵食之選。餐廳面積好大，好似向邊個方向走都仲有路咁，而且座位擺放得好鬆動，完全唔逼。我叫咗份燒肉醬豬肋骨。首先嚟咗個青瓜湯同沙律，青瓜湯味道好特別，亦好濃味；而沙律就出奇地清新，特別係嗰啲蕃茄粒。另外，我一叫咗嘢食就已經有客麵包送上，麵包味道唔錯，又夠軟熟，仲可以免費添食。不過個人覺得不至於好味到要再添食。燒肉醬豬肋骨份量超大，啱唒食肉獸。個醬汁令豬肋骨變得好惹味，每一啖都入唒味。而且豬肋骨意外地多汁，肉質亦完全唔嚡口。薯條炸得外脆內軟，薯仔味十足，配埋佢個茄汁特別好味。另外豬肋骨配埋個醃菜，有洋蔥等等嘅材料，用嚟送咁大份紅肉啱唒。總括嚟講，餐廳環境舒服，食物味道令人滿意，百零蚊食到典型美式澳式份量真係幾唔錯，值得下次再去。…Read More

California Pizza KitchenIt was a very tasty restaurant and it had a quite comfortable atmosphere for those who like to eat in a quiet environment. The set lunch menu they provided was affordable and reasonable. I ordered Mushroom Pepperoni Sausage Pizza, Sedona Tortilla Soup, and Flavored Lemonade as a beverage. Sedona Tortilla SoupA very classic one which was a little bit spicy. It was also very smooth and rich. Mushroom Pepperoni Sausage PizzaA decent portion for me, not really big, nevertheless enough to make me feel full already. The crust was crispy and mushrooms were wonderful in its supporting role that brought the natural flavor out. Pepperoni sausages were pretty amazing that with little bit hot and salty, but will not be too strong. Basically, it would be a very decent restaurant to try when you want to eat pizza but being alone. …Read More

不經不覺已有一段時間沒有飲茶，所以這天早上特地飲茶吃點心。嘉豪酒家的捧場客不少，十時許仍幾乎座無虛席。我們點了總共六款點心。叉燒腸都幾足料，不過叉燒幾乎無味，而且完全不夠熱。想不到嘉豪酒家也有紅油抄手可以點，面頭的醬看似很濃味，但又是幾乎沒有味，頂多是有少許鹹味。外皮夠薄身，大小也適中，肉餡超大粒，好似吃用免治肉碎搓成的肉丸一樣。潮洲粉粿可算是比較對板的一款，內有很多料，調味也不錯，帶微辣。另外，皮的厚薄度非常好，而且有彈性，夠煙韌。我已不記得這個是什麼名堂，不過脆脆的，又有些杏仁片，加上有沙律醬在裡面，也挺得意的。叉燒包大大個，熱辣辣，叉燒連著些少肥肉，口感不錯，而且餡料亦沒有過鹹。蟹籽燒賣王中規中矩，肉是豬肉，也帶點香菇味，不過賣相有待改進。…Read More

早前說過因每週要到杏花邨、柴灣一次，所以我可以每次試一間餐廳。這次我到一間韓國餐廳試試看，一入去，店員極度有禮貌，從帶位到介紹食物都招呼周到。牛More王三寶飯餐廳的午市套餐有十款左右，即使最貴的一款燒烤套餐也是八十蚊有找，價錢公道。我點了牛More王三寶飯。首先先吃泡菜，泡菜不太鹹，以酸味為主，並帶少少辣味。牛More王三寶飯的名字改得很有趣，三寶意指牛舌、牛𦟌和牛肉。紫菜配飯吃一流，是既經典又美味的組合。燒汁味道稍稍鹹了一點，不過連牛一起吃也是挺好的。牛類食材全都處理得不俗，尤其是牛𦟌，味道和口感也恰得好處。…Read More

在到新戲院欣賞電影前，打算先到淘大吃個午餐，經過別府門口看到餐牌上有多款鍋物料理，例如壽喜陶板鍋和韓式部隊鍋等。於是乎想到反正從未試過在午餐時間吃鍋物，一試無妨。我點了牛肉壽喜陶板鍋，整件事令人有驚喜。鍋的份量絕對夠吃，不是那種「綽頭嘢」。牛肉肉質還不錯的，脂肪比例剛好，菜蔬的新鮮程度也令人滿意，而且幾鮮甜。另外加入蛋汁使整個鍋變得更香更豐富。飯的軟硬度適中，有啖飯落肚令午餐唔駛咁寡，而且飯是免費任添的。飲品方面，食客可以選擇加錢加配飲品，亦可到餐廳免費任飲的汽水機自行解決…Read More

早前忽然想吃吉列豬排飯，打算到現在這間釜飯專門店前身的吉XX。最後見佢都好似幾過癮，於是諗住試下。入去唔駛等位，即刻有位坐，立即加分 haha! 我叫咗個蕃茄煨牛脷飯。牛脷份量有成七、八塊，煨得好腍身好軟腍，入口很美味。蕃茄汁夠稠，帶微酸，非常濃味又開胃，味道與牛脷好夾。飯是珍珠米來的，夠飯香亦有咬口。埋單時有件小插曲，我們在等候埋單時聽到收銀女侍應向收銀檯底叫某人不要瞓喺度。雖然我們並無親眼目睹有人在收銀檯底，但都幾肯定係有人，咁樣就似乎唔係太好啦！整體來說，食物質素唔錯，雖然只係平價牛脷，但平衡價錢後，食物絕對對板。不過員工躲藏於收銀檯底似乎比較荒謬，基於行為也是服務的一種，這絕對有必要改善。…Read More

今次來到黃埔吉吉島同一地點的上膳食堂吃晚餐。價錢不屬於貴，但絕對不算抵食。餐廳在晚餐高峰時段也只有寥寥可數的食客......不過好處是不用等位和同人鬥逼。這次我點了咖哩牛肉烏冬，烏冬是稻庭烏冬，非常幼滑，不過略嫌煮得太久，導致烏冬更加腍身。咖哩汁超級稠，味道極為濃郁，而且烏冬完全吸收咖哩汁，因此每口也咖哩味十足。牛肉味普通，不過吸收咖哩汁後變得異常美味，這大概可以歸功於咖哩汁吧！可是份量比較少，只有零聲的三數塊。…Read More