theglasgow2010's Profile

壽司郎 期間限定 燒鵝肝平時好少食壽司郎，見到咁多人等位 （甚至乎無得等位)都怕左。難得今日早收，無乜人就拎飛。等左一陣，未夠六點已經有位😬期間限定: 炙燒焦糖鵝肝壽司$17 咁平唔叫對唔住自己。今晚個綠茶甜品都好ok 丫…Read More

今日放工身心俱疲，經過 夏茶，決定 慰藉下自己。見到有張大poster 係麻薯巴斯克 ，好吸睛。叫個焙茶俾自己，可惜焙茶綠茶都無了。唯有買無麻薯嘅巴斯克。有朱古力、開心果同咸蛋黃。咸蛋黃！！！咸蛋黃巴斯克，面層微焦，包裝企理，跟木匙羹。就算喺街度食(好似我今次咁)都好方便，可以處理得到，唔會食到周圍係。一食落去，芝士真係好鹹香；質地好軟滑。個餅底好似淨係鹹蛋黃整咁，充滿鹹蛋味。對得住個價錢（雖然望落唔大舊，幾好味的！下次會試埋佢嘅朱古力巴斯克，因為似會幾濃咁!🌟會員用現金買可以平$3🌟留底資料，第日可以成為會員🌟…Read More

已成為忠粉 -奶蓋布丁燒仙草一直想試但覺得少貴，今次有同事請客，所以有機會飲到。打開蓋見到啲奶蓋係有質量的，杰杰地唔會太稀。首先用匙羹筆啲奶蓋食，咸香味足 ，夠實在。本人習慣食哂啲奶蓋，唔會搞落飲品度。食完層奶蓋，即刻就會有一陣好香嘅豆味湧出嚟。一啜，真係驚為天人，豆花好滑，仙草唔苦，豆奶豆味好濃。一啖接一啖，好快就俾我ko左成杯。飲完嗰刻已經即刻想再飲。p.s. 唔太鍾意個包裝，因為個 蓋口 會阻住人食杯邊的奶蓋。…Read More

今日喺旺角做完facial，條街真係好熱，行兩步就標哂汗，所以好想搵個地方嘆個甜品。記憶中lamlamli好似係附近，所以就行過去了。入到去見到個玻璃櫃display出嚟嘅千層蛋糕好吸引。仲有幾多款唔同口味。有一款得返一件嘅千層吸引左我，一問之下原來係焙茶奶蓋流心，聽完個名就知係我要嘅嘢，我想食佢。好事成雙，所以叫多件綠茶流心。當時得兩個人堂食，我都坐低坐食埋一份 ，有啲乾花可以打卡又有得涼下冷氣。奶蓋流心好正，咸香咸香，焙茶味濃，啲cream 超滑，好好食。食哂焙茶就開始品嘗件綠茶，綠茶粉喺面頭，綠茶流心，綠茶cream ，成件事就係綠茶～ 焙茶太驚豔了，綠茶有點被比下去了。兩件cake唔使$80。食物高質，有得坐有堂食有冷氣，價錢唔貴，我俾99分。…Read More

去到石門本身想搵嗰間隱世食堂食熱香餅包，點知原來午餐冇供應，所以就要喺京瑞廣場搵嘢食。一到lunch time ，呢度周圍都已經好多人，加上又諗唔到食乜好。咁啱見到商場3樓有間日本料理所以就去試吓啦。叫咗個燒雞扒飯，估唔到又有驚喜喎，紫菜夠香口，份量夠多，送飯一流! 望住雞扒嘅邊位，會知道係燒嘅。乾身似燒出嚟，等得都幾耐嘅。但既然佢係燒嘅，咁就原諒佢啦~野餐飲方面，可以揀綠茶或者蘋果蜜。尚算可以啦味道似水沖咁。總括嚟講個飯出色過飲品，而且lunch冇加一。可惜淨係可以用現金俾錢，八達通都唔得，間唔中經過冇嘢好食都可以食吓嘅。…Read More

要食趁快啦! 佢就結束營業了。呢間舖頭出名燒豬扒勁大塊。好似pokémon 超極巨化左咁。而佢真係炭燒的，兩塊大大塊豬扒係你一落order佢就會燒，所以要預啲時間等。再加上佢就嚟要結束營業，而家日日lunch都大排長龍。如果想食嘅話，記住一定一定一定要book位！！！講返塊豬扒，真係好大塊，厚薄適中，調味好。唔會太韌咬唔到或太冧無咬口。仲有佢真係炭燒燒出嚟，喺巴士站行過去都已經有嗰陣香味涌出嚟！！！另外跟餐咖啡都唔錯的。…Read More

Lunch如果想食日本嘢，河畔和氣係不二之選。有好多款式可以揀 ，熱食凍食任君選擇。熱食可以揀定食、烏冬or拉麵。凍食又有魚生丼、刺身冷麵。兩樣都想就揀壽司烏冬套餐。唔夠可以加錢叫小食 :糖心蛋 、炸蝦卷、天婦羅 、炸雞、壽司。總之你諗到嘅其實都有得食。最後飲品方面，凍飲係唔使加錢㗎！！！同埋可以用信用卡埋單，冇話你要消費滿幾多先可以用。啱哂我呢啲無cash人仕👍今次食蕃茄燒雞扒烏冬。蕃茄湯極濃、雞扒燒嘅，仲要燒得好乾身。P.S.塊嗚門卷真係好難食，一定要走。…Read More

細佬同爸爸都係牛魔王，所以父親節就揀咗嚟觀塘牛站食任食打邊爐放題。貪佢乜都有得食。今次我哋揀咗中價套餐，無加錢要鴛鴦湯底，直接嚟個沙嗲湯底，方便車啲牛肉落去。牛肉方面: SRF 主打美國極黑和牛片、美國安格斯牛板腱、美國牛肩胛片海鮮方面: 有帆立貝！爽脆墨魚、花膠、海滲、鮮蝦、沙白火鍋配料: 乜丸都有 試左海膽丸、雲吞、鵪鶉蛋、勁長蟹棒炸嘢方面: 鹽酥雞、芝麻雞翼、炸魚皮、午餐肉飲品：珍珠奶茶、Somersby Apple Cider 、冷泡烏龍茶、加多寶、竹蔗茅根甜品: 淨係食左雪條咋 尾圍好多無哂同甜品區要收父親節乜嘢優惠都無，最後埋單一千蚊。3個人食到勁飽咁走。…Read More

喺IG 睇到片，見佢有仙草食，價錢唔貴，一直想試。但佢本身只係飲品店，只得外賣，所以一直都未有機會試。直至有次上朋友家，唔想兩手fingfing，買左三盒唔同配料上去。仙草同綠茶凍都Q彈；麻薯煙韌 （有啲黏住個紙盒）；蘆薈清爽。重點係唔會太甜！！！本人同另外兩個frd都覺得好好食。然後，一個星期食左三次。。。…Read More

相約好友於moko見面聚餐。差不多兩點，其他餐廳都大排長龍，見呢間過江龍唔使點等，所以就狗衝入去。入座掃code落單，朋友要擔擔面，我要蒜香雞撈麵，再另叫一個鹽酥雞大家share。食物上菜速度正常，面彈牙，蒜香係勁多蒜同花生鋪滿，擔擔麵上枱亦好夠濃味，鹽酥雞唔使講夠熱一定好食。重點：openrice 有現金卷買!仲要係即買即用!!!八折買$200!!!即刻叫多杯飲品滿二百用卷找數。勝價比高。第一篇文就係要讚openrice同段純貞👏🏼👏🏼👏🏼…Read More