joejoe0405's Profile

今日送囡囡去觀塘學嘢，同屋企人行街見到電訊一代依間新開餐廳，就嚟試下午餐。開頭諗住都係一試無妨心態，但一試就愛上。好耐無寫食評，今次唔寫就對唔住大家一入到去職員同老闆娘都熱情招待，今時今日仲有咁嘅服務態度依樣真係抵讚人情味十足座位都算寛鬆，坐得都舒服嘅，最重要見廚房同樓面都企企理理，乾淨衛生，見老闆都用心經營好快就上咗我最常食嘅＜四川水煮牛肉米線＞，係我近期食最好味嘅一間，牛肉夠新鮮大塊，份量又夠多，岩晒我依啲食肉獸，咁嘅價錢咁嘅亨受，性價比超高。老婆就叫咗個＜新哥招牌酸菜魚米線＞，佢食到都讚不絕口，我本身唔食魚，老婆極力叫我試試酸菜魚，試完味道確實唔錯，平時唔食魚嘅我最後都偷偷地食咗幾件魚。最後嚟嘅小食＜涼拌雞腎及青瓜＞，味道水準都值得一讚，阿仔平時偏食都好鐘意食最後埋單150都唔使，真係超值下次一定會encore額外一提間店都幾多外賣生意，不停都有人嚟拎外賣，相信好快就成為觀塘區打工仔外賣首選要試就快…Read More

難得三五知己約埋一齊食飯，食咩食邊間其實無咩所謂。最後朋友揀咗呢間一齊打邊爐，醉翁之意不在酒，但的確有驚喜，難怪咁多人嚟食。我地食夜晚9點，好彩朋友一早book定咗。最驚喜嘅係啲牛任食之餘仲好好味，絕對唔似啲200任食果啲普通貨色。最重要嘅係你用apps點餐啲食物係嚟足！最好食嘅食物如果無記錯就係澳洲M9和牛牛丸，雖然要加錢，但呢隻丸個人覺得仲好食過振興濃汁牛丸，仲要大隻啲，好味到係咁加，一試就沉船！有機會會再食…Read More

22／7 傍晚時份幫襯。食物中規中矩，男樓面服務周到，但最唔滿意一女職員無禮貌（雖說係茶餐廳唔企望有好服務，但都唔使連基本禮貌都無），唔出聲就拎走小朋友張櫈仲惡言相向，咖喱雞飯半個鐘都唔到，問職員又被無視，不停話出緊嚟，cut單又話唔比，等咗成1個鐘先話廚房出錯，出到嚟個碟好似無洗過咁。非常可惡！呢間店想做好生意睇嚟管理層真係要想下辦法（善意提醒）臨走時該女職員都係被男顧客話佢態度差，男顧客嚟到問佢有無咩好介紹，女職員就非常唔好態度叫人自己睇餐牌。其實無介紹態度都唔使咁差嫁！…Read More

相隔2年再臨，仍保持高水準可以一次過食龍蝦生蠔面包蟹，供應源源不絕唔使排長龍，味道仍是5星級之作是日老婆請食buffet,佢平時都少食海鮮今次佢竟然對海螺賺不絕口鵝肝即煎即有 入口即融片皮鴨一添再添環境舒適闊落，面對無敵海景侍應們服務專業咁嘅dinner buffet open rice仲有7折找數每位500都唔使帶埋2個小朋友都免費(雖然食得唔多)超級抵食個肚已經飽晒，埋單時仲送埋天山雪蓮甜品好味到唔捨得食淨…Read More

好耐無一家人出外打邊爐上openrice search左好耐，發現呢間好似唔錯咁岩openrice訂座又有8折加送埋原本要加88嘅海鮮拼盤位置方面唔算隔涉，距離觀塘地鐵站行2分鐘就到，環境算唔錯，夠寛敞 ，坐得都舒服啲。好快點嘅魚翅雞煲就嚟左，屋企老人家都讚不絕口，之後嚟嘅甜雞煲女人至愛，而其他點嘅野都黎得好快，款類又多，有我鍾情嘅肥牛 青口 蜆 好快食到飽肚，但有3個鍾比我地食，好比其他又貴又得90分鐘咁趕總結， 平靚正，下次約朋友再食過…Read More

見yahoo團購便宜就約埋親友一齊試下，一試就出晒事。 一坐低就聞到有類似海鮮‘up’臭味，但最不滿係以下2點：第一，食物味道不濟，海蝦，青口，螺同蟹腳完全無海鮮味道！雖說不難吃，但欲再添嘅慾望都無。第二，當初見其宣傳有龍蝦及面包蟹，諗住食返夠本，點知未見過一家酒店自助餐海鮮供應係咁不濟，可以一個鐘內眼見只有2，3次加供應，但唔使開心住，每次龍蝦10邊都唔知有無，而面包蟹蓋最多係2隻！全日只慶幸能攞1隻面包蟹蓋0龍蝦，攪到黎食客人好似乞食咁要搶，真不知所謂。最不知所謂嘅係偶爾經過聽到有客人投訴無供應，某職員將供應不濟賴喺客人身上，指客人攞得多，完全將責任推卸予客人總括而言，呢間野一定唔會再試各位小心中伏。…Read More