力高小姐's Profile

星期日夜晚, 家人提議食呢間~去之前都唔知食咩, 去到原來係食炭爐打邊爐+BBQ...心知不妙。據過往經驗, 逄係自己燒烤既都好難好食得去邊...18:30 到, 佢地D位扎擺到一街都你係, 唔知點解好多人企晒係到食等位等到20:00...終於有位但帶我地7 人去咗個完全無燈光既位開枱:(...咁黑, 點食呀? 想睇下D野熟未都好難啦要求換第二度光D既位, 有個阿叔就開另一張枱俾我地(露天), 好過無啦(有幾張枱有光燈射住, 我地呢邊無)張木摺枱中間有個人手開既長方形洞, 相信係用黎放炭爐食物到了, 窩到了, 大家就對住中間個長方形洞等等等等多半粒鐘先有人得閒上個爐佢地用既其實唔係炭, 而係大陸用既煤炭, 即係圓型中間有好多個洞個種...得唔得ga...兩條生茄子成條上, 生魚都係成條上, 但個爐上咗個窩後得一半位又唔夠位燒唯有燒下乳鴿, 另一邊打住邊爐先燒乳鴿...結果因為太猛火, 燈光又唔夠, 燒到外面黑晒, 入面依然係生...燒羊架, 情怳都一樣, 佢d生肉全部都無味...要我地自己加d味粉先有少少味打邊爐食物只叫咗: 肥牛(得6-8片), 墨魚丸, 蟹子丸, 響鈴, 皇帝菜係肥牛幾好食, 其他都一般另外燒野食因為太暗, 全呈都要用手機燈照住燒, 火太猛d野又易燶又唔熟最後既燒物: 烏頭魚, 蕃薯, 茄子正常外, 其他都唔食得!最重要後加既所謂西冷牛排...燒完食落先發覺酸既!!!已變壞!!! 同阿姐講, 佢踩我地都傻, 好在全埸得一個阿叔好人, 話唔收呢個牛排錢:)食完大家都一肚氣, 又唔飽, 埋單仲要$1077! 真係一肚氣…Read More

原本首選係附近既德國菜, 可惜full booking~於是黎咗呢間新開既泰國菜, 星期日晚飯竟然唔洗等位...試下啦睇完menu 價錢都正常既例如蝦餅一份$56, 其他價錢都係$50-80不等我地六個叫咗六樣野野食好快黎, 第一樣蝦餅一睇大家就知"lai "野!$56 得個六小件, 即3件cut 一半!一人一口無晒...:(之後既鳳爪...每人分到兩隻腳趾...$50+炒金邊粉...等於茶餐廳炒粉既半碟, 而且唔好食...$70+炒椰菜苗...細細碟...冬陰功最離晒普...得半個爐, 湯都滾唔起呀菠蘿炒飯, 真係得菠蘿同飯, 無其他餸d 野食既份量少到唔洗廿分鐘已經食晒!!!大家決定唔會加餸, 寧願去第二度食~~埋單調480...每人$80 但唔知食咗咩....無下次:(…Read More

今晚同男朋友係深水埗諗住平平地食餐晚飯, 佢話呢間都唔錯之前我地係旺角個間食過都okay, 價錢平味道又唔差.所以就黎咗呢到食我地叫咗1. 焗鮮尤筒飯 $272. 明星雞+薯菜 + 椰汁涼爽冰 $36唔洗5 分鐘, 我男朋友個焗飯就黎喇...但賣相同相中相差極遠咩叫做尤筒呢? 不是原隻嗎? 數數下只係得5個尤魚圈算啦...平平地, 無唯計較因為我地坐近開放式廚房對出,我地開始覺得廚房既人好煩, 而且仲要係國內同胞其中一個阿姐周不時大聲講野, 嘈呢樣嘈個樣仲要俾我男朋友見到佢一路煮一路咳!e.......我個餐既沙津 同飲品黎先個沙津普普通通, 無咩特別杯椰汁涼爽冰...味道似椰絲味多過似椰汁而且所謂既涼爽冰, 只係得幾條! :(一路等, 一路share男朋友個焗飯個飯都食完啦, 我個雞排薯菜都仲未到!!!又唔係全店滿座, 只係得一半人jar ma!都咁耐?於是同個侍應講, 轉頭就有喇嘩..個賣相都唔錯, 有半碟都係薯角, 正!d 薯角好脆好好味!至於所謂的「明星雞」無咩特別一仲有d厚厚肥膏tim!食食下...我返轉件雞...哈...竟然全部燶晒既! 如圖...一係你就切咗成塊皮先上枱啦, 以為唔show燶個面俾d客食就可以!!跟住我拎部相機出黎影低佢d 侍應同廚房既人即時議論紛紛其中一個仲走埋黎望住我碟「碳燒雞」呆咗之後就行開當無事...哼, 真係好笑!算啦, 我又唔食雞皮...費是換見佢d薯角幾好食就算啦~~但咁有「衛生」既廚房員工同服務, 即是再平呢間野真係唔值得幫襯...…Read More