enjoyfish's Profile

沙田依家真係少去左因少入沙田,再度入沙田只會想起食宜家,窮L恩物,可喜係平,可悲係水準下降。首先要打大佬搵到位先,今次又快wo!多位左,優雅地行去都仲得。名物肉丸冇以前咁好食,咬落去硬左同細粒左個味都冇咁濃,照燒三文魚柳飯,燒三文魚大件,食落未至於柴但唔夠油份,伴菜天婦羅咬落唔油同時唔係脆,蔬菜薯餅keep到水準但keep唔到個size瘦左喎,焦糖燉蛋撻過口癮。個名物雪糕冇食係因為賣晒，果然名不虛傳嘅受歡迎程度。…Read More

抬頭望雨絲，夜半翻openrice，食家筆跡轉處，談論昨日往事，如何讓你知，食得開心真寫意，最寂寞夜深人靜陪念掛時.....唔洗念掛啦!直情走去食咪得囉!我帶著情義，一絲絲悽愴，來到筷子記，大家可能心諗，食碗粉啫洗感慨!錯!哩碗粉，唔係普通嘅粉，而係.....想當年，做𡃁時，都十年前，係中環打等，堪稱中環古惑仔，周圍R撈，同大佬並肩作戰，日日筷子記，有日，心血來潮問大佬:點解要撈粉?大佬:R撈，得左，就要撈得起。嘩!大佬!實在太感動喇!太有寓意喇!太好喇!於是每日如是，九唔搭八之中又好似知佢講乜，或且哩種就係叫默契，之後跟佢，齊齊做粉人，直至轉左工。今日再食，唔食粉食米線，唔係因為做線人，純粹口味轉左，始終要成長。環境:一字記之曰小。下午茶餐三餸，$33，瑞士雞翼、豬大腸、馬交魚羹+米線。沙茶醬撈米線，大量沙茶醬，米線滑，每一啖都食到豐富沙茶醬，個沙茶醬好香，少辣，少鹹、少甜，隱匿有花生及鮮味夾雜，好美味呀!瑞士雞翼，我鍾意食，滷水入味夠甜咬落鬆化，正!條蕩氣迴腸嘅豬大腸， 口感蔫韌，滷水入味夠甜，讚!馬交魚羹，一野啪落食，鮮爽，掂!凍咖啡，踉餐+$3，茶記味道，香濃味!回味+食記又砌夠200字!…Read More

近排成日去瑞士，成為熱棒飯堂之一，男人老狗叫個輕便餐，成了我的常餐，個餐有大熱狗、通粉、奶茶，咁抵食，必推介! 廢話必講，皆因湊夠200字先有得揀評分post到，唔好意思，原諒我係咁直呀。 環境: 懷舊啦又係，近期都走唔甩，雖然佢都唔係近期開左好耐，又係時候講行野:對我呢個八十後來講，又有一份情懷..... 是日推介: 大熱狗-固然係我的重點推介，單睇賣相已高下立見，好大件熱狗，熱狗腸既長度，係長過個包，有肉食!腸-不是普通的腸，而係粗大的熱狗腸，皮脆多汁堅! 爆多的沙律醬，一啖啪落去，成口都係!果下滿足真係!熱狗腸同沙律醬太正，個普通既包已作配襯呀。 意式雜菜湯底火腿通粉-愛的推介，有清湯底及意式雜菜湯底揀，都無機會唔揀意式雜菜湯底，多雜菜又有火腿味道濃郁，十分的愛上!不過意式雜菜湯底，食佢要講彩數，水準上有偏差，懷疑果日廚房輸馬，碗意通食左啖-WA@0@--此刻深深的傷透了我唱著心酸的情歌...歌聲不再有那美麗結局...不禁要起歌...份外酸同咸，但我無同伙計講，大家明既隨緣。 …Read More

紅日單拖去飲茶，搭枱就梗，成張枱一家大細，多左一個陌生人，仿如焦點，好似漆黑中嘅螢火蟲一樣，咁鮮明，咁出眾，同時，無人親近我，我是透明的，好矛盾呀。 特色點心拼盤，襯番好似我啲咁出色嘅男人。 特色點心拼盤，$19，(星期六、日及假期，每份加$4)=$23。 水晶鮮蝦餃、蟹籽燒賣皇、滋補紅棗糕、潮州蒸粉果、鮮蝦菜苗餃、蠔皇叉燒包，每一樣都能夠獨當一面，而家集合埋一齊……問你怕未，單身狗精選。 潮州蒸粉果、鮮蝦菜苗餃，個皮晶瑩剔透，但黏性強，黐住晒張紙，仿如痴身的情人，好痴身呀!餡料多，有內涵，幾好。 蠔皇叉燒包、蟹籽燒賣皇，味道普通，但我喜歡。 水晶鮮蝦餃，食蝦餃，會諗起初戀感覺，皮煙韌蝦爽口。 滋補紅棗糕，滋補下，岩我呀!紅棗味好勁，軟林林口感。 …Read More

又食去左飯堂，嘆番個TEA，雞脾薯條哩個組合簡直係下午茶界的XO！雞脾薯條哩個組合有好多種，不過唔係間間茶記既都岩自己同大家食，等我食多幾間，介紹下畀多啲選擇大家，一齊分享食野既樂趣。 薔紅下午茶雞脾薯條，唔係炸雞脾，而係油脾，係豉油果隻，幾好樣咁啵！雞肉滑，豉油味濃，夠汁又夠味﹐好食，但唔係好多肉 ，唔係好夠飽，不過咁，話明下午茶，都係份量少既，＄3X，成件事又正常番呀！粗曲薯條茶記之選，粗野正又熱，口感滿足。熱奶茶幾好既。 食野既﹐唔洗咁複雜，簡單又好味。 …Read More

係灣仔打等，無可能唔識樂景，屹立灣仔N咁多年，基本上又係食堂之一，雖然價格上每年都有變，但變極都仲係平盡全場，吹佢唔脹!難得係味道KEEP住唔變，好味又大件抵食，正正常常既食物，唔係果款鬼五馬六玩花臣，食得好安心。除左出名既漢堡及炸雞脾外，仲有各式各樣既粉麵飯，眾多選擇，吸引唔少街坊、我地呢班打工仔及學生幫襯！ 環境：貌似外賣店，其實可以堂食﹐不過唔多位。食物：炸雞脾＋薯條＋熱狗＋熱咖啡套餐，＄35，好抵食！即叫即整，炸雞脾大件熱辣辣，皮脆肉滑！正呀！熱狗size 正常，看似普通熱狗，實際個包有烘底，熱熱地脆脆的好味，粗薯條夠熱好食，咖啡濃郁，最正常普通的材料做出至好味既食物先係皇者。 …Read More

曾同度過漫長的歲月~關心你每處為你看多一點~時日度過亦全不變樣~天天有你伴我創造美好 麥當勞與你~共享作天今又明天（錫錫），不禁要唱出黎，我不是麥難民，但我經過流連， 作為一個毒L，去到MK，單拖食早餐，靜靜地食早餐，打下機，又要坐得耐，又要平，果然，去返我至喜愛的麥記，有個位，懷疑係為我而設，面壁+有差電，縮埋一角差電狂打機，爽呀!自助點餐機無聲落order，溝通都費事(除非...大家心照)，點餐後攞個牌坐底自然有人比餐你，好方便! 食物都唔洗點講，但好想講既係，食野有時好講分店同彩數，呢間正常，薯餅好食就緊，蛋份量正常，熱香餅ILIKE EAT，享受自我既早餐。 …Read More

本身想去旺角飲茶，點知太晏酒樓話無晒野食，只好轉場，新世紀食肆林立，但個人問題好多唔想食，只好入左千両，而千両可說係貴版元氣，同是美心集團，食既野好相似，唔似既係個價同環境，相比之下﹐元氣好難唔多人排隊！對於食既野好相似呢個講法，都想知有幾相似既，假期下晝，店內食客得幾個人，好少人。 環境：地方大，日式格局，環境昏暗，幾好坐既。 食物：果然係貴，但入得黎就照叫野食，叫左幾個基本野，炸蠔、三文魚壽司、玉子燒及軟殼蟹手卷，三文魚壽司好快黎左，其餘既等左好耐都未有，追單之下佢地先發現漏左單，仲要黑面，一句唔好意思都無，咩料呀咁既態度!已經少客仲要漏單，漏單都算仲要黑面，無下次呀。 炸蠔，熱辣辣，炸得燶，口感硬，炸皮多，蠔細粒唔好食。 三文魚壽司，同元氣沒差，味道無乜特別。 玉子燒，甜甜地既普通水準。 軟殼蟹手卷，同元氣沒差，正常野。 …Read More

公司食飯，成班去飲下午茶，派出幾個使者包括我＋幾個同事去攞位先，1:30去到已迫爆山，但攞到第一張籌，2:00即入好爽！幾條友坐係到唔好意思既，叫定幾籠點心充撐場面，正想畫紙時見咁少野食，以為比漏點心紙即問部長，先知原來係有點心車！！！！！係失傳好耐(以為無晒)傳統懷舊既推車仔！再度重遇你～實在太好了～太感動了～！成件事就好似回到過去！浮現細個時飲茶叫點心行到去點心車前再拎住幾籠點心返位既畫面～！呆左陣已見到推車仔阿姐係面前，即起勢叫點心！推車仔姐姐都nice有街坊既味道！ 環境：地方好大但無睇晒成個場，格局係同現今酒家一樣偏西化，中西合壁，環境唔傳統，但來來往往既推車仔已是懷舊集中點。 食物：一開波叫左唔少點心，蝦餃、燒賣、鮮竹卷、排骨等常見既點心，份量適中有水準，蘿蔔糕用蒸，好健康餡料足，但用煎會更加開心同好食，芋頭角，已經少見個蹤影，見到就要食好味呀，老闆推介豆腐花必食，用木桶上，果然夠滑又好味。 …Read More

又係上水搵到好野，住大西北既同事話:去上水飲茶，揀行樂軒啦!於是就牽著我地去飲茶，最正係為左唔想我地行迫到爆既藥房街先係口角繼而動武事件，抄長路帶我地去，都好既，行耐少少都唔想衝突，同時不禁覺得住果到既居民都幾陰公，成日咁擠又嘈，邊傾下計到左酒樓。 環境:好大既酒樓，分上下層，飲茶係上層，樓底好矮，但座位唔係密密麻麻有空間，簡單格局，唔多奢華裝飾，好有可能對食物充滿信心而唔洗裝潢落本，唔洗等就有位!估佢唔到，以為呢個地段會好多某類客人，又唔多覺有，因唔見有喼，感覺似係有運行呀。 食物:帶子海鮮餃，個款好得仲要大大粒，外皮晶瑩剔透，帶子厚，鮮蝦大件又爽口呀。 龍鬚百花球，大大件呀又係，咬落外層脆口，而入面係熱辣辣既蝦丸，好彈牙同蝦味濃，好食呀。 燒賣皇，一樣咁大粒，幾好食。 上海小籠包，招牌食物，好大粒，夠熱多湯汁，好食呀。 豉汁蒸鳳爪，好食。 …Read More

每逢有同事生日，公司都會請食飯，實在太好了～太感動了～！ 翡翠江南，前身為翡翠拉麵小籠包，都係同一個集團，食既野都係差唔多，咁點解要打造一個全新品牌「翡翠江南」？有咩咁唔同？要食過先知。 環境：餐廳依舊咁大間，中菜館設計，但格局唔同左，無晒以前既弧形梳化配圓枱，改為長枱、長形梳化同木櫈，目測位子多左，但坐位既空間窄左。 食物：8人lunch，叫左知4人套餐同幾個散叫。 江南風味4人套餐＄888: 江南三小碟，青瓜卷、燻魚、馬蘭頭，唔好以為酸野係女人專利，一樣咁受男仕受迎呀。 青瓜卷，上碟擺放靚左，但相比前身翡翠拉麵份量少左，呢個改變唔知關唔關跟餐事呀，味道一樣，爽口酸味開胃，正！ 馬蘭頭卷，有青草既味道，天然既小菜。 砂鍋雲吞雞，接近一定會出現既菜式，雲吞大粒足料好味呀。 彩椒炒鱔糊，記得前身既鱔糊菜式係脆既，而呢個係腍既，入口鮮嫩軟滑，味道鹹甜適中，正！ 乾隆鴿鬆配叉子燒餅，可揀窩窩頭既，不過揀左叉子燒餅，乾隆鴿鬆釀入去叉子燒餅，鴿肉有少少酥味，幾好味，夠飽肚。 東坡肉配荷葉餅，肥美入味鬆化有酒味。 上湯腿絲浸時蔬，夠腍易入口。 黑豚肉小籠包，識食一定要食小籠包，多湯汁好食。 滬式擔擔麵，湯底杰身，濃郁花生醬味，少辣既。 桂花酒釀丸子，少少既酒味甜甜地丸子煙韌清潤。 陳年花雕醉香雞，酒味濃雞多滑。 山東手抓餅，夠酥脆。 …Read More

多年無見的好兄弟，就黎成家立室（有無咁快？！我仲係獨L）我除左恭喜之外，都唔知應該講咩野好，但兄弟有話兒，約左去打邊爐，老是去川上龍，係一間食川菜既餐廳，閒日每次去都唔多人一定有位，係咁旺既地段仲可以生存實在太勁！ 環境：地方好大，古色古香的中式設計，餐牌成本武林秘笈，係時候練功呀。 食物：招牌雞煲(半隻)，唔洗諗食雞煲，半隻雞，都夠食，要小辣，用十種香料而成醬汁，味道香濃惹味，雞肉嫩滑又入味，鹹得有道理，食到底開始打邊爐，想飽肚，緊係要頹之選午餐肉，炸魚皮、粟米同生菜，濃味好食呀。 川上龍…Read More

公司既午餐時間，為2:00打後，實在太體貼呀!下午茶大把平野揀，慳到錢呀，想食一盅兩件，但酒樓既下午茶好多人，等得來都訓，同事話春園街都有得食，但唔知間野叫咩，唔理咁多照行去搵，見到有間店面有點心賣，仲唔係佢!衝入去啦。 環境:地方細，港式小店，我地3條友，排排坐好迫呀。 食物:下午茶系列，A三合一餐，$39，有盅頭飯(1盅)+點心(一碟)+$2中茶(茶芥)。3人叫左3個A餐，可以交換點心食。 鱆魚肉餅飯，係細既盅飯，厚身肉餅有鱆魚粒粒，真材實料無花假，有咬口幾好食。 醬皇蒸鳳爪，顏色偏淺，但醬汁入味，正常野呀。 蟹籽燒賣皇，蟹籽比較少，味道普通料。 招牌鮮蝦餃，個皮腍，鮮蝦大粒幾爽口。 金輝點心…Read More

呢個時代，連鎖麵包店當道，淨係識玩噱頭，賣既係空氣包、公仔西餅，得個樣無味道又貴既時候，不禁覺得咩世界，我想正正經經食個包啫!唔通咁艱難?不過人在灣仔，無難度，仲有幾間搵到正常麵包既小店，其中一間屹立灣仔30多年街坊一定識佢既快樂餅店。 環境:懷舊既感覺，舖面係小店，舖後係麵包工場，見到新鮮出爐麵包。 食物:好正常既菠蘿包、雞尾包、腸仔包等等都有，想食甜，紅豆沙翁，$6，食沙翁，好享受一啖啪落去，有少少沙糖跌落黎既感覺，正呀!沙翁鬆軟，紅豆餡份量岩好唔太甜，堅好食呀。 快樂餅店…Read More

曾經聽過，出到黎社會做野，周邊既朋友多數唔係中學就係同事，小學就甚少，除非一齊升上同一間中學或住得好近啦，否則都難見面。兒時既官塘之友，搬左去將軍澳，由小學keep到依加都仲有contacts，都真係唔講得笑，兩條友，去打邊爐啦，以為將軍澳好靜少人？少年你太年青了，原來個商場好多人﹐邊間都要等位，最有機會快有位＋平平地＋狂食＋打邊爐，毫無疑問呢間日牛，同市面上的日式火鍋一樣，90分鐘放題，各邊面都好似牛X。 環境：地方大，二人位，坐位好細，同類似一蘭既自閉位咁，有塊木板隔壁，自成一角。 食物：肉類有幾個級數揀，要多最平，＄148﹐澳洲穀飼牛＋美國豬肩＋雞腿肉。 一人一鍋既，昆布清湯，湯裡有片鰹魚乾，唔油既﹐清淡魚乾味。澳洲穀飼牛﹐狂食牛啦唔洗問，肉質有咬口幾好食，每盤份量算係咁，大約9塊，食左3盤以上﹐如果唔係侍應(是你專登反應慢？)慢上菜會食仲多。美國豬肩，打邊爐，至唔想食豬肉，但今次唔同，師父好刀法，張豬肉切到紙一樣既薄，如蟬翼一樣咁透徹，呢招名堂應該就係機切﹐太勁！一盤都可兩盤，同5餅2魚有同曲異工之妙，神積呀﹐可能因為薄多﹐快熟唔鞋口，又好食，即落多盤呀。 雞腿肉，好鞋唔洗食，其他打邊爐配料可自助吧到攞，但種類唔多既。 甜品有乳酪雪糕好食呀。 …Read More