FloraChan25's Profile

見到有唔少IG foodie 推介呢間日式餐廳，而且見到佢係達摩做主題，所以就初嘗下。整體其實環境裝修得唔錯，好colourful，但講到性價比及職員服務就唔多好啦。我地2人total叫了1）一個澳洲M5 和牛岩鹽燒（加錢upgrade set)、2）一個達摩燒肉盲盒(加錢upgrade做set)、3）明太子雞翼及4）海苔魷魚天婦羅。職員一上份燒肉之後，我地已經覺得份量好少，澳洲M5和牛岩鹽燒只有薄薄的4塊肉，好孤寒的感覺，套餐還要額外加錢！最搞笑嘅係，盲盒加錢轉套餐係唔包飯的，咁這還是叫左套餐嗎？我們只好2個人share 1碗飯🥲。嗰爐好快就無火，但我地舉左手要求要加火，好耐先有人醒覺記得要換爐，套餐中嘅前菜及湯都忘記上。達摩主題餐廳固然可以吸引人黎打卡，但整體份量都好少，我地2人total叫左2份餐及2個小食，其實好似無食過野咁。如果唔係有openrice 85折優惠，total 係要超過600蚊2個人🌝，這個價錢可以食到更好嘅食物了🫣。…Read More

在openrice 搜尋無意中見到呢間餐廳，見到餐牌後，就try try 啦。晚市套餐對比起同區做日本料理嘅餐廳，價錢已經算係合理。餐廳職員態度良好，同埋應該幾鐘意同人傾計。**********1. 炙燒4色丼 $148推介：🌝🌝🌝🌝🌝性價比：🌝🌝🌝🌝評價：丼飯晚飯有set，包湯及沙律，湯係非常熱辣辣👍🏻，沙律就配上油醋汁。炙燒丼裏有4款料（包括3款魚加帶子），個人比較鐘意炙燒後的魚，因為有炭香味。丼內還有薑、菇等等其他配料。 整體賣相很不錯！ 2. 椰子雪葩 $48推介：🌝🌝🌝🌝🌝性價比：🌝🌝🌝🌜評價：食完丼飯之後，就好想試埋店舖嘅甜品，叫左椰子雪葩（餐牌沒有圖），本身以為就咁用碟上，估唔到係用一個半殼椰子上，打卡都唔錯架。**********總結：我覺得呢間已經係我少有會想回頭的日本餐廳，睇得出餐廳係用心製作。其實依家做飲食業真係好艱難，我入去食嗰陣，餐廳冷清，不過後來我坐多一陣，發覺原來都有唔少回頭客啊。…Read More

因為食飯時間不多，而且餐廳離公司有一段距離，所以預先在openrice 預先落定單，並前往餐廳取餐。去到餐廳職員很快便立刻包起外賣給我**********1. 沾麵 $88-外賣自取價（🌝🌝🌝🌝🌝為最佳）推介：🌝🌝🌝🌜性價比：🌝🌝🌝🌝作為沾麵愛好者，初嘗這間餐廳。回到公司，拆開外賣袋後，發現塊紫菜係用左保鮮紙包住，唔知係咪因為防止紫菜無咁快淋？ 不過塊紫菜就已經淋曬了（不過外賣就唔會對呢d有要求吧）有少少失望嘅係，唔知餐廳比漏左隻溏心蛋定外賣唔會提供溏心蛋呢？沾麵汁雖則不杰身，麵不太掛汁，不過都食得出汁比較濃郁，而嗰汁裏面約有5-6粒肉粒，所以夠飽肚。還有2塊叉燒，1塊是半肥瘦的叉燒而另1塊係雞叉燒，我較喜歡後者嗰款叉燒，食落較嫩。**********總結：整體味道都唔錯👍🏻…Read More

前排係ig 有 foodie post呢間餐廳，見到d野食好似唔錯咁，同埋又可以任食生蠔同啤酒，所以就係openrice到預付左698幾蚊（特價）1位嘅 set。點知一埋位坐低，嗰職員已經話唔好意思，今日嗰啤酒機壞左，我嗰朋友頓時好失望，因為佢見到間餐廳嘅噱頭係可以仼食生蠔同啤酒，本身諗住可以一邊食生蠔，一邊送啤酒飲住傾計。而且整體食物質素好一般，超市貨，永遠blacklist的餐廳。**********1. 炭燒佐酒鱈魚干推介：🌝🌝🌝脆脆地，普普通通，算係開胃小食。2. 日式昆布汁煮翡翠螺推介：🌝無論嗰螺肉同汁都淡而無味，唔知自己食左咩，螺肉偏細粒。3. 日本松葉蟹天婦羅推介：🌝🌝沒有令人驚艷的感覺，因為真係好普通😌，平時好易食到。4. 大閘蟹粉蟹黃稻庭烏冬推介：🌝🌝🌝🌜蟹粉蟹黃汁惹味，但食落有較多蟹殼碎，食得唔太舒服。5. 炭燒串燒拼盤（廚師發板）推介：🌝所謂廚師發板，只係比d平時出邊普通串燒舖最平價的東西你食（雞翼、雞軟骨、雞皮及翠玉瓜），完全令人失望，有種騙人的感覺。較為有特色嘅已經係明太子翠肉瓜，但明顯明太子醬過多，導致串燒偏鹹。6. 鹿兒島A5黑毛和牛（120g）+雜菜拼盤推介：🌝🌝🌝眾多食物之中，和牛較為理想，入口即溶，而雜菜盤要改善的地係d菜切得太大舊，叫人點樣食呢😥，最後我地係人手自己摘開一塊塊，極度無奈。雖然中途職員有幫我地切開（因見到我們好像摘開得很辛苦）。7. 炭燒日本鱈場蟹腳推介：🌝🌝見到佢現場燒蟹腳時，望落好吸引，好大份咁，但其實拆開上碟後，其實份量偏少。8. 炭燒鵝肝大閘蟹肉飯糰推介：🌝🌜其實呢個飯團係有d過份，嗰飯團燒到好硬，難以咬開，而且嗰飯團太大，望落已經唔吸引，其實感覺係想盡快塞飽人地嗰肚的感覺，咁就可以唔洗添加生蠔及飲品。。。如果飯團可以弄得細舊些，其實會更開胃，因為鵝肝同大閘蟹肉配飯團，係夾的。9. 日本時令牡蠣刺身 推介：🌝🌝🌝雖然呢款日本生蠔唔夠甜，但為左蝕少d，我地都勉為其難，叫多一盤生蠔。**********總結：整體食物質素超級一般，超市貨，完全對唔住呢個價錢，仲要收返原價嘅加一，原價為$1788，即係要比多$178，連埋預付價錢，total要$876。全程晚餐都食到一肚氣。感覺餐廳非常騙人，好評都是買回來的😂。除了食物一般外，並沒有特別好服務，又不是一間食景嘅餐廳，真的可一不可再！…Read More

星期六約左一班好耐無見嘅朋友，Brilliant Cafe 係一個舒適的地方，同朋友食餐飯，吹下水。點菜時需要掃描QR Code ，雖則人座時間為90分鐘，但我們在繁忙時間後入座，所以職員沒有趕我們離座。********** （最高分🌝🌝🌝🌝🌝）1. 蜆肉、BB帶子 鮮蟹膏忌廉汁意大利飯 $90推介：🌝🌝🌝性價比：🌝🌝🌝雖則感受唔到落左蟹膏，但整體飯嘅味道、同黏度適中。如落更多配料會更好！2. 日本蟹柳、大蝦龍蝦汁意粉 $108推介：🌝🌝🌝🌝🌝性價比：🌝🌝🌝🌝🌜呢碟意粉能夠掛到濃濃的龍蝦汁，非常開胃，再配埋大大隻嘅蝦，賣相加曬份😀3. 炭燒巨大厚切美國豬肉扒配燒菠蘿 $90推介：🌝🌝🌝🌝🌝性價比：🌝🌝🌝🌝🌝豬肉扒帶有好香嘅炭燒味，非常juicy ，唔會覺得好乾身。略要改善嘅係嗰蒜香意粉，意粉浸住厚厚的橄欖油，會令人有油膩嘅感覺。4. 炭燒美國頂級牛肩板腱肉8安士 $148推介：🌝🌝🌝性價比：🌝🌝🌝牛肩板腱肉比豬肉扒更有炭燒嘅香味。塊牛嘅特色係多筋，食落會較韌，所以本人不太喜歡。另外，灑上紫菜粉的薯條非常熱辣辣，feel到是剛剛炸起。**********總結：所有主菜嘅賣相都不錯😀。另外本人推介加錢轉配牛肝菌湯，帶點非常濃郁嘅菇味。…Read More

這間越南菜我bookmark左好耐，有次夜晚想幫襯，可惜見到太多人排隊，所以卻步左。今次終於有機會試，星期日中午尚早嘅時間，入面已經坐滿了人。最吸引我黎嘅原因係，餐單上嘅菜式較傳統越式餐廳所提供嘅菜式特別，例如：椰汁酸湯檬、手絲雞檬紙卷、軟殼蟹黃薑飯等飯餐會跟多一碗餐湯，可選擇牛湯/雞湯。**********1）河內蔥油三味飯 （扎肉+豬扒+豬頸肉） $69推介 ：🌝🌝🌝🌜性價比：🌝🌝🌝好少舖頭會配黃薑飯，辛香輕淡黃薑飯代替白飯，令人有意欲想添飯。肉量調味正常。三款肉類之中，豬頸肉較為出色，烤得比較香，其他肉就無咩特別。2) 手撕雞椰汁酸湯檬粉 $65推介 ：🌝🌝🌝🌝🌜性價比：🌝🌝🌝🌝湯底特別，椰汁味重、酸酸味味好開胃。喜歡這個湯底，亦唔覺得口渴。再加上店舖嘅調味三寶（辣椒，蒜蓉及青檸），更帶出湯底嘅香味。雖然本人平時食湯面都喜歡落蒜，但今次呢個湯底我認為同蒜蓉唔太夾，但我仍然選擇加入湯底中！！！手絲雞份量多😀，只略嫌覺得手撕雞調味少許重，好重胡椒味。3）酸辣無骨鳳爪沙律 $35 （跟餐價）推介 ：🌝🌝🌝性價比：🌝🌝🌝🌜不似傳統泰式無骨鳳爪沙律嘅味道，這款無骨鳳爪醬汁偏甜。如果辣味重d會更出色。沙律中d椰菜、洋蔥不斷出水，令到沙律本身嘅醬汁溝淡咗。但整體味道唔差。…Read More

與朋友逛街逛累了，想找一個舒服嘅地方停下來休息，杏甜品係一個不錯嘅選擇。舖頭係自助落單嘅，見到餐牌上供應嘅甜品同飲品款式都尚算特別，應該係以健康做主打。不過有少少失望嘅係，好多款甜品同飲品都顯示為售罄（進食時間係下午3點），超足料果果吸吸杯系列裡只供應「龍眼吸吸」。因為我同朋友實在太渴了，所以龍眼吸吸都照殺😅。**********1）龍眼吸吸 $42估計飲品係由攪碎左嘅龍眼肉而加碎冰而成，入口係feel到有龍眼肉，好清新，飲完係真係可以解渴😀，最重要係佢唔太甜，我唔太鐘意d甜品糖份咁重。底部亦加入左小丸子，煙煙韌韌，同龍眼冰幾match。小丸子份量頗多，飲完杯野，仲剩低好多小丸子。2）蜜瓜爽冰 $54綿綿冰，口感鬆化，有濃郁嘅蜜瓜味。甜品本身會配椰果及爆爆珠（個人就唔太喜歡爆爆珠，咬開時無太爆開嘅感覺），配椰果就適合得多，多左份層次。甜品亦可以額外配其他配料。**********總結，甜品及飲品唔太甜，舖頭係一個休息嘅好地方，希望下次唔好咁多產品售罄。🥹…Read More

前幾天預先在openrice訂座，幫朋友慶祝生日。事前向餐廳查詢，可以在甜品碟寫上Happy birthday 。餐廳環境不錯，氣氛寧靜，係一個適合與朋友傾計的地方。職員態度都很有禮貌，我們坐低後，職員向我們講解是日精選甜品及餐湯是什麼。我們叫了2個午餐：1）煙三文魚蘑菇千島醬手工薄餅；2）帆立貝配芝士忌廉汁意大利飯。午餐可選擇配湯/沙律，而我們選擇了是日餐湯-粟米湯。飲品方面，我們選擇加$18轉配熱伯爵茶。Menu底部也有side dish 及甜品供我們加配。1）水牛城雞翼 （3隻）$25 加配推介：🌝🌝🌝🌝雞翼汁惹味及香脆，少少辣，是一個開胃嘅小食。2）帆立貝配芝士忌廉汁意大利飯 $98推介：🌝🌝🌝🌜-呢個意大利飯雖偏濕（個人喜歡無咁濕），但非常邪惡（滿滿嘅芝士及忌廉，好快有飽肚感😂）-配料：3粒帆立貝及蘑菇。3）煙三文魚蘑菇千島醬手工薄餅 $88推介：🌝🌝🌝🌜薄餅有少許硬（較難切得開），但薄餅邊香脆，而且有煙三文魚做配料，味道👍🏻，不過唔係好食得出係千島醬，可能係煙三文魚嘅鹹味蓋過千島汁😜。4）tiramisu $48加配推介：🌝🌝🌝🌝🌜甜品唔太甜，賣相很好（無影到側面🥲），係一個好嘅午餐ending。當職員遞上寫有happy birthday嘅甜品碟時，原來伴隨住happy birthday嘅歌，我同朋友又驚又喜😗，多謝餐廳咁識搞氣氛😇，亦都為餐廳加了唔少分。總結：整體（味道、賣相及環境）都有中上水平，會幫襯下次，想試下餐廳其他較受歡迎嘅菜式。…Read More

我與朋友分別叫了1）辣三枚肉沾麵和2）牛筋black沾麵。一碗揀選左凍嘅麵，一碗揀選左熱嘅麵。如果平時喜歡吃硬麵的話，建議選擇凍嘅麵。寫紙落單後，食物好快遞上枱面，隨即我們試試牛筋沾麵嘅牛筋（因為好少日本餐廳會賣牛筋沾麵），點知我地揾極都揾唔到有牛筋 ，以為係咪比漏左，原來牛筋嘅份量只有手指尾左右大，頓時覺得好失望！！！所以唔推薦牛筋black沾麵。至於辣三枚肉沾麵嗰沾汁少少辣，唔會好辣。味道方面，有中上水平，唔算好鹹，做到掛汁嘅效果，因為之前食過有其他舖頭嘅沾麵汁係好稀。不過下次有機會再到訪黑龍，😀試其他款式嘅拉麵，但就唔會叫牛筋black沾麵。…Read More

好耐無食拉麵啦，我同朋友都第一時間諗起呢間人氣拉麵店，所以二話不說就話想試下呢間。聽聞呢間拉麵店長期都排長龍。我們放工之後，立即去店舖看看等位狀況，果然店外排了約30人。等候期間，職員會間唔中到門外看看排隊情況， 並且會派落單的紙張給我們落定單，差唔多入得座時，職員就會收起紙仔。我們7:10pm已到店外排隊，等了50分鐘，才能進舖頭。要留意嘅係，由於我們進食嘅時間為繁忙時間，所以進餐時間只有45分鐘。1）魚介豚骨沾面-麵的硬度： 我選擇了硬！。個人喜歡食有咬口的，這款麵嘅硬度符合我要求。-沾汁：味道唔太濃，同埋唔較掛汁（稀左），所以要將麵沾了幾次才會食得出味道。下次應該叫特濃才對😀。2）章魚燒味道不錯的，但略嫌覺得章魚餡好細粒，不過其實以這個價錢來說已非常抵😀…Read More

好耐沒有一家人出街食晚飯，難得有家人生日，所以就揾左這間食泰國菜的餐廳。見到呢間評分不錯，而且部分菜式頗特別，例如火山排骨，所以就選擇這間餐廳。我們提前打電話訂座。果然，入場後，全場爆滿。入座後，被分配卡位，檯夠大。我們4人總共叫了6道菜，非常飽。我們留起了食唔曬的菜式，不浪費食物。1）冬陰功湯（細）個人覺得幾辣，但係足料嘅，份量絕對夠3-4人飲2）火山排骨由於唔知嗰汁有幾辣，所以落單時，麻煩職員汁另上，喜歡自行落幾辣就幾辣，排骨夠淋。3）菠蘿炒飯炒飯正常，有唔同海鮮料4）蒜蓉炒雜菜因為有幾樣餸菜都係辣，所以唔再叫飛天或馬拉盞炒菜，食落好香蒜蓉味5）蛋包炒金邊粉酸酸甜甜，個人覺得幾開胃6）青咖喱軟殼蟹配蒜蓉包反而我最喜歡嘅菜式係呢個，有4塊蒜容包，如果蒜容包份量多少少同埋切細舊d，就會好d😂。因為剩返好多咖喱汁。…Read More

放假一諗唔到食咩，一家人就會搭車到黃埔德美食lunch 。通常12點我們會到舖頭了，因為角切魚生飯較受歡迎，所以會早些到舖頭進食，而且可以坐卡位，較舒服。德美星期六都有午餐，很抵食：有沙律、麵豉湯、茶碗蒸和糯米糍。角切魚生飯又好足料，飯量正常，食到飽一飽😃而我屋企人就叫了和食定食，都不錯，整個定食有不同配料，有炸豬扒、秋刀魚、刺身和冷海蜇👍👍👍👍入場無幾耐，就全場滿了，不知道是不是關放寬限聚令至四人吧，大家都想出去食好野😀…Read More