Dynamitesing's Profile

其實本身喺香港都試過唔少東南亞或者泰國餐廳，呢間其實本身之前我真心想試吓，因為見佢個門面都裝飾得幾得意。今次喺度食完一次，我覺得我有少少對男朋友唔住，因為係我自己堅持要試嘅。但就令到佢有個唔開心嘅體驗。我睇返呢度都幾多好評，但係我睇返啲好評我真係有啲懷疑真實性，咁當然呢個世界可以請KOL做啦。勸喻大家可以睇返佢Social Media先知真假，其實都唔止我咁講。公道啲講句，門面啲泰國姐姐其實個個都好有禮貌都好有笑容，所以其實我冇期望身為都唔知係咪店長嘅物體，係一個男人着住黑色西裝，你一個人嘅態度衰到咁嘅地步，其實你係好影響公司其他員工嘅努力。不過我都知道你係出份糧未必有考慮太多。講返食物嗰方面，當日我係叫咗細嘅冬陰功湯炒金邊粉同埋串燒，豬牛雞各兩串，啲相我本來都係好有心情影低諗住做個記錄。好老實，冬陰功湯係唔錯嘅，都幾足料。但係個金邊粉個樣係做得幾靚，不過就真係冇乜味。我覺得串燒先至係重點，因為個串燒真係啲肉韌到不得了。不過其實我都唔係真係太過介意，有時食飯都係講氣氛講服務態度。仲有如果安排座位你哋要留意，因為當日我就係坐正喺洗手間側邊嗰道門，好多人出出入入可能都會好影響你哋嘅用餐體驗。買單先搞笑，埋單我記得大約六百幾蚊兩個人，咁我男朋友想俾alipay, 大家都知道比Alipay呢啲Apps一定係要上網，但係因為其實呢間餐廳係要落地庫咁而我哋亦都係坐喺廁所門側邊最角落嘅位置，所以其實接收係好差，我基本上係連Line嘅訊息都收唔到。其實都唔緊要，呢一個着住西裝嘅香港男經理(再強調一次，泰國嘅姐姐全部態度都好好）。佢拎住部機就過嚟收錢，其實基本上一間餐廳所有嘅POS嘅一定係會連佢哋自己餐廳嘅Wi-Fi，所以上網應該係唔會有任何問題。但係我哋當時只係用我哋自己手機嘅網絡咁所以其實收得差都係好正常。因為網絡收得差所以Alipay嘅Apps好難連線到去佢哋嗰部收銀機，如是者搞咗一輪，我就用信用卡俾咗錢先。呢位經理先至搞笑，首先第一佢見我哋一直連唔到線，佢係咁強調話佢哋自己部機上網冇問題，話係我哋問題，講真係邊個問題都好，其實你都唔使咁強調，我又唔係唔俾錢。我同佢講你哋上網冇問題，係因為你哋用公司嘅wifi網絡, 我話我哋冇佢Wi-Fi，所以喺地牢收Network收得差。不過可能佢年紀大唔太明白我講乜嘢啦。跟住我哋連過幾次線都連唔到，佢就話我哋一直強調話我哋有問題。最後我另外用card俾錢。成個過程佢超級驚我哋會走咗去，佢臨尾仲要再講多一次話我哋有問題，佢係咁話佢自己連到線係冇問題，然後就西面走咗去，唔使你講多謝，但都唔想見到你西面，我係有俾錢食飯㗎。仲有串燒同埋金邊粉係唔好食嘅，再加埋咁嘅態度，真係貼錢買難受。…Read More

有少少食上癮😂之前想去銅鑼灣嗰個citysuper買墨西哥卷食，但係上一次賣曬，兜咗個圈唔知食乜好😑見到佢哋有拉麵賣，都唔抱期望叫個外賣試下，當時揀左呢碗豚肉炸蒜拉麵(好似係腩王)， 麵同湯係分開都放得好好，而且發現湯入面嘅腩肉，炸蒜同配料都唔少😋麵嘅韌度都係我鍾意嘅剛剛好，湯底好夠味但唔會話太鹹或者過濃👍 最欣賞嘅係佢嘅炸蒜(第二張相)。 炸蒜咬落去嘅質地 好似薯仔咁樣， 望落去仲好通透，好好食好易入口☺️尋日又忍唔住嗌咗一次…Read More

今日突然興致高漲，搭咗好耐車去到馬鞍山食武藏二天😂因為之前見到啲外賣有炸嘢，已經有啲想食，但因為我唔係住嗰區所以冇得叫😭叫咗個炸雞同埋炸豚肉沾麵，要咗擔擔麵湯。另外仲叫咗個炸蝦春卷🥰其實之後仲有食咗個芝士薯餅嘅🥰我試過唔浸沾汁嘅情況之下，就咁試下佢嘅炸雞同埋炸豬扒，我覺得係好食嘅， 味道都啱啱好。至於個沾汁，其實啲味道係好食嘅，唔會辣，個味道都唔錯。不過如果以正式嘅擔擔麵嚟講，我覺得當然係正宗喇。至於個春卷，我之前其實唔太食春捲嘅，但我覺得佢呢度炸得幾好食，唔會太油膩。上面仲放咗好多芝士🤔不過一個人食春卷，重要之後嚟咗個芝士薯餅(雖然我覺得係最好食嘅)但係真係飽到上心口😂😂我仲要飲咗罐可樂🤡…Read More

旺中嘅“真·章魚無雙”真係好食，雖然價錢我覺得唔平，但款多而且落足料😍 今次試咗個蟹膏章魚燒，同埋蛋沙律章魚燒 😋。但今次食嗰個蟹膏，味道唔係咁出，最主要係落咗沙律醬，味道太重冚咗蟹膏啲味，下次叫打算試下叫佢唔好落。但係蛋沙律一定無得輸㗎啦，我最鍾意食薯仔沙律🥺佢面頭鋪滿咗薯仔沙律🥰同埋蛋黃醬超好食👍旺中嘅“真·章魚無雙”真係好食，雖然價錢我覺得唔平，但款多而且落足料😍 今次試咗個蟹膏章魚燒，同埋蛋沙律章魚燒 😋但今次食嗰個蟹膏，味道唔係咁出，最主要係落咗沙律醬冚咗啲味，唔落會好d。但係蛋沙律一定唔會輸㗎啦，我最鍾意食薯仔沙律🥺佢面頭鋪滿咗薯仔沙律🥰同埋蛋黃醬，啖啖沙律香，超好食👍我最鍾意佢其中一樣嘢，就係可以雙拼。對於啲心大心細嘅人，真係可以一次過食兩種味😛。我最鍾意佢其中一樣嘢，就係可以雙拼。對於啲心大心細嘅人，真係可以一次過食兩種味😛。…Read More

本身都鍾意食泰國嘢，之前都冇乜點留意西環附近有啲咩泰國餐廳🙃去咗呢一間地道嘅泰國餐廳試下，叫左紅咖哩同埋必食嘅肉碎生菜包🙈 肉碎生菜包其實都好難唔好食，覺得不過不失，只係生菜比我去其他餐廳份量少左d同細塊左d 👌 個紅咖哩牛，我覺得一般，唔太似食開嘅紅咖哩，比較淡口，覺得可以個汁再杰身少少，因為有少少水得滯，但味道係夠嘅。同我嫌佢菜多肉太少，菜係直落咖哩一齊煮，但因為咖哩味道唔太夠所以無乜入味。肉片我麻麻，汁未夠辣同埋有少少偏甜，不過如果鍾意冇咁辣嘅朋友應該都會覺得唔錯， 不過都係嗰句，個汁杰身少少，辣d，加碗飯會好食啲…Read More

話說最近呢間好火紅嘅 Sukiya すき家 開咗之後，一直都好多人排初。天真爛漫嘅我以為晏少少到就會少啲人😂😂其實未出發之前，朋友已經同我講:“少年人你太年輕了”於是我十點半到達，結果凌晨一點我先可以入去食個飯😱咁辛苦排咁梗係叫個勁啲㗎喇🤡就叫咗個牛肉丼飯LL size嘅套餐，個丼飯我加咗芝士，另外仲有四嚿炸雞👍👍 好老實，牛肉丼飯嘅醬汁同我出面食嘅唔同，我覺得真心好食🥰而個日本蛋又好正，牛肉都唔錯👍另外唐揚炸雞，佢嘅味道都係我細個食開嗰種，我好鍾意食!但好可惜係，十一點前先至會有布甸奶茶呢啲特飲😰所以今次無緣一試😔 但如果我要喺十一點前飲到呢杯嘢，係咪即係話我下次要六點鐘就嚟試呢🤔 唔好喇，遲d先啦 🙃…Read More

西營盤休閒週末☺Infinit C 呢間cafe成日都見到有唔同嘅地方介紹。佢最出名係入面嘅蛋糕係無麩嘅，好啱一啲敏感嘅人士食🥰當中嗰個彩虹蛋糕同埋粉藍色嘅伯爵茶蛋糕都好多人慕名而去，可以打卡🤡今次試咗個牛油果蟹餅漢堡，另外叫咗個意粉同埋咖啡。啲嘢真係唔錯幾好食😍可能因為蛋糕係無麩，口感係同一般蛋糕唔同，所以都好濕潤好好食😋就算我冇敏感都鍾意食呢隻質地嘅蛋糕🙉另外牛油果蟹餅漢堡，本身我唔係真係咁好牛油果🙄不過發覺佢呢個配搭幾清新，幾好食，仲好飽肚得黎又健康😉另外意粉都唔差。最好飲係個焦糖咖啡😗啲焦糖喺杯邊飲嗰陣時會一齊飲到焦糖嘅甜同咖啡嘅香，好好飲😊 不過因為成日都好多人等位，所以用餐時間係有限制嘅，但都夠時間食…Read More

堅懷疑佢哋Facebook入面D好評係咪喂圍圍自己比自己好評 （我見佢地自己臉書都刪左唔少劣評）。話說周末晏晝度度都多人，呢間叫仲有D位咪入去食D野。首先又係個D，比左D無乜人想坐既位你，話你知如果唔係你要等下啦。呃鬼你話其他2人枱有人，OK咪照坐，SORRY，成半個鐘至九個字我堅無見過個張2人枱有人坐底過。算，叫野食，我叫左個豬肉碎咖喱配薯條，朋友叫左碗豬腩肉湯河。上錯左2次菜，一次無啦啦放底個炒飯，第二次，薯條變左碟飯，個陣我心諗，唔係掛，唔通個女仔撈亂左D單？我自己碗咖喱同薯條都黎左，我朋友碗湯河等左好耐都無影（我都食左一大半）同期我聽到隔離枱係全枱人六個人有五個都食完，但話佢地其中一位碗湯麵都未黎。咁我咪問下落單個女仔，話仲爭碗湯河，點知佢黎到話，無哂啦，你叫過第二樣 @_@ 中間當然我有追問點解咁，總之最後佢地只係話，佢地撈亂左單，總之而家無你係咪要叫第二樣？一句道歉都無，仲要黑住面。服務無，食物又點 ？ 杯青檸冰犀利，係真係清水冇味嘅。我個碗豬肉咖喱先犀利，個碗一個手板咁大，收你百幾蚊，仲要最搞笑係，佢寫住辣度係2個辣，我食左其實無辣，無辣仲要無味，因為豬肉碎，一堆爛薯仔同青咖喱，係無味。。。一間餐廳，D位又唔係多，又無坐滿，仲要話太多客所以兼顧唔到，仲要面口係"I don't care" 好，唔食埋單當買個教訓～睇怕前世未食過越南野既人先識欣賞…Read More

香港人加油之初嚐牛牛屋😋😋 呢間牛屋都有好多人推介，話佢啲牛扒好食，而且唔算貴就去試下🥰叫咗個佢好出名嘅威靈頓牛扒，同埋我自己叫咗個芝心牛扒。 牛扒外親嘅酥皮好香脆，但入面嘅牛扒一啲都唔 韌。芝心牛我要左七成( 我鍾意咁樣叫，因為唔鍾意太生，又可以試到牛嘅味道而唔會熟過頭) 牛扒真係啱啱好七成，因為有啲餐廳我叫七成，佢就煮到八成咁。塊牛幾冧，仲無乜"渣"👍 中間原來夾咗芝士同火腿，食落好入味😍餐前一樣都係有餐包，但上個陣仲搽埋牛油畀你， 且仲係好明顯用焗爐焗過，唔係用微波爐叮添，好窩心😘後來做叫咗個田螺焗薯蓉，好香牛油，份量都好足雖然一直都見佢好多食客入座，但係態度都好好，每道菜仲好有心做🥰🥰…Read More

兔兔食鴨子☺ 之前成日見到啲人去一間新開嘅B. Duck & Buffy茶樓，話啲點心唔錯，最得意係入面有好多鴨公仔😍其實以前我曾經去過尖沙咀B. Duck嘅cafe，不過我覺得食物同環境都好麻麻。今次見佢新開係中式食品，就去試下🥰 點心其實都係同平時飲茶嘅差唔多，所以就特登叫咗一啲比較有特色嘅，當然要有鴨仔樣啦😋點咗叉燒包，蝦餃，奶皇包同蛋撻🐰有啲意想唔到嘅係，原來真係幾好食，唔係得個樣😱 特別係嗰個蛋撻，撻皮好香，而且啱啱焗起先上，好有奶香味😘 每一台仲會有唔同嘅造型鴨仔，可以陪你一齊食嘢🤩咁啱我可以拎到個兔仔造型嘅，真係好開心🐇🐇 而且的店員都幾好禮貌👍☺…Read More

可以止止渴嘅日式Cafe 上次去左日本旅行，全程最掛住嘅食物係個度既牛肉同埋係上野公園食既燒蟹棒，因為質素同口感同香港食到既其實真係有好大分別（當然仲有好多野好好食XD）之前晏晝係觀塘游游下，想搵間Cafe坐低食下野抖下，見到有間日式Cafe叫ねずみの王冠喫茶店， 天真無邪既我就咁衝左上去😂所以好明顯係食檸檬啦😥深深不忿見佢咁多人，就即管訂位去試下因乜事晏晝都咁爆場🐰入到去，全間Cafe都係以木做主題🤩仲有好多日本既小擺設做裝飾，最特別既係，原來除左食野，仲有一個角落放左一D日本既小物同化妝品等係度賣☺基本上我夜晚上到去已經滿座咁濟，好在訂左位，今次我當然要食下我一直好掛住既日本美食，就係和牛同埋蟹棒 （死心眼XD）🤣本來都無話抱太大期望，但實在不得不讚下個神戶野菜和牛鍋！！和牛真心焾身，唔會鞋口，佢既口感係同我係日本食既一樣（因為香港好多和牛其實口感都始終同日本有唔同），唯一係我叫個陣有加芝士，我覺得個芝士出黎效果無想像中咁拉絲（可能份量問題）。其他野菜，好新鮮無HEA場😋另外我念念不忘既蟹棒，我叫左蛋黃醬燒松葉蟹棒串，果然無點錯，同上野公園個檔食到既一樣！鮮甜得黎，放入口蟹肉好豐富，加埋蛋黃醬真係不得了👍我仲試左佢和牛串，因為過往係唔少日式餐廳食到既，燒到既和牛粒唔多唔少都會有D鞋或者有少少韌，但呢度個和牛串，無令人失望，KEEP住同和牛鍋一樣咁嫩咁JUICY😍明太子蟹肉炒飯，入面放左唔少明太子同蟹肉，好足料，好好食，不過因為小食太搶眼，炒飯唔小心被比下去，但水準係有既。另外，叫左富士山特飲，當日好多人都叫，因為個富士山賣相係幾得意，主要係雲呢拿雪糕加梳打水，不過有個問題，個賣相就靚，但係因為雪糕球好硬淨，又好浮（梳打水）🤣我想用匙羹食雪糕係刨唔到個球，要等佢融到咁上下先食得，同埋因為本身梳打水無甜味，個雪糕融左D奶係浮面，夾唔到，呢杯飲品我覺得打卡係OK，但味道就普通🤔朋友叫左個CAPPUCCINO，佢話D咖啡味好好，好香幾好飲。呢間cafe服務都好好，好有禮貌👍下面幾句係唔關食物事但都想SHARE下XD 佢地另外有個角落係賣日本精品同化妝品，我見到市面好難買到既老鼠公仔，日本茶葉同埋蜜粉。咁多樣野之中，想話個蜜粉真心好用，我用到而家都發現，個妝係會持久D同埋塊面乾爽D，浮粉都仍膚色均勻，好好用😋😋…Read More

今日發神經突然想比d好野屋企人食，但日日放得工都好晏，唔好話煮好野，就連休息時間都唔夠😣之前成日係網上見到個廣告話可以送d即食燕窩呀，湯呀上門🤔今日咁啱又見到個廣告就去個網站睇下價錢同點訂。呢間野叫啖啖燕窩，入面有燕窩，雪燕，雪蛤膏，花膠等等，你可以訂大或細ml數，你可以落左單後就即日送上門🤩咁我今次就試下訂個特濃4.2北海道牛乳燉燕窩比屋企話下。落左單後其實都好快送到上去👍我家人收到覺得都包裝得幾好好整潔，我訂呢樽係細ml, 可以有3.5碗飲😚我家人飲左，都覺得牛奶淡左d, 我有少少surprised, 因為其實都特登唔揀3.6係揀左4.2，同見佢寫住特濃我先買，但兩個都試左話奶偏淡同似溝左水😗，不過話燕窩份量都ok同唔會太甜都唔差。本來我諗住訂個燉花膠試下，不過可能要諗下先🤔…Read More

其實上一次係食過，不過上次叫左個"信州風味醬汁吉列豚丼定食"，真心伏😑D汁唔好食，吉列豚肉炸到好乾，汁少更乾。。。唔啱我食😑不過都決定再試另一樣心目中想試既，所以今次再去一次🤣叫左個"十勝帶廣名物豚丼定食"，油香既醬汁燒一塊塊薄身豚肉，唔流好好味🥰個汁送飯一流👍不過D青豆就。。。🤡其實一係比多少少，一係就算數，幾粒咁你話伴碟又唔係好睇🤣🤣當然仲要係無調味加工過放落去，感覺係食之無味棄之可惜，都食左佢唔好浪費食物😗加左UPGRADE去刺身定食，三文魚無味（雪到無味），已經唔可以話鮮唔鮮甜，個蝦就都無乜甜味，所以下次可以只食丼飯唔洗加錢食呢個細刺身🤔不過個豚肉丼飯係值得去試既🙆‍♀️…Read More

有時就係想夜晚食個大餐🤤不過我又懶，所以去買個現成便當定食就最好不過🤔今次去左Sogo地底超市嘅食店試下，百貨公司裝修後呢段時間其實多左好多野食，但一直都無特登去試。今次突然想食好野，就決定試下一間叫RYOUTA NO TEBASAKI。呢間係一間沖繩嘅炸雞專門店，而家過江黎到香港。便當選擇都唔算少，但當然以鷄肉為主，但我記得牛肉嘅話就都有丼飯揀。我本身好鍾意食南蠻炸鷄，就叫左個再大份d嘅特別炸雞便當(比南蠻炸鷄大份d同多d炸雞🤣)。叫左之後大概要等六七分鐘度等店員準備。拎到番去，賣相依然唔錯，鷄肉都算嫩， 至於話係咪真係十分多汁，不過不失☺ 但南蠻醬對我黎講少左d (因為多左幾舊鷄😋) 有少少意外係個蛋十分鮮甜，係配菜但居然咁好食，其他前菜同薯仔沙律不過不失😗個便當係會另外跟飯，所以一定會飽到上心口。價錢方面，呢個便當都要9X蚊，可以話同你坐係出面餐廳食個set差唔多，所以抵唔抵試見人見智啦…Read More

上網搵到呢間係旺角同太子交界嘅餐廳，見相嘅環境幾靚，就去試下。佢選擇唔算太多，不過一入餐廳d侍應都好nice, 仲有笑容😚本來我想試下食西餐必叫嘅洋蔥湯，因為呢個湯簡單但要好飲係好睇功力的，但剛好廚房無準備到，就改左叫牛肝菌湯。湯嘅濃度夠但有d帶苦，幾苦下，相信係太足料個牛肝菌太重手，如果可以creamy d我會易入口d 🤔跟住見佢有個西冷扒芝士闊條麵，要一讚係個西冷，唔會厚得濟又硬柴柴，比較薄身，煎得好好，熟度剛好有驚喜🤤🤤但個麵可以多番少少芝士，但整體上碟意粉唔差😘…Read More