wawa_si_si's Profile

喺門口撳飛揀堂食，明明裏面冇人，但係都冇人招待。等咗一大段時間，門口個店員（黑衣）明明見到，都唔會講話請先落order後入座，由得你企喺門口，營造到個好似好多人排隊嘅假象。等左一大輪，忍唔住問會唔會有位？，門口個店員就話落完order就可以坐，問佢咁撳飛嚟做乜，佢就話唔使撳。食過幾間鮮芋圓，呢間嘅店員（企門口黑衫攞晒嗰個）態度特別惡劣！😡😡😡😡落單後，由於同一個5歲小朋友同行，於是一開始坐咗去4人坐梳化位，但門口嗰位店員就諸多留難，都明白可能會多人，於是要求換位到2人梳化位，為免阻人做生意，結果用勁不滿嘅語氣問：你係咪一定要坐梳化位？我就答：由於同小朋友一齊，怕佢坐啲矮凳會跌倒，而且而家都冇乜客人，應該唔影響啩？！結果位店員個樣勁不情願咁幫我換位。之後等咗勁耐都未有嘢食，連遲入嚟嘅之後幾台都已經上晒，我哋都未有，於是就問另一位店員（紅衫姐姐），呢位姐姐就好有禮貌咁幫我哋處理問題，佢問返嗰位黑衫嘅女店員，黑衫女店員先講同佢講我哋換咗位，原來我哋轉位一直都冇通知店內職員，搞到我哋等咗好耐都未有😡😡😡😡😡😤😤😤😤其實店內職員態度都好好，唯獨是黑衫門口職員係咁，好心啲態度咁差嘅職員就唔好擺喺門面，影響晒成間舖😠😠😠😠😠…Read More

今次係第一次寫劣評！😡😡😡😡直情係垃圾，服務態度差都不在話下，呀！唔係，應係話無服務，啲野食又勁咸，好似啲鹽唔駛錢嘅，完全係食唔到！叫咗個叉燒拉麵，但係啲叉燒燒味舖嘅叉燒，而且勁咸，同個waiter講，佢只係俾左一大碗滾水俾我地自己溝淡，清酒煮蜆啲蜆係唔熟嘅，連水都要5蚊一杯😡😡😡最後難食到咩都冇食就走左，最慘係見到乜嘢都冇郁過條友都照收錢完全冇問過點解，唔單止無discount，仲要收加一😡😡😡😡😡…Read More