瘋瘋癲癲's Profile

諗住唔好嘥有張「贈券」今日到期，於是去咗譚仔食米線，輪候時間唔算長（可以話即刻有位），但職員態度極為惡劣，回答問題完全無尾音，送餐係大大力掟落檯面，米線分量少9中、餸菜分量少（腩肉得嗰薄薄2嚿）味道麻麻，真係唔會再去！講埋味度；米線味道中規中矩唔係特別好又唔係特別差，屬於可接受水平，但溫度就唔係幾夠，腩肉就認真麻麻薄薄2片，可能切得太薄口感唔似腩肉，墨魚春卷味道、口感屬可接受水平，雞翼味道一般、口感太乾，凍奶茶茶味及奶味屬中規中矩，叫咗少冰都成半杯冰，唔敢想像無叫少冰會唔會成杯冰。…Read More

屋企人喺呢間西餅舖買咗個父親節蛋糕為爺爺（跟侄仔叫）興祝父親節，個蛋糕賣相、味道都唔錯，水果都唔錯，但最後都搵到一樣嘢係唔可以接受嘅！就係蛋糕上面嘅「足球」，侄仔見到伸手想拎，最初以為係朱古力，所以打算拎俾侄仔，但點知最後證實係橡膠「玩具」！首先唔知呢個橡膠足球有無做好清潔消毒，如果沒有做好清潔消毒，絕對有「食安」風險！如果無為意小朋友會以為係食物，小朋友拎咗絕對會對小朋友構成危險！個人認為如果食物上有非食物的裝飾品，應該要有警告字句！…Read More

見到廣告$498大閘蟹放題，見到價錢幾吸引，於是搵埋舊同事一齊去試試。當日5點幾去到（訂咗6點），掃咗安心出行，職員就安排入坐。大閘蟹講真幾爆膏，職員態度非常好，但講好的自取片皮鴨就變咗要搵職員落單，但片皮鴨由6點幾等到接近8點才上檯。最後一輪大閘蟹由油鹽變咗清蒸，職員唔係唔老實就係唔熟餐單！點解咁講？因為傳單寫住任飲汽水（自取），問職員職員就話唔包，拎張傳單問才話包。另一方面放題是2小時，但最後坐到9點幾職員都無趕，可能因為無咩客。…Read More

見到廣告$498大閘蟹放題，見到價錢幾吸引，於是搵埋舊同事一齊去試試。當日5點幾去到（訂咗6點），掃咗安心出行，職員就安排入坐。大閘蟹講真幾爆膏，職員態度非常好，但講好的自取片皮鴨就變咗要搵職員落單，但片皮鴨由6點幾等到接近8點才上檯。最後一輪大閘蟹由油鹽變咗清蒸，職員唔係唔老實就係唔熟餐單！點解咁講？因為傳單寫住任飲汽水（自取），問職員職員就話唔包，拎張傳單問才話包。另一方面放題是2小時，但最後坐到9點幾職員都無趕，可能因為無咩客。…Read More

聽同事講樂天冰室食物味道唔錯，於是今天返工前去試試，他們的早餐，大概七點左右離遠見到佢哋開閘，坐低樓面姐姐落完單（我點的是餐肉腸仔公仔麵），就喺櫃桶自行拿取餐具，在抺餐具時竟然發覺支羹的手感怪怪哋，於是一望竟然發覺支羹上有經已乾透的污漬，相信是洗唔乾淨的污穢，真的是非常惡心！食物味道的覺唔錯，只是杯凍奶茶飲完仍然有半杯冰，足見冰多過茶！職員的服務態度在茶餐廳嚟講算係唔錯。如改善餐具衛生及凍飲的冰量算係唔錯嘅餐廳。…Read More

經過久違的旺角（太子），見到一間叫好好點心功夫茶，見到「功夫茶」，我心諗試吓有幾潮州先😜😜結果無令我失望，由於傳檯有一個電水壺，做真正「水滾茶靚」，功夫茶的用品一應俱全。食物方面香茜牛肉球爽滑彈牙、香茜牛肉腸皮薄牛肉唔會太「老」，唯一要彈嘅係一般茶樓3條，佢哋只係兩條、蠔皇叉燒包正常水準值得推介，最後香煎茶肉飽同樣值得推介。功夫茶方面我揀嘅係水仙，茶葉第一次俾好少要搵職員加。職員的服務：喺免加一情況下，搵佢哋加茶葉、加醬汁、加水等都快速回應，服務態度比要加一的茶樓好好多。…Read More

今日去QE覆診完，就專程去松記食佢哋嘅榴槤甜品榴槤雪糕班戟、榴槤雪山（加榴槤肉）、榴槤奶凍，埋完單見到個流心芒果件流心蛋糕嘅相幾吸引，所以就後加咗個流心芒果蛋糕（加錢將芒果雪糕專做榴槤雪糕。榴槤班戟的榴連肉香甜榴槤味齒頰留香、榴槤雪山的西米清甜唔會太甜搶咗榴槤的香甜、榴連奶凍就更是一絕、流心榴槤蛋糕的朱古力流心蛋糕由於問即叫即焗故此口感好好（故此最好預留時間等候）。總括嚟講以上幾件榴槤甜品算係好好味。…Read More

早前網上（社交平台)遇到30年前的小學同學，大家不約而同想約出嚟聚聚，於是在網上搵到「唐宮小聚」，咁大家就決定相會的地點。26號（星期二）大約12點左右到咗唐宮小聚，嗰陣只有一兩檯客人，但門口有個「攞飛的機」，於是跟足規矩「㩒飛」攞籌，點知職員無跟籌安排其他後到的人入坐，於是我就跟住行入去，坐底約10分鐘之後職員才叫我手上的籌號（故此服務方面扣咗分），點菜、上菜、埋單等的服務就算係好嘅，講返食物，沙田乳鴿皮脆肉滑多汁（預先安排即棄手套算是貼心），芥蘭我平時唔食菜嘅都覺得好味，最後甜品-熊仔朱古力可以用「爆漿」嚟形容。整餐飯數30年同學聚會的美好時光。…Read More

尋日同老友兼舊同事出油麻地飲茶，去咗兩三間都執咗笠，見有間有開，於是抱著一試無妨的心態，大約12點左右上到去，午茶居然唔駛等位，入到去人唔算多（約1/3），職員都好積極，（A職員問飲咩茶去開茶，又有B職員又問飲咩茶），食完職員都好快收走碗碟唔好積晒啲碗碟喺枱上，服務態度雖好，但亦有一點 需要改善，就係點餐時點咗兩個「甜品」（薑汁糕及燉蛋）居然最快上，食完其他食物，到食甜品時啲甜品都凍晒，如果改善埋會更好。另外叉燒飽爆汁值得推介題外話用餐期間見到一個怪現象，一家三口兩個大人加一個小朋友居然要分兩枱，分枱的方法是兩張枱中間加一個透明易拉架！…Read More

食品質素唔錯，但茶（香片）就略嫌稍淡，職員服務質素（態度）有非常大的改善空間！約12:20左右到達，問門口接待處3-4位是否需要攞「籌」（等位），出奇地唔駛等，就即刻有檯，跟住就有個「阿姐」問幾多位，由於當時未確定第四位嚟唔嚟，由於唔想白白俾多個茶位，於是答3位，跟住阿姐就去攞「㗎撐」（食俱），當嗰個阿姐攞嘢過嚟嘅時候，確定第四位會到，故此同阿姐話加多一位，阿姐去攞㗎撐嘅時候就一路行一路講麻鬼煩一時一樣，由於佢細細聲講，我又唔想同佢嘈於是「當聽唔到」，之後由於有人唔飲茶，叫職員攞壺水，職員都好唔「情願」（四個人頭，連埋壺水都係3壺），之後舉手示意加水職員都係「時運高睇唔到」（埋單時都係咁）！…Read More

今日同同事去大圍道嘅明星飲茶，點知第一輪食物落單時咗漏嘢，但好快補回，之後再加單時點知又漏嘢，今次漏單就無補回，點知之後埋單時漏單嘅嘢就照收錢！樓面部份職員態度尚算有禮，但部分職員及收銀的態度就有待改善了。食物賣相就中規中矩。其實呢個價位的食肆有好多選擇，唔係特別便宜，下次是否再去真的要好好認真考慮！不過講真佢嘅牛肉、馬蹄牛肉腸、雷沙湯丸又真係要讚一讚，如果佢哋改善漏單、部分樓面職員及收銀員的服務態度，是一間唔錯嘅食肆。…Read More

有同事提議今日放工食放題，一諗就諗起「大灜喜」，於是於昨天立訂位，估唔到訂得咁急都訂到位，去到先知原來仲有間房仔，同事們都十分驚喜，但唯一美中不足的是原先訂了17:00-1900（因為有八折比較抵食），於16:55左右未能入座必須等到準17:00才安排入座。服務尚算窩心間中會主動入房換碟，漏單問題偶有發生（不算嚴重），遇到漏單職員亦有跟進，食物份量填少職員亦表示你們人多份量可以填多一些。蒜蓉虎蝦、一口牛、牛舌、炸榴槤球、榴槤糯米糍等都是值得推介。…Read More

今日經過佐敦所以試吓松記，未入內店員己經禮貌地打招呼，入去坐底店員立即奉上餐牌，今日點了三款榴槤甜品；榴槤雪糕雪山、D24雪糕榴槤班戟、榴槤奶凍。禮貌：非常有禮。效率：一流點完餐三數分鐘內店員己經分別奉上有關甜品。環境衛生：環境尚可，地面及枱面尚算乾淨，只是食俱一般味道：第一樣：榴槤糕雪山。香甜的D24榴槤雪糕配以清甜的西米露可以說是絕配。第二樣：D24榴槤雪糕班戟香甜的D24榴槤雪糕加外皮薄滑的班戟皮香滑忌廉及香甜的榴槤果肉，簡直係正呀。第三樣：香甜的榴槤果肉配滑甜滑溜的奶凍簡直係三呀。個人認為值的推介。…Read More

今晚去九龍灣有飯局見有時間咪行吓德福，行行吓見到滿記，之前食過榴蓮忘返，咪入去試試，由於太耐無去，見到有新嘢咪試吓新嘢，於是一連點了三款榴蓮甜品，分別係：榴蓮班戟，榴蓮糯米磁，醉心榴蓮。店員服務算係好，坐底一陣就禮貌地上前落單，唔駛好耐就送上有關甜品。三款甜品品評如下：榴蓮班戟：忌廉香滑，榴蓮香甜新鮮。榴蓮糯米磁：外皮軟滑新鮮，榴蓮香甜新鮮。醉心榴蓮：香甜的榴蓮果似配上士多啤梨及沙冰口感及味覺絕對係一絕。百多元試晒三款甜品加上優質的服務絕對值得推介。…Read More

首先講服務：坐下後待應一聲不響放下一碟泡菜，加水亦要三催四請，待應亦禮貌一般。食物水準：賣相一般（可以話差），溫度唔夠、味道唔係太鹹就係淡而無味。衛生：食具（碟）有跡總結：差所以絕對唔會再嚟！…Read More