kittyleekt's Profile

今日朋友話想食韓國嘢，咁自然去韓國街睇睇有乜食啦。其實呢間之前都食過，但好少食到優惠，今次終於食到啦不過呢間都係由韓國人處理，所以都要用英文溝通！炸雞必食，仲有唔同嘅醬👍👍👍薄餅呢個好鬼拉絲，好正！😋😋星期三優惠部隊鍋，好邪惡，但我like!…Read More

每次喺深水埗食完飯，都必然嚟綠林食個甜品，有幾次嚟食甜品仲撞到朋友，可想而知綠林係幾多人去呢其實好多時去到綠林，門口都一大堆人，不過唔洗驚要等好耐，因為其實有啲人係等外賣嘅，而且都好快，通常等一陣就有枱架啦其實我不嬲唔食蓮子架，但呢度嘅蓮子就好好食朋友鐘意桑寄生茶，呢個仲有烏豆呀除咗傳統中式甜品，仲有西式甜品其實我想揀桃膠架👉👈其實除咗睇佢餐牌外，牆上都有推介，例如冬天就有季節限定嘅栗子露，不過今次就過咗冬天，食唔到lu!…Read More

約人喺喺佛誕食飯，大多數都揀食素，朋友介紹嚟呢間素食館，例行都要嚟openrice睇睇comment. 點知一個comment都冇喎，究竟係差到冇comment, 定係冇乜人幫親呢？呢理三七二十一，點都要去試試，叫朋友照人頭book位，按照時間上到去，全場爆晒喎，我地仲要比原定時間等咗一陣先可以入座！我心諗應該唔差啩！未講食物質素，先講店舖環境先，位於荃灣唐樓嘅4樓，即係未食之前，你要行4層樓梯，一入到大廈，其實已經聞到陣煙味，應該幾多人喺樓梯口食煙，仲有呢隻唐樓並唔係一般樓上舖格局，就好似普通唐樓格局，每個單位外都有一袋袋垃坡等待被人清理，行多一陣，見到朋友特登落嚟接我，再行多一層就到啦！外在環境不算太好！但內在裝修又確實唔錯，每張枱嘅吊燈都用上蓮花燈罩，再加上一啲佛教裝修，與外在環境簡直差天共地！再講食物質素，並實呢間本身係一間私房菜，冇常定餐單，都係睇睇今日邊種材料靚，就煮邊味餸，所以上菜前，完全唔知食乜，只知有12道菜，但總括12道菜嚟講，並不是一般常食嘅素菜款色，用料新穎及罕有，配搭特別，而且攞盤精美，食物質素絕對與外在環境截然不同，真係絕對值得推介因為每碟菜，我都唔知菜式名，我只能靠我金魚般記憶嚟講出每款菜式用料BB青瓜炒合桃恕小妹膚淺，第一次食BB青瓜，原來好好食架！雜菌湯 好濃味茄子只知主要材料係茄子，其他用料唔知，但非常好食！淮山，芋頭，菜其實個樣有啲似魚肉湯，但當然好食好多啦素叉燒松樹苗，菌，素燻碲都係第一次知有樹樹苗呢回事，當然都係第一次食啦，但估唔到呢個配搭係好好食架！咕嚕肉呢個唔算特別，都係用猴頭菇嚟做炒飯 木瓜燉雪燕6個人食咗12道精美素菜，每人都係$200落樓咋，真係抵到爛呀，價廉物美，落樓果陣已經唔覺得外在環境有幾差啦，只記住佢啲嘢好好食，價錢優惠，值得推介！…Read More

今次已經係第二次去品蓮食素，上次朋友介紹完，估唔到深水埗有間咁有Heart嘅素食！坦白講，經過間舖，睇個門面，好奇貌不揚，好鬼茶餐廳，諗住都係啲齋卥味，芋頭魚之類嘅一般素食！但其實一睇餐牌，並唔係一般素食，真係好似茶餐廳茶式，但全部都係素食，都幾特別！門面真係好普通，但裡面先係精華一定要叫，好食！睇呢碟嘅擺盤，就知係用心之作啦呢個獅子頭真係好似肉Dinner一定要叫飯呢個就比較乾身啲呢味唔記得個菜名😝😝😝…Read More

高高酒家有三間分店，今次同朋友去深水埗果間講真，我幾鐘意食大牌檔小炒，因為好食，但又實在受唔到熱，所以通常都同朋友揀呢啲食肆聚會！其實高高唔係大牌檔出身，但以我所知，好多中廚都揀高高作聚會，就知佢係幾高汁啦！呢個一定要食，啖啖肉，好好食，好入味！呢一味絕對岩我呢個like食瀨尿蝦，但又唔想剝殻嘅人😬😬唔記得名，但must叫，想食就show呢張相俾伙計睇啦呢個都好食，但唔算十分突出食咗咁多乾身嘢，點都要叫個濕嘢濕下個口😬😬…Read More

而家嘅串燒店大行其道，梗有一間喺左近，今日試咗呢間一入去，冇串燒咁種味，唔怕啲衫吸晒啲味，而且座位闊落，冇焗促感，最開心係冇限時進食，坐幾耐都得，岩晒朋友gathering 一齊吹水！朋友未嚟齊，叫知送下酒先今日個個都唔舒服，個茄子要走辣見到扇貝有特價，即叫！燒雞翼，我自細鐘意食呢個比較普通冇諗過個年糕咁好食，後來再加單朋友話要食飯，叫咗呢個，喺串燒店叫飯食都算係第一次，估唔到咁好食喎好食，yummy!同扇貝一樣，有特價，叫！好抵食，足料，大隻！粟米好夠味呢個都唔差個燒菠蘿真係好Juicy!呢間絕對可以Encore, 佢仲有間分店喺油麻地，約朋友果陣千奇唔好去錯呀！…Read More

今日同朋友們諗住飲杯嘢kill time, 經過沐白，見到有位坐，就入去啦，仲見到$50/兩杯「黑糖波霸奶茶」，我同朋友叫咗「黑糖波霸」，另一朋友叫咗「翡翠檸檬」左：黑糖波霸奶茶，如果你怕甜，一定要叫佢少甜. 但我係嗜甜嘅，所以我覺得ok各位記住插飲管前要搖勻佢呀，如果唔係，飲到最後會甜到爆呀！右：翡翠檸檬，檸檬味好突出，有茶香！有位坐之餘，仲有位及線俾不同電話插電，好細心呀！如果大家去厭咗連銷式cafe kill time, 下次可以試下呢間！…Read More

好多人去星廚管理學校都係食蛇宴，但其實佢本身係一間烹飪學校，當然以教煮嘢食為主啦！今次可以參予「寺院精進料理」嘅烹飪班，果然幾特別，講真要食到「精進料理」都唔易啦，莫講係烹飪班啦！今次除咗你可以親自煮好一個「精進料理」放上網呃like外，仲可以學到以下：*日本精進料理歷史及簡介*掌握日式"一汁三菜"製作技巧*示範日式素高湯種類及製法*梅子涼拌使用*味噌湯基本做法與秘訣*炸物料理技巧*禪食體驗如果大家都想試下「自己料理自己煮」，可以上星廚管理學校網站睇睇幾時開班！煮嘢食除咗食物重要外，餐具都好重要星廚已一早預備好金菇炸到成把扇咁，好靚！完成品！大根大葉梅子涼拌海帶豆腐本菇味噌湯金平牛蒡野菜天婦羅…Read More

其實想食呢間好耐，但冇乜機會去，終於今日同朋友搵地方kill time果陣，就去咗呢度食Tea啦！我呢個抹茶控喺門口見到Menu果陣，一定係睇抹茶食品啦，本來想叫芭菲，但最後都叫咗另一樣嘢：抹茶脆脆杯我個人覺得個紅豆比雪糕更出色😬😬要等12-20分鐘，但味道不俗，只係年糕賣相有啲唔討好食抹茶食品，當然要飲抺茶啦！總合嚟講，我覺得「十」字果間好似抹茶味濃啲，但我相信有啲抹茶控不喜歡太濃味道，就可選擇這間！…Read More

有時喺公司開完OT過嚟想食餃子做Dinner, 可惜每次喺門口都見到「餃子賣完」呢四個大字，激死！終於今日喺太子開完會，同同事去呢度食lunch, 終於食到喇！前菜：青瓜，還可以，但個人覺得唔夠入味！唔差，不過我都係喜歡濃味嘅湯佢地嘅服務好好，因為其中一隻餃子爛咗，送返一隻俾我地呢個係皇牌，我地鐘意香口嘢，所以叫煎餃其實價錢唔貴，餃子都好夠料，皮夠薄，好食！但可能個人情意結，都係比較鐘意成日排隊果間太子出名餃子店，始終我由佢舊舖食到現在。但如果喺太子呢個出名「餃子區」，豐信都係選擇之一！…Read More

自從大館開咗之後，我就好鐘意嚟呢度行下，第一地點方便，第二每期都有唔同嘅展覽，仲有其實我未去齊咁多間食店，因為每一間食店嘅裝修都唔一樣，有啲仲會根據大館前身：警局或監獄去裝修。今次去呢間Bar就想去好耐，因為佢以蜻蜓為主題，枱/燈/地下嘅瓷磚好特別，講真，我個人覺得好西班牙feel (後來睇Menu, 有Tapas食，佢原來真係西班牙餐廳😂😂😂）因為裡面比較細，而且我去果晚係假期前夕，而且好夜先到，如果想影靚相，打個靚卡，最好早啲去，食埋個dinner咁就Perfect 啦！…Read More

因為識咗個皇仁畢業生，所以有幸成日嚟食呢個「皇仁飯」皇仁舊生會唔止只招待畢業生及其朋友，而且好難book, 起碼要book半年，所以其實一年只能食兩次，雖然咁難book, 又要等咁耐，但值嘅！而且每人大概消費$500，真係性價比好高。佛跳牆呢味餸真係冇得輸呀一畢啲鮑魚出嚟，大家已經嘩嘩聲，再加埋花膠（原本係翅，我地改咗花膠)，金華火腿及其他材料，啲湯好入味舊金華火腿，我地通常拎返屋企再加西蘭花一齊炒，好食！大海斑兩味 - 薑蔥煎焗頭腩其實我本身唔多鍾意食魚，但呢個好脆口，岩晒我呢啲為食人士！大海斑兩味- 雲耳腿茸蒸斑球唔多鍾意食魚嘅我，極愛呢味，因為啖啖肉，最岩我呢啲唔識挑骨嘅懶人椒鹽陳皮中蝦鐘意食蝦嘅我，通常都只係食白灼或茄汁，呢款椒鹽陳皮確實係老派菜，喺出面好少食到，而喺皇仁，佢整得好入味，真係蝦殼都可以食埋！柚皮生扣鵝掌係人都知柚皮唔易整得好食，所以喺出面都好難食到好食嘅柚皮，但呢度個柚皮好好食，冇澀味，加埋鵝掌，加埋個汁，入味到爆！喺出面好難試到呢啲老派菜糖桂花餞美國桶蠔桂花汁好甜，桶蠔好多肉，個汁溝埋啲洋蔥一齊食，基本上每次都清碟到照鏡一樣😂😂翡翠鴿片鴛鴦蚌仁睇呢個擺盤已經very ok喇，再加埋小炒同烹調手法，個鴛鴦蚌好爽口，仲有鴿片，通常食鴿都係原隻乳鴿食，但咁樣一齊炒法，真係只有老派菜先咁做其實只係精選幾款特別嘅餸菜po出嚟，仲有好多餸冇po出嚟，好似炒飯，炒麵，腰果露湯圓，炸子雞未po出嚟，講真，以大概$500一個人可以食到呢啲老派菜，可能皇仁飯係香港性價比最高嘅中菜！…Read More