同男朋友去梅窩玩，search下openrice見到呢間泰味屋啲正評好多，於是去試下。我一開始係想好想食芒果糯米飯先入去，入到去打開個餐牌見到有label遮住左，應該係冇得食😭我地就諗住嗌咖喱炒蟹同埋燒豬頸肉，店員話：「冇哂蟹喇喎。」咁我地就轉嗌泰式炒蜆。過多陣個店員返黎，話「冇豬頸肉喇喎。」心諗，唔係呀麻...冇蟹都話可能係因為新鮮既考量預既數量唔多，豬頸肉都冇哂..好啦可能生意太好我地最後嗌左個炒蜆同炒金邊粉。炒蜆係真係好食，食過番尋味，啲汁甜甜地，有啲蕃茄既酸（唔知有冇擺蕃茄，但係個種酸酸地），再有少少辣，好味到食哂啲蜆都想飲埋個汁佢，值得一試。金邊粉炒得乾身，但粉仍然濕潤入味，大蝦有三隻，都幾爽口，唯量太少，兩個人share都唔太夠。由於唔太夠既關係，我地仲想嗌多半隻海南雞，serve我地既係另一個店員。落完單隔左陣，個店員話：「如果海南雞唔夠半隻，你地仲要唔要？」我話：「如果唔夠半隻，價錢照舊？」佢話可以計平啲啲，但男朋友覺得剩低既可能係啲頭頭尾尾，無謂為叫而叫，最後就冇嗌到。臨尾我地等埋單（順帶一提，店舖唔收信用卡，只收現金），個店員黑住面拎張單黎，冇話收我地幾錢（即係平時我地出去食飯，比錢個陣店員通常會話收你五百咁家麻）仲要單手拎走，好，我地比完錢等佢找錢。佢找錢個陣，單手拎返啲錢黎，我地都未接好啲錢，眼見啲神沙就黎跌落水杯入面🤦🏻♀️個店員一眼都唔望我地，另轉身唔知望乜，比完錢仲要多謝哂都冇句，全程兩個店員個樣都好似全世界欠左佢地咁🤦🏻♀️如果食飯，論味道，係可以一試，不過我地參唔多八點去到佢已經好多都冇哂，但食態度既話，僅此一次，食唔到野想食既野仲要受佢地兩個氣真係No,thank you.…Read More
