愛侶食玩行's Profile

香港地返工做野攰到死，無咩胃口食野當然想有湯易入口。唔想成日都食譚仔，於是就決定食烏冬其實赤丸都唔算咩新鮮野，但價錢都尚算公道既。見到佢有個滑蛋湯底真係當堂嚇一跳，有理無理就試下佢虛實先啦一於！註：滑蛋吉列豬排湯烏冬，$52。 首先唔多鐘意豬排放係湯上面，一定會浸到淋哂但個湯底都算搞笑，真係有一大片滑蛋加冬菇係底，味道偏咸但係冬菇咪好濃。我個人鐘意冬菇，所以整體都滿意既。註：蕃茄牛肉湯烏冬，$48。同場加映，女朋友仔好怕羅宋湯既洋蔥味，偏偏而個蕃茄湯既蕃茄味極微，算得上fail。除非你想飲羅宋湯，否則對蕃茄味有要求就可能唔多啱你喇。小總結：價錢尚可接受，烏冬質感亦都唔錯。但基於豬排放係湯同蕃茄湯底既fail，一定唔係最滿意既一餐…Read More

今次係受侶食玩行第一次發佈的食評，希望往後會有更多的分享！講返今次既試食，其實一直以黎我地都唔多試新野。一黎怕中伏，二黎學生時代又無咩空閒錢。但有時人就係會長大，總會要探索更多。本身係鑽石山睇完戲，諗住求其醫肚就算。但荷李活廣場無左個food court，其他餐廳又食慣哂，於是決定向外尋！ 其實好野食唔少，不過我又唔想走太遠，於是就係附近搵搵。上網發現左間日本野，一個定食set 都只係48蚊左右，仲可以白飯refill啱哂大食既男仔。由鑽石山車站坐左70號到越秀廣場，再行去Mikiki商場都只係15分鐘左右。（當然上網見好多人都話行路去，我地就係好懶)定食8就係地下一層。去到發現長長人龍，本來以為會等好耐，但原來每枱限時50分鐘，所以實際兩位只係等約15分鐘就有枱。唔好以為限時就食得好趕，佢大約5分鐘就會上菜，其實認真食野唔洗30分鐘就飽哂，唔為吹水既話一定名哂時間。門面就無咩好講喇，反正坐得舒服又乾淨企理就係啦。到戲玉既食物環節，真係一個字，抵！以下為食物實照：註：岩鹽牛排，$48。雖然依個價位既牛肉你未必會聯想做和牛或者啖啖juicy，但係肉質又的確係鬆軟同有牛肉味。本人唔多鐘意加左鹽既感覺，就咁食同送飯真係唔錯註：芝士豬排，$48。我本身係一個炸豬排控，對豬排肉質尢其講究。唔係話扮大師，但真係好怕豬排薄過紙同肉質太老，食落一啲都唔爽口。而依個豬排加左芝士飴料，食落起碼豬排厚身，芝士量多，但唔係想像中咁流心而且豬排仲好鬼大塊，加埋芝士飴真係幾飽肚。註：鮮醬鮑魚，$40。一開始係無咩期望，因為40蚊有4隻鮑魚真係難以置信，心諗唔會好食啦（女友話一定要試)。上菜既時候一望，放得靚靚之餘，size 都有返咁上下。食落同平時街市買到既差不多，但起碼食落都算爽口。（10蚊隻既價錢唔好問有無溏心plz~)註：酥炸生蠔，$20。諗都諗唔到，炸蠔都只不過係20蚊仲有5隻。雖然蠔身不大，但炸得香口同唔太油膩，算係乾身。小總結：事後先知原來係爭鮮開既連鎖店，相信食材都唔會係咩上盛食料。但只係人均$100左右既價位，但求食物好食就係。而且作為男生既我仲食到飽飽，確係夠抵食！P.S. 雖然只係頭一次分享，希望將來會有更多機會同大家一齊搵新野食！…Read More