jcywong10's Profile

今日約朋友係中環搵食，心思思想食中菜，朋友就帶左我黎呢間星記。兩個人，試唔到咁多野，叫一個菜一個肉啦！- 上湯鮮腐竹浸波菜：普普通通....湯底又唔係特別鮮甜但要百幾蚊啊～～～～- 燒汁安格斯煎脆米：安格斯肉味濃，有咬口，可惜有幾舊肉帶膻味。煎米香脆可口，似用半煎炸方法炮製。初初食果兩塊好味，但越食越「漏」。始終米粉吸油太多，兩個人到最後真係冇辦法食晒碟煎米。建議三四個人以上先好叫呢個餸。兩樣野加埋茶位同加一，差不多$700埋單！係中環搵食真係唔平啊！…Read More

天氣凍凍地，想食啲暖粒粒既野，一於去「手作餃子專門店」- 雜A湯：韭菜餃，粟米香菇餃，香芹餃，白菜餃 total 10 隻。湯底係花膠淮山豬骨，冇味精，飲一啖即時暖胃。餃子皮厚薄適中，餡料豐富。可惜既係我果碗冇我最鍾意既淮山呀飲啖湯，食一啖隨湯餃附送既自家製辣菜甫，好過癮啊～- 雜C煎：芝士餃，紫菜餃，冬陰公餃，咖喱薯仔雞肉餃 total 10隻。皮脆...但有啲油。食多幾隻開始覺得「漏」。個人覺得紫菜餃最好食但冬陰公餃就.....（原來煎餃冇附送辣菜甫架）- 酸辣土豆絲：爽脆微辣，好開胃- 爽口海帶絲：酸酸地，勁蒜蓉味，可惜一啲都唔爽口- 陳醋拌貓耳：基本上同海帶絲個汁醬差唔多，都係好勁蒜蓉味，但貓耳爽脆好多，好食。…Read More

黎到深水埗既指定動作：食新香園（堅記）既馳名蛋牛治新香園堅記既蛋牛治係用鮮牛肉製作既，絕對好味過一般罐頭咸牛肉整出黎既蛋牛治大家記住一定一定一定要加$1烘底....好味好多架！…Read More

星期日中午難得約左朋友去brunch，揀左呢間好似好好chill 既餐廳- Four Cheese Beef Burger: 雖然肉味唔係好濃，漢堡肉質地亦有啲鬆散，但係芝士味搭夠！烤左既mozzarella 芝士脆片簡直係人間美味！一口芝士脆片一口朱古力/咖啡，再加埋熱辣辣既肥薯條～soooooooo gooodddd - Spaghetti Cabonara: 意粉夠彈牙，每一啖都充滿蛋香味 - Oldish All Day Breakfast: 分量大，每樣食物都好味 - Jasmine Chocolate: 拉花好靚，可惜既係有少少過甜- Mocha: 拉花又係好有心思，甜度ok! 可以再encore 呢間餐廳食物美味，分量大，環境靚，service 好，一定會再幫襯…Read More

今晚去旺角行下，行完一行四人就搵野食...朋友突然話不如試下村爺爺。好啦！一於去試下！去到差唔多8:45pm，等左一陣就有位啦！見牆上貼滿剪報，介紹呢度既龍蝦湯泡飯，睇黎係必試菜式，就叫黎試試！- 極上海鮮龍蝦湯泡飯：湯底應該係用蝦殼、貝類海鮮等煲出黎既，鮮味濃郁，反而冇咩龍蝦味。湯入面有好多蜆仔肉，兩隻青口，一舊墨魚仔，幾隻墨魚圈同一隻帶子。將另上既白飯倒入湯入面，夾埋一齊食，係幾鮮幾好味既！- 炸魚皮：加$7可以有一碗仔魚皮，大既有兩三舊...其餘都係碎既細細舊。放落湯度食，係幾似打邊爐，幾好食既。- 上湯菜心：冇特別- 黑毛豬片拼墨魚圈 & 墨魚手指拼魚腐：分量比預期中少，又唔係咁好食！下次可以唔叫！同行朋友叫左個「和牛油滷水牛筋牛肋條飯」，牛筋分量比牛肋條多，味道亦好普通，下次可以唔叫。湯飯食完冇好口渴下次再黎食，都只係會叫「龍蝦湯」泡飯！…Read More

今日同朋友仔專登黎試下近期hit 爆既華嫂～6:30pm 左右去到，竟然冇人排隊喎！唔使睇餐牌啦！Order 最人氣既食物啦！- 豬扒雞翼蕃茄湯通：蕃茄湯好濃味...頭幾啖都ok，但越食越覺得鹹 雞翼就鹹到食唔落。反而豬扒有驚喜，鬆軟入味- 鮮奶油多：普普通通- 招牌芝士鹹牛肉蛋豬仔包：呢個最好食！麵包脆，鹹牛肉分量適中，唔會過多而令到個包過鹹。隻蛋係精髓，流心蛋黃令到個包更香更有層次。- 凍檸茶：一般水準- 熱話梅柑桔：話梅味好香，但太甜未必再去lu~…Read More

今晚同家人晚飯～一行四人去試下呢間辣蟹舫！叫左個商務套餐($780) 再加多個黃金豆腐 ($58)先黎個黃金豆腐：皮脆內軟 再黎商務套餐，套餐包左以下咁多樣野食：- 豉汁炒蜆：冇沙，好夠火喉 - 避風塘炒蟹：叫左微辣，有兩隻大蟹鉗，5-6舊蟹身，一個蟹蓋。套裝黎講，份量算多，蟹蓋有膏，可惜既係蟹肉唔夠實，少少水。對於一間以食避風塘炒蟹出名既餐廳黎講，係令人失望既- 子薑欖角蒸骨腩：子薑好出色- 藥膳蒸鮮雞：真係唔係冰鮮雞！有陣好香既藥材味 - 飛天芥蘭煲：好香咸魚味！肉碎就咁食有啲咸！如果加埋配白飯就一流- 蟹油銀芽炒麵：唔係好食到蟹油味！不過炒麵非常乾身，唔會食到一口油！加埋店內自家制辣油…Read More

今日lunch time 又係西環搵食～未夠1點黎到，已見到門口有大約十人等位！心諗真係咁好食？係門口等緊既時候，有個姐姐出黎幫我地落單！咁我就試下個「蝴蝶腩+魚蛋+墨丸米」！等左大約十分鐘就可以入去，坐低兩三分鐘啲野食就到～飲下個湯先.....oh! 好胡椒味....飲一啖，成身暖晒，啱晒呢啲剛剛轉涼既天氣^^蝴蝶腩：好冧，有啲似煲湯果啲豬展肉魚蛋：好彈牙，有魚味墨丸：冇咩特別！可以不叫🙊食粉麵必定要加辣椒油！試下佢啲辣椒油得唔得先～一匙羹辣椒油+少少魚露 嘩！啲辣椒油又香又夠辣！好正🤤三餸米total $34我仲加左炸魚皮($12)，放落湯度食！…Read More

今日趁Lunch time約左班同事去試下西環一間出名燒鵝脾既舖頭..聽聞會由11點開始排長龍，心諗我地依d放一點飯既打工仔唯有搏一搏。點知無人排喎係一心諗住叫出晒名既燒鵝脾瀨粉，要求鵝脾另上果時，個店員話冇得另上，咁我唯有改叫跟飯啦，咁先唔會令到隻鵝脾塊脆皮浸淋晒架麻。鵝脾飯大約都有4-5舊肉皮唔夠脆肉係算幾滑（脾位）可惜欠缺鵝油香味羅食完之後仲要覺得非常口渴$90 黎講...實在太貴喇唔會再有下次了…Read More

食物質素頭盤蕃茄湯: 好濃，蕃茄味好出 Caesar Salad: D 菜幾FRESH...個醬汁不錯主菜牛扒: 可以 Fish fillet: 太淋, 冇魚味Pasta: 太硬甜品疑似聖誕布甸+Vanilla 雪糕: 正常，冇特別 餐飲檸檬茶: 係冇味既另一有關SERVICE 事件17號朝早打左去呢間餐廳訂位，21號lunch time 9 位。去之前已有餐廳職員打來confirm booking，心想lunch time 都會confirm booking...Service 都幾好喎...點知一去到先出事.....打來confirm booking 既果位餐廳職員將reserve 俾我地既9位既長枱俾左另一班顧客 (同樣9位)…原來餐廳職員係安排入座時，冇核對番姓名&電話，佢"以為" 係同一班人，於是就俾左張長枱佢地。至於我地呢9位，就被迫要分開兩張枱 (一張5位, 一張4位咁分)...仲要係遠距離果隻，根本冇辦法可以傾到計 我同餐廳職員講....咁樣既arrangement 係完全unacceptable，佢只係reply "I understand your feeling" ，但完全冇諗住offer 其他options。我見靠窗位置坐左兩位女士，就同餐廳職員講，你可唔可以嘗試問下果兩位女士介唔介意move 去張4人枱。佢問都冇問就話“they have not finished their lunch”。間餐廳有咁既服務態度，D野幾好食都唔會想再幫襯啦!  …Read More