jj_cc_gd's Profile

今日跟朋友食午餐，佢話每次經過都多人排隊，想去試下如何？今日約兩點到，可能剛過lunch time，僅等兩、三分鐘就入得。我揀了牛肉湯麵餐，加了泡菜餃子，套餐價$88。但上枱時，還附上兩款（泡菜、白蘿蔔）前菜，及一份紫菜飯（免費）。因為碗麵份量都多，我食晒啲餃子和麵都好飽，個湯麵啲牛肉都多，好淋，而湯的顏色較淺，其實品道濃郁，味道不俗。至於個紫菜飯，我就外賣盒拎走。其實餐牌食品款式唔多，但我見其他食客的食品，一樣份量十足！我覺得食過就算，正常，可能我不是韓式食品狂熱者。但若要排太耐，我就唔會考慮😊總體乜都有，算抵食😀:)…Read More

日前去中環AIA遊樂場，事前隨友人去食老撾菜。其實老撾菜，跟泰菜和越南菜差唔多，我最終揀咗牛三寶湯米粉，和一份芝麻糕。先講個牛三寶米粉，集牛腩、牛肉和牛丸，餸和米粉的份量都多，米粉係用全白米造，食晒一碗都好飽。味道不錯，同越南牛肉粉差唔多，都附埋啲香葉。至於，個芝麻糕好香，喜歡芝麻嘅朋友一定鍾意食。雖然係樓上舖，但見食客都不少！間餐廳食品踏實，價格相宜！我會再幫襯☺️☺️☺️…Read More

每次經過呢間炸雞店，都香味四射，間中都會幫棐！日前見有周年優惠，大size炸雞$43，現優惠$34，即時買了份塔香炸雞及墨魚丸，合共$58。當日都有不少人買，所以等足10多分鐘，新鮮即炸出來，由於熱辣辣，所以要隔一陣先食。墨魚丸中間有墨魚，相當有咬口。至於佢嘅招牌炸雞，今次係塔香口味，所以比較濃郁，有別於平時食開的蒜香炸雞，雖然都好食，但我發現都是喜歡蒜香口味多啲。趁減價，我會再食多次手😋😋😋…Read More

平日普通去商場foodcourt 嘅餐廳食鐵板燒，普通牛扒加龍蝦都三、四百蚊人頭，味道不過不失，心理上會覺得食鐵板燒係盡！但日前朋友生日，想食鐵板燒，咪上網搵，最終揀了這間位於交通方便嘅旺角鬧市，嘅樓上鋪。我哋膽粗粗上去，去到見有兩款餐牌，結果揀了個貴啲啲嘅，見有12款食物，$1288/兩位，平均連加一，約七百元一個人頭，所以去馬！現場環境唔大，我哋坐bar枱，見到廚師煮嘢，成日聞到香味，自然食慾大增！整個餐食足成兩個鐘，又鮑魚、龍蝦、和牛、帶子、生蠔等，全都好新鮮足料，我哋都覺得好抵食！仲有要謝嗰個爵士螺頭湯，第一次飲，好有蜜瓜嘅清香鮮甜😉，喜出望外！臨尾仲食埋個西班牙焦糖燉蛋，原來係餐廳自家製造！整頓飯相當滿意👍原來中午有一人餐，我下次打算一個人去食，應會chill啲☺️…Read More

日前，有朋友相約聚會，由於當日天朗氣清，朋友揀咗坐露天！我第一次到呢間餐廳，一見到開揚嘅景觀，已感心曠神怡。至於室內環境一樣高雅舒適，兩種feel🥰由於當時未齊人，我先點杯Moctail🍹坐住等，睇住天色慢慢變黑，打卡一流！其後朋友們前來，大家收工都肚餓，亂點大堆嘢食，如：和牛他他、鮮魚片、串燒、芝士+火腿拼盤、辣肉腸大蜆意大利粉、澳洲M5和牛西冷牛排等，大家share食，質素相當不錯！我初嘗和牛他他，原來生牛肉好鮮味，喜出望外，生魚片帶柚子味，相當提鮮！我最愛是沙嗲和牛扒，沙嗲愈有雞和豬，份量十足，愈食愈惹味！至於牛扒，朋友喜歡五成，我愛偏熟，試了一口，牛味充分！整體僵格合理，店員都有禮貌體貼，我和朋友都好滿意，下次朋友聚會再來encore👏👏👏…Read More

每次入去大埔慈山寺，參觀過後，必坐車回大埔墟市中心嘅文興酒家開餐。自從食過佢招牌無骨鴨後（食過一次泰國鴨，更加出色），每次例牌一定會點無骨鴨及砂鍋炒飯，最鍾意佢嘅炒飯，炒得粒粒分明，香味十足。至於無骨鴨，未食都已經聞到陣陣香味，食落更加鬆軟可口。原味已經好好食，若加少少佢自家調製嘅醬，鮮味更加提升。食完堂食之後，我一定會再買多一份無骨鴨外賣返屋企，唔需要擔心凍咗嘅問題，因為返到屋企食，雖然隔咗一陣時間，依然好香好好味。每一次都好滿足，唔會令你失望。…Read More

呢間餐廳，喺青衣城開咗幾個月，之前食過兩次晚餐，質素唔錯，最鍾意個咖喱。今早有時間，所以去咗試佢嘅泰式早餐，點左一個泰式冬陰功豬扒金邊湯粉，一杯熱檸水，不用加一，$41。由於環境舒適，入座時都有八成客滿。當我一收到食物，先試咗個冬陰功湯底，酸酸辣辣， 十分惹味，而豬扒煎得香口，惟獨未夠酥軟！整體食得開心愉快，雖然款式未夠快餐甜繽紛，但總算有一個冬陰功湯底嘅早餐，我就覺得滿意🥰🥰🥰下次再食，我都會再點呢個餐。…Read More

難得在邨內開間粉麵店，邨內巿民反應熱烈，成個星期都多人光顧！我七日內兩度去食，首日幫襯時，牛腩、河粉賣晒，只食了紫菜四寶粉，唯湯底偏咸，味道不過不失，始終第一日經營，拿捏不準，情有可原。事隔六日，我又去食，點了牛三寶（牛肚、牛勪、牛腩）米線，分量十足，湯底正常，不咸，$47元一碗，食完都好夠飽！由於外賣單不少，現場食快啲！希望呢間店繼續努力，讓邨內巿民多個選擇🙏🏻🙏🏻😙…Read More

今日在朋友介紹下，首次去咗呢間文青餐廳，內裏環境好大，坐得舒服，有幾個位仲有營帳，好多打卡位，不但啱文青，原來亦都可以帶寵物去，係pet friendly restaurant！講完環境，都要講吓食物，佢哋推崇生酮低醣嘅健康飲食，我同朋友分別點咗生酮全日早餐、香煎三文魚配牛油果有機沙律及蕃茄長通粉，飲品方便則點咗Cappuccino (配杏仁奶）、抹茶拿鐵及冷檸茶，甜品則有乳酪碗！每個主食份量都充足，食品都中規中矩，由於是健康餐，食落冇加味精😃飲品都合格，拉花都拉得靚！食埋甜品都超飽！疫情下，坐位相隔遠，一路食一路hea，都相當安心！終於喺荃灣搵到個好hea嘅地方😋😋😋…Read More

早前，朋友介紹我食俄羅斯蛋糕。其實我不是一個嘗甜的人，都唔知西方蛋糕🍰侓要分唔同國家，適逢上月跟朋友相聚賀聖誕，貪得意訂一個試下！當日，我買咗個最傳統嘅蜂蜜蛋糕🧁，仲特登去店到攞（因為可以慳運費），見到裏面係俄羅斯人人手在整蛋糕🍰，貨真價實😃！店員好好，仲用咗紅色聖誕🤶盒包裝，好有節日氣氛。不過，講返重點，包裝其次，味道先係重點，去到朋友家，我打開個盒，蛋糕嘅牛油和蜜糖香滿布，食落唔甜，好香又脆口，我平時食蛋糕只是淺嚐，但當日卻不停添食！而在場朋友同樣激讚，覺得好好食😋我覺得俄羅斯蛋糕係「實而不華」，雖然表面冇出面啲蛋糕咁花巧亮麗，但佢哋質素真係十分高，食落足料，真係要食過先知，我真心會encore😀…Read More

日前路經中上環，行經這間意大利餐廳，之前聽過朋友光顧過荃灣嗰間，口評不俗，故我順便都去試下。當日時值四點幾，見佢有個$398嘅兩人afternoon set，原來仲係Fila 同餐廳嘅crossover，仲送fila coupon和箍臣，覺得好抵，所以就試吓！Tea set，頭嗰層有fila 指定蛋糕及一件自己揀嘅cake，中間係啲一口餅仔，最底是鹹點，當中包括鵝肝多士、Parma harm等！我自己較鍾意食鹹點，每樣都不錯。至於甜品，可能我唔係太鍾意食甜野，所以覺得一般。至於fila 指定嘅朱古力蛋糕，就相當惹味！飲品下面，可以飲咖啡或茶，我同朋友都揀咗個荔枝茶，幾清甜。現場有一大盞意大利運港嘅水晶燈，相當華麗，現場環境十分舒適，確實可以享受chill嘅下午😊😊😊…Read More

之前已堂食過佢嘅手撕雞撈麵，覺得ok!但今晚幫襯買焗豬扒飯，外賣有八折，附送埋例湯，合共$57。講返個焗豬扒飯，茶廳主力推介，我就首度一試！一返到屋企，我就急不及待打開，個飯辣辣，芝士味好香，十分之濃郁，邊食邊拉絲！而啲飯好淋，內裏嘅蕃茄汁和菠蘿，酸酸甜甜， 好開胃！其實我平日都好鍾意食快餐店嘅焗豬扒飯，今晚呢個可謂完勝👍👍👍…Read More

今日幫襯左十元七粒魚肉燒賣及十元两粒嘅脹爆豆卜，佢哋嘅自家醬油味出色，燒賣有啲似細個食嗰種魚肉燒賣，好彈牙😀！個豆卜內釀咗粒類似牛丸，感覺幾得意！兩樣都唔錯！當時見到店主ee整緊餐旦治，料好足，好似屋企整咁，下次再試下😌…Read More

就快新年，好多中菜都做團年飯！所以我同朋友，一行四人今晚慕名而來食西餐，貪不用等位，點知仲好有驚喜！我哋先點了兩個小食(包括:白酒煮藍青口、新奧爾良雞翼），繼而經侍應推介，再點了四個晚餐set(包括:波士頓龍蝦扁意粉、鐵板澳洲M5和肩肉、極尚吉列豬、法式燒春雞），基本上呢度嘅晚餐都好抵食，平均百二百三元左右（未計加一）我哋坐低一陣，侍應馬上送上餐湯，分別有忌廉湯同羅宋湯。我個人鍾意羅宋湯，因為味道濃郁，酸酸甜甜，比較開胃。我朋友就激讚忌廉湯，味道香醇。跟住就萬眾期待個龍蝦意粉，賣相出色，成隻龍蝦🦞上碟，分量十足，至於個意粉，軟硬適中，好入味，我見附近啲食客都多點呢個，非常認同係王牌。除咗龍蝦意粉，個鐵板牛肩肉都好吸引，一上枱就吱吱聲，要生要熟，自己都可以控制我比較鍾意食熟，所以就遲啲先食，但依然唔韌！啲食物份量，全部都唔細，特別係個極尚吉列豬扒同燒春雞，個吉列豬扒裏邊原來仲有芝士，所以一定要節食，一邊切一邊有少少芝士流出嚟，好惹味！個春雞，啲肉都嫩，旁邊又有啲沙律菜，變得好清新！整體都好滿意，店員態度又好好，價錢又唔貴！真心推介…Read More

第一次品嚐炭爐火鍋， 嗰日食嘅時候天氣得嗰九度，食火鍋正好取暖。現場都爆滿！炭爐係明火，不但坐埋響爐，特別亂笠笠；食起來更覺惹味！嗰日點了鮑魚、蟶子及海蝦（海鮮要提前訂），另外仲有花雕牛肉、本地手切牛肉、生蠔、魚片頭、炸油炸鬼、脆骨腩、及蔬菜等！基本上，除手切牛肉麻麻哋外，其他食物都不俗；不過經炭爐炮製，好似將食物提鮮，令好味指數增加。當晚共五個大人，由有飲啤酒（都有𢦓十幾枝），埋單一人約三百多元，相當抵食！…Read More