jklove0204's Profile

呢日早放工去做物理治療，完咗順勢拍拖食個晚飯🤭之前已經想食呢間Chatterbox cafe，見到唔算多人，即刻衝去拎位😆二人套餐有齊小食，主菜，蔬菜同飲品，小朋友才做選擇，我全都要😊小食揀左黑醬油炒蘿蔔糕(半份)黑醬油經過熱炒，令到啲蘿蔔糕有少少嘅焦糖香辣，呢個味道非常特別，surprisingly好食👍🏻主菜當然係有招牌菜 - 文華海南雞飯，同埋老公最愛嘅肉骨茶(不過今次係麵底)🤣雞肉嫩滑不在話下，配上三款靈魂醬汁：黑醬油，薑蓉同祕製辣椒醬，各有風味；另有香而不過分油膩既香米飯同美味清香既雞湯，果然係signature dish 🤤呢個係白胡椒肉骨茶，有濃濃嘅白胡椒同蒜頭香味，比較適合香港人既口味。同平時食開馬來西亞版嘅味道好唔同。有原粒蒜頭俾你㗎蔬菜揀咗蠔油小棠菜飲品我地要咗雜莓茶同錫蘭奶茶好滿足嘅一餐晚飯😌…Read More

喺朗豪坊行完街就嚟咗呢間之前喺荃灣食唔到嘅蘇媽蘇媽，餐廳位處文物保育兼在旺區入面有些兒時陳設，勾起兒時回憶。室內環境尚算寬敞，樓底高，空間感夠大。價格都適中，唔算好貴。甜品恐龍蛋，新品推介，最早上枱，次序有D倒轉； 不過少甜ok👌嘅，健康D紫菜肉鬆咖央多士，都係新品推介，要上枱時即刻趁熱食，隔多陣就會差少勒，椰香味略少咗D。檳城白咖喱海鮮麵（ 油麵)，都係新品推介，味道尚可，也不算好辣，ok好食😋。…Read More

今日有幸目擊金色不如帰在south side 開張及剪綵儀式，金色不如婦靈魂人物山本先生(左⼀)親自坐鎮金色不如帰採用開放式廚房，客人可以近距離目擊一碗拉麵的誕生。座位闊度，沒有壓迫感。室內裝修柔和為主，樓底非常高，舖頭內光明亮。餐前小食我地叫左涼拌黑松露甲紋墨魚，墨魚爽脆，煮得啱啱好，黑松露完全冇冚過墨魚本身嘅味道，強烈推介。另一款小食我哋試咗豚肉煎餃，外皮薄，餡多汁。嚟到梗係要試米芝蓮一星嘅拉麵。今日係第一日開張，現場有山本先生親自下廚嘅貝汁醬油拉麵試食。米芝蓮一星好評，貝汁醬油拉麵，味道平衡得非常好，必食！因為試左貝汁醬油拉麵，所以今次另外叫貝汁鹽味拉麵。味道令人眼前一亮，先飲一啖未加黑松露嘅湯，味道濃郁，飲完一陣之後，冇好鹹好油嘅感覺，慢慢生出一浸淡淡嘅海鮮味。加入咗黑松露之後成個湯又昇華到去另一個層次。一碗拉麵兩種享受！另一份我哋試咗個季節限定，天婦羅盛合冷麥麵，天婦羅脆薄但不油膩，特別炸蠔，鮮甜。面爽口，汁由山本先生親手調配，味道有水果香味真係值得去⼀試再試。…Read More

今日難得放假，做下孝順女，帶埋媽媽一齊去食懷舊點心放題。之前已經好想book呢間輝哥私房菜，但係次次打去都話滿座，今次終於成功啦！未夠11點半去到，門口已經人頭湧湧。不過即使係咁，餐廳都盡量安排大家唔會坐到好迫，我同媽媽兩個人就坐張咁大嘅枱。點心放題主要分兩種，一種係可以出邊自己拎，另一種係落單嗌（多數係啲蒸品炒飯)。出邊拎嘅食物以小食為主，全部都有保溫裝置，唔怕放到凍冰冰。唔好以為點心放題就一定係Hea，落單嗌嗰啲個個都係落單先蒸，出到嚟新鮮滾熱辣。仲要件件都大大粒，皮薄餡靚，一啲都唔輸蝕。嘢飲除咗茶之外，仲有個凍櫃任你拎，任君選擇。原來喺Togetda book仲會有特別優惠添，https://bit.ly/3uHMVhR，下次要記住先。…Read More

呢日去接收工，經告士打道，原來都開左唔少西式小店，決定闖入其中一間試下。雖然已經過左happy hour，但係都先黎一杯glenfiddich on rock，久違既冰球🤩先黎一份煙三文魚葡萄柚石榴沙律，滿滿的都係羽衣甘藍🤩配上泰式沙律醬，好惹味又開胃👍🏻再黎一份小食，巴馬火腿蜜瓜捲。以為係新鮮蜜瓜，點知係精製既蜜瓜味爆珠，呢個好創新🤣最後一定要叫吸引咗我入嚟嘅主菜，pizza! 因為我見到一個好似意大利式嘅烤爐，好似好正宗咁🤩墨西哥雞肉及西班牙辣肉腸薄餅，薄批，墨西哥雞肉同西班牙辣肉腸配上墨西哥辣椒，黑橄欖，甜椒，洋蔥，水牛芝士和番茄醬，淨係數都覺得豐富🤣少少既拉絲，係基本野啦🤣…Read More

位於銅鑼灣希慎廣場嘅名館，以為好貴？非也。入到去係新派既中菜館，以廣東菜同上海菜為主。入面裝修好高級，但係餐牌竟然係難得有親民價錢，而且賣相精緻嘅中菜，全部都igable!!!👍🏻前菜先黎一份京川汁秋葵，冷盤，冰涼爽脆，個汁有少少酸少少辣，吊起秋葵本身既清新味，亦為味蕾帶來享受。煙燻嫩滑妙齡鴿細細隻，皮脆香口，肉質嫩滑太極馬拉糕賣相係一個太極既圖案，用兩種味道既馬拉糕拼成，有原味同芝麻味。質地非常鬆軟，甜度亦剛剛好👍🏻京川手工滑餃子個汁同秋葵個汁一樣，非常好味。餃子亦絕不欺場，粒粒足料，啖啖滿足。花膠海皇魚翅撈飯人生第一次真係用魚翅撈飯🤩個飯仲突登整到成個飯焦波，有飯焦香亦唔怕啲飯浸淋晒，手工唔少野，絕對唔欺場。黃金蝦球大大舊，實實正，鹹蛋香，但亦食得出蝦既鮮味👍🏻…Read More

記得係米走雞初期開既時候，已經同朋友衝黎食左轉雞煲加火鍋，食到肚滿腸肥。今日再次光顧，未知係咪都一樣水準呢？由於上次黃金芝士雞煲後再打邊爐，食完覺得自己罪孽深重🤣所以今次都係嗌番麻辣雞煲算，辣度任君選擇💁🏻‍♀️雞煲上枱後，姐姐幫你炒兩炒，再加個火落去，名符其實既火焰麻辣雞煲，賣相一流👍🏻份量亦十足，小size既雞唔知點解食極都仲有🤣食住雞煲就睇下有咩火鍋料想食，有個窩心位係有半份呢個選擇!!!呢個對於我哋兩個食得唔多但係又鍾意打邊爐嘅人黎講，好重要，好重要，好重要!!!蜂巢冰豆腐麻辣邊爐必備，不過唔知點解好搞笑地食咗兩件豆腐之後，成個鍋好似變咗唔辣咁🧐日本廣島蠔$88有6隻大大隻，放落湯煮熟之後都冇乜縮細到，仲有啲鮮味👍🏻鮮制五拼餃粒粒都真材實料，食完根本食唔落其他野🤣娃娃菜有菜味，係基本啦🤣竹笙墨魚滑好特別嘅口感！外皮爽脆，內裏彈牙😲豬粉腸呢個我冇食，不過朋友表示爽脆嫩滑👍🏻…Read More

平日比較少行去白沙道同蘭芳道嗰邊，sogo同times square直行直過🤣今日難得兜左入去，發現條街好多新既食肆小店，聽到呢間播住泰文歌就衝左入去。睇一睇餐牌，小店比起大集團餐廳選擇當然無咁多，不過夠就得啦😊嗌完之後啲野食秒速上左😲卜卜蜆冬蔭公湯麵雖然係冬蔭公湯，但係唔算好辣，而且湯底已經包左蝦同青口，非常足料！泰式豬手呢個炆得好腍好腍好腍！連皮食個膠質係會痴咀🤩泰式炸蝦餅呢個相對比較一般，但係勝在新鮮即炸出爐，熱辣辣👍🏻泰式香茅斑蘭梳打特飲呢個超特別，令我捨棄平時最愛既椰青🤣大少表示有香茅同斑蘭味，出面街無架！…Read More

打邊爐既選擇，仲要係銅鑼灣，一定有好多，今次就去滿漢金鍋。一出𨋢見到一幅石屎流水牆，好似好有詩情畫意咁😊入到去見到啲位置都分佈得幾好，位置同位置之間空間好足夠，唔會太近，疫情呢啲時候距離係舒服既。揀好鍋底後，先黎調味料，六小瓶，有獨立匙羹，感覺衛生。呢度有套餐，亦有散嗌，豐儉由人。港式麻辣湯鍋麻辣味足，仲非常足料，越煲越有味👍🏻鮮牛肉件件都厚切，肉質厚實，唔會薄切渣流灘。自家製三寶餃原來最後只係得兩款餃，鮮蝦雲吞同墨魚韭菜，粒粒爽口彈牙，自家製係唔同啲。炸魚皮麻辣火鍋必備啦，唔係隔夜野，無油yick味。花甲王無沙係基本野啦，有啲都甜，不過辣鍋搶左啲味豬潤呢個我無食，不過朋友表示好食。…Read More

呢間店喺K11嘅時候已經好想試，而家搬咗過嚟Isquare，一樣咁方便🤗呢度主打清新健康田園風，仲要係superfood同有機食材，聽到都覺得健康💪🏻先黎一客餐飽，呢個唔係普通既甜餐包，食落有陣黑糖味🤤羽衣甘藍巴馬火腿西柚核桃沙律食沙律點可以唔叫我最愛既kale😍好清新👍🏻加左Parma ham同西柚帶出兩種風味。香煎日本頂級帶子配青瓜莎莎煎帶子，唔太生唔太熟，煎得剛剛好，一絲絲既帶子肉配上惹味既青瓜莎莎，絕對係開胃既餐前小食👍🏻青檸香草燒海鱸魚未見過如此多既配菜，咩顏色都有，營養角度直頭一百分💯唔止配菜出色，個海鱸魚個皮煎得香脆，肉質嫩，如果魚味再出啲就更正，好彩個汁吊下味👍🏻呢晚落大雨，嗌杯熱桃膠雪燕紅棗暖下個人，又可以滋潤養顏，一舉兩得。…Read More

一間想食好耐既餐廳，次次見到門口有一大堆人都被逼放棄🤷🏻‍♀️今日錯有錯著，大頭蝦行錯路，去到已經排到🤣yeah!入面滿滿的都是人呀。仲可以聽住kpop，睇住跳舞mv黎食野，個人好high呀🤩Maru祕製青口鍋有別於平時既白酒忌廉味，但係好惹味，食到停唔到口🤤果然係袐製👍🏻份量亦比出面平時咁上下價錢既多，好抵食👍🏻蜂蜜牛油秘製炸雞一份6件，好香口，但係一啲都唔油膩。最正係咬落去勁juicy，同時雞肉亦保持嫩滑，高水準👍🏻辣雞芝加哥pizza韓式pizza真係第一次試，比想像中厚身。一切開，滿滿既都係芝士，一拎起仲要有拉絲🤩以為9吋細細個？厚厚既芝士，食唔晒留兩塊第二日做lunch整番熱都咁飽咁惹味👍🏻呢餐真係好正，連平時腌尖到爆既大少都讚好食，下次真係要帶屋企人黎試下😊…Read More

依家雖然只係五月，但係已經熱到好似暑假咁🥵不期然令我有啲掛住泰國...今次嘅泰菜主角係位於愉景新城嘅Thai 2.0，呢度裝修有好多綠葉，俾人有園林中嘅感覺，最緊要光猛又乾淨企理。有二人套餐，又有得散叫，一睇就知二人套餐好抵啦👍🏻冬蔭公湯超足料👍🏻每人兩碗都仲有剩，仲要每人兩隻蝦！(放心，腸已挑😎）辣椒膏炒軟殼蟹平時食開炒蟹，第一次見係軟殼蟹，幾特別，個味都幾夾，無違和感。食既時候唔覺，食到尾有啲辣到出汗，爽呀🤩泰式鮮蝦炒金邊粉非常乾身，條條分明👍🏻仲好窩心咁分開左辣椒粉同花生粉👍🏻泰式炒雜菜好彩呢個唔係辣，做左個好好既中和效果，平衡一下刺激左成餐飯既味蕾🤣龍眼水落order時講左龍眼冰，要熱既，自己都想笑🤣甜甜地潤下個咀同胃，降下溫😛…Read More

韓燒，坊間有好多間，不過我多數都係黎喜來稀肉，貪佢一來分店多數係旺區，二來偏愛餐廳水泥牆較raw既裝修，三來當然係食物質素性價比高啦👍🏻今次去到旺角分店，好彩book左位，唔駛等好耐就入得。一坐低，已經有晒一枱前菜等緊，可以一路睇menu揀野一路食😛基本上護心肉係必嗌，佢係呢度既招牌菜，係豬既橫隔膜和肝之間，每隻豬只係得二百至三百克，極為矜貴。重點係，燒完之後油分唔多， 爽滑彈牙🤤另外就係喜來燒肉，送黎既時候拼成一朵玫瑰花咁既shape，見到個賣相已經心心眼😍呢款肉本來黎到已經調左味，肉質無護心肉咁嫩，但係用生菜包住醃泡菜同塊肉一齊食，好惹味👍🏻燒肉始終係油膩，嗌個雪濃湯平衡一下。奶白色既湯，但係有清清既牛肉味，暖胃舒服☺️食埋旁邊既爐邊蛋，有芝士同泡菜味，重點係無限refill👍🏻…Read More

疫情底下，想搵間餐廳安心坐低食下野，都變成一個好難實現既願望🙈呢日經過蘭桂芳，無左一貫既熱鬧，冷冷清清，好不習慣。見到呢間十二味係蘭桂芳既路口坐陣，都想入去支持下。舖頭樓面非常之中國風，店內裝修好有風格。民以食為天，呢個時候見到真係好係心聲...店舖用QR code睇餐牌，非常環保👍🏻亦減少接觸病菌嘅風險👍🏻口水雞一上菜口水雞顏色鮮艷奪目。花生，芝麻都會好多，令到口感多層次。麻味同辣味分都好出色。雞肉亦好嫩滑。整體亦唔會有好油膩嘅感覺。干扁四季豆炒到唔油膩又乾身比較少，但係佢地做得非常之好，豆非常之乾水而且就鑊氣。辣味冇冚過豆本身嘅味道，再加上豬肉碎非常入味，撈飯一流👍🏻蔥油拌麵麵一上到枱，就聞到蔥油嘅香味。麵本身嘅質地唔諗非常之有口感，而且視覺上成碗麵都唔係好油膩。但每條麵都掛滿蔥油嘅香味，香而不油膩👍🏻…Read More

疫情不知不覺，令我成年都無番過鄉下...😔唯有去日本野解下鄉愁。日本野， 故知然係食日本野啦😊餐牌有好多選擇，刺身丼飯鍋物串燒小食燒肉一應俱全，任君選擇。見到餐廳入面，10台有8台都有叫石燒吉列霜降牛小排定食，即係必嗌啦😊另外嗌多個三文魚籽呑拿魚碎丼飯止下刺身癮。呢個牛小排，不得了！一睇啲雪花紋就知係正野！食落去勁淋，肉味濃，油又香😋唔怪得之咁多人嗌，$178個set真係超值兼抵食👍🏻個丼飯就係general野，至少止一止到咳先🤗希望可發快啲番到鄉下啦🤗…Read More